ಮತ್ತಾಯ 20:7 - ಕೊಡವ ಬೈಬಲ್

⁷ ಅದ್ಂಗ್ ಅಯಿಂಗ: ನಂಗಳ ದಾರೂ ಕೆಲಸಕ್ ಕಾಕಿತ್‌ಲ್ಲೇಂದ್ ಎಣ್ಣ್‌ಚಿ. ಅಕ್ಕ ಅಂವೊ ಅಯಿಂಗಳ ನೋಟಿತ್: ಅನ್ನನಾಚೇಂಗಿ ನಿಂಗಳು ನಾಡ ತೋಟತ್‍ಲ್ ಪಣಿಕ್ ಪೋಯೀಂದ್ ಅಯಿಚತ್.

ಮತ್ತಾಯ 20:7 ပူးပေါင်းရင်းမြစ်များ

ಮತ್ತಾಯ 20:1

ಪರಲೋಕ ರಾಜ್ಯ ಎನ್ನನೆ ಎಣ್ಣ್‌ಚೇಂಗಿ, ಒರ್ ಮನೆರ ಎಜಮಾನ, ಅಂವೊಂಡ ತೋಟತ್‍ಲ್ ಪಣಿಕ್ ಆಳ್‍ವಳ ಕಾಕಿಯಂಡ್ ಬಪ್ಪಕ್ ಪೊಲಾಕಲೆ ಪೋಚಿ.

ಮತ್ತಾಯ 20:6

ಅಂಜ್ ಗಂಟೆಕ್ ಅಂವೊ ಪುನಃ ಪೇಟೇಲ್ ಇಪ್ಪಕ ಇಂಞು ಚೆನ್ನ ಆಳುವಳ ಕಂಡಿತ್, ಎನ್ನಂಗ್ ನಿಂಗ ಪೂರ್ತಿ ದಿವಸ ಕೆಲಸ ಮಾಡತೆ ಸಮಯತ್‍ನ ಕಳೆಂದಂಡ್ ಉಳ್ಳಿರಾಂದ್ ಕ್‍ೕಟತ್.

ಮತ್ತಾಯ 20:8

ಬಯಿಟಾಪಕ ದ್ರಾಕ್ಷಿ ತೋಟತ್‍ರ ಎಜಮಾನ ಅಂವೊಂಡ ಮೇಸ್ತ್ರಿನ ಕಾಕಿತ್ ಎಲ್ಲಾರ್‌ಕು ಕೂಲಿ ಕೊಡ್‍ಪಕ್ ಎಣ್ಣ್‌ಚಿ. ಬಯ್ಯ ಬಂದಯಿಂಗಕು ಆದ್ಯವಾಯಿತ್ ಬಂದಯಿಂಗಕು ಕೊಡ್‍ಪಕ್ ಎಣ್ಣ್‌ಚಿ.

ಯೋಹಾನ 9:4

ಸಮಯ ಇಪ್ಪಕತ್ತನೆ, ನನ್ನ ಅಯಿಚಂವೊ ನಾನ್ ಮಾಡಂಡೂಂದ್ ಬೆಚ್ಚಿತುಳ್ಳ ಕ್ರಿಯೇನ ಮಾಡಂಡು; ಬಯಿಟ್ ಬಂದಂಡುಂಡ್, ಅಕ್ಕ ಒಬ್ಬಂಗು ಕ್ರಿಯೆ ಮಾಡ್‌ವಕ್ ಕಯ್ಯುಲೆ.

ಅಪೊಸ್ತಲ 4:16

ಈ ಮನುಷ್ಯಂಗಳ ನಂಗ ಎಂತ ಮಾಡನ? ಯೆರೂಸಲೇಮ್‍ಲ್ ವಾಸ ಉಳ್ಳ ಎಲ್ಲಾ ಜನಕು ಗೊತ್ತಾಪನೆಕೆ ಒರ್ ಬಲ್ಯ ಅದ್ಬುತ ಕಾರ್ಯತ್‍ನ ಮಾಡಿರ್‌ತ್, ಅದ್‍ನ ಇಲ್ಲೇಂದ್ ನಂಗ ಎಣ್ಣುವಕ್ ಕಯ್ಯುಲೆ.

ರೋಮ್ 16:25

ನಾಡ ದೇವಡ ನಲ್ಲ ಸುದ್ದಿ ಎಣ್ಣುವನೆಕೆ, ನಿಂಗಳ ಸ್ತಿರಪಡ್‌ತ್‍ವಕ್ ಶಕ್ತಿ ಉಳ್ಳಂವೊನಾಯಿತ್ತುಳ್ಳ ದೇವಕ್ ಎಲ್ಲಾ ಮಹಿಮೆಯು ಇರಡ್. ಯೇಸು ಕ್ರಿಸ್ತಂಡ ಈ ವಿಷಯತ್‍ರ ಮೂಲಕ ಯೆಹೂದ್ಯಂಗಲ್ಲತಯಿಂಗಕ್, ಪಂಡಿಂಜೇ ಗುಟ್ಟಾಯಿತ್ ಬೆಚ್ಚಿತ್ಂಜ ಮರ್ಮ, ಪ್ರಕಟನೆ ಆಚಿ.

ಎಫೆಸ 6:8

ಅಡಿಯಾಳಾಯಿತ್ಂಜತೇಂಗಿಯು, ಸ್ವಾತಂತ್ರ ಆನಯಿಂಗಳಾಯಿತ್ಂಜತೇಂಗಿಯು, ಅಯಿಂಗಯಿಂಗ ಮಾಡ್‌ವ ಸೇವೇಕ್ ತಕ್ಕಂತ ಇನಾಮ್‍ನ ದೇವ ತಪ್ಪಾಂದ್ ಗೇನ ಬೆಚ್ಚೊಳಿ.

ಕೊಲೊಸ್ಸೆ 1:26

ಈ ಸುದ್ದಿನ ಪಂಡ್ ಕಾಲತ್‍ಲ್ ಗುಟ್ಟಾಯಿತ್ ದುಂಬ ಸಂತಾನಕಾರಂಗಕ್ ಮುಚ್ಚಿತ್ ಬೆಚ್ಚಿತ್ಂಜತ್. ಆಚೇಂಗಿ ಇಕ್ಕ, ಅದ್‍ನ ದೇವಡ ಮಕ್ಕಕ್ ಕಾಂಬ್‍ಚಿಟ್ಟಿತುಂಡ್.

ಇಬ್ರಿಯ 6:10

ಎನ್ನಂಗೆಣ್ಣ್‌ಚೇಂಗಿ, ನಿಂಗಡ ಸೇವೆ, ದೇವಡ ಮಕ್ಕಕ್ ನಿಂಗ ಮಾಡ್‍ನ ಪಿಂಞ ಇಕ್ಕ ಮಾಡಿಯಂಡುಳ್ಳ ಪ್ರೀತಿರ ಸೇವೇರ ಮೂಲಕ ಕಾಂಬ್‌ಚಿಡುವ ದೇವಡ ಮೇಲೆ ಉಳ್ಳ ಪ್ರೀತಿನ ದೇವ ಮರ್ಂದ್ ಪೋಪುಲೆ. ದೇವ ನೀತಿ ಉಳ್ಳಂವೊವನಾಯಿತುಂಡ್.