ಮತ್ತಾಯ 23:11 - ಕೊಡವ ಬೈಬಲ್

¹¹ ನಿಂಗಡ ಕೂಟ್‌ಲ್ ಬಲ್ಯಂವೊನಾಯಿತ್ ಇಪ್ಪಂವೊ ಎಲ್ಲಾರ್‌ಕು ಆಳಾಯಿತಿರಂಡು.

ಮತ್ತಾಯ 23:11 ပူးပေါင်းရင်းမြစ်များ

ಮತ್ತಾಯ 23:10

ನಿಂಗಳ ದಾರೂ ಗುರು ಎಣ್ಣಿಯಂಡ್ ಕಾಕ್‍ವಕ್ ಬುಡತಿ ಎನ್ನಂಗೆಣ್ಣ್‌ಚೇಂಗಿ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತ ಒಬ್ಬನೇ ನಿಂಗಕ್ ಗುರು ಆಯಿತುಂಡ್.

ಮಾರ್ಕ 9:35

ಯೇಸು ಒರ್ ಜಾಗತ್‍ಲ್ ಅಳ್‌ಪಂಜಿ ಅಂವೊಂಡ ಪನ್ನೆರಂಡ್ ಶಿಷ್ಯಂಗಳ ಕಾಕುವಂಜಿ, ದಾರ್‌ಕ್ ಆದ್ಯಂವೊನಯಿತ್ ಇಪ್ಪಕ್ ಕುಶಿ ಉಂಡೋ, ಅಂವೊ ಮಿಂಞ ಕಡೆಯಾಯಿತ್ ಬಂದಿತ್ ಎಲ್ಲಾರ್‌ಕು ಸೇವೆ ಮಾಡಂಡು.

1 ಕೊರಿಂಥ 9:19

ನಾನ್ ದಾರ್‌ಕು ಗುಲಾಮನಲ್ಲ, ಆಚೇಂಗಿ ದುಂಬ ಜನತ್‍ನ ಕ್ರಿಸ್ತಂಡ ಜನಳಾಯಿತ್ ಮಾಡ್‌ವಕ್, ಎಲ್ಲಾ ಜನಡ ಗುಲಾಮನಾಯಿತ್ ನನ್ನ ಮಾಡಿಯಂಡಿಯೆ.

2 ಕೊರಿಂಥ 11:23

ಅಯಿಂಗ ಕ್ರಿಸ್ತಂಡ ಸೇವಕಂಗಳಾ? ನಾನ್ ಅಯಿಂಗಕಿಂಜ ಕ್ರಿಸ್ತಂಡ ಬಲ್ಯ ಸೇವಕ. ನಾನ್ ಬುದ್ದಿ ಇಲ್ಲತಂವೊಂಡನೆಕೆ ತಕ್ಕ್ ಪರ್ಂದಂಡುಳ್ಳ. ನಾನ್ ದುಂಬ ಕಷ್ಟಪಟ್ಟಂವೊ, ಜನ ನನ್ನ ದುಂಬ ಪೊಜ್ಜಿತುಂಡ್, ಜೈಲ್‍ಲ್ ದುಂಬ ಇಂಜಂವೊ, ದುಂಬ ಕುರಿ ಚಾವ್‍ಕ್ ಚಿಕ್ಕಿತುಳ್ಳ.

2 ಕೊರಿಂಥ 4:5

ನಂಗ ನಂಗಡ ವಿಷಯತ್‍ನ ಬೋದನೆ ಮಾಡಿಯಂಡಿಲ್ಲೆ. ಯೇಸು ಕ್ರಿಸ್ತ ಒಡೆಯಾಂದೂ, ಆಚೇಂಗಿ ನಂಗಳ ಯೇಸುರಗುಂಡ್ ನಿಂಗಡ ಸೇವಕಂಗಾಂದೂ ಪ್ರಚಾರ ಮಾಡಿಯಂಡುಂಡ್.

ಗಲಾತ್ಯ 5:13

ನಾಡ ಅಣ್ಣತಮ್ಮಣಂಗಳೇ, ನಿಂಗ ಇಕ್ಕ ಸ್ವಾತಂತ್ರವಾಯಿತ್ ಬದ್‍ಕ್‍ವಕ್ ದೇವ ನಿಂಗಳ ಕಾಕ್‍ಚಿ, ನಿಂಗಕ್ ಕ್‍ಟ್ಟ್‌ನ ಈ ಸ್ವಾತಂತ್ರತ್‍ನ ನಿಂಗಡ ಇಚ್ಛೆರನೆಕೆ ಪಾಪತ್‍ರ ಗುಣತ್‍ಲ್ ನಡ್‍ಪಕ್ ಉಪಯೋಗಿಚಿಡತಿ. ಆಂಡ ಬದ್‍ಲ್ ನಿಂಗ ಪ್ರೀತಿಲ್ ಒಬ್ಬಂಗ್ ಒಬ್ಬ ಸೇವೆ ಮಾಡಿ.