ಮತ್ತಾಯ 24:21 - ಕೊಡವ ಬೈಬಲ್

²¹ ಎನ್ನಂಗೆಣ್ಣ್‌ಚೇಂಗಿ, ಈ ಲೋಕತ್‍ನ ಸೃಷ್ಟಿ ಮಾಡ್‍ನ ಸಮಯತ್ಂಜ ಇಲ್ಲಿಕತ್ತನೆ ಆಯಿತಿಲ್ಲತ, ಇಂಞು ಮಿಂಞಕು ಆಕತ, ದುಂಬ ಹಿಂಸೆ ಅಕ್ಕ ಆಪ.

ಮತ್ತಾಯ 24:21 ပူးပေါင်းရင်းမြစ်များ

ಮಲಾಕಿ 4:1

ಇದಾ, ಕಡಾಯ ತೊಲೆ ತಿತ್ತ್‌ಲ್‌ ಕತ್ತ್‌ವನೆಕೆ ಒರ್‌ ದಿವಸ ಬಪ್ಪ. ಅಕ್ಕ ಆಂಗಾರಿಯ ಎಲ್ಲಾರು, ವಂಚನೆ ಮಾಡುವಯಿಂಗ ಎಲ್ಲಾರು ಒಣಂಗ್‌ನ ಎಲ್ಕಂಡರನೆಕೆ ಇಪ್ಪ. ಬಪ್ಪ ಆ ದಿವಸ ಅಯಿಂಗಳ ಚುಟ್ಟ್‌ರ್‌ವ. ಅದ್‌ ಬೇರ್‌ ಪಿಂಞ ಕೊಂಬ್‌ನ ಸತ ಅಯಿಂಗಕ್‌ ಉಳಿಕೆ ಮಾಡುಲೆ.

ಮತ್ತಾಯ 24:20

ನಿಂಗ ತಪ್ಪ್‌ಚಿಟ್ಟಂಟ್ ಪೋಪ ದಿವಸ ಕುಳ್‌ರ್ ಕಾಲವಾಯಿತ್ ಅಥವ ಸಬ್ಬತ್ ದಿವಸವಾಯಿತ್ ಇಪ್ಪದ್ ಬೋಂಡಾಂದ್ ದೇವನ ಪ್ರಾರ್ಥನೆ ಮಾಡಿಯೊಳಿ.

ಮತ್ತಾಯ 24:29

ಅಂದತ ಕಾಲತ್‍ಲ್, ಅಂತ ಸಂಕಟ ಕಾಲ ಆನ ಪಿಂಞ, ಸೂರ್ಯ ಇರ್‌ಟ್ ಆಪ, ಚಂದ್ರ ಬೊಳಿ ಕೊಡ್‍ಪ್‍ಲೆ. ಬಾನತ್‍ರ ಮೀನ್ ಅಡಿಕ್ ಬೂವ. ಬಾನತ್‍ರ ಪ್ರತಿಯೊರ್ ಶಕ್ತಿಯು ನಡ್‌ಗುವ.

ಮಾರ್ಕ 13:9

ನಿಂಗ ಎಚ್ಚರತ್‍ಲ್ ಇರಿ. ಅಯಿಂಗ ನಿಂಗಳ ನ್ಯಾಯಾಲಯಕ್ ಬಲ್‍ಚಂಡ್ ಪೋಯಿತ್ ಅಯಿಂಗಡ ಆಲೋಚನೆ ಸಬೇಲ್ ಒಪ್ಪ್‌ಚ್ಚಿಟಿತ್, ಅಯಿಂಗಡ ಸಬಾಮಂದಿರತ್‍ಲ್ ನಿಂಗಳ ಚಾಟಿಲ್ ಪೊಯ್ಯುವ, ನಾಡಗುಂಡ್ ಬಲ್ಯ ಅದಿಪತಿಯಂಗಡ ಪಿಂಞ ರಾಜಂಗಡ ಮಿಂಞತ್‍ಲ್ ನಾಡ ನಲ್ಲ ಸುದ್ದಿ ಎಣ್ಣ್‌ವಕಾಯಿತ್ ನಿಪ್ಪ್‌ಚಿಡುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:24

ಚೆನ್ನ ಜನಳ ಬಾಳ್‍ಕತ್ತಿಯಿಂಜ ಕೊಂದ್‌ರ್‌ವ. ಚೆನ್ನ ಜನಳ ಬೋರೆ ದೇಶಕ್ ಪುಡ್‍ಚಂಡ್ ಪೋಪ. ಯೆಹೂದ್ಯ ಅಲ್ಲತಯಿಂಗಡ ಕಾಲ ಕಡೆ ಅಪಕತ್ತೆನೆ, ಯೆರೂಸಲೇಮ್ ಅನ್ಯ ಜನತ್‍ರ ಅಳುವೆರಗುಂಡ್ ಪಾಳಾಯಿ ಪೋಪ.

1 ಥೆಸಲೊನೀಕ 2:16

ಯೆಹೂದ್ಯ ಅಲ್ಲತಯಿಂಗ ಯೇಸುನ ನಂಬಿತ್ ದೇವಡ ಮಕ್ಕಳಾಪಕ್ಕಾಗಾಂದ್ ಅಯಿಂಗ ಇನ್ನನೆ ಪ್ರಯತ್ನಪಟ್ಟಂಡುಂಡ್. ಆನಗುಂಡ್, ನಂಗ ಎಲ್ಲಿಕು ಪೋಯಿತ್ ದೇವಡ ತಕ್ಕ್ ಪರಿಯತನೆಕೆ ತಡೆ ಮಾಡಿಯಂಡುಂಡ್. ಅನ್ನನೆ ಅಯಿಂಗ ಅಯಿಂಗಡ ಪಾಪ ಪೂರ್ತಿ ಆಪನೆಕೆ ಮಾಡಿಯಂಡುಂಡ್; ದೇವಡ ಬಲ್ಯ ಚೆಡಿ ಅಯಿಂಗಡ ಮೇಲೆ ದುಂಬ ಬಂದಿತುಂಡ್.

ಪ್ರಕಟನೆ 16:18

ಅದಲ್ಲತೆ ಬಲ್ಯ ವಾಣಿ, ಬಲ್ಯ ಗುಡ್‍ಗ್, ಬಲ್ಯ ಮಿಂಚ್, ಮಹಾ ಬೂಕಂಪ ಉಂಟಾಚಿ. ಮನುಷ್ಯಂಗ ಬೂಮಿಲ್ ವಾಸ ಮಾಡ್‌ವಕ್ ಸುರು ಮಾಡ್‍ನ ಕಾಲತ್ಂಜ ಇನ್ನನೆ ಒರ್ ಬೂಕಂಪವು ಆಯಿತ್‌ಲ್ಲೆ, ಅಚ್ಚಕ್ ಬಲ್ಯ ಬೂಕಂಪವಾಯಿತ್ಂಜತ್.

ಪ್ರಕಟನೆ 7:14

ಅಕ್ಕ ನಾನ್: ಸ್ವಾಮೀ, ನೀಕೇ ಎಲ್ಲಾ ಗೊತ್ತುಂಡ್‍ೕಂದ್ ಎಣ್ಣಿಯೆ. ಅಕ್ಕ ಅಂವೊ: ಈಂಗ ಬಲ್ಯ ಹಿಂಸೆಯಿಂಜ ಬಂದಯಿಂಗ; ಈಂಗ ಅಯಿಂಗಡ ಬಟ್ಟೇನ ಕೊರಿಕುಟ್ಟಿರ ಚೋರೆಲ್ ನೆಲೆಚಿತ್ ಬೊಳ್‍ತದಾಯಿತ್ ಮಾಡ್‍ಚಿ.