ಮತ್ತಾಯ 21:21 - ಕೊಡವ ಬೈಬಲ್

²¹ ಅದ್ಂಗ್ ಯೇಸು: ನಾನ್ ನಿಂಗಕ್ ನೇರಾಯಿತ್ ಎಣ್ಣ್‌ವಿ, ನಿಂಗಕ್ ಅನುಮಾನ ಇಲ್ಲತ ನಂಬಿಕೆ ಉಂಡೇಂಗಿ, ನಾನ್ ಈ ಅತ್ತಿ ಮರಕ್ ಮಾಡ್‌ನಾನ ನಿಂಗಳು ಮಾಡ್‌ವಕ್ ಕಯ್ಯು. ಅಚ್ಚಕೇ ಅಲ್ಲ, ಈ ಕುಂದ್‌ಕ್ ಏಳ್, ನೀನ್ ಆ ಸಮುದ್ರಕ್ ಬುದ್ದ್‌ಪೋಂದ್ ಒರ್ ಅನುಮಾನುವು ಇಲ್ಲತೆ ನಂಬಿಕೇಲ್ ಎಣ್ಣ್‌ಚೇಂಗಿಯು, ಅನ್ನನೆ ಆಪ.

ಮತ್ತಾಯ 21:21 ပူးပေါင်းရင်းမြစ်များ

ಯಾಕೋಬ 1:6

ಆಚೇಂಗಿಯು ನಿಂಗ ಅಪನಂಬಿಕೆಲ್ ಕ್‍ೕಕತೆ, ನಾನ್ ಕ್‍ೕಪದ್ ದೇವ ತಪ್ಪಾಂದ್ ನಂಬಿಕೇಲ್ ಕ್‍ೕಕಂಡು.

ಮತ್ತಾಯ 17:20

ಅದ್ಂಗ್ ಯೇಸು: ನಿಂಗಕ್ ನಾಡ ಮೇಲೆ ಬೋಂಡಿಯಾನ ನಂಬಿಕೆ ಇಲ್ಲೆ; ನಿಂಗಕ್ ನಾಡ ಮೇಲೆ ಕಡು ಕುರುರಚ್ಚಕ್ ನಂಬಿಕೆ ಉಂಡೇಂಗಿ, ನಿಂಗ ಈ ಕುಂದ್‌ಕ್ ನೀನ್ ಇಲ್ಲಿಂಜ ಪೋಯಿತ್ ಅಲ್ಲಿ ಇರ್‍ೕಂದ್ ಎಣ್ಣ್‌ಚೇಂಗಿ ಆ ಕುಂದ್ ಅಲ್ಲಿಕ್ ಪೋಪ; ನಿಂಗಕ್ ಮಾಡ್‌ವಕ್ ಕಯ್ಯತದ್‍ೕಂದ್ ಒಂದು ಇಲ್ಲೇಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

1 ಕೊರಿಂಥ 13:2

ನಾನ್ ಪ್ರವಾದನೆ ಮಾಡ್‌ವ ವರತ್‍ನ ಪಡ್ಂದಂವೊನಾಯಿತ್, ಎಲ್ಲಾ ಗುಟ್ಟ್‌ನ ಪಿಂಞ ಬುದ್ದಿನ ಅರ್ಥಮಾಡ್‍ಂವೊನಾಯಿತ್ ಇಂಜತೇಂಗಿಯು, ಕುಂದ್‍ನ ತಳ್ಳ್‌ವಕುಳ್ಳ ಎಲ್ಲಾ ನಂಬಿಕೆ ಉಳ್ಳಂವೊನಾಯಿತ್ ಇಂಜತೇಂಗಿಯು, ನಾಕ್ ಪ್ರೀತಿ ಇಲ್ಲತೆಪೋಚೇಂಗಿ, ನಾನ್ ಒಂದು ಇಲ್ಲೆ.

ಮತ್ತಾಯ 8:12

ಆಚೇಂಗಿ ರಾಜ್ಯತ್‍ರ ಮಕ್ಕಳ ಪೊರಮೆ ಇರ್‌ಟ್‌ಲ್ ತಳ್ಳಿರ್‌ವ. ಅಲ್ಲಿ ಮೊರಟಂಡ್, ಪಲ್ಲ್ ಕಡಿಚಂಡ್ ನರಳಿಯಂಡ್ ಇಪ್ಪ.

ಮತ್ತಾಯ 21:20

ಶಿಷ್ಯಂಗ ಇದ್‍ನ ಕಂಡಿತ್ ಆಶ್ಚರ್ಯಪಟ್ಟಿತ್: ಎನ್ನನೆ ಈ ಮರ ಅಚ್ಚಕ್ ಬೆರಿಯ ಒಣಂಗಿ ಪೋಚೀಂದ್ ಕ್‍ೕಟತ್.

ಮತ್ತಾಯ 14:29

ಯೇಸು ಬಾಂದ್ ಎಣ್ಣ್‌ಚಿ. ಅಕ್ಕ, ಪೇತ್ರ ಯೇಸುರ ಪಕ್ಕ ಪೋಪಕ್ ದೋಣಿಯಿಂಜ ಇಳಿಂಜಿತ್, ನೀರ್‌ರ ಮೇಲೆ ನಡ್ಂದತ್.