ಮತ್ತಾಯ 22:21 - ಕೊಡವ ಬೈಬಲ್

²¹ ಅಯಿಂಗ: ಇದ್‍ಲ್ ಕೈಸರಂಡದ್ ಉಂಡ್‍ೕಂದ್ ಅಯಿಂಗ ಎಣ್ಣ್‌ಚಿ. ಅಕ್ಕ ಅಂವೊ: ಅಕ್ಕುವ, ಅನ್ನನಾಚೇಂಗಿ ಕೈಸರಂಡದ್‍ನ ಕೈಸರಂಗ್ ಕೊಡಿ, ದೇವಡದ್‌ನ ದೇವಕ್ ಕೊಡೀಂದ್ ಉತ್ತರ ಕೊಡ್‍ತತ್.

ಮತ್ತಾಯ 22:21 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 24:21

ನಾಡ ಮೋನೇ, ಯೆಹೋವಂಗು, ರಾಜಂಗು ಬೊತ್ತಿತ್‌ ನಡೆ. ಅಯಿಂಗ ದಂಡಾಳ್‌ನ ವಿರೋದಿಚಿಡುವ ಜನಡ ಕೂಡೆ ಕೂಡತೆ.

ಮತ್ತಾಯ 22:20

ಈ ನಾಣ್ಯತ್‌ಲ್ ಉಳ್ಳ ಮೂಡ್ ಪಿಂಞ ಪೆದ ದಾಡದ್‍ೕಂದ್ ಕ್‍ೕಟತ್.

ಮತ್ತಾಯ 22:37

ಯೇಸು ಅಂವೊನ ನೋಟಿತ್: ನೀಡ ದೇವನಾನ ಒಡೆಯನ ನೀಡ ತ್‍ೕರ ಹೃದಯತ್‍ಲ್, ನೀಡ ತ್‍ೕರ ಆತ್ಮತ್‍ಲ್, ನೀಡ ತ್‍ೕರ ಮನಸ್ಸ್‌ಲ್ ಪ್ರೀತಿಮಾಡ್.

ಮತ್ತಾಯ 4:10

ಅದ್ಂಗ್ ಯೇಸು: ನಾಡ ಬಯ್ಯಕ್ ಪೋ ಸೈತಾನೇ, ನೀಡ ಒಡೆಯನಾನ ದೇವನ ಮಾತ್ರ ಸೇವೆ ಮಾಡಿತ್, ಅಂವೊ ಒಬ್ಬಂಗೇ ಆರಾದನೆ ಮಾಡಂಡೂಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಂಡ್‍ೕಂದ್ ಎಣ್ಣ್‌ಚಿ.

ಮಾರ್ಕ 12:17

ಅಕ್ಕ ಯೇಸು ಅಯಿಂಗಕ್: ಅಕ್ಕುವ, ಅಕ್ಕ, ಕೈಸರಂಡದ್‍ನ ಕೈಸರಂಗ್ ಕೊಡಿ, ದೇವಡದ್ ದೇವಕ್ ಕೊಡೀಂದ್ ಉತ್ತರ ಕೊಡ್‍ತತ್. ಅಯಿಂಗಕ್ ಯೇಸುರ ತಕ್ಕ್ ಕ್‍ೕಟದು ಆಶ್ಚರ್ಯ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:25

ಅಕ್ಕ ಅಂವೊ: ಅಕ್ಕುವ, ಅನ್ನನಾಚೇಂಗಿ, ಕೈಸರಂಡದ್‌ನ ಕೈಸರಂಗ್ ಕೊಡಿ, ದೇವಡದ್‌ನ ದೇವಕ್ ಕೊಡೀಂದ್ ಉತ್ತರ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:2

ಅಲ್ಲಿ ಯೇಸುರ ಮೇಲೆ ಕುತ್ತಪರಿವಕ್ ಸುರು ಮಾಡ್‍ಚಿ. ಇಂವೊ, ಕೈಸರಂಗ್ ಕಂದಾಯ ಕೊಡ್‌ಕತಿ, ನಾನೇ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತ ಎಣ್ಣುವ ಯೆಹೂದ್ಯಂಗಡ ರಾಜಾಂದ್ ಎಣ್ಣಿತ್, ಜನಡ ಮನಸ್ಸ್‌ನ ಕಲಹ ಮಾಡಂಡೂಂದ್ ಪಾಳ್ ಮಾಡಿಯಂಡ್ ಇಂಜದ್‍ನ ನಂಗ ಕಂಡತ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 4:19

ಆಚೇಂಗಿ ಪೇತ್ರ ಪಿಂಞ ಯೋಹಾನ ಅಯಿಂಗಕ್: ದೇವಡ ತಕ್ಕ್‌ಕ್ ಬಗ್ಗಿತ್ ನಡ್‍ಕತೆ ನಿಂಗಡ ತಕ್ಕ್‌ಕ್ ಬಗ್ಗಿತ್ ನಡ್‍ಪದ್ ದೇವಡ ಮಿಂಞತ್ ನ್ಯಾಯವಾಂದ್ ನಿಂಗಳೇ ಗೇನ ಮಾಡಿ.

ಅಪೊಸ್ತಲ 5:29

ಪೇತ್ರ ಪಿಂಞ ಬಾಕಿಯುಳ್ಳ ಅಪೊಸ್ತಲಂಗ ಅಯಿಂಗಕ್: ಮನುಷ್ಯಂಗಡ ತಕ್ಕ್ ಕ್‍ೕಪಕಿಂಜ ದೇವಡ ತಕ್ಕ್‌ಕ್ ಬಗ್ಗಿತ್ ನಡ್‍ಪದೇ ಸರಿಯಾನದ್.

ರೋಮ್ 13:7

ಆನಗುಂಡ್, ನಿಂಗ ಎಲ್ಲಾರ್‌ಕು ಎಂತ ಕರ್ತವ್ಯತ್‍ನ ಮಾಡಂಡುವೋ ಅದ್‍ನ ಮಾಡಿ. ದಾರ್‌ಕ್ ಕಂದಾಯತ್‍ನ ಕೊಡ್‍ಕಂಡುವೊ ಅಯಿಂಗಕ್ ಕಂದಾಯತ್‍ನ ಕೊಡಿ, ದಾರ್‌ಕ್ ಸುಂಕ ಕೊಡ್‍ಕಂಡುವೊ ಅಯಿಂಗಕ್ ಸುಂಕತ್‌ನ ಕೊಡಿ; ದಾರ್‌ಕ್ ಬೊತ್ತಿತ್ ನಡ್‍ಕಂಡುವೊ ಅಯಿಂಗಕ್ ಬೊತ್ತಿತ್ ನಡ್‌ಕಂಡು, ದಾರ್‌ಕ್ ಮರ್ಯಾದೆ ಕೊಡ್‍ಕಂಡುವೊ ಅಯಿಂಗಕೆಲ್ಲ ಮರ್ಯಾದೆ ಕೊಡಿ.