ಮತ್ತಾಯ 23:16 - ಕೊಡವ ಬೈಬಲ್

¹⁶ ಬಟ್ಟೆ ಕಾಟುವ ಕುರ್‌ಡಂಗಳೇ, ನಿಂಗಕ್ ಅಯ್ಯೋ! ಒಬ್ಬ ದೇವಾಲಯತ್‍ರ ಮೇಲೆ ಆಣೆ ಇಟ್ಟತೇಂಗಿ ಅದ್ ಆಣೆ ಅಲ್ಲಾಂದ್ ಎಣ್ಣುವಿರ, ಆಚೇಂಗಿ ದೇವಾಲಯತ್‍ಲ್ ಉಳ್ಳ ಪೊನ್ನ್‌ರ ಪೆದತ್‍ಲ್ ಆಣೆ ಇಟ್ಟತೇಂಗಿ, ಅದ್‍ನ ಪೂರೈಚಿಡಂಡೂಂದ್ ಎಣ್ಣುವಿರ.

ಮತ್ತಾಯ 23:16 ပူးပေါင်းရင်းမြစ်များ

ಮತ್ತಾಯ 15:14

ಅಯಿಂಗ ಎಣ್ಣ್‌ವಾಂಗ್ ಕೆಮಿ ಕೊಡ್‌ಕತಿ. ಅಯಿಂಗ ಕುರ್‌ಡಂಗಕ್ ಬಟ್ಟೆ ಕಾಟುವ ಕುರ್‌ಡಂಗಳಾಯಿತುಂಡ್. ಒರ್ ಕುರ್‌ಡ ಇಂಞೊರ್ ಕುರ್‌ಡಂಗ್ ಬಟ್ಟೆ ಕಾಟ್‍ಚೇಂಗಿ, ದಂಡಾಳು ಕುಂಡ್‌ಕ್ ಬೂವಲ್ಲಾಂದ್ ಎಣ್ಣ್‌ಚಿ.

ಮತ್ತಾಯ 23:13

ಕಪಟಿಯಾನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳೇ, ಫರಿಸಾಯಂಗಳೇ ನಿಂಗಕ್ ಅಯ್ಯೋ. ಜನ ಪ್ರವೇಶ ಮಾಡತನೆಕೆ ಪರಲೋಕ ರಾಜ್ಯತ್‍ರ ಪಡಿನ ಬೀಗ ಇಡ್‍ವಿರ. ನಿಂಗಳು ಅದ್ಂಡ ಒಳ್‍ಕ್ ಪೋಪುಲೆ, ಪೋಪಯಿಂಗಳ ಪೋಪಕ್ ಬುಡ್‍ವದು ಇಲ್ಲೆ.

ಮತ್ತಾಯ 23:17

ಬುದ್ದಿಯಿಲ್ಲತ ಕುರ್‌ಡಂಗಳೇ, ಏದ್ ಬಲ್ಯದ್? ಪೊನ್ನಾ ಅಥವ ಪೊನ್ನ್‌ನ ಪವಿತ್ರ ಮಾಡ್‌ವ ದೇವಾಲಯವ?

ಮತ್ತಾಯ 23:19

ಕುರ್‌ಡಂಗಳೇ ಏದ್ ಬಲ್ಯದ್? ಕಾಣಿಕೆಯಾ ಅಥವ ಕಾಣಿಕೆನ ಪವಿತ್ರ ಮಾಡ್‌ವ ಬಲಿಪೀಠವಾ?

ಮತ್ತಾಯ 23:24

ಬಟ್ಟೆ ಕಾಟುವ ಕುರ್‌ಡಂಗಳೇ! ನಿಂಗ ಗೊತ್ತಿಲ್ಲತೆ ಸೊಳ್ಳೆನ ತಿಂಬಕ್ಕಾಗಾಂದ್ ಸೋಸುವಿರ ಆಚೇಂಗಿ ಒಂಟೆನ ನುಗ್ಗ್‌ವಯಿಂಗಳಾಯಿತುಳ್ಳಿರ.

ಮತ್ತಾಯ 23:26

ಕುರ್‌ಡನಾನ ಫರಿಸಾಯನೇ, ಮಿಂಞ ನೀನ್ ಉಂಬ ಪಾತ್ರತ್‍ರ ಒಳ್‍ಲ್ ಚಾಯಿತೆ ಶುದ್ದ ಮಾಡ್. ಅಕ್ಕ, ಪೊರಮೆ ಉಳ್ಳದು ಶುದ್ದ ಆಪ.

ಗಲಾತ್ಯ 5:3

ಸುನ್ನತಿ ಮಾಡ್‌ವಂವೊ ಒಬ್ಬೊಬ್ಬನು ನ್ಯಾಯಪ್ರಮಾಣತ್‍ಲ್ ಉಳ್ಳದ್‍ನೆಲ್ಲ ಕಂಡಿತವಾಯಿತ್ ಮಾಡ್‌ವಕ್ ಒಳಪಟ್ಟಂವೊನಾಯಿತುಂಡ್‍ೕಂದ್ ಇಂಞೊಮ್ಮ ನಾನ್ ನಿಂಗಕ್ ಎಚ್ಚರ ಮಾಡ್‌ವಿ.

ಯಾಕೋಬ 5:12

ನಾಡ ಅಣ್ಣತಮ್ಮಣಂಗಳೇ, ಮುಕ್ಯವಾಯಿತ್ ಇದ್ ನಿಂಗಕ್ ಗೊತ್ತಿರಡ್, ನಿಂಗ ಬೂಲೋಕ ಪಿಂಞ ಪರಲೋಕತ್‍ರ ಮೇಲೆ ಆಣೆ ಮಾಡತಿ, ನಿಂಗ ಬೋರೆ ಏದ್ ಪೆದತ್‍ಲು ಆಣೆ ಮಾಡತಿ. ನಿಂಗಡ ತಕ್ಕ್ ಅಕ್ಕೂಂದ್ ಎಣ್ಣ್‌ಚೇಂಗಿ ಅದ್ ಅಕ್ಕುವಾಯಿತಿರಡ್, ಇಲ್ಲೇಂದ್ ಎಣ್ಣ್‌ಚೇಂಗಿ ಇಲ್ಲೇಂದಿರಡ್. ಇಲ್ಲತಪೋನಕ ನಿಂಗಕ್ ನ್ಯಾಯತೀರ್ಪ್ ಕ್‍ಟ್ಟ್‌ವ.