ಮತ್ತಾಯ 21:19 - ಕೊಡವ ಬೈಬಲ್

¹⁹ ಆ ಬಟ್ಟೇಲ್ ಒರ್ ಅತ್ತಿ ಮರತ್‍ನ ಕಂಡಿತ್ ಅದ್ಂಡ ಪಕ್ಕ ಪೋಯಿತ್, ಪಣ್ಣ್ ಉಂಡಾಂದ್ ನೋಟ್‌ಚಿ. ಆಚೇಂಗಿ, ಬರಿ ಎಲ್‌ಕಂಡ ಉಳ್ಳಾನ ಕಂಡತ್. ಅಕ್ಕ ಆ ಮರಕ್: ನೀನ್ ಇಂಞು ಮಿಂಞಕ್ ಪಣ್ಣ್ ಕೊಡ್‍ಪಕ್ಕಾಗಾಂದ್ ಎಣ್ಣ್‌ಚಿ. ಅಕ್ಕಲೆ ಆ ಮರ ಒಣಂಗಿ ಪೋಚಿ.

ಮತ್ತಾಯ 21:19 ပူးပေါင်းရင်းမြစ်များ

ಮತ್ತಾಯ 21:20

ಶಿಷ್ಯಂಗ ಇದ್‍ನ ಕಂಡಿತ್ ಆಶ್ಚರ್ಯಪಟ್ಟಿತ್: ಎನ್ನನೆ ಈ ಮರ ಅಚ್ಚಕ್ ಬೆರಿಯ ಒಣಂಗಿ ಪೋಚೀಂದ್ ಕ್‍ೕಟತ್.

ಮಾರ್ಕ 11:14

ಇಂಞು ಮಿಂಞಕ್ ದಾರೂ ಈ ಮರತ್‍ರ ಪಣ್ಣ್‌ನ ತಿಂಬಕ್ಕಾಗ ಎಣ್ಣಿಯಂಡ್ ಯೇಸು ಆ ಮರಕ್ ಎಣ್ಣ್‌ಚಿ. ಇದ್‍ನ ಅಂವೊಂಡ ಶಿಷ್ಯಂಗ ಕ್‍ೕಟತ್.

ಮಾರ್ಕ 11:20

ಪಿತ್ಯಾಂದ್ ಪೊಲಾಕ ನೇರತೆ ಅಯಿಂಗ ಬಟ್ಟೇಲ್ ನಡ್ಂದ್ ಪೋಯಂಡಿಪ್ಪಕ ಅತ್ತಿಪಣ್ಣ್ ಮರ ಬೇರೋಡೆ ಒಣಂಗಿ ಚತ್ತ್ ಪೋಯಿತ್ಂಜಾನ ಕಂಡತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:9

ಇಕ್ಕಲೆ ಕೊಡಲಿನ ಮರತ್‍ರ ಬೇರ್‌ರ ಪಕ್ಕ ಬೆಚ್ಚಿತುಂಡ್. ಆನಗುಂಡ್ ನಲ್ಲ ಪಣ್ಣ್ ತರತ ಮರತ್‌ನೆಲ್ಲಾ ಕೆತ್ತಿತ್ ತಿತ್ತ್‌ಕ್ ಇಡ್‍ವಾಂದ್ ಅಂವೊ ಎಣ್ಣ್‌ಚಿ.

ಯೋಹಾನ 15:2

ನಾಡಲ್ಲಿ ಇಂಜಂಡ್ ಫಲ ಕೊಡ್‍ಕತ ಕೊಂಬ್‌ನೆಲ್ಲ ಅಂವೊ ಮುರಿಚಿತ್ ಇಡ್‌ವ; ಫಲ ತಪ್ಪ ಕೊಂಬ್‍ನ ಇಂಞು ದುಂಬ ಫಲ ತಪ್ಪನೆಕೆ ಕಪಾತ್ ಮಾಡ್‌ವ.

ಯೋಹಾನ 15:6

ದಾರ್ ನಾಡಲ್ಲಿ ಸ್ತಿರವಾಯಿತ್ ಇಲ್ಲೆ, ಅಂವೊ ಪೊರಮೆ ಚಾಡ್‌ನ ಕೊಂಬ್‌ರನೆಕೆ ಇಪ್ಪ. ಆ ಕೊಂಬ್ ಒಣಂಗಿ ಪೋಪ; ಅನ್ನನೆ ಚಾಡ್‌ನ ಕೊಂಬ್‍ನ ಕೂಟಿತ್ ತಿತ್ತ್‌ಕ್ ಇಡ್‌ವ. ಅನ್ನನೆ ಅದ್ ಚುಟ್ಟ್ ಪೋಪ.

2 ತಿಮೊಥೆಯ 3:5

ದೇವಡ ಮೇಲೆ ಬಕ್ತಿ ಉಳ್ಳಯಿಂಗಡನೆಕೆ ವೇಷ ಇಡ್‌ವ, ಆಚೇಂಗಿ, ದೇವಡ ಶಕ್ತಿನ ಅಯಿಂಗಡ ಒಳ್‍ಲ್ ಕ್ರಿಯೆ ಮಾಡ್‌ವಕ್ ಬುಡುಲೆ. ಈಂಗಳ ಬುಟ್ಟಿತ್ ನೀನ್ ದೂರ ಇರ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:16

ಅಯಿಂಗ ದೇವನ ಗೊತ್ತುಂಡ್‍ೕಂದ್ ಎಣ್ಣುವ, ಆಚೇಂಗಿ ಅಯಿಂಗ ಮಾಡ್‌ವ ಕ್ರಿಯೆ ಅಯಿಂಗಕ್ ದೇವ ಗೊತ್ತ್‌ಲ್ಲೇಂದ್ ಕಾಟಿತಪ್ಪ. ಅಯಿಂಗ, ಜನ ದ್ವೇಶ ಮಾಡ್‌ವಯಿಂಗಳಾಯಿತು, ಏದ್ ಅದಿಕಾರಕು ಬಗ್ಗಿತ್ ನಡ್‍ಕತಯಿಂಗಳಾಯಿತು ಉಂಡ್. ಆನಗುಂಡ್ ಅಯಿಂಗ ಏದ್ ನಲ್ಲ ಕ್ರಿಯೆ ಮಾಡ್‌ವಕು ಯೋಗ್ಯತೆ ಇಲ್ಲತಯಿಂಗಳಾಯಿತುಂಡ್.

ಯೂದ ಒಳ್‍ದ್‍ನ ಕಾಗದ 1:12

ಈಂಗ ನಿಂಗಡ ಕೂಡೆ ಅಳ್‌ತಂಡ್ ದೇವಡ ಗದ್ದಾಳತ್‍ಲ್ ತಿಂಬಕ ಅದ್ಂಡ ಪವಿತ್ರತ್‍ನ ಅಶುದ್ದ ಮಾಡಿತ್, ಞಾಣ ಇಲ್ಲತ ಕೊರಿ ಕಾಪಂವೊಂಡನೆಕೆ ಅಯಿಂಗಳ ಮಾತ್ರ ನೋಟಿಯೊವ. ಅಯಿಂಗ ನೆಲಕ್ ಮಳೆ ಕೊಡ್‍ಕತ ಬೀಜುವ ಮೋಡತ್‍ರನೆಕೆ ಪಿಂಞ ಫಲ ಕೊಡ್‍ಕತ ದಂಡ್ ಕುರಿ ಚತ್ತಿತ್ ಬೇರೋಡೆ ಒಣಂಗಿ ಪೋನ ಮರತ್‌ರನೆಕೆ ಆಯಿತುಂಡ್.

ಪ್ರಕಟನೆ 22:11

ಅನ್ಯಾಯ ಮಾಡ್‌ವಯಿಂಗ ಇಂಞು ಅನ್ಯಾಯ ಮಾಡಿಯಂಡೇ ಇರಡ್, ಅಶುದ್ದವಾಯಿತುಳ್ಳಯಿಂಗ ಇಂಞು ಅಶುದ್ದವಾಯಿತೇ ಇರಡ್, ನೀತಿವಂತಯಿಂಗ ಇಂಞು ನೀತಿರ ಕ್ರಿಯೆ ಮಾಡಡ್, ಪವಿತ್ರವಾನಯಿಂಗ ಇಂಞು ಪವಿತ್ರವಾಯಿತ್ ಆಡ್.