ಮತ್ತಾಯ 22:31 - ಕೊಡವ ಬೈಬಲ್

³¹ ಚತ್ತ್ ಪೋನಯಿಂಗ ಜೀವವಾಯಿತ್ ಏವ ವಿಷಯತ್ ದೇವ: ನಾನ್ ಅಬ್ರಹಾಮಂಡ ದೇವ, ಇಸಾಕಂಡ ದೇವ ಪಿಂಞ ಯಾಕೋಬಂಡ ದೇವಾಂದ್, ದೇವಡ ವಾಕ್ಯತ್‍ಲ್ ಒಳ್‍ದಿತುಳ್ಳದ್‍ನ ನಿಂಗ ಓದಿತ್ತ್‌ಲ್ಲೆಯಾ?

ಮತ್ತಾಯ 22:31 ပူးပေါင်းရင်းမြစ်များ

ಮತ್ತಾಯ 12:3

ಅದ್ಂಗ್ ಅಂವೊ: ದಾವೀದ ಪಿಂಞ ಅಂವೊಂಡ ಕೂಡೆ ಇಂಜಯಿಂಗ ಕೆಲ ಪಯಿಪಕ ಮಾಡ್‌ನಾನ ನಿಂಗ ಓದಿತ್‌ಲ್ಲೆಯಾ?

ಮತ್ತಾಯ 12:7

ನಿಂಗ ದೇವಕ್ ಕೊಡ್‍ಪ ಬಲೀಲ್ ನಾಕ್ ಕುಶಿ ಇಲ್ಲೆ. ಆಚೇಂಗಿ ನಿಂಗ ಜನಡಮೇಲೆ ಕೂಟ್‌ವ ಕರುಣೇಲ್ ನಾಕ್ ದುಂಬ ಕುಶಿ ಉಂಡ್‍ೕಂದ್ ಎಣ್ಣುವ ದೇವಡ ವಾಕ್ಯಕ್‍ತ್‍ರ ಅರ್ಥ ಎಂತ್‍ೕಂದ್ ನಿಂಗಕ್ ಗೊತ್ತ್‌ಂಜತೇಂಗಿ ನಿಂಗ ಈ ಪಾಪತ್‍ರ ಜನಳ ಕುತ್ತ ಪರಿಯುಲೆ.

ಮತ್ತಾಯ 21:16

ಯೇಸುನ ನೋಟಿತ್: ಈ ಮಕ್ಕ ಎಂತ ಎಣ್ಣಿಯಂಡುಂಡ್‍ೕಂದ್ ನೀಕ್ ಕ್‍ೕಟಂಡುಂಡಾಂದ್ ಕ್‍ೕಟತ್. ಅದ್ಂಗ್ ಯೇಸು: ಅಕ್ಕು ನಾಕ್ ಕ್‍ೕಪ. ನೀನ್ ಚೆರಿಯ ಮಕ್ಕಕೂ ಚಿಪ್ಪಿ ಕುಂಞಿಯಕೂ ನಿನ್ನ ತುದಿಪಕ್ ಪಡಿಪ್‌ಚಿಟ್ಟಿತುಳ್ಳಿಯ ಎಣ್ಣುವ ದೇವಡ ವಾಕ್ಯತ್‍ನ ನಿಂಗ ಓದಿತ್‌ಲ್ಲೆಯಾಂದ್ ಕ್‍ೕಟತ್.

ಮತ್ತಾಯ 21:42

ಯೇಸು ಅಯಿಂಗಳ ನೋಟ್‌ವಂಜಿ: ಮನೆ ಕೆಟ್ಟ್‌ವಯಿಂಗ, ಆ ಕಲ್ಲ್ ಲಾಯಕಾಯಿತ್‌ಲ್ಲೇಂದ್ ತ್‍ಕ್ಕಾರ ಮಾಡ್‍ನ ಕಲ್ಲೇ ಮುಕ್ಯವಾನ ಮೂಲೆ ಕಲ್ಲಾಚಿ, ಇದ್ ದೇವ ಮಾಡ್‍ನದ್, ಅದ್‍ನ ನೋಟ್‍ವಕ ನಂಗಕ್ ಆಶ್ಚರ್ಯವಾಯಿತ್ ಉಂಡ್‍ೕಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಳ್ಳದ್ ನಿಂಗ ಓದಿತ್‌ಲ್ಲೆಯಾ?

ಮತ್ತಾಯ 22:30

ಚತ್ತ್ ಪೋನಯಿಂಗ ಜೀವವಾಯಿತ್ ಎದ್ದಿತ್ ಬಪ್ಪಕ, ದಾರೂ ಮಂಗಲ ಕಯಿಪದು ಇಲ್ಲೆ, ಮಂಗಲ ಮಾಡಿ ಕೊಡ್‌ಪದು ಇಲ್ಲೆ. ಅಯಿಂಗ ಪರಲೋಕತ್‌ಲುಳ್ಳ ದೇವದೂತಂಗಡನೆಕೆ ಇಪ್ಪ.

ಮತ್ತಾಯ 22:32

ಅನ್ನನಾಚೇಂಗಿ ಅಂವೊ ಚತ್ತ್ ಪೋನಯಿಂಗಕ್ ದೇವ ಅಲ್ಲ ಆಚೇಂಗಿ ಜೀವತ್‍ಲ್ ಉಳ್ಳಯಿಂಗಕ್ ದೇವನಾಯಿತುಂಡ್‍ೕಂದ್ ಎಣ್ಣ್‌ಚಿ.

ಮತ್ತಾಯ 9:13

ನಿಂಗ ದೇವಕ್ ಕೊಡ್‍ಪ ಬಲೀಲ್ ನಾಕ್ ಕುಶಿ ಇಲ್ಲೆ. ಆಚೇಂಗಿ ನಿಂಗ ಜನಡಮೇಲೆ ಕಾಟುವ ಕರುಣೇಲ್ ನಾಕ್ ದುಂಬ ಕುಶಿ ಉಂಡ್‍ೕಂದ್ ಎಣ್ಣುವ ದೇವಡ ವಾಕ್ಯಕ್‍ತ್‍ರ ಅರ್ಥ ಎಂತ್‍ೕಂದ್ ಪೋಯಿತ್ ಪಡಿರೀಂದ್ ಎಣ್ಣ್‌ಚಿ. ನೀತಿವಂತಯಿಂಗಳ ಅಲ್ಲ, ಆಚೇಂಗಿ ಪಾಪಿಯಳ ಕಾಕಿಯಂಡ್ ಪೋಪಕಾಯಿತೇ ನಾನ್ ಬಂದಿಯೇಂದ್ ಎಣ್ಣ್‌ಚಿ.