ಮತ್ತಾಯ 23:4 - ಕೊಡವ ಬೈಬಲ್

⁴ ಅಯಿಂಗ ಜನಕ್ ಬಾರ ಆಯಿತುಳ್ಳ ಪೊರೆನ ನಿಪ್ಪ್‌ಕ್ ಕೆಟ್ಟಿತ್ ಬುಡುವ ಆಚೇಂಗಿ ಅಯಿಂಗ ಒರ್ ಬೆರತ್‌ನ ಕೂಡೆ ಮುಟ್ಟಿತ್ ನಿಂಗಕ್ ಸಹಾಯ ಮಾಡುಲೆ.

ಮತ್ತಾಯ 23:4 ပူးပေါင်းရင်းမြစ်များ

ಮತ್ತಾಯ 23:23

ಕಪಟಿಯಾನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳೇ, ಫರಿಸಾಯಂಗಳೇ, ನಿಂಗಕ್ ಅಯ್ಯೋ, ನಿಂಗ ಪುದಿನ ತೊಪ್ಪು, ತೊಳ್‌ಸಿ ಪಿಂಞ ಜೀರಿಗೆನ ಪತ್ತ್‌ಲ್ ಒರ್ ಪಾಲ್ ಕೊಡ್‍ಪಿರ, ಆಚೇಂಗಿ ದರ್ಮಶಾಸ್ತ್ರ ಪುಸ್ತಕತ್‍ಲ್ ದುಂಬ ಮುಕ್ಯವಾನ ನೀತಿನ, ಕನಿಕರತ್‍ನ, ನಂಬಿಕೇನ ಬುಟ್ಟಿತುಳ್ಳಿರ. ಇದ್‍ನೆಲ್ಲಾ ನಿಂಗ ಮಾಡಂಡು, ಅದ್‍ನೂ ಬುಡ್‌ವಕ್ಕಾಗ.

ಮತ್ತಾಯ 23:3

ಆನಗುಂಡ್, ಅಯಿಂಗ ಬೋದೆನೆ ಮಾಡ್‌ವ ಪ್ರಕಾರ ನಿಂಗ ನಡ್‌ಕಂಡು ಆಚೇಂಗಿ ಅಯಿಂಗಡ ನಡತೆರ ಪ್ರಕಾರ ನಿಂಗ ನಡ್‌ಕತಿ, ಎನ್ನಂಗೆಣ್ಣ್‌ಚೇಂಗಿ ಅಯಿಂಗ ಬೋದನೆ ಮಾಡ್‌ವ, ಆಚೇಂಗಿ ಅದ್ಂಡ ಪ್ರಕಾರ ನಡ್‍ಪ್‍ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:46

ಅದ್ಂಗ್ ಯೇಸು: ನ್ಯಾಯಪ್ರಮಾಣತ್‍ರ ಶಾಸ್ತ್ರಿಯಳೇ ನಿಂಗಕ್ ಅಯ್ಯೋ! ಜನ ಎಡ್‌ಪಕಯ್ಯತಚ್ಚಕ್ ಬಾರತ್‍ನ ಅಯಿಂಗಡ ಮೇಲೆ ಇಟ್ಟಿತುಳ್ಳಿರ, ಅಯಿಂಗ ಆ ಬಾರತ್‍ನ ಪೊರ್‍ಪಕ್ ನಿಂಗಡ ಬೆರತ್‌ನ ಸಹ ನೇತಿತ್ ಸಹಾಯ ಮಾಡುಲೆ.

ಅಪೊಸ್ತಲ 15:10

ಇನ್ನನೆ ಇಪ್ಪಕ, ನಂಗಡ ಅಜ್ಜಂಗಕೂ, ನಂಗಕು ಪೊರ್‍ಪಕೈಯ್ಯತ ನೊಗತ್‌ನ ಯೇಸುನ ನಂಬ್‍ವ ಯೆಹೂದ್ಯ ಅಲ್ಲತಯಿಂಗಡ ಬೋಳೆಕ್ ಇಟ್ಟಿತ್ ದೇವನ ಎನ್ನಂಗ್ ಪರೀಕ್ಷೆ ಮಾಡಂಡು?

ಅಪೊಸ್ತಲ 15:28

ಅದ್ ಎಂತ ಎಣ್ಣ್‌ಚೇಂಗಿ: ವಿಗ್ರಹಕ್ ಅರ್ಪಿಚಿಟ್ಟ ಕೂಳ್‍ಕ್, ಚೋರೆ ತಿಂಬಕ್, ನೆರ್‌ಕಿತ್ ಚತ್ತ್‌ಪೋನ ಪ್ರಾಣಿಯಡ ಯರ್ಚಿಕ್ ಪಿಂಞ ಲೈಂಗಿಕ ಪಾಪಕ್ ದೂರವಾಯಿತ್ ಇಕ್ಕಂಡು. ಇದ್‍ನ ಬುಟ್ಟಿತ್ ಬೋರೆ ಏದ್ ವಿಷಯತು ನಿಂಗಡ ಮೇಲೆ ಬಾರತ್‍ನ ಇಡ್‍ವದ್ ಚಾಯಾಪುಲೇಂದ್ ಪವಿತ್ರಾತ್ಮಂಗು ನಂಗಕು ಗೊತ್ತಾಚಿ. ನಿಂಗಕ್ ನಲ್ಲದ್ ಆಡ್.

ಗಲಾತ್ಯ 6:13

ಸುನ್ನತಿ ಮಾಡಂಡೂಂದ್ ಎಣ್ಣುವ ಅಯಿಂಗ ಸಹ ನ್ಯಾಯಪ್ರಮಾಣ ಎಣ್ಣ್‌ವನೆಕೆ ಮಾಡುಲೆ; ಅಯಿಂಗ ಅನ್ನನೆ ಇಂಜತೇಂಗಿಯು, ನಿಂಗ ಸುನ್ನತಿ ಮಾಡಂಡೂಂದ್ ಅಯಿಂಗ ನಿಂಗಡ ವಿಷಯತ್‍ಲ್ ಆಸೆ ಪಡುವ. ಅಕ್ಕ ನಿಂಗ ಅಯಿಂಗಡ ಬೋದನೆಲ್ ನಡ್‌ಪಯಿಂಗಾಂದ್ ಕುಶೀಲ್ ಎಣ್ಣುವಕ್ ಅಯಿಂಗಕ್ ಕಯ್ಯು.

1 ಯೋಹಾನ 5:3

ದೇವಡ ಆಜ್ಞೆರನೆಕೆ ನಡ್ಂದತೇಂಗಿ ಅಂವೊನ ಪ್ರೀತಿ ಮಾಡ್‌ವನೆಕೆ. ಪಿಂಞ ಅಂವೊಂಡ ಆಜ್ಞೆನ ಮಾಡ್‌ವಕ್ ನಂಗಕ್ ದುಂಬ ಕಷ್ಟವಾಯಿತ್‌ಪ್ಪುಲೆ.

ಪ್ರಕಟನೆ 2:24

ಥುವತೈರ ಸಬೇಲ್ ಉಳ್ಳ ಬೋರೆಯಿಂಗಕ್ ನಾನ್ ಎಣ್ಣುವದ್ ಎಂತ ಎಣ್ಣ್‌ಚೇಂಗಿ: ನಿಂಗ ಅವಡ ಬೋದನೆರ ಪ್ರಕಾರ ನಡ್‍ಕತೆ, ಸೈತಾನಂಡ ಆಳತ್‍ರ ಗುಟ್ಟ್‍ೕಂದ್ ಎಣ್ಣಿಯಂಡುಳ್ಳದ್‍ನ ಪಡಿಕತೆ ಉಳ್ಳಿರಲ್ಲ. ನಿಂಗಡ ಮೇಲೆ ಬೋರೆ ಏದ್ ಬಾರತ್‍ನ ನಾನ್ ಇಡುಲೆ.