ಮತ್ತಾಯ 22:30 - ಕೊಡವ ಬೈಬಲ್

³⁰ ಚತ್ತ್ ಪೋನಯಿಂಗ ಜೀವವಾಯಿತ್ ಎದ್ದಿತ್ ಬಪ್ಪಕ, ದಾರೂ ಮಂಗಲ ಕಯಿಪದು ಇಲ್ಲೆ, ಮಂಗಲ ಮಾಡಿ ಕೊಡ್‌ಪದು ಇಲ್ಲೆ. ಅಯಿಂಗ ಪರಲೋಕತ್‌ಲುಳ್ಳ ದೇವದೂತಂಗಡನೆಕೆ ಇಪ್ಪ.

ಮತ್ತಾಯ 22:30 ပူးပေါင်းရင်းမြစ်များ

ಮತ್ತಾಯ 13:43

ನೀತಿವಂತಯಿಂಗ ಅಯಿಂಗಡ ಅಪ್ಪಂಡ ರಾಜ್ಯತ್‍ಲ್ ಸೂರ್ಯಂಡನೆಕೆ ಮಿನ್ನುವ. ಕ್‍ೕಪಕ್ ಕೆಮಿ ಉಳ್ಳಯಿಂಗ ಕ್‍ೕಳಿ.

ಮತ್ತಾಯ 18:10

ಈ ಚೆರಿಯಯಿಂಗಡಡೆಲ್ ಒಬ್ಬನನೂ ಕಮ್ಮಿಯಾಯಿತ್ ನೋಟತೆ ಇಪ್ಪಕ್ ಎಚ್ಚರತ್‍ಲ್ ಇರಿ. ಅಯಿಂಗಡ ದೇವದೂತಂಗ ನಾಡ ಪರಲೋಕತುಲುಳ್ಳ ಅಪ್ಪಂಡ ಮೂಡ್‍ನ ಎಕ್ಕಲೂ ಅಯಿಂಗಕಾಯಿತ್ ನೋಟಿಯಂಡ್ ಇಪ್ಪ.

ಮತ್ತಾಯ 22:31

ಚತ್ತ್ ಪೋನಯಿಂಗ ಜೀವವಾಯಿತ್ ಏವ ವಿಷಯತ್ ದೇವ: ನಾನ್ ಅಬ್ರಹಾಮಂಡ ದೇವ, ಇಸಾಕಂಡ ದೇವ ಪಿಂಞ ಯಾಕೋಬಂಡ ದೇವಾಂದ್, ದೇವಡ ವಾಕ್ಯತ್‍ಲ್ ಒಳ್‍ದಿತುಳ್ಳದ್‍ನ ನಿಂಗ ಓದಿತ್ತ್‌ಲ್ಲೆಯಾ?

ಮತ್ತಾಯ 24:38

ಎನ್ನನೆ ಎಣ್ಣ್‌ಚೇಂಗಿ ಜಲಪ್ರಳಯ ಬಪ್ಪಕ್ ಮಿಂಞ, ನೋಹ ಕಪ್ಪಲ್‍ರ ಒಳ್‍ಕ್ ಪೋಪಕತ್ತನೆ ಜನ ಉಂಡಿತ್, ಕುಡಿಚಿತ್ ಮಂಗಲ ಕಯಿಚಂಡ್ ಮಂಗಲ ಮಾಡಿ ಕೊಡ್‌ತಂಡ್ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:27

ನೋಹಂಡ ಕುಟುಂಬಕಾರ ನೋಹಂಡ ಬಲ್ಯ ಕಪ್ಪಲ್‍ರ ಒಳ್‍ಕ್ ಪೋನ ದಿವಸಕತ್ತನೆ, ಜನ ಉಂಡಂಡ್ ಕುಡಿಚಂಡ್, ಮಂಗಲ ಕಯಿಚಂಡ್, ಮಂಗಲ ಮಾಡಿಕೊಡ್‌ತಂಡ್ ಇಂಜತ್. ಅಕ್ಕ ಜಲಪ್ರಳಯ ಬಂದಿತ್ ಎಲ್ಲಾ ಜನಳ ನಾಶ ಮಾಡ್‍ಚಿ.

ಪ್ರಕಟನೆ 19:10

ಅಕ್ಕ ನಾನ್ ಅಯಿಂಗಕ್ ಅಡ್ಡ ಬುದ್ದಿತ್ ವಂದನೆ ಮಾಡಂಡೂಂದ್ ಕಾಲ್ ಪುಡ್‌ಚಿಯೆ. ಅಂವೊ ನನ್ನ ನೋಟಿತ್: ಅನ್ನನೆ ಮಾಡತೆ, ನಾನ್ ಸಹ ನೀಡ ಕೂಡೆ ಯೇಸುರ ವಿಷಯತ್ ಸಾಕ್ಷಿ ಕೊಡ್‍ತ ನೀಡ ಅಣ್ಣತಮ್ಮಣಂಗಡ ಕೂಡೆ ಒರ್ ಸೇವಕ; ದೇವಕ್ ಆರಾದನೆ ಮಾಡ್. ಯೇಸುರ ವಿಷಯತ್‍ರ ಸಾಕ್ಷಿ, ಪ್ರವಾದನೆರ ಆತ್ಮವಾಯಿತುಂಡ್‍ೕಂದ್ ಎಣ್ಣ್‌ಚಿ.