ಮತ್ತಾಯ 21:10 - ಕೊಡವ ಬೈಬಲ್

¹⁰ ಯೇಸು ಯೆರೂಸಲೇಮ್‌ಕ್ ಎತ್ತ್‌ವಕ ಪಟ್ಟಣತ್‍ಲ್ ದುಂಬ ಕಲಹವಾಯಿತ್ ಇಂವೊ ದಾರ್‍ೕಂದ್ ಕ್‍ೕಟತ್.

ಮತ್ತಾಯ 21:10 ပူးပေါင်းရင်းမြစ်များ

ಮತ್ತಾಯ 2:3

ಹೆರೋದ ರಾಜ ಈ ಸುದ್ದಿನ ಕ್‍ೕಪಕ, ಅಂವೊಂಡ ಮನಸ್ಸ್‌ಕ್ ಗಾಬರಿ ಆಚಿ. ಅಂವೊಂಗ್ ಮಾತ್ರ ಅಲ್ಲ ಯೆರೂಸಲೇಮ್‍ಲ್ ಉಳ್ಳಯಿಂಗಕೆಲ್ಲಾ ಗಾಬರಿ ಆಚಿ.

ಮತ್ತಾಯ 21:11

ಇಂವೊ ಗಲಿಲಾಯತ್‍ಲ್ ಉಳ್ಳ ನಜರೇತ್‍ರ ಪ್ರವಾದಿ ಯೇಸೂಂದ್ ಎಣ್ಣ್‌ಚಿ.

ಮತ್ತಾಯ 21:9

ಅಂವೊಂಡ ಸುತ್ತ್‌ಲ್ ಇಂಜ ಜನ ಇನ್ನನೆ ಕೂತ್ ಕೊಡ್‍ತತ್. ದಾವೀದಂಡ ಮೋಂವೊಂಗ್ ಹೊಸನ್ನ! ಒಡೆಯನಾನ ದೇವಡ ಪೆದತ್‍ಲ್ ಬಪ್ಪಂವೊಂಗ್ ಆಶೀರ್ವಾದ! ಪರಲೋಕತ್‍ಲ್ ಹೊಸನ್ನಾಂದ್ ಕೂತ್ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:2

ಇದ್‍ನೆಲ್ಲ ನೀನ್ ಏದ್ ಅದಿಕಾರತ್‍ಲ್ ಮಾಡಿಯಂಡುಳ್ಳಿಯಾ? ದಾರ್ ನೀಕ್ ಈ ಅದಿಕಾರತ್‍ನ ಕೊಡ್‌ತತ್‍ೕಂದ್ ಕ್‍ೕಟತ್?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:21

ಅಲ್ಲಿ ಇಂಜ ಚೆನ್ನ ಫರಿಸಾಯಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ: ದೇವ ದೂಷಣೆ ಎಣ್ಣುವ ಈ ಮನುಷ್ಯ ದಾರ್? ದೇವ ಒಬ್ಬನ ಬುಟ್ಟಿತ್ ಬೋರೆ ದಾರ್‌ಕ್ ಪಾಪತ್‍ನ ಮನ್ನಿಪ್ಪಕ್ ಕಯ್ಯೂಂದ್ ಅಯಿಂಗಯಿಂಗಳೇ ಗೇನ ಮಾಡಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:49

ಉಂಬಕ್ ಅಳ್‌ತಿತ್ಂಜ ಜನ: ಪಾಪತ್‍ನ ಮನ್ನಿಪ್ಪಕ್ ಈ ಮನುಷ್ಯ ದಾರ್‍ೕಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:9

ನಾನ್ ಯೋಹಾನಂಡ ಮಂಡೆನ ಕೆತ್ತಿತುಳ್ಳ, ಆಚೇಂಗಿ ನಾನ್ ಕ್‍ೕಟಂಡುಂಡಳ್ಳ ಈ ಮನುಷ್ಯ ದಾರಾಯಿತಿಕ್ಕೂಂದ್ ಎಣ್ಣಿಯಂಡ್ ಯೇಸುನ ಕಾಂಬಕ್ ಪಾರಕಾತಂಡ್ ಇಂಜತ್.

ಯೋಹಾನ 2:18

ಅಕ್ಕ ಯೆಹೂದ್ಯ ಅದಿಕಾರಿಯಂಗ ಯೇಸುಕ್: ನೀನ್ ಏದ್ ಗುರ್‍ತ್‍ನ ಕಾಟಿತ್, ಇನ್ನನೆ ಮಾಡ್‌ವಕುಳ್ಳ ಅದಿಕಾರ ನೀಕ್ ಉಂಡ್‍ೕಂದ್ ನಂಗಕ್ ಕಾಟ್‌ವಿಯಾಂದ್ ಕ್‍ೕಟತ್.

ಅಪೊಸ್ತಲ 9:5

ಅದ್ಂಗ್ ಅಂವೊ: ಒಡೆಯನೇ, ನೀನ್ ದಾರ್‍ೕಂದ್ ಕ್‍ೕಟತ್. ಅದ್ಂಗ್ ಒಡೆಯ: ನೀನ್ ಹಿಂಸೆ ಮಾಡಿಯಂಡುಳ್ಳ ಯೇಸು ನಾನೇ.