ಮತ್ತಾಯ 20:8 - ಕೊಡವ ಬೈಬಲ್

⁸ ಬಯಿಟಾಪಕ ದ್ರಾಕ್ಷಿ ತೋಟತ್‍ರ ಎಜಮಾನ ಅಂವೊಂಡ ಮೇಸ್ತ್ರಿನ ಕಾಕಿತ್ ಎಲ್ಲಾರ್‌ಕು ಕೂಲಿ ಕೊಡ್‍ಪಕ್ ಎಣ್ಣ್‌ಚಿ. ಬಯ್ಯ ಬಂದಯಿಂಗಕು ಆದ್ಯವಾಯಿತ್ ಬಂದಯಿಂಗಕು ಕೊಡ್‍ಪಕ್ ಎಣ್ಣ್‌ಚಿ.

ಮತ್ತಾಯ 20:8 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 15:2

ಅದ್‌ಂಗ್‌ ಅಬ್ರಾಮ: ಓ ಯೆಹೋವನಾನ ದೇವನೇ, ನಾಕ್‍ ಎಂತ ತಪ್ಪಿಯಾ? ನಾಕ್‍ ಮಕ್ಕ ಇಲ್ಲತೆ ಉಂಡಲ್ಲಾ? ನಾಡ ಆಸ್ತಿಯೆಲ್ಲ ನಾಡ ಮನೆರ ಆಳಾನ ದಮಸ್ಕ ಊರ್‌ಕ್‌ ಕೂಡ್‌ನ ಎಲೀಯೆಜರಂಗ್‌ ಪಾಲ್‌ ಆಪಲ್ಲಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 43:19

ಆನಗುಂಡ್‌ ಅಯಿಂಗ ಯೋಸೇಫಂಡ ಮನೆರ ಪಡಿರ ಪಕ್ಕ ಬಪ್ಪಕ, ಯೋಸೇಫಂಡ ಕಾರ್ಯಕಾರಂಡ ಪಕ್ಕ ಬಂದಿತ್:

ಮತ್ತಾಯ 20:7

ಅದ್ಂಗ್ ಅಯಿಂಗ: ನಂಗಳ ದಾರೂ ಕೆಲಸಕ್ ಕಾಕಿತ್‌ಲ್ಲೇಂದ್ ಎಣ್ಣ್‌ಚಿ. ಅಕ್ಕ ಅಂವೊ ಅಯಿಂಗಳ ನೋಟಿತ್: ಅನ್ನನಾಚೇಂಗಿ ನಿಂಗಳು ನಾಡ ತೋಟತ್‍ಲ್ ಪಣಿಕ್ ಪೋಯೀಂದ್ ಅಯಿಚತ್.

ಮತ್ತಾಯ 20:9

ಅಂಜ್ ಗಂಟೆಕ್ ಕೆಲಸಕ್ ಬಂದಯಿಂಗಕ್ ಒರ್ ದಿವಸತ್‍ರ ಕೂಲಿಯಾಯಿತ್ ಒರ್ ಬೊಳ್ಳಿರ ನಾಣ್ಯ ಕ್‍ಟ್ಟ್‌ಚಿ.

ಮತ್ತಾಯ 25:19

ದುಂಬ ಕಾಲ ಆನ ಪಿಂಞ, ಆ ಆಳ್‍ವಡ ಎಜಮಾನ ಬಂದಿತ್ ಅಯಿಂಗಡ ಪಕ್ಕ ಲೆಕ್ಕ ಕ್‍ೕಟತ್.

ಮತ್ತಾಯ 25:31

ಮನುಷ್ಯಕುಮಾರ ತಾಂಡ ಮಹಿಮೆಲ್ ಅಂವೊಂಡ ದೂತಂಗಡ ಕೂಡೆ ಬಪ್ಪಕ, ತಾಂಡ ಮಹಿಮೇರ ಸಿಂಹಾಸನತ್‍ಲ್ ಅಳ್‌ತಿತ್‌ಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:7

ಅದೇ ಮನೆಲ್ ಇಂಜಂಡ್, ಅಯಿಂಗ ತಪ್ಪದ್‍ನ ತಿಂದಂಡ್ ಕುಡ್‌ಚಂಡ್ ಇರಿ; ಒರ್ ಕೆಲಸಕಾರ ಅಂವೊಂಡ ಕೂಲಿಕ್ ಯೋಗ್ಯನಾಯಿತುಂಡ್. ಮನೆಮನೆಕ್ ಸುತ್ತ್‌ವಕ್ ಪೋಕತಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:42

ಅಂವೊಂಗ್ ಯೇಸು: ತಾಂಡ ಮನೆಕಾರಂಗಕ್ ಸರಿಯಾನ ಸಮಯತ್‍ಲ್ ಕೂಲಿ ಕೊಡ್‍ಪನೆಕೆ ಎಜಮಾನ ಅಯಿಂಗಡ ಮೇಲೆ ಅದಿಕಾರಿಯಾಯಿತ್ ನೇಮಿಚಿಡುವಕ್ ನಂಬಿಕಸ್ತನು, ಜ್ಞಾನಿಯೂ ಆನ ಸೇವಕ ದಾರ್?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:3

ಹೆರೋದ ರಾಜಂಡಲ್ಲಿ ಒರ್ ಮುಕ್ಯ ಅದಿಕಾರಿಯಾಯಿತ್ ಕೆಲಸ ಮಾಡಿಯಂಡಿಂಜ ಕೂಜ ಎಣ್ಣ್‌ವಂವೊಂಡ ಪೊಣ್ಣ್ ಯೊಹನ್ನ ಎಣ್ಣುವಯಿಂಗಳೇ. ಬೋರೆ ದುಂಬ ಪೊಣ್ಣಾಳುವಳು ಯೇಸುರ ಕೂಡೆ ಇಂಜತ್. ಈ ಪೊಮ್ಮಕ ಅಯಿಂಗಡ ಸ್ವಂತ ಆಸ್ತಿಯಿಂಜ ಯೇಸು ಪಿಂಞ ಅಂವೊಂಡ ಶಿಷ್ಯಂಗಕ್ ಸೇವೆ ಮಾಡಿಯಂಡಿಂಜತ್.

2 ಕೊರಿಂಥ 5:10

ಎನ್ನಂಗೆಣ್ಣ್‌ಚೇಂಗಿ, ಒಬ್ಬೊಬ್ಬನು ತಡೀಲ್ ಮಾಡ್‍ನ ನಲ್ಲದಾಡ್ ಕೆಟ್ಟದಾಡ್, ಅದ್ಂಡ ತಕ್ಕ ಫಲ ಕ್‍ಟ್ಟ್‌ವಕಾಯಿತ್ ಕ್ರಿಸ್ತಂಡ ನ್ಯಾಯಾಸ್ತಾನತ್‍ರ ಮಿಂಞ ನಿಕ್ಕಂಡು.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:7

ಸಬೆರ ಪೆರಿಯಯಿಂಗ ದೇವಡ ಮಕ್ಕಳ ಚಾಯಿತೆ ನಡ್‍ತಿಯಂಡ್ ಪೋಪ ಜವಾಬ್ದಾರಿ ಉಳ್ಳಂವೊನಾಯಿತ್ ಇಪ್ಪ. ಆನಗುಂಡ್, ದಾರೂ ಕುತ್ತ ಪರಿಯುವಕ್ ಕಯ್ಯತನೆಕೆ ಅಂವೊಂಡ ಬದ್‍ಕ್ ಇರಂಡು. ಅಂವೊಂಡ ಕುಶೀರನೆಕೆ ಮಾಡ್‍ವಂವೊನಾಯಿತು, ಬೆರಿಯ ಚೆಡಿ ಬಪ್ಪಂವೊನಾಯಿತು, ಕುಡಿಪಂವೊನಾಯಿತು, ಜಗಳ ಮಾಡ್‌ವಕ್ ಕುಶಿಯುಳ್ಳಂವೊನಾಯಿತು, ದುಡ್ಡ್‌ರ ಮೇಲೆ ಆಸೆ ಉಳ್ಳಂವೊನಾಯಿತು ಇಪ್ಪಕ್ಕಾಗ.

ಇಬ್ರಿಯ 9:28

ಅನ್ನನೆ ಕ್ರಿಸ್ತ ಸಹ, ದುಂಬ ಜನತ್‍ರ ಪಾಪತ್‍ನ ತಾಂಡ ಮೇಲೆ ಎಡ್‍ತಿತ್ ಕಳೆಯುವಕಾಯಿತ್ ಒರೇ ಕುರಿ ಬಲಿಯಾಚಿ. ತಾಂಗಾಯಿತ್ ಪಾರಕಾತಂಡ್ ಉಳ್ಳಯಿಂಗಕ್ ರಕ್ಷಣೆನ ದಾನ ಮಾಡ್‌ವಕಾಯಿತ್ ಪಾಪ ಇಲ್ಲತಂವೊನಾಯಿತ್ ದಂಡನೆ ಕುರಿ ಪ್ರತ್ಯಕ್ಷ ಆಪ.

1 ಪೇತ್ರ 4:10

ಒಬ್ಬ ಒಬ್ಬಂಗ್ ಚಾಯಿತೆ ಸಹಾಯ ಮಾಡ್‌ವನೆಕೆ, ಅಯಿಂಗಯಿಂಗಕ್ ದೇವ ಎಂತ ವರ ಕೊಡ್‍ತಿತುಂಡೋ ಅದ್ಂಡರನೆಕೆ ನಲ್ಲ ಜವಾಬ್ದಾರಂಗಳಾಯಿತ್ ಪಾಲ್ ಮಾಡಿತ್, ಸತ್ಯವಂತಂವೊನಾಯಿತ್, ಅಂವೊಂಡ ಕೃಪೇರ ನಾನಾ ತರತ್‍ರ ಪ್ರಕಾರ ಮಾಡಂಡು.