ಮತ್ತಾಯ 24:31 - ಕೊಡವ ಬೈಬಲ್

³¹ ವಾಲಗತ್‍ರ ಬಲ್ಯ ಸದ್ದ್‌ರ ಕೂಡೆ ಅಂವೊ ತಾಂಡ ದೇವದೂತಂಗಳ ಅಯಿಪ. ಅಯಿಂಗ ಅಂವೊ ಗೊತ್ತ್ ಮಾಡಿತುಳ್ಳಯಿಂಗಳ ಬಾನತ್‍ರ ಒರ್ ಮೂಲೆಯಿಂಜ ಇಂಞೊರ್ ಮೂಲೆಕತ್ತನೆ ನಾಲ್ ದಿಕ್ಕ್‌ಯಿಂಜಲೂ ಕೂಟ್‌ವ.

ಮತ್ತಾಯ 24:31 ပူးပေါင်းရင်းမြစ်များ

ಮತ್ತಾಯ 13:41

ಮನುಷ್ಯಕುಮಾರ ದೇವದೂತಂಗಳ ಅಯಿಪ. ಅಯಿಂಗ, ಅಂವೊಂಡ ರಾಜ್ಯತ್‍ಲ್, ಜನಳ ಪಾಪತ್‍ಲ್ ಬೂವನೆಕೆ ಮಾಡ್‌ವಯಿಂಗಳ ಪಿಂಞ ಮೋಸಮಾಡ್‍ವಯಿಂಗಳ ಗುಡ್ಡೆ ಕೂಟಿತ್,

ಮತ್ತಾಯ 24:22

ಆ ದಿವಸತ್‍ನ ದೇವ ಕಮ್ಮಿ ಮಾಡತೆ ಇಂಜತೇಂಗಿ ದಾರೂ ಬದ್‌ಕ್‌ಲೆ. ಆಚೇಂಗಿ, ದೇವ ಗೊತ್ತ್ ಮಾಡಿತುಳ್ಳ ಮಕ್ಕಕಾಯಿತ್ ಆ ದಿವಸತ್‍ನ ಕಮ್ಮಿ ಮಾಡ್‌ವ.

ಮತ್ತಾಯ 24:24

ಎನ್ನಂಗೆಣ್ಣ್‌ಚೇಂಗಿ, ಕಳ್ಳ ಕ್ರಿಸ್ತಂಗ ಪಿಂಞ ಕಳ್ಳ ಪ್ರವಾದಿಯಂಗ ಬಂದಿತ್, ಕಯ್ಯುವೇಂಗಿ ದೇವ ಗೊತ್ತ್ ಮಾಡಿತುಳ್ಳಯಿಂಗಡ ನಂಬಿಕೇನ ಕೆಡ್‍ತ್‌ವಕ್ ವಂಚನೆ ಮಾಡ್‌ವನೆಕೆ ಗುರ್‌ತ್ ಕಾಟಿತ್ ಆಶ್ಚರ್ಯ ಕಾರ್ಯತ್‍ನ ಮಾಡ್‌ವ.

ಮತ್ತಾಯ 24:32

ಅತ್ತಿ ಮರ ನಿಂಗಕ್ ಒರ್ ಪಾಠ ಪಡಿಪ್‌ಚಿಡಡ್. ಆ ಮರತ್‍ರ ಕೊಂಬ್ ಪಚ್ಚೆ ಆಯಿತ್, ಚಿಗ್‌ರ್ ಎಲೆ ಬಪ್ಪಕ, ನಿಂಗಕ್ ಬೇನಿಕಾಲ ಬಪ್ಪಕಾಚೀಂದ್ ಗೊತ್ತಾಪ.

ಮತ್ತಾಯ 25:31

ಮನುಷ್ಯಕುಮಾರ ತಾಂಡ ಮಹಿಮೆಲ್ ಅಂವೊಂಡ ದೂತಂಗಡ ಕೂಡೆ ಬಪ್ಪಕ, ತಾಂಡ ಮಹಿಮೇರ ಸಿಂಹಾಸನತ್‍ಲ್ ಅಳ್‌ತಿತ್‌ಪ್ಪ.

ಮತ್ತಾಯ 28:18

ಯೇಸು ಅಯಿಂಗಡ ಪಕ್ಕ ಪೋಯಿತ್, ನಾಕ್ ಪರಲೋಕತ್‌ಲು ಬೂಲೋಕತ್‌ಲು ಎಲ್ಲಾ ಅದಿಕಾರ ನಾಕ್ ತಂದಿತುಂಡ್.

ಮಾರ್ಕ 13:27

ಅಂವೊ ತಾಂಡ ದೇವದೂತಂಗಳ ಬೂಲೋಕತ್‌ರ ಒರ್ ಮೂಲೆಯಿಂಜ ಇಂಞೊರ್ ಮೂಲೆಕತ್ತನೆ ನಾಲ್ ದಿಕ್ಕ್‌ಕ್ ಅಯಿಪಂಜಿ ದೇವ ಗೊತ್ತ್ ಮಾಡಿತುಳ್ಳಯಿಂಗಳ, ಕಾಕಿತ್ ಕೂಟ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:47

ಇಂಞು: ಯೆರೂಸಲೇಮ್ಂಜ ಎಲ್ಲಾ ದೇಶತ್‍ರ ಜನಕ್ ಪಾಪಕ್ಷಮೆ ಕ್‍ಟ್ಟ್‌ವಕ್ ದೇವಡ ಪಕ್ಕ ತಿರಿಗಿತ್ ಬರಂಡೂಂದ್ ನಾಡ ಅದಿಕಾರತ್‍ಲ್ ಪ್ರಚಾರ ಮಾಡೀಂದ್ ಎಣ್ಣಿ ಕೊಡ್‍ತತ್.

ಯೋಹಾನ 11:52

ಯೆಹೂದ್ಯ ಜನಕಾಯಿತ್ ಮಾತ್ರ ಅಲ್ಲ, ಚದ್‌ರಿ ಪೋನ ದೇವಡ ಮಕ್ಕಳ ಒಟ್ಟ್ ಕೂಟಿತ್ ಒಂದಾಯಿತ್ ಮಾಡ್‌ವಕಾಯಿತ್ ಚಾವಾಂದು ಪ್ರವಾದನೆಯಾಯಿತ್ ಎಣ್ಣ್‌ಚಿ.

ರೋಮ್ 10:18

ಆಚೇಂಗಿ, ಇಸ್ರಾಯೇಲ್ ಜನ ಇದ್‍ನ ಕ್‍ೕಟಿತ್‌ಲ್ಲೆಯಾಂದ್ ನಾನ್ ಕ್‍ೕಪಿ; ಅಯಿಂಗ ಕ್‍ೕಟತ್; ಅಯಿಂಗ ಎಣ್ಣ್‌ನ ವಾಕ್ಯತ್‍ರ ವಾಣಿ ಲೋಕತ್‍ಲ್ ಎಲ್ಲೆಲ್ಲಿಕು ಪೋಚಿ, ಪಿಂಞ ಲೋಕತ್‍ರ ಆಕೀರ್‍ಕತ್ತನೆ ಪೋಚೀಂದ್ ಉಂಡ್.

1 ಕೊರಿಂಥ 15:52

ವಾಲಗತ್‍ರ ಸದ್ದ್ ಕ್‍ೕಪದು ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚಿತ್ ಚತ್ತಯಿಂಗ ಎಲ್ಲಾ ಎದ್ದಿತ್ ಚಾವ್ ಇಲ್ಲತ ತಡೀಲ್ ಬಪ್ಪ; ಅಕ್ಕ ನಂಗಳು ಬದ್‍ಲಾಪ.

ಎಫೆಸ 1:10

ಅದ್ ಎಂತ ಎಣ್ಣ್‌ಚೇಂಗಿ, ಅಂವೊ ತೀರ್ಮಾನ ಮಾಡ್‍ನ ಕಾಲ ನೆರವೇರುವಕ, ಪರಲೋಕತ್‍ಲ್ ಪಿಂಞ ಬೂಲೋಕತ್‍ಲ್ ಉಳ್ಳ ಎಲ್ಲಾನ ಕೂಟಿತ್, ಕ್ರಿಸ್ತಂಡ ಅದಿಕಾರತ್‍ರ ಅಡಿಕ್ ಕೊಂಡ್ ಬರಂಡೂಂದ್ ಉಳ್ಳದ್‍ನ ದೇವ ಪೂರ್ತಿ ಮಾಡ್‌ವ.

1 ಥೆಸಲೊನೀಕ 4:16

ಎನ್ನಂಗೆಣ್ಣ್‌ಚೇಂಗಿ, ಅಕ್ಕ ಒಡೆಯನೇ ಪರಲೋಕತ್ಂಜ ಇಳಿಂಜಿತ್ ಬಪ್ಪ. ಅಕ್ಕ ಅಂವೊ ಬಲ್ಯ ಸ್ವರತ್‍ಲ್ ಹುಕುಮ್ ತಪ್ಪ, ದೇವಡ ಸೈನ್ಯತ್‍ರ ದೂತ ತಕ್ಕ್ ಪರಿಯುವ, ದೇವದೂತ ದೇವಡ ವಾಲಗತ್‌ನ ಊದ್‍ವ. ಆ ವಾಣಿನ ನಂಗ ಕ್‍ೕಪಕ, ಯೇಸುನ ನಂಬಿತ್ ಚತ್ತ್ ಪೋನಯಿಂಗ ಪುನಃ ಜೀವವಾಯಿತ್ ಆದ್ಯ ಎದ್ದಿತ್ ಬಪ್ಪ.

2 ಥೆಸಲೊನೀಕ 2:1

ಇಕ್ಕ ನೋಟಿ, ನಂಗಡ ಅಣ್ಣತಮ್ಮಣಂಗಳೇ, ನಂಗಡ ಒಡೆಯನಾನ ಯೇಸು ಕ್ರಿಸ್ತ ಪುನಃ ಬಪ್ಪಕುಳ್ಳ ವಿಷಯತ್‍ಲ್ ಪಿಂಞ ನಂಗ ಅಂವೊಂಡ ಪಕ್ಕ ಪೋಪಕುಳ್ಳ ವಿಷಯತ್‍ಲ್ ನಂಗ ನಿಂಗಳ ಬೋಡ್‍ವದ್ ಎಂತ ಎಣ್ಣ್‌ಚೇಂಗಿ:

ಇಬ್ರಿಯ 12:19

ವಾಲಗತ್‍ರ ಸದ್ದ್‌ರ ಕಡೆಯು, ಅಥವ ತಕ್ಕ್ ಪರಿಯುವ ಸದ್ದ್‌ರ ಕಡೆಯು ನಿಂಗ ಬಂದಿತ್ ಎತ್ತಿತ್‌ಲ್ಲೆ. ಆ ಸದ್ದ್‌ನ ಕ್‍ೕಟಯಿಂಗ ಇಂಞು ಮಿಂಞಕ್ ಅದ್‍ನ ನಂಗಕ್ ಎಣ್ಣುವದ್ ಬೋಂಡಾಂದ್ ಬೋಡ್‍ಚಿ.

ಪ್ರಕಟನೆ 1:20

ನಾಡ ಬಲ್‌ತೆ ಕೈಯಿಲ್ ನೀನ್ ನೋಟ್‌ನ ಏಳ್ ನಕ್ಷತ್ರತ್‍ರ ಮರ್ಮತ್‍ನ ಪಿಂಞ ಕುತ್ತ್ ಬೊಳ್‍ಚತ್‍ರ ಮರ್ಮತ್‍ನ ಒಳ್‍ದ್. ಆ ಏಳ್ ನಕ್ಷತ್ರ, ಏಳ್ ಸಬೆರ ದೂತಂಗ; ನೀನ್ ನೋಟ್‌ನ ಏಳ್ ಕುತ್ತ್ ಬೊಳ್‍ಚ ಏಳ್ ಸಬೇಂದ್ ಎಣ್ಣ್‌ಚಿ.

ಪ್ರಕಟನೆ 11:15

ಏಳನೆ ದೇವದೂತ ವಾಲಗತ್‍ರ ಕೊಂಬ್‍ನ ಊದ್‍ವಕಾಪಕ: ಲೋಕತ್‍ರ ರಾಜ್ಯಂಗ ನಂಗಡ ಒಡೆಯಂಗು, ಅಂವೊಂಡ ಕ್ರಿಸ್ತಂಡ ರಾಜ್ಯವಾಯಿತು ಆಚಿ. ಅಂವೊ ಕಾಲಕಾಲಕು ರಾಜನಾಯಿತ್ ರಾಜ್ಯಬಾರ ಮಾಡ್‌ವಾಂದ್ ಪರಲೋಕತ್ಂಜ ಒರ್ ಬಲ್ಯ ಸದ್ದ್ ಕ್‍ೕಟತ್.

ಪ್ರಕಟನೆ 7:1

ಇದಾನ ಪಿಂಞ ಬೂಮಿರ ನಾಲ್ ಮೂಲೆಲ್ ನಾಲ್ ದೇವದೂತಂಗ ನಿಂದಂಡ್ ಬೂಮಿರ ಮೇಲೆ, ಸಮುದ್ರತ್‍ರ ಮೇಲೆ, ಏದ್ ಮರತ್‍ರ ಮೇಲೆಯು ಗಾಳಿ ಬೀಜುವಾನ ತಡ್‍ತಿತ್, ಬೂಮಿರ ನಾಲ್ ಗಾಳಿನ ತಡ್‍ತನೆಕೆ ಕಂಡತ್.

ಪ್ರಕಟನೆ 8:2

ಅಕ್ಕ, ದೇವಡ ಎದ್‍ಕೆ ನಿಂದಿತುಳ್ಳ ಏಳ್ ದೂತಂಗಳ ನಾನ್ ಕಂಡಿಯೆ. ಅಯಿಂಗಕೆಲ್ಲ ಏಳ್ ವಾಲಗ ಕೊಂಬ್ ಕೊಡ್‌ತಿತ್ಂಜತ್.