ಮತ್ತಾಯ 22:8 - ಕೊಡವ ಬೈಬಲ್

⁸ ಅಕ್ಕ ರಾಜ ಅಂವೊಂಡ ಆಳ್‍ವಳ ನೋಟಿತ್: ಮಂಗಲತ್‍ರ ಅಡಿಗೆ ತಯಾರಾಯಿತ್ ಉಂಡ್, ನಾನ್ ಕಾಕ್‍ನಯಿಂಗಕ್ ಅದ್ಂಗ್ ಯೋಗ್ಯತೆ ಇಲ್ಲತೆ ಪೋಚಿ.

ಮತ್ತಾಯ 22:8 ပူးပေါင်းရင်းမြစ်များ

ಮತ್ತಾಯ 22:7

ರಾಜಂಗ್ ದುಂಬ ಚೆಡಿ ಬಾತ್. ಅಂವೊ ಅಂವೊಂಡ ಸಿಪಾಯಿಯಳ ಅಯಿಪಂಜಿ, ದಾರ್ ಅಂವೊಂಡ ಆಳ್‍ವಳ ಕೊಂದತೋ, ಅಯಿಂಗಳ ನಾಶ ಮಾಡಿತ್, ಅಯಿಂಗಡ ಪಟ್ಟಣತ್‍ನ ಚುಟ್ಟ್‌ರ್‌ತ್.

ಮತ್ತಾಯ 22:9

ಆನಗುಂಡ್ ಇಕ್ಕ ನಿಂಗ, ಬೀದಿರ ಮೂಲೆಕ್ ಪೋಯಿತ್, ಅಲ್ಲಿ ದಾರ್‍ನೆಲ್ಲಾ ನಿಂಗ ಕಾಂಬಿರೋ ಅಯಿಂಗಳೆಲ್ಲ ಉಂಬಕ್ ಕಾಕಿಯಂಡ್ ಬಾರೀಂದ್ ಎಣ್ಣ್‌ಚಿ.

ಮತ್ತಾಯ 9:15

ಅದ್ಂಗ್ ಯೇಸು: ಮಂಗಲತ್‍ರ ಮನೆಲ್, ಮಂಗಲಕಾರ ಕೂಡೆ ಇಪ್ಪಕ, ಎನ್ನನೆ ಅಂವೊಂಡ ಚಂಙಾದಿಯ ಬೇಜಾರತ್‍ಲ್ ಇಪ್ಪ. ಮಂಗಲಕಾರನ ಅಯಿಂಗಡ ಕೂಟ್‌ಂಜ ಕಾಕಿಯಂಡ್ ಪೋಪ ಸಮಯ ಬಪ್ಪ, ಅಕ್ಕ ಅಯಿಂಗ ಪಟ್ಟಣಿ ನಿಪ್ಪಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:35

ಆಚೇಂಗಿ ಬಪ್ಪಕುಳ್ಳ ಲೋಕತ್‍ಲ್ ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬಪ್ಪಕ್ ಯೋಗ್ಯತೆ ಉಳ್ಳಯಿಂಗ ಮಂಗಲ ಕಯಿಪದೂ ಇಲ್ಲೆ ಮಂಗಲ ಮಾಡ್‍ಚಿಡ್‌ವದೂ ಇಲ್ಲೆ;

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:36

ಆನಗುಂಡ್, ಇನ್ನನೆ ನಡ್‍ಪಕುಳ್ಳ ಕಾರ್ಯತ್ಂಜ ನಿಂಗಳ ಕಾಪಾಡ್‌ವಕಾಯಿತ್ ಎಕ್ಕಾಲು ತಯಾರಾಯಿತ್ ಎಲ್ಲಾ ಸಮಯತ್‍ಲ್ ಪ್ರಾರ್ಥನೆ ಮಾಡಿಯಂಡ್ ಇರಂಡು. ಅಕ್ಕ ಮನುಷ್ಯಕುಮಾರಂಡ ಮಿಂಞ ಯೋಗ್ಯತೆ ಉಳ್ಳಯಿಂಗಳಾಯಿತ್ ನಿಪ್ಪಕ್ ಕಯ್ಯು.

ಅಪೊಸ್ತಲ 13:46

ಅಕ್ಕ ಪೌಲ ಪಿಂಞ ಬಾರ್ನಬ, ದೈರ್ಯತ್ಂಜ ತಕ್ಕ್ ಪರ್ಂದತ್. ಅಯಿಂಗಳ ನೋಟಿತ್: ದೇವಡ ವಾಕ್ಯತ್‍ನ ನಿಂಗಕೇ ಆದ್ಯವಾಯಿತ್ ಎಣ್ಣ್‌ವಕ್ ಅವಸ್ಯ ಇಂಜತ್; ಆಚೇಂಗಿ ನಿಂಗ ಅದ್‍ನ ತಳ್ಳಿತ್, ನಿಂಗಳ ನಿತ್ಯ ಜೀವಕ್ ಯೋಗ್ಯ ಇಲ್ಲತಯಿಂಗಳಾಯಿತ್ ನಿಂಗಳೇ ತೀರ್ಪ್ ಮಾಡ್‍ನಗುಂಡ್, ನೋಟಿ, ನಂಗ ನಿಂಗಳ ಬುಟ್ಟಿತ್ ಯೆಹೂದ್ಯಂಗ ಅಲ್ಲತ ಬೋರೆ ಜನಡ ಪಕ್ಕ ಪೋಪಾಂದ್ ಎಣ್ಣ್‌ಚಿ.

2 ಥೆಸಲೊನೀಕ 1:5

ನಿಂಗ ದೇವಡ ರಾಜ್ಯಕಾಯಿತ್ ಹಿಂಸೆನ ಸಹಿಸಿಯಂಡ್ ಉಳ್ಳಾಂಗ್, ಆ ರಾಜ್ಯಕ್ ನಿಂಗ ಯೋಗ್ಯವಾಯಿತ್ ಉಳ್ಳಿರಾಂದ್ ಪಿಂಞ ದೇವ ನ್ಯಾಯವಾನ ತೀರ್ಪ್ ತಪ್ಪಾಂದ್ ಎಣ್ಣ್‌ವಕ್ ನಿಂಗಡ ಸಹಿಸುವ ಗುಣವೇ ಸಾಕ್ಷಿಯಾಯಿತ್ ಉಂಡ್.

ಪ್ರಕಟನೆ 22:14

ಜೀವತ್‍ರ ಮರಕ್ ಅದಿಕಾರ ಉಳ್ಳಯಿಂಗಳಾಯಿತು, ಪಟ್ಟಣತ್‍ರ ಒಳ್‍ಕ್ ಬಾಯಿಕಂಡಿರ ಮೂಲಕ ಪೋಪಕಾಯಿತ್ ತಾಂಡ ಬಟ್ಟೇನ ನೆಲೆಚಿತ್ ಶುದ್ದವಾಯಿತ್ ಬೆಪ್ಪಯಿಂಗ ಆಶೀರ್ವಾದ ಪಡ್ಂದಯಿಂಗ.

ಪ್ರಕಟನೆ 3:4

ಆಚೇಂಗಿಯು, ತಂಗಡ ಬಟ್ಟೇನ ಅಶುದ್ದ ಮಾಡತ ಇಂಞು ಚೆನ್ನ ಜನ ಸಾರ್ದಿಸಿಲ್ ನೀಕ್ ಉಂಡ್; ಅಯಿಂಗ ಯೋಗ್ಯವಾನಗುಂಡ್, ಬೊಳ್‍ತ ಬಟ್ಟೆ ಇಟ್ಟಿತ್ ನಾಡ ಕೂಡೆ ನಡ್‍ಪ.