ಮತ್ತಾಯ 21:16 - ಕೊಡವ ಬೈಬಲ್

¹⁶ ಯೇಸುನ ನೋಟಿತ್: ಈ ಮಕ್ಕ ಎಂತ ಎಣ್ಣಿಯಂಡುಂಡ್‍ೕಂದ್ ನೀಕ್ ಕ್‍ೕಟಂಡುಂಡಾಂದ್ ಕ್‍ೕಟತ್. ಅದ್ಂಗ್ ಯೇಸು: ಅಕ್ಕು ನಾಕ್ ಕ್‍ೕಪ. ನೀನ್ ಚೆರಿಯ ಮಕ್ಕಕೂ ಚಿಪ್ಪಿ ಕುಂಞಿಯಕೂ ನಿನ್ನ ತುದಿಪಕ್ ಪಡಿಪ್‌ಚಿಟ್ಟಿತುಳ್ಳಿಯ ಎಣ್ಣುವ ದೇವಡ ವಾಕ್ಯತ್‍ನ ನಿಂಗ ಓದಿತ್‌ಲ್ಲೆಯಾಂದ್ ಕ್‍ೕಟತ್.

ಮತ್ತಾಯ 21:16 ပူးပေါင်းရင်းမြစ်များ

ಮತ್ತಾಯ 11:25

ಆ ಸಮಯತ್‍ಲ್ ಯೇಸು: ಪರಲೋಕಕು ಬೂಲೋಕಕು ಒಡೆಯನಾನ ನಾಡ ಅಪ್ಪನೇ, ನೀನ್, ಈ ಸತ್ಯವಾನ ವಿಷಯತ್‍ನ ಜ್ಞಾನಿಯಂಗಕು ಪಡಿಚಯಿಂಗಕು ಮರೆ ಮಾಡಿತ್, ಪಡಿಕತ ಸಾದಾರಣ ಜನಕ್ ಎಣ್ಣಿ ಕೊಡ್‌ತಿತುಳ್ಳಗುಂಡ್ ನೀಕ್ ವಂದನೆ ಮಾಡ್‌ವಿ.

ಮತ್ತಾಯ 12:3

ಅದ್ಂಗ್ ಅಂವೊ: ದಾವೀದ ಪಿಂಞ ಅಂವೊಂಡ ಕೂಡೆ ಇಂಜಯಿಂಗ ಕೆಲ ಪಯಿಪಕ ಮಾಡ್‌ನಾನ ನಿಂಗ ಓದಿತ್‌ಲ್ಲೆಯಾ?

ಮತ್ತಾಯ 19:4

ಅದ್ಂಗ್ ಯೇಸು: ದೇವ ಈ ಲೋಕತ್‍ನ ಸೃಷ್ಟಿ ಮಾಡ್‌ವಕ ಆಣಾಳ್ ಪೊಣ್ಣಾಳಾಯಿತ್ ಸೃಷ್ಟಿ ಮಾಡ್‍ಚಿ.

ಮತ್ತಾಯ 22:31

ಚತ್ತ್ ಪೋನಯಿಂಗ ಜೀವವಾಯಿತ್ ಏವ ವಿಷಯತ್ ದೇವ: ನಾನ್ ಅಬ್ರಹಾಮಂಡ ದೇವ, ಇಸಾಕಂಡ ದೇವ ಪಿಂಞ ಯಾಕೋಬಂಡ ದೇವಾಂದ್, ದೇವಡ ವಾಕ್ಯತ್‍ಲ್ ಒಳ್‍ದಿತುಳ್ಳದ್‍ನ ನಿಂಗ ಓದಿತ್ತ್‌ಲ್ಲೆಯಾ?

ಮಾರ್ಕ 13:17

ಆ ದಿವಸತ್‍ಲ್ ಕೆಲಕರ್ತಿಯಂಗಕು, ಕುಂಞಿಕ್ ಪಾಲ್ ಕೊಡ್‍ಪ ಅವ್ವಂಗಕು ಅಯ್ಯೋ!

ಮಾರ್ಕ 2:25

ಅದ್ಂಗ್ ಯೇಸು: ದಾವೀದ ಪಿಂಞ ಅಂವೊಂಡ ಕೂಡೆ ಇಂಜಯಿಂಗ ಕೆಲ ಪಯಿಪಕ ಮಾಡ್‌ನಾನ ನಿಂಗ ಓದಿತ್‌ಲ್ಲೆಯಾ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:23

ಆ ದಿವಸತ್‍ಲ್ ಕೆಲಕರ್ತಿಯಂಗಕೂ, ಕುಂಞಿಕ್ ಪಾಲ್ ಕೊಡ್‍ಪ ಅವ್ವಂಗಕೂ ಅಯ್ಯೋ! ಆ ದಿವಸತ್‍ಲ್ ಈ ಲೋಕತ್‍ಲ್ ಉಳ್ಳ ಜನಕೆಲ್ಲ ಬಲ್ಯ ಕಷ್ಟವು, ಈ ಜನಕ್ ದೇವಡ ಶಿಕ್ಷೆಯು ಆಯಂಡಿಪ್ಪ.