ಮತ್ತಾಯ 21:23 - ಕೊಡವ ಬೈಬಲ್

²³ ಯೇಸು ದೇವಾಲಯಕ್ ಬಂದಿತ್, ಅಲ್ಲಿ ಬೋದನೆ ಮಾಡ್‌ವಕ್ ಸುರ್ ಮಾಡ್‍ಚಿ. ಮುಕ್ಯ ಯಾಜಕಂಗಳು ಪೆರಿಯಯಿಂಗಳು ಯೇಸುರ ಪಕ್ಕ ಬಂದಿತ್: ಇದ್‍ನೆಲ್ಲ ನೀನ್ ಏದ್ ಅದಿಕಾರತ್‍ಲ್ ಮಾಡಿಯಂಡುಳ್ಳಿಯಾ? ದಾರ್ ನೀಕ್ ಅದಿಕಾರತ್‍ನ ಕೊಡ್‌ತತ್‍ೕಂದ್ ಕ್‍ೕಟತ್.

ಮತ್ತಾಯ 21:23 ပူးပေါင်းရင်းမြစ်များ

ಮತ್ತಾಯ 20:4

ನಾಡ ದ್ರಾಕ್ಷಿ ತೋಟಕ್ ಪೋಯಿತ್ ಕೆಲಸ ಮಾಡಿ ನಿಂಗಕ್ ತಕ್ಕಂತ ಕೂಲಿನ ತಪ್ಪೀಂದ್ ಎಣ್ಣಿತ್ ಅಯಿಂಗಳ ಅಯಿಚತ್.

ಮತ್ತಾಯ 21:24

ಅಕ್ಕ ಯೇಸು: ನಾನ್ ನಿಂಗಳ ಒರ್ ಪ್ರಶ್ನೆ ಕ್‍ೕಪಿ. ಅದ್ಂಗ್ ನಿಂಗ ಉತ್ತರ ತಂದಕ, ನಾನ್ ಏದ್ ಅದಿಕಾರತ್‍ಲ್ ಈ ಕ್ರಿಯೇನೆಲ್ಲ ಮಾಡಿಯಂಡುಳ್ಳ್‌ಂದ್ ನಿಂಗಕ್ ಎಣ್ಣ್‌ವಿ.

ಮತ್ತಾಯ 24:1

ಯೇಸು ದೇವಾಲಯತ್ಂಜ ಪೊರಮೆ ಪೋಪಕಾಪಕ ಅಂವೊಂಡ ಶಿಷ್ಯಂಗ ದೇವಲಾಯತ್‌ರ ಕಟ್ಟಡತ್‌ನ ಅಂವೊಂಗ್ ಕಾಟ್‍ವಕ್ ಪಕ್ಕ ಬಾತ್.

ಮತ್ತಾಯ 26:55

ಅದೇ ಸಮಯತ್‍ಲ್ ಯೇಸು ಜನಡ ಗುಂಪ್‌ಕ್: ಕಳ್ಳನ ಪುಡಿಪಕ್ ಬಂದನೆಕೆ ಕತ್ತಿ ಪಿಂಞ ದೊಣ್ಣೆನೆಲ್ಲ ಎಡ್‌ತ ಬಂದಿತುಳ್ಳಿರಲ್ಲಾ? ನಾನ್ ದಿನಾಲು ನಿಂಗಡ ಕೂಡೆ ದೇವಾಲಯತ್‍ಲ್ ಬೋದನೆ ಮಾಡಿಯಂಡಿಂಜ್, ಅಕ್ಕ ನಿಂಗ ಪುಡ್‌ಚಿತ್‌ಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:47

ಇದಾನ ಪಿಂಞ, ಯೇಸು ಎಕ್ಕಾಲು ದೇವಾಲಯತ್‍ಲ್ ಬೋದನೆ ಕೊಡ್‌ತಂಡ್ ಇಂಜತ್. ಮುಕ್ಯ ಯಾಜಕಂಗ, ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಪಿಂಞ ಜನಡ ಪೆರಿಯಯಿಂಗ ಎಲ್ಲಾರು ಯೇಸುನ ಕೊಲ್ಲುವಕ್ ನೋಟಿಯಂಡ್ ಇಂಜತೇಂಗಿಯು,

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:1

ಒರ್ ದಿವಸ ಯೇಸು ದೇವಾಲಯತ್‍ಲ್ ಜನಕ್ ಬೋದನೆ ಕೊಡ್‌ತಂಡ್, ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡಿಪ್ಪಕ, ಮುಕ್ಯ ಯಾಜಕಂಗಳು, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳು ಪಿಂಞ ಪೆರಿಯಯಿಂಗಳು ಕೂಡಿಯಂಡ್ ಯೇಸುರ ಪಕ್ಕ ಬಂದಿತ್:

ಅಪೊಸ್ತಲ 4:7

ಈಂಗ, ಪೇತ್ರ ಪಿಂಞ ಯೋಹಾನನ ಅಯಿಂಗಡ ಮದ್ಯತ್‍ಲ್ ನಿಪ್ಪ್‌ಚಿಟ್ಟಿತ್: ನಿಂಗ ಏದ್ ಶಕ್ತಿಲ್, ಅಥವ ದಾಡ ಪೆದತ್‍ಲ್ ಇನ್ನನೆ ಮಾಡಿರಾಂದ್ ಕ್‍ೕಟತ್.

ಅಪೊಸ್ತಲ 7:27

ಆಚೇಂಗಿ ತಪ್ಪ್ ಮಾಡ್‍ನಂವೊ ಮೋಶೇನ ಆಬರಿಕ್ ತಳ್ಳಿತ್: ನಿನ್ನ ನಂಗಕ್ ಅದಿಕಾರಿಯಾಯಿತು, ನ್ಯಾಯಾದಿಪತಿಯಾಯಿತು ಮಾಡ್‍ನಂವೊ ದಾರ್?