ಮತ್ತಾಯ 23:8 - ಕೊಡವ ಬೈಬಲ್

⁸ ನಿಂಗಳ ದಾರೂ ಉಪಾದ್ಯನೇಂದ್ ಕಾಕ್‍ವಕ್ ಬುಡತಿ. ಕ್ರಿಸ್ತ ಒಬ್ಬನೇ ನಿಂಗಕ್ ಉಪಾದ್ಯನಾಯಿತುಂಡ್. ನಿಂಗ ಎಲ್ಲಾರು ಅಣ್ಣತಮ್ಮಣಂಗಳಾಯಿತುಳ್ಳಿರ.

ಮತ್ತಾಯ 23:8 ပူးပေါင်းရင်းမြစ်များ

ಮತ್ತಾಯ 10:25

ಒರ್ ಶಿಷ್ಯ ಉಪಾದ್ಯಂಡನೆಕೆ ಇಂಜತೇಂಗಿ ಮದಿ, ಅನ್ನನೆ ಒರ್ ಆಳ್ ಅಂವೊಂಡ ಎಜಮಾನಂಡನೆಕೆ ಇಂಜತೇಂಗಿ ಮದಿ. ಮನೆರ ಎಜಮಾನನೇ ಬೆಲ್ಜೆಬೂಲ್ ಎಂದ್ ಕಾಕ್‍ಚೇಂಗಿ, ಅಂವೊಂಡ ಮನೆಕಾರಳ ಇಂಞು ಎಚ್ಚಕ್ ಎಣ್ಣುವ?

ಮತ್ತಾಯ 17:5

ಪೇತ್ರ ಅನ್ನನೆ ತಕ್ಕ್ ಪರ್ಂದಂಡ್ ಇಪ್ಪಕಲೆ, ಒರ್ ಮಿನ್ನುವ ಮೋಡ ಅಯಿಂಗಳ ಆವರಿಚಿಟ್ಟತ್. ಇಂವೊ ನಾಡ ಕೊದಿರ ಮೋಂವೊ, ಇಂವೊಂಡ ಮೇಲೆ ನಾಕ್ ದುಂಬ ಕುಶಿ ಉಂಡ್, ಇಂವೊ ಎಣ್ಣುವಾನ ನಿಂಗ ಕ್‍ೕಳೀಂದ್, ಆ ಮೋಡತ್ಂಜ ಒರ್ ವಾಣಿ ಬಾತ್.

ಮತ್ತಾಯ 23:10

ನಿಂಗಳ ದಾರೂ ಗುರು ಎಣ್ಣಿಯಂಡ್ ಕಾಕ್‍ವಕ್ ಬುಡತಿ ಎನ್ನಂಗೆಣ್ಣ್‌ಚೇಂಗಿ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತ ಒಬ್ಬನೇ ನಿಂಗಕ್ ಗುರು ಆಯಿತುಂಡ್.

ಮತ್ತಾಯ 23:7

ಚತ್ತೆಲ್ ಎಲ್ಲಾರು ಮರ್ಯಾದೆ ಕೊಡ್‌ಕಡ್ ಎಣ್ಣಿಯಂಡ್, ಎಲ್ಲಾರು ಅಯಿಂಗಳ ಉಪಾದ್ಯನೇಂದ್ ಕಾಕಂಡೂಂದ್ ಅಯಿಂಗ ಆಸೆ ಪಡುವ.

ಮತ್ತಾಯ 26:25

ಕಾಟಿ ಕೊಡ್‍ಪಕುಳ್ಳ ಯೂದನು ಯೇಸುನ ನೋಟಿತ್, ಉಪಾದ್ಯನೇ, ನಾನಾಂದ್ ಕ್‍ೕಟತ್. ಅದ್ಂಗ್, ನೀನೇ ಎಣ್ಣಿತುಳ್ಳಿಯಾಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 26:49

ಉಪಾದ್ಯನೇ, ಯೂದ ಯೇಸುರ ಪಕ್ಕ ಬಂದಿತ್, ಉಪಾದ್ಯನೇ ನೀಕ್ ವಂದನೇಂದ್ ಎಣ್ಣಿತ್ ಅಂವೊಂಗ್ ಮುತ್ತ್ ಕೊಡ್‍ತತ್.

ಮಾರ್ಕ 10:51

ಯೇಸು ಅಂವೊನ ನೋಟಿತ್: ನಾನ್ ನೀಕ್ ಎಂತ ಮಾಡಂಡೂಂದ್ ಕ್‍ೕಟತ್? ಅದ್ಂಗ್ ಅಂವೊ: ನಲ್ಲ ಉಪಾದ್ಯನೇ ನಾಕ್ ಕಣ್ಣ್ ಕಾಂಬನೆಕೆ ಮಾಡ್‍ೕಂದ್ ಎಣ್ಣ್‌ಚಿ.

ಮಾರ್ಕ 11:21

ಪೇತ್ರಂಗ್ ಗೇನ ಆಯಿತ್: ಉಪಾದ್ಯನೇ: ನೀನ್ ಈ ಅತ್ತಿಪಣ್ಣ್ ಮರಕ್ ಶಾಪ ಇಟ್ಟನೆಕೆ ಮರ ಚತ್ತ್ ಪೋಚೀಂದ್ ಎಣ್ಣ್‌ಚಿ.

ಮಾರ್ಕ 14:45

ಯೂದ ಬಂದನೆಕೆ ನೇರ ಯೇಸುರ ಪಕ್ಕ ಪೋಯಿತ್, ಉಪಾದ್ಯಾಂದ್ ಎಣ್ಣಿತ್ ಮುತ್ತ್ ಕೊಡ್‍ತತ್.

ಮಾರ್ಕ 9:5

ಪೇತ್ರ ಯೇಸುನ ನೋಟಿತ್: ಉಪಾದ್ಯ, ನಂಗ ಇಲ್ಲಿ ಇಪ್ಪದ್ ನಲ್ಲದ್! ನಂಗ ಇಲ್ಲಿ ನೀಕ್ ಒರ್ ಗುಡಾರ, ಎಲೀಯಂಗ್ ಒರ್ ಗುಡಾರ, ಮೋಶೇಕ್ ಒರ್ ಗುಡಾರಾಂದ್ ಮೂಂದ್ ಗುಡಾರ ಮಾಡನಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:32

ಆಚೇಂಗಿ ನೀಕ್ ನಾಡ ಮೇಲೆ ಉಳ್ಳ ನಂಬಿಕೆ ಪಾಳಾಯಿ ಪೋಕತನೆಕೆ ನಾನ್ ನೀಕಾಯಿತ್ ಪ್ರಾರ್ಥನೆ ಮಾಡಿಯೆ. ನೀನ್ ಪಶ್ಚಾತಾಪ ಪಟ್ಟಿತ್ ಪುನಃ ನಾಡ ಪಕ್ಕ ಬಪ್ಪಕ ನೀಡ ಅಣ್ಣತಮ್ಮಣಂಗಳ ಸ್ತಿರಪಡ್‍ತ್‍ೕಂದ್ ಎಣ್ಣ್‌ಚಿ.

ಯೋಹಾನ 1:38

ಯೇಸು ಬಯ್ಯಕ್ ತಿರಿತ್ ನೋಟುವಕ ಅಯಿಂಗ ತಾಂಡ ಬಯ್ಯಕ್ ಬಪ್ಪದ್‍ನ ಕಂಡಿತ್, ನಿಂಗಕ್ ಎಂತ ಬೋಂಡೂಂದ್ ಕ್‍ೕಟತ್. ಅದ್ಂಗ್ ಅಯಿಂಗ: ಉಪಾದ್ಯನೇ, ನೀನ್ ಎಲ್ಲಿ ವಾಸ ಮಾಡಿಯಂಡ್ ಉಳ್ಳಿಯಾಂದ್ ಕ್‍ೕಟತ್.

ಯೋಹಾನ 1:49

ಅಕ್ಕ ನತಾನಯೇಲ: ಉಪಾದ್ಯ, ನೀನ್ ದೇವಡ ಮೋಂವೊ, ಇಸ್ರಾಯೇಲ್ ಜನತ್‍ರ ರಾಜಾಂದ್ ಎಣ್ಣ್‌ಚಿ.

ಯೋಹಾನ 11:8

ಅಂವೊಂಗ್ ಶಿಷ್ಯಂಗ: ಉಪಾದ್ಯನೇ, ಚೆನ್ನ ದಿವಸಕ್ ಬಯ್ಯ, ಅಲ್ಲಿ ಉಳ್ಳ ಜನ ನೀಡ ಮೇಲೆ ಕಲ್ಲ್ ಕನಿಪಕ್ ನೋಟಿಯಂಡಿಂಜತಲ್ಲಾ? ಅನ್ನನೆ ಇಪ್ಪಕ, ಪುನಃ ನೀನ್ ಅಲ್ಲಿಕ್ ಪೋಂಡುವಾಂದ್ ಕ್‍ೕಟತ್.

ಯೋಹಾನ 20:16

ಯೇಸು ಅವಳ ನೋಟಿತ್: ಮರಿಯಾಂದ್ ಕಾಕ್‍ಚಿ. ಅವ ಅಂವೊನ ತಿರಿತ್ ನೋಟುವಂಜಿ: ರಬ್ಬೂನೀಂದ್ ಎಣ್ಣ್‌ಚಿ. ಅದ್ಂಡ ಅರ್ಥ ಅರಾಮಿಯ ತಕ್ಕ್‌ಲ್ ಉಪಾದ್ಯನೇಂದ್ ಆಪ.

ಯೋಹಾನ 3:2

ಅಂವೊ, ಒರ್ ಬಯಿಟ್ ಯೇಸುರ ಪಕ್ಕ ಪೋಯಿತ್: ಉಪಾದ್ಯನೇ, ನೀನ್ ದೇವ ಅಯಿಚಿತುಳ್ಳ ಉಪಾದ್ಯಾಂದ್ ನಂಗಕ್ ಗೊತ್ತುಂಡ್. ಎನ್ನಂಗೆಣ್ಣ್‌ಚೇಂಗಿ, ದಾರ್ ಒಬ್ಬಂಡ ಕೂಡೆ ದೇವ ಉಂಡೋ ಅಂವೊಂಗ್ ಮಾತ್ರ ನೀನ್ ಮಾಡ್‌ವನೆಕೆ ಇನ್ನತಾನ ಅದ್ಬುತ ಕಾರ್ಯತ್‍ನ ಮಾಡ್‌ವಕ್ ಕಯ್ಯೂಂದ್ ಎಣ್ಣ್‌ಚಿ.

ಯೋಹಾನ 3:26

ಅಯಿಂಗ ಯೋಹಾನಂಡ ಪಕ್ಕ ಪೋಪಂಜಿ: ಉಪಾದ್ಯನೇ, ಯೊರ್ದನ್ ಕೆರೆರ ಆಬರಿಲ್ ನೀಡ ಕೂಡೆ ಒಬ್ಬ ಇಂಜತಲ್ಲ, ನೀನ್ ಸಹ ಅಂವೊಂಡ ವಿಷಯತ್ ಸಾಕ್ಷಿ ಕೊಡ್‍ತಿಯಲ್ಲ? ಇಕ್ಕ ನೋಟಿ, ಅಂವೊ ದೀಕ್ಷಾಸ್ನಾನ ಕೊಡ್‍ತಂಡುಂಡ್, ಜನ ಎಲ್ಲಾರು ಅಂವೊಂಡ ಪಕ್ಕ ಪೋಯಂಡುಂಡ್‍ೕಂದ್ ಎಣ್ಣ್‌ಚಿ.

ಯೋಹಾನ 4:31

ಇದ್ಂಡ ಮದ್ಯತ್‍ಲ್, ಅಂವೊಂಡ ಶಿಷ್ಯಂಗ: ಉಪಾದ್ಯನೇ, ನೀನ್ ಉಣ್ಣ್‌ಂದ್ ಅಂವೊನ ಬೋಡಿಯಂಡತ್.

ಯೋಹಾನ 6:25

ಕೆರೆರ ಆಬರಿಲ್ ಯೇಸುನ ಜನ ಕಾಂಬಕ, ಉಪಾದ್ಯನೇ, ನೀನ್ ಎಕ್ಕ ಇಲ್ಲಿಕ್ ಬಂದಿಯೇಂದ್ ಕ್‍ೕಟತ್.

ಯೋಹಾನ 9:2

ಅಕ್ಕ ಅಂವೊಂಡ ಶಿಷ್ಯಂಗ: ಉಪಾದ್ಯನೇ, ಈ ಮನುಷ್ಯ ಕುರ್‌ಡನಾಯಿತ್ ಪುಟ್ಟ್‌ನದ್ ದಾರ್ ಮಾಡ್‍ನ ಪಾಪ? ಇಂವೊ ಮಾಡ್‍ನ ಪಾಪವಾ ಅಥವ ಇಂವೊಂಡ ಅಪ್ಪವ್ವ ಮಾಡ್‍ನ ಪಾಪವಾಂದ್ ಯೇಸುನ ಕ್‍ೕಟತ್.

2 ಕೊರಿಂಥ 1:24

ನಿಂಗಡ ನಂಬಿಕೇಕ್ ನಂಗ ಅದಿಕಾರ ಉಳ್ಳಯಿಂಗಳಾಯಿತ್ ಇಕ್ಕತೆ, ನಿಂಗಡ ಕುಶೀಕ್ ಸಹಾಯ ಮಾಡ್‌ವಯಿಂಗಳಾಯಿತುಂಡ್; ನಂಬಿಕೇರಗುಂಡ್ ನಿಂಗ ನಿಂದಂಡುಳ್ಳಿರಲ್ಲ.

2 ಕೊರಿಂಥ 4:5

ನಂಗ ನಂಗಡ ವಿಷಯತ್‍ನ ಬೋದನೆ ಮಾಡಿಯಂಡಿಲ್ಲೆ. ಯೇಸು ಕ್ರಿಸ್ತ ಒಡೆಯಾಂದೂ, ಆಚೇಂಗಿ ನಂಗಳ ಯೇಸುರಗುಂಡ್ ನಿಂಗಡ ಸೇವಕಂಗಾಂದೂ ಪ್ರಚಾರ ಮಾಡಿಯಂಡುಂಡ್.

ಎಫೆಸ 3:15

ನಂಗಡ ದೇವನಾನ ಅಪ್ಪಂಡ ಮಿಂಞತ್ ಮೊಣಕಾಲಿಟ್ಟಿತ್ ಇನ್ನನೆ ಪ್ರಾರ್ಥನೆ ಮಾಡ್‌ವಿ.

ಫಿಲೆಮೋನ 1:16

ಅಂವೊ, ನಾಕೇ ಇಚ್ಚಕ್ ಪ್ರೀತಿಯುಳ್ಳ ತಮ್ಮಣನಾಯಿತ್ ಇಂಜತೇಂಗಿ, ನೀಕ್ ತಡೀರ ಪ್ರಕಾರವು, ಒಡೆಯಂಡಲ್ಲಿಯು ಒರ್ ತಮ್ಮಣನಾಯಿತ್ ಎಚ್ಚಕ್ ಪ್ರೀತಿಲ್ ಇಪ್ಪ.

ಯಾಕೋಬ 3:1

ನಾಡ ಅಣ್ಣತಮ್ಮಣಂಗಳೇ, ದೇವ ನಿಂಗಕ್ ಕಠಿಣ ತೀರ್ಪ್ ತಪ್ಪಾಂದ್ ಗೊತ್ತಾನಗುಂಡ್ ನಿಂಗ ಎಲ್ಲಾರು ಬೋದನೆಕಾರಂಗಳಾಯಿತ್ ಆಕತಿರಿ.

1 ಪೇತ್ರ 5:3

ನಿಂಗಡ ಕೈಕ್ ಒಪ್ಪ್‌ಚಿಟ್ಟಿತುಳ್ಳಯಿಂಗಳ ಬಾರವಾಯಿತ್ ಆಳುವನೆಕೆ ಅಲ್ಲ, ದೇವಡ ಮಕ್ಕಕ್ ಉದಾರಣೆಯಾಯಿತ್ ಇರಿ.

ಪ್ರಕಟನೆ 1:9

ನಿಂಗಡ ಅಣ್ಣನು, ಯೇಸುಕಾಯಿತ್ ಬಪ್ಪ ಹಿಂಸೆಕು, ಅಂವೊಂಡ ರಾಜ್ಯಕು, ಅಂವೊಂಡ ಪೊರುಮೆಕು ನಿಂಗಡ ಕೂಡೆ ಪಾಲ್‍ದಾರನಾಯಿತುಳ್ಳ ಯೋಹಾನನಾನ ನಾನ್ ದೇವಡ ವಾಕ್ಯಕಾಯಿತು, ಯೇಸುರ ವಿಷಯತ್ ಸಾಕ್ಷಿಕಾಯಿತು ಪತ್ಮೊಸ್ ಎಣ್ಣುವ ದ್ವೀಪತ್‍ಲ್ ಇಂಜ.

ಪ್ರಕಟನೆ 19:10

ಅಕ್ಕ ನಾನ್ ಅಯಿಂಗಕ್ ಅಡ್ಡ ಬುದ್ದಿತ್ ವಂದನೆ ಮಾಡಂಡೂಂದ್ ಕಾಲ್ ಪುಡ್‌ಚಿಯೆ. ಅಂವೊ ನನ್ನ ನೋಟಿತ್: ಅನ್ನನೆ ಮಾಡತೆ, ನಾನ್ ಸಹ ನೀಡ ಕೂಡೆ ಯೇಸುರ ವಿಷಯತ್ ಸಾಕ್ಷಿ ಕೊಡ್‍ತ ನೀಡ ಅಣ್ಣತಮ್ಮಣಂಗಡ ಕೂಡೆ ಒರ್ ಸೇವಕ; ದೇವಕ್ ಆರಾದನೆ ಮಾಡ್. ಯೇಸುರ ವಿಷಯತ್‍ರ ಸಾಕ್ಷಿ, ಪ್ರವಾದನೆರ ಆತ್ಮವಾಯಿತುಂಡ್‍ೕಂದ್ ಎಣ್ಣ್‌ಚಿ.

ಪ್ರಕಟನೆ 22:9

ಅಕ್ಕ ಆ ದೇವದೂತ: ನಾಕ್ ನೀನ್ ಇನ್ನನೆ ಮಾಡತೆ, ನೀಡ ಕೂಡೆ, ನೀಡ ಅಣ್ಣತಮ್ಮಣಂಗಡ ಕೂಡೆ, ಪ್ರವಾದಿಯಂಗಡ ಕೂಡೆ, ಈ ಪುಸ್ತಕತ್‍ರ ತಕ್ಕ್‌ಕ್ ತಗ್ಗಿತ್ ನಡ್‍ಪಯಿಂಗಡ ಕೂಡೆ ನಾನ್ ಸಹ ಒರ್ ಸೇವಕ ಅಚ್ಚಕೆ. ದೇವನ ಆರಾದನೆ ಮಾಡ್‍ೕಂದ್ ಎಣ್ಣ್‌ಚಿ.