ಮತ್ತಾಯ 24:43 - ಕೊಡವ ಬೈಬಲ್

⁴³ ಒರ್ ಮನೆರ ಎಜಮಾನಂಗ್ ಕಳ್ಳ ಎಕ್ಕ ಬಪ್ಪಾಂದ್ ಗೊತ್ತ್‌ಂಜತೇಂಗಿ ಅಂವೊ ವರಿಯತೆ, ಕಳ್ಳ ಮನೆರ ಒಳ್‍ಕ್ ನುಗ್ಗತನೆಕೆ ಮನೆನ ಕಾತಂಡಿಪ್ಪಾಂದ್ ನಿಂಗಕ್ ಗೊತ್ತುಂಡ್.

ಮತ್ತಾಯ 24:43 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 7:19

ನಾಡ ವಡಿಯ ಮನೇಲ್‌ ಇಲ್ಲೆ, ಅಂವೊ ದುಂಬ ದೂರತ್‌ರ ಜಾಗಕ್‌ ಪ್ರಯಾಣ ಮಾಡಿತ್.

ಮತ್ತಾಯ 14:25

ಪೊಲಾಕ ನೇರತ್ ಸುಮಾರ್‌ ಮೂಂದ್ ನಾಲ್ ಗಂಟೆಕ್ ಯೇಸು ನೀರ್‌ರ ಮೇಲೆ ನಡ್‌ದಂಡ್ ಶಿಷ್ಯಂಗಡ ಪಕ್ಕ ಬಾತ್.

ಮತ್ತಾಯ 20:11

ಅಯಿಂಗ ಆ ದುಡ್ಡ್‌ನ ಎಡ್‍ತಂಡ್ ಎಜಮಾನಂಗ್:

ಮತ್ತಾಯ 24:42

ನಿಂಗಡ ಒಡೆಯ ಎಕ್ಕ ಬಪ್ಪಾಂದ್ ಗೊತ್ತಿಲ್ಲತಗುಂಡ್, ಎಚ್ಚರವಾಯಿತಿರಿ.

ಮತ್ತಾಯ 24:44

ಆನಗುಂಡ್ ನಿಂಗಳು ತಯಾರಾಯಿತಿರಿ. ಎನ್ನಂಗೆಣ್ಣ್‌ಚೇಂಗಿ ನಿಂಗ ಗೇನ ಮಾಡತ ಸಮಯತ್‍ಲ್ ಮನುಷ್ಯಕುಮಾರ ಬಪ್ಪ.

ಮತ್ತಾಯ 25:10

ಅಯಿಂಗ ಎಣ್ಣೆ ಎಡ್‌ತ ಬಪ್ಪಕ್ ಪೋಯಿತಿಪ್ಪಕ ಮಂಗಲಕಾರ ಬಾತ್. ತಯಾರ್ ಆಯಿತ್ಂಜಯಿಂಗ ಅಂವೊಂಡ ಕೂಡೆ ಮಂಗಲತ್‍ರ ಮನೆಕ್ ಪೋಚಿ; ಅಲ್ಲಿಂಜ ಪಡಿ ಇಟ್ಟ್‌ರ್‌ತ್.

ಮತ್ತಾಯ 25:13

ಅನ್ನನೆ ಆ ದಿನವು ಸಮಯವು ನಿಂಗಕ್ ಗೊತ್ತಿಲ್ಲತಗುಂಡ್, ಎಚ್ಚರತ್ ಇರಿ.

ಮಾರ್ಕ 13:35

ಅನ್ನನೆ ನಿಂಗಳು ಎಚ್ಚರವಾಯಿತಿರಿ, ಎನ್ನಂಗೆಣ್ಣ್‌ಚೇಂಗಿ, ಮನೆರ ಎಜಮಾನ ಬಪ್ಪದ್ ಬೈಟಾಕು, ಅಥವ ನಡ್‌ಪಾದ್ರೆ ಆಕು, ಅಥವ ಪೊಲಾಕ ಮಲ್ಲಂಗೋಳಿ ಕೂವ ನೇರಾಯಿತಿಕ್ಕು, ಅಥವ ಪೊಲಾಕ ಆಯಿತಿಕ್ಕು. ಎಕ್ಕ ಬಯ್ಯಕ್ ವಾಪಸ್ ಬಪ್ಪ ಎಣ್ಣಿಯಂಡ್ ನಿಂಗಕ್ ಗೊತ್ತ್‌ಲ್ಲೆ.

ಮಾರ್ಕ 6:48

ಗಾಳಿ ಜೋರಾಯಿತ್ ಅಯಿಂಗಕ್ ಎದ್‍ಕೆ ಬೀಜಿಯಂಡಿಂಜಗುಂಡ್, ಯೇಸುರ ಶಿಷ್ಯಂಗ ದೋಣಿನ ಕಷ್ಟತ್‍ಲ್ ನೂಕಿಯಂಡ್ ಇಂಜಾನ ಯೇಸು ಕಂಡತ್. ಯೇಸು ಆ ಶಿಷ್ಯಂಗಡ ಪಕ್ಕ ಪೊಲಾಕ ನೇರತ್ ಒರ್ ಮೂಂದ್ ನಾಲ್ ಗಂಟೆಕ್ ನೀರ್‌ರ ಮೇಲೆ ನಡ್ಂದ್ ಬಂದಂಡಿಂಜತ್. ಅಂವೊ ಅಯಿಂಗಳ ದಾಟಿ ಪೋಪನೆಕೆ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:38

ಅಂವೊ ಬಪ್ಪದ್, ನಡ್‌ಪಾದ್ರೆ ನೇರ ಆಯಿತಿಕ್ಕು ಅಥವ ಪೊಂಬೊಳಕ್ ನೇರತ್‍ರ ಚೆನ್ನ ಮಿಂಞಕ್ ಆಯಿತಿಕ್ಕು. ಆಚೇಂಗಿ, ಎಕ್ಕ ಬಾತೇಂಗಿಯು ಅಂವೊಂಗಾಯಿತ್ ತಯಾರಾಯಿತುಳ್ಳ ಆಳ್ಂಗಕ್ ಅಂವೊಂಡಿಂಜ ವಿಶೇಷ ದಯೆ ಇಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:39

ನಿಂಗಕ್ ಗೊತ್ತಿರಡ್, ಕಳ್ಳ ಎಚ್ಚಕ್ ನೇರ‌ಕ್ ಬಪ್ಪಾಂದ್ ಆ ಮನೆರ ಎಜಮಾನಂಗ್ ಗೊತ್ತ್‌ಂಜತೇಂಗಿ, ಆ ಕಳ್ಳ ಮನೇಯಿಂಜ ಕಟ್ಟಂಡ್ ಪೋಪಕ್ ಬುಡುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:36

ಆನಗುಂಡ್, ಇನ್ನನೆ ನಡ್‍ಪಕುಳ್ಳ ಕಾರ್ಯತ್ಂಜ ನಿಂಗಳ ಕಾಪಾಡ್‌ವಕಾಯಿತ್ ಎಕ್ಕಾಲು ತಯಾರಾಯಿತ್ ಎಲ್ಲಾ ಸಮಯತ್‍ಲ್ ಪ್ರಾರ್ಥನೆ ಮಾಡಿಯಂಡ್ ಇರಂಡು. ಅಕ್ಕ ಮನುಷ್ಯಕುಮಾರಂಡ ಮಿಂಞ ಯೋಗ್ಯತೆ ಉಳ್ಳಯಿಂಗಳಾಯಿತ್ ನಿಪ್ಪಕ್ ಕಯ್ಯು.

ಪ್ರಕಟನೆ 16:15

ನೋಟಿ! ನಾನ್ ಕಳ್ಳ ಬಪ್ಪನೆಕೆ ಬಪ್ಪಿ. ಞಾಣ ಆಪನೆಕೆ, ಬೆತ್ತಲೆಯಾಯಿತ್ ಇಕ್ಕತೆ, ಎಚ್ಚರತ್‍ಲ್ ಇಂಜಂಡ್ ತಾಂಡ ಬಟ್ಟೇನ ಕಾಪಾಡ್‌ವಂವೊ ಆಶೀರ್ವಾದ ಪಡ್ಂದಂವೊ.

ಪ್ರಕಟನೆ 3:3

ಆನಗುಂಡ್, ನೀನ್ ನನ್ನಿಂಜ ಎಂತದ್‍ನ ಪಡ್ಂದಿತುಳ್ಳಿಯ, ಎಂತಾನ ಕ್‍ೕಟಿತುಳ್ಳಿಯ ಅದ್‍ನ ಗೇನ ಮಾಡ್. ಅದ್ಂಗ್ ತಗ್ಗಿತ್ ನಡ್‌ಂದಿತ್, ಪಶ್ಚಾತಾಪ ಪಡ್. ನೀನ್ ಎಚ್ಚರ ಎಡ್‍ಕತೆ ಪೋನಕ, ಒರ್ ಕಳ್ಳ ಬಪ್ಪನೆಕೆ ನಾನ್ ನೀಡ ಮೇಲೆ ಬಪ್ಪಿ; ನಾನ್ ಬಪ್ಪ ಸಮಯ ನೀಕ್ ಗೊತ್ತಾಪುಲೆ.