ಮತ್ತಾಯ 21:20 - ಕೊಡವ ಬೈಬಲ್

²⁰ ಶಿಷ್ಯಂಗ ಇದ್‍ನ ಕಂಡಿತ್ ಆಶ್ಚರ್ಯಪಟ್ಟಿತ್: ಎನ್ನನೆ ಈ ಮರ ಅಚ್ಚಕ್ ಬೆರಿಯ ಒಣಂಗಿ ಪೋಚೀಂದ್ ಕ್‍ೕಟತ್.

ಮತ್ತಾಯ 21:20 ပူးပေါင်းရင်းမြစ်များ

ಮತ್ತಾಯ 21:19

ಆ ಬಟ್ಟೇಲ್ ಒರ್ ಅತ್ತಿ ಮರತ್‍ನ ಕಂಡಿತ್ ಅದ್ಂಡ ಪಕ್ಕ ಪೋಯಿತ್, ಪಣ್ಣ್ ಉಂಡಾಂದ್ ನೋಟ್‌ಚಿ. ಆಚೇಂಗಿ, ಬರಿ ಎಲ್‌ಕಂಡ ಉಳ್ಳಾನ ಕಂಡತ್. ಅಕ್ಕ ಆ ಮರಕ್: ನೀನ್ ಇಂಞು ಮಿಂಞಕ್ ಪಣ್ಣ್ ಕೊಡ್‍ಪಕ್ಕಾಗಾಂದ್ ಎಣ್ಣ್‌ಚಿ. ಅಕ್ಕಲೆ ಆ ಮರ ಒಣಂಗಿ ಪೋಚಿ.

ಮತ್ತಾಯ 21:21

ಅದ್ಂಗ್ ಯೇಸು: ನಾನ್ ನಿಂಗಕ್ ನೇರಾಯಿತ್ ಎಣ್ಣ್‌ವಿ, ನಿಂಗಕ್ ಅನುಮಾನ ಇಲ್ಲತ ನಂಬಿಕೆ ಉಂಡೇಂಗಿ, ನಾನ್ ಈ ಅತ್ತಿ ಮರಕ್ ಮಾಡ್‌ನಾನ ನಿಂಗಳು ಮಾಡ್‌ವಕ್ ಕಯ್ಯು. ಅಚ್ಚಕೇ ಅಲ್ಲ, ಈ ಕುಂದ್‌ಕ್ ಏಳ್, ನೀನ್ ಆ ಸಮುದ್ರಕ್ ಬುದ್ದ್‌ಪೋಂದ್ ಒರ್ ಅನುಮಾನುವು ಇಲ್ಲತೆ ನಂಬಿಕೇಲ್ ಎಣ್ಣ್‌ಚೇಂಗಿಯು, ಅನ್ನನೆ ಆಪ.

ಮತ್ತಾಯ 8:10

ಇದ್‍ನ ಕ್‍ೕಟ ಯೇಸು, ಅಲ್ಲಿ ಉಳ್ಳ ಜನಳೆಲ್ಲ ನೋಟ್‌ವಂಜಿ: ಇನ್ನತ ಒರ್ ನಂಬಿಕೇನ ಇಸ್ರಾಯೇಲ್ ಜನತ್‍ಲ್ ಸಹ ನಾನ್ ಕಂಡಿತ್‌ಲ್ಲೇಂದ್ ಆಶ್ಚರ್ಯತ್‍ಲ್ ಎಣ್ಣ್‌ಚಿ.