ಮತ್ತಾಯ 21:11 - ಕೊಡವ ಬೈಬಲ್

¹¹ ಇಂವೊ ಗಲಿಲಾಯತ್‍ಲ್ ಉಳ್ಳ ನಜರೇತ್‍ರ ಪ್ರವಾದಿ ಯೇಸೂಂದ್ ಎಣ್ಣ್‌ಚಿ.

ಮತ್ತಾಯ 21:11 ပူးပေါင်းရင်းမြစ်များ

ಮತ್ತಾಯ 2:23

ಆನಗುಂಡ್ ಅಂವೊ ನಜರೇತ್ ಎಣ್ಣುವ ಊರ್‌ಕ್ ಪೋಯಿತ್ ವಾಸಮಾಡ್‍ಚಿ. ಅಂವೊನ ನಜರೇತ್ ಎಣ್ಣುವ ಊರ್‌ಕ್ ಕೂಡ್‍ನಂವೋಂದ್ ಕಾಕ್‍ವಾಂದ್ ಪ್ರವಾದಿಯಂಗ ಎಣ್ಣ್‌ನದ್ ಪೂರ್ತಿ ಆಪನೆಕೆ ಇನ್ನನೆ ನಡ್ಂದತ್.

ಮತ್ತಾಯ 21:10

ಯೇಸು ಯೆರೂಸಲೇಮ್‌ಕ್ ಎತ್ತ್‌ವಕ ಪಟ್ಟಣತ್‍ಲ್ ದುಂಬ ಕಲಹವಾಯಿತ್ ಇಂವೊ ದಾರ್‍ೕಂದ್ ಕ್‍ೕಟತ್.

ಮತ್ತಾಯ 21:26

ಅಂವೊಂಗ್ ಎಂತ ಉತ್ತರ ಕೊಡುಕಂಡೂಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್. ಇದೆಲ್ಲಾ ದೇವಡಯಿಂಜ ಬಂದಡ್‍ೕಂದ್‌ ಎಣ್ಣ್‌ಚೇಂಗಿ ನಿಂಗ ಎನ್ನಂಗ್ ಯೋಹಾನನ ನಂಬಿತ್‌ಲ್ಲೇಂದ್ ಕ್‍ೕಪ.

ಮತ್ತಾಯ 21:46

ಯೇಸುನ ಪುಡಿಪಕ್ ಸಮಯ ನೋಟಿಯಂಡಿಂಜತ್, ಆಚೇಂಗಿ ಜನ ಯೇಸುನ ಪ್ರವಾದೀಂದ್ ಗೇನ ಮಾಡ್‍ನಗುಂಡ್ ಅಂವೊನ ಬಂದಿಚಿಡ್‍ವಕ್ ಅಯಿಂಗಕ್ ಪೋಡಿ ಆಚಿ.

ಮಾರ್ಕ 6:15

ಚೆನ್ನ ಜನ: ಇಂವೊ ಎಲೀಯ ಪ್ರವಾದಿ ಎಣ್ಣ್‌ವಂವೊನಾಯಿತಿಕ್ಕೂಂದ್ ಎಣ್ಣ್‌ಚಿ; ಇಂಞು ಚೆನ್ನ ಜನ: ಇಂವೊ ಒರ್ ಪೂರ್ವ ಕಾಲತ್‍ರ ಪ್ರವಾದಿ ಆಯಿತಿಕ್ಕೂಂದ್ ತಕ್ಕ್ ಪರ್ಂದಂಡ್ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:33

ಇಂದ್, ನಾಳೆ ಪಿಂಞ ಮತ್ಯಾಂದ್ ನಾನ್ ನಾಡ ಪ್ರಯಾಣತ್‍ನ ಮಾಡಿಯಂಡಿಪ್ಪಿ. ಯೆರೂಸಲೇಮ್‍ಲ್ ಅಲ್ಲತೆ ಬೋರೆ ಎಲ್ಲಿಯು ಪ್ರವಾದಿಯಂಗಳ ಕೊಂದಿತ್‌ಲ್ಲೇಂದ್ ಆ ಕುರ್‌ಕ ಬುದ್ದಿಯುಳ್ಳ ಹೆರೋದಂಗ್ ಪೋಯಿತ್ ಎಣ್ಣೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:19

ಅಕ್ಕ ಅಂವೊ: ಎಂತ ಸಂಗತಿ ನಡ್ಂದತ್ ಎಣ್ಣಿಯಂಡ್ ಕ್‍ೕಟತ್. ಅದ್ಂಗ್ ಅಯಿಂಗ: ನಜರೇತ್‍ರ ಯೇಸುರ ವಿಷಯಾಂದ್ ಎಣ್ಣ್‌ಚಿ. ಅಂವೊ ದೇವಡ ಪಿಂಞ ಮನುಷ್ಯಂಗಡ ಮಿಂಞತ್‍ಲ್ ಅಂವೊಂಡ ಕ್ರಿಯೇಲು ತಕ್ಕ್‌ಲು ಶಕ್ತಿಯುಳ್ಳ ಪ್ರವಾದೀಂದ್ ಕಾಟಿತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:16

ಅಲ್ಲಿ ಉಳ್ಳಯಿಂಗಕೆಲ್ಲಾ ಪೋಡಿ ಆಯಿತ್, ನಂಗಡ ಕೂಟ್‌ಲ್ ಒರ್ ಬಲ್ಯ ಪ್ರವಾದಿ ಎದ್ದಿತುಂಡ್; ದೇವ ತಾಂಡ ಜನಳ ಕಾಪಾಡ್‌ವಕ್ ಬಾತ್‍ೕಂದ್ ದೇವನ ತುದಿಪಕ್ ಸುರು ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:39

ಯೇಸುನ ಮನೆಕ್ ಕಾಕ್‍ನ ಫರಿಸಾಯ, ಇದ‌ನ್ನೆಲ್ಲ ನೋಟಿತ್, ಈ ಮನುಷ್ಯ ಒರ್ ಪ್ರವಾದಿಯಾಯಿತ್ಂಜತೇಂಗಿ, ತಾಂಡ ಕಾಲ್‌ನ ಮುಟ್ಟುವ ಈ ಪೊಣ್ಣಾಳ್ ದಾರ್‍ೕಂದ್ ಗೊತ್ತಾಪಕಿಂಜತ್; ಎನ್ನಂಗೆಣ್ಣ್‌ಚೇಂಗಿ, ಇವ ಒರ್ ಪಾಪೀಂದ್ ಅಂವೊಂಡೊಳ್‌ಲೇ ಗೇನ ಮಾಡ್‍ಚಿ.

ಯೋಹಾನ 1:21

ಅದ್ಂಗ್ ಅಯಿಂಗ: ಅನ್ನನಾಚೇಂಗಿ ನೀನ್ ದಾರ್? ನೀನ್ ಎಲೀಯಾನಾಂದ್ ಕ್‍ೕಟತ್. ಅದ್ಂಗ್ ಯೋಹಾನ: ನಾನ್ ಎಲೀಯ ಅಲ್ಲಾಂದ್ ಎಣ್ಣ್‌ಚಿ. ನೀನ್ ಪ್ರವಾದಿಯಾಂದ್ ಕ್‍ೕಟತ್, ಅಕ್ಕ ಅಂವೊ: ಇಲ್ಲೇಂದ್ ಎಣ್ಣ್‌ಚಿ.

ಯೋಹಾನ 1:25

ಅಕ್ಕ ಅಯಿಂಗ: ನೀನ್ ಕ್ರಿಸ್ತನು ಅಲ್ಲ, ಎಲೀಯನು ಅಲ್ಲ, ಒರ್ ಪ್ರವಾದಿಯು ಅಲ್ಲಾಂದ್ ಎಣ್ಣ್‌ಚೇಂಗಿ, ಪಿಂಞ ಎನ್ನಂಗ್ ನೀನ್ ದೀಕ್ಷಾಸ್ನಾನ ಕೊಡ್‍ಪಿಯಾಂದ್ ಕ್‍ೕಟತ್.

ಯೋಹಾನ 4:19

ಒಡೆಯನೇ, ನೀನ್ ಒರ್ ಪ್ರವಾದೀಂದ್ ನಾಕ್ ಗೊತ್ತಾಯಂಡುಂಡ್‍ೕಂದ್ ಆ ಪೊಣ್ಣಾಳ್ ಎಣ್ಣ್‌ಚಿ.

ಯೋಹಾನ 6:14

ಯೇಸು ಮಾಡ್‍ನ ಈ ಅದ್ಬುತ ಕಾರ್ಯತ್‍ನ ಕಂಡ ಜನ ನೇರಾಯಿತು ಇಂವೊ ಈ ಲೋಕಕ್ ಬಪ್ಪಕಿಂಜ ಪ್ರವಾದೀಂದ್ ಎಣ್ಣ್‌ಚಿ.

ಯೋಹಾನ 7:40

ಅಲ್ಲಿ ಇಂಜ ಜನಡ ಗುಂಪ್‍ಯಿಂಜ ದುಂಬ ಜನ ಯೇಸು ಎಣ್ಣ್‌ನ ತಕ್ಕ್‌ನ ಕ್‍ೕಟಿತ್: ಇಂವೊ ನೇರಾಯಿತು ಒರ್ ಪ್ರವಾದೀಂದ್ ಎಣ್ಣ್‌ಚಿ.

ಯೋಹಾನ 9:17

ಇಂಞೊಮ್ಮ ಫರಿಸಾಯಂಗ ಅಂವೊನ ನೋಟಿತ್: ಅಂವೊ ನಿನ್ನ ವಾಸಿ ಮಾಡ್‍ಚೀಂದ್ ಎಣ್ಣುವಿಯ ಅಲ್ಲಾ, ಅಂವೊಂಡ ವಿಷಯತ್ ನೀನ್ ಎಂತ ಎಣ್ಣುವಿಯಾಂದ್ ಕ್‍ೕಟತ್. ಅದ್ಂಗ್ ಆ ಕುರ್‌ಡನಾಯಿತಿಂಜಂವೊ: ಅಂವೊ ಒರ್ ಪ್ರವಾದೀಂದ್ ಎಣ್ಣ್‌ಚಿ.

ಅಪೊಸ್ತಲ 7:37

ನಿಂಗಡ ದೇವನಾನ ಒಡೆಯ ನಿಂಗಡ ಮದ್ಯತ್ಂಜ ನಾಡನೆಕೆ ಒರ್ ಪ್ರವಾದಿನ ನಿಂಗಕಾಯಿತ್ ಕೊಂಡ್ ಬಪ್ಪಾಂದ್ ಇಸ್ರಾಯೇಲ್ ಜನಕ್ ಎಣ್ಣ್‌ನ ಮೋಶೆ ಇಂವೊನೇ.