ಮತ್ತಾಯ 21:31 - ಕೊಡವ ಬೈಬಲ್

³¹ ಈಂಗ ದಂಡಾಳ್‌ರ ಕೂಟ್‌ಲ್ ಅಪ್ಪಂಡ ಆಸೆ ಪ್ರಕಾರ ನಡ್ಂದಂವೊ ದಾರ್‍ೕಂದ್ ಕ್‍ೕಟತ್; ಅದ್ಂಗ್ ಅಯಿಂಗ: ಪೆರಿಯ ಮೋಂವೊನೇಂದ್ ಎಣ್ಣ್‌ಚಿ. ಪಿಂಞ ಯೇಸು, ಅನ್ನನೆ ಕಂದಾಯ ಎಡ್‌ಪಯಿಂಗಳು, ವೇಶಿಯಳು ನಿಂಗಕಿಂಜ ಮಿಂಞ ದೇವಡ ರಾಜ್ಯಕ್ ಪೋಪಾಂದ್ ನೇರಾಯಿತು ಎಣ್ಣುವೀಂದ್ ಎಣ್ಣ್‌ಚಿ.

ಮತ್ತಾಯ 21:31 ပူးပေါင်းရင်းမြစ်များ

ಮತ್ತಾಯ 12:50

ಪರಲೋಕತ್‍ಲ್ ಉಳ್ಳ ನಾಡ ಅಪ್ಪಂಡ ಚಿತ್ತತ್‍ನ ಮಾಡ್‍ವಯಿಂಗಳೇ ನಾಡ ಅಣ್ಣತಮ್ಮಣ, ಅಕ್ಕತಂಗೆಯ ಪಿಂಞ ಅವ್ವಳು ಆಯಿತುಂಡ್‍ೕಂದ್ ಎಣ್ಣ್‌ಚಿ.

ಮತ್ತಾಯ 18:3

ನಾನ್ ನಿಂಗಕ್ ನೇರಾಯಿತು ಎಣ್ಣ್‌ವಿ: ನಿಂಗಡ ಮನಸ್ಸ್ ಬದ್‍ಲಾಯಿತ್ ಈ ಕುಂಞಿರನೆಕೆ ಆಕತಪೋನಕ ನಿಂಗ ಪರಲೋಕ ರಾಜ್ಯಕ್ ಪೋಪಕ್ ಕಯ್ಯುಲೆ.

ಮತ್ತಾಯ 20:16

ಅನ್ನನೆ, ದಾರ್ ಮಿಂಞತ್‍ಲ್ ಉಂಡೋ ಅಯಿಂಗ ಬಯ್ಯತ್ ಆಯಿಪೋಪ. ಬಯ್ಯತ್ ಉಳ್ಳಯಿಂಗ ಮಿಂಞಕ್ ಇಪ್ಪಾಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 21:30

ದಂಡನೆ ಮೋಂವೊಂಡ ಪಕ್ಕ ಬಂದಿತ್: ದ್ರಾಕ್ಷಿ ತೋಟತ್‍ರ ಪಣಿಕ್ ಪೋಂದ್ ಎಣ್ಣ್‌ಚಿ. ಅಕ್ಕ ಅಂವೊ, ನಾನ್ ಪೋಪೀಂದ್ ಎಣ್ಣ್‌ಚಿ. ಆಚೇಂಗಿ ಕೆಲಸ ಮಾಡ್‌ವಕ್ ಪೋಯಿತ್‌ಲ್ಲೆ.

ಮತ್ತಾಯ 5:18

ನಿಂಗಕ್ ನೇರಾಯಿತು ಎಣ್ಣ್‌ವಿ: ಬಾನವು ಬೂಮಿಯು ಮಾಯ ಆಚೇಂಗಿಯು, ನ್ಯಾಯಪ್ರಮಾಣತ್‍ರ ಒಳ್‍ತ್‍ರ ಒರ್ ಚೆರಿಯ ಬಾಗ ಕೂಡೆ ಪಾಳಾಕತೆ, ಅದ್ಂಡ ಉದ್ದೇಶ ನೆರೆವೇರುವಕತ್ತನೆ ಅನ್ನನೆ ಇಪ್ಪ.

ಮತ್ತಾಯ 5:46

ನಿಂಗಳ ಪ್ರೀತಿ ಮಾಡ್‌ವಯಿಂಗಳ ಮಾತ್ರ ನಿಂಗ ಪ್ರೀತಿ ಮಾಡ್‍ಚೇಂಗಿ ಎಂತ ಫಲ? ಕಂದಾಯ ಎಡ್‌ಪಯಿಂಗಳು ಅನ್ನನೆ ಮಾಡ್‌ವಲ್ಲ?

ಮತ್ತಾಯ 6:5

ನಿಂಗ ಪ್ರಾರ್ಥನೆ ಮಾಡ್‌ವಕಾಪಕ ಕಪಟಿಯರನೆಕೆ ಮಾಡಂಡ. ಎಲ್ಲಾರು ಕಾಂಗಂಡೂಂದ್ ಎದ್ದ್ ನಿಂದಿತ್ ಸಬಾಮಂದಿರತ್‍ಲ್, ಬೀದಿ ಮೂಲೆಲ್ ಪ್ರಾರ್ಥನೆ ಮಾಡ್‌ವಕ್ ಅಯಿಂಗ ಕುಶಿ ಪಡ್‍ವ. ಪೂರ್ತಿಯಾಯಿತ್ ಅಯಿಂಗಕ್ ಫಲ ಕ್‍ಟ್ಟ್‌ಚೀಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ

ಮತ್ತಾಯ 7:21

ನನ್ನ, ಒಡೆಯನೇ, ಒಡೆಯನೇಂದ್ ಕಾಕ್‍ವ ಎಲ್ಲಾರು ಪರಲೋಕಕ್ ಪೋಪುಲೆ, ಆಚೇಂಗಿ ದಾರ್ ಪರಲೋಕ ರಾಜ್ಯತ್‍ಲ್ ಉಳ್ಳ ನಾಡ ಅಪ್ಪಂಡ ಚಿತ್ತತ್‍ನ ನೆರೆವೇರಿಚಿಡ್‍ವ ಅಯಿಂಗ ಮಾತ್ರ ಪರಲೋಕಕ್ ಪೋಪ.

ಮತ್ತಾಯ 9:9

ಅಲ್ಲಿಂಜ ಯೇಸು ಪೋಯಂಡಿಪ್ಪಕ, ಮತ್ತಾಯಾಂದ್ ಪೆದ ಉಳ್ಳ ಒಬ್ಬ ಕಂದಾಯ ಎಡ್‌ಪ ಅಲ್ಲಿಯತ್‍ರ ಕಛೇರಿಲ್ ಅಳ್‌ತಂಡಿಪ್ಪದ್‍ನ ಕಂಡತ್. ಅಂವೊಂಗ್ ಯೇಸು: ನಾಡ ಬಯ್ಯ ಬಾಂದ್ ಎಣ್ಣ್‌ಚಿ. ಅಕ್ಕ ಅಂವೊ ಎದ್ದಿತ್ ಅಂವೊಂಡ ಬಯ್ಯಕ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:10

ಅನ್ನನೆ ಒರೇ ಒರ್ ಪಾಪ ಮಾಡ್‍ನ ಮನುಷ್ಯ ದೇವಡ ಕಡೇಕ್ ತಿರ್‌ಗ್‍ಚೇಂಗಿ ಪರಲೋಕತ್‍ಲ್ ಉಳ್ಳ ದೇವದೂತಂಗಡ ಮಿಂಞತ್‍ಲ್ ಸಂತೋಷ ಉಂಟಾಪಾಂದ್ ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:22

ಅದ್ಂಗ್ ರಾಜ: ನೀನ್ ಒಂದಂಗೂ ಪ್ರಯೋಜನ ಇಲ್ಲತ ಆಳ್, ನಾಡದಲ್ಲತ್‍ದ್‍ನ ನಾನ್ ಎಡ್‍ಪೀಂದು, ನಾನ್ ಬಿತ್ತತ್‍ದ್‍ನ ಕೊಯ್ಯುವೀಂದು ನೀಕ್ ಗೊತ್ತ್ಂಜತಲ್ಲ? ಪಿಂಞ ಎನ್ನಂಗ್ ನೀನ್ ನಾಡ ಪಣತ್‍ನ ಬಡ್ಡಿಕ್ ಕೊಡ್‍ತಿತ್‌ಲ್ಲೆ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:29

ಎಲ್ಲಾರು ಯೋಹಾನಂಡ ಬೋದನೆನ ಕ್‍ೕಟತ್. ಮುಕ್ಯವಾಯಿತ್ ಕಂದಾಯ ಎಡ್‌ಪ ಜನಳು ಯೋಹಾನಂಡ ಉಪದೇಶತ್‍ನ ಕ್‍ೕಟಿತ್, ದೀಕ್ಷಾಸ್ನಾನ ಎಡ್‍ತಿತ್ ದೇವ ನೀತಿಯುಳ್ಳಂವೋಂದ್ ಅರಿಕೆ ಮಾಡ್‍ಚಿ.

ಯೋಹಾನ 3:3

ಅಂವೊಂಗ್ ಯೇಸು: ಒಬ್ಬ ಪುನಃ ಪುಟ್ಟತೆ ಪೋನಕ ಅಂವೊ ದೇವಡ ರಾಜ್ಯತ್‍ನ ಕಾಂಬಕ್ ಕಯ್ಯುಲೇಂದ್ ನೇರಾಯಿತು ನೇರಾಯಿತು ನಾನ್ ನೀಕ್ ಎಣ್ಣುವೀಂದ್ ಉತ್ತರ ಕೊಡ್‍ತತ್.

ಯೋಹಾನ 3:5

ಯೇಸು ಅಂವೊಂಗ್: ಒಬ್ಬ, ನೀರ್ಂಜಲು ಪವಿತ್ರಾತ್ಮತ್‌ಂಜಲು ಪುಟ್ಟತೆ ಪೋಚೇಂಗಿ ದೇವಡ ರಾಜ್ಯಕ್ ಪೋಪಕ್ ಕಯ್ಯುಲೇಂದ್ ನಿಂಗಕ್ ನೇರಾಯಿತು ನೇರಾಯಿತು ಎಣ್ಣುವೀಂದ್ ಎಣ್ಣ್‌ಚಿ.

ಅಪೊಸ್ತಲ 17:30

ಜನಕ್ ನೇರಾಯಿತು ಗೊತ್ತಿಲ್ಲತ ಕಾಲತ್‍ಲ್ ಇನ್ನನೆ ಮಾಡ್‌ನಾನ ದೇವ ಲೆಕ್ಕ ಬೆಚ್ಚಿತ್‌ಲ್ಲೆ. ಆಚೇಂಗಿ ಇಕ್ಕ, ಎಲ್ಲಾ ಜಾಗತು, ಎಲ್ಲಾ ಜನಳು ಅಯಿಂಗಡ ಪಾಪಕಾಯಿತ್ ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ತಿರ್‌ಗಂಡೂಂದ್ ಹುಕುಮ್ ಕೊಡ್‍ತಂಡುಂಡ್.

ರೋಮ್ 3:19

ದೇವಡ ನ್ಯಾಯಪ್ರಮಾಣತ್‍ಲ್ ಎಣ್ಣುವ ವಿಷಯವೆಲ್ಲ, ನ್ಯಾಯಪ್ರಮಾಣಕ್ ಒಳಪಟ್ಟಯಿಂಗಕ್ ಎಣ್ಣಿಯಂಡುಂಡ್‍ೕಂದ್ ನಂಗಕ್ ಇಕ್ಕ ಗೊತ್ತುಂಡ್. ಅನ್ನನೆ ದಾರೂ ನಂಗ ಪಾಪಿ ಅಲ್ಲಾಂದ್ ಎಣ್ಣುವಕ್ ಕಯ್ಯತನೆಕೆ, ಈ ಲೋಕತ್‍ಲ್ ಉಳ್ಳ ಎಲ್ಲಾರು ಅಂವೊಂಗ್ ಲೆಕ್ಕ ಕೊಡ್‍ಪನೆಕೆ ಆಚಿ.

ರೋಮ್ 5:20

ಅದಲ್ಲತೆ, ಅಪರಾದ ಜಾಸ್ತಿ ಆಂಡೂಂದ್ ನ್ಯಾಯಪ್ರಮಾಣತ್‍ನ ಕೊಡ್‍ತತ್; ಆಚೇಂಗಿ, ಎಲ್ಲಿ ಪಾಪ ಜಾಸ್ತಿ ಆಚೋ, ಅಲ್ಲಿ ಕೃಪೆಯು ಇಂಞು ಜಾಸ್ತಿಯಾಚಿ.

2 ಪೇತ್ರ 3:9

ಚೆನ್ನ ಜನ ಎಣ್ಣ್‌ವನೆಕೆ, ಒಡೆಯ ತಾಂಡ ವಾಗ್ದಾನತ್‍ನ ನೆರೆವೇರಿಚಿಡುವ ವಿಷಯತ್‍ಲ್ ತಡೆ ಮಾಡಿಯಂಡಿಲ್ಲೆ. ಒಬ್ಬ ಸಹ ನಾಶ ಆಕತೆ ಎಲ್ಲಾರು ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ಬರಂಡೂಂದ್ ಕುಶಿಪಟ್ಟಿತ್ ನಿಂಗಳ ಗೇನಮಾಡಿಯಂಡೇ, ದುಂಬ ತಾಳ್ಮೇಳ್ ಉಳ್ಳಂವೊನಾಯಿತುಂಡ್.