ಮತ್ತಾಯ 20:30 - ಕೊಡವ ಬೈಬಲ್

³⁰ ಅಕ್ಕ ಬಟ್ಟೆ ಬರಿಲ್ ಅಳ್‌ತಂಡಿಂಜ ದಂಡ್ ಕುರ್‌ಡಂಗಕ್ ಯೇಸು ಈಲೆ ಪೋಯಂಡ್ ಉಂಡ್‍ೕಂದ್ ಗೊತ್ತಾಚಿ. ಅಕ್ಕ ಅಯಿಂಗ, ಒಡೆಯನೇ, ದಾವೀದಂಡ ಮೋಂವೊನೇ, ನಂಗಡ ಮೇಲೆ ಕನಿಕರ ಕಾಟ್‍ೕಂದ್ ಜೋರಾಯಿತ್ ಕೂತ್ ಕೊಡ್‍ತತ್.

ಮತ್ತಾಯ 20:30 ပူးပေါင်းရင်းမြစ်များ

ಮತ್ತಾಯ 13:4

ಅಂವೊ ಆ ಕುರುನ ಬಿತ್ತ್‌ವಕ್ ಚಾಡ್‌ವಕ ಚೆನ್ನ ಕುರು ನಡ್‍ಪ ಬಟ್ಟೇಲ್ ಬುದ್ದತ್; ಆ ಕುರುನ ಪಕ್ಷಿಯ ಬಂದಿತ್ ತಿಂದತ್.

ಮತ್ತಾಯ 15:22

ಅಕ್ಕ ಅಲ್ಲಿ ಒರ್ ಕಾನಾನ್ಯ ದೇಶತ್‍ರ ಪೊಣ್ಣಾಳ್ ಯೇಸುರ ಪಕ್ಕ ಬಂದಿತ್: ಒಡೆಯನೇ, ದಾವೀದಂಡ ಮೋಂವೊನೇ, ನಾಡ ಮೇಲೆ ಕನಿಕರ ಕಾಟ್; ನಾಡ ಮೋವಕ್ ಕೂಳಿ ಪುಡ್‌ಚಿತ್ ಬಲ್ಯ ಕಷ್ಟತ್‍ಲ್ ಉಂಡ್‍ೕಂದ್ ಎಣ್ಣಿತ್ ಕಾಕ್‍ಚಿ.

ಮತ್ತಾಯ 20:31

ಜನಡ ಗುಂಪ್, ಅಯಿಂಗಕ್ ಮುಂಡತೆ ಇರೀಂದ್ ಜೋರ್ ಮಾಡ್‍ಚಿ. ಆಚೇಂಗಿ ಅಯಿಂಗ ಇಂಞು ಜೋರಾಯಿತ್ ಒಡೆಯನಾನ ದಾವೀದಂಡ ಮೋಂವೊನೇ ನಾಡ ಮೇಲೆ ದಯಕಾಟ್‍ೕಂದ್ ಕೂತ್ ಕೊಡ್‍ಪಕ್ ಸರುಮಾಡ್‌ಚಿ.

ಮತ್ತಾಯ 21:14

ಅಕ್ಕ ಕುರ್‌ಡಂಗ ಪಿಂಞ ಕುಂಟಂಗ ಯೇಸುರ ಪಕ್ಕ ಬಾತ್. ಅಂವೊ ಅಯಿಂಗಳೆಲ್ಲ ದೇವಾಲಯತ್‍ಲ್ ವಾಸಿ ಮಾಡ್‍ಚಿ.

ಮತ್ತಾಯ 21:9

ಅಂವೊಂಡ ಸುತ್ತ್‌ಲ್ ಇಂಜ ಜನ ಇನ್ನನೆ ಕೂತ್ ಕೊಡ್‍ತತ್. ದಾವೀದಂಡ ಮೋಂವೊಂಗ್ ಹೊಸನ್ನ! ಒಡೆಯನಾನ ದೇವಡ ಪೆದತ್‍ಲ್ ಬಪ್ಪಂವೊಂಗ್ ಆಶೀರ್ವಾದ! ಪರಲೋಕತ್‍ಲ್ ಹೊಸನ್ನಾಂದ್ ಕೂತ್ ಕೊಡ್‍ತತ್.

ಮಾರ್ಕ 10:46

ಪಿಂಞ ಅಯಿಂಗ ಎರಿಕೋ ಪಟ್ಟಣಕ್ ಬಾತ್. ಅಂವೊ ಅಂವೊಂಡ ಶಿಷ್ಯಂಗ ಪಿಂಞ ಬಲ್ಯ ಗುಂಪ್ ಜನ ಎರಿಕೋನ ಬುಟ್ಟಿತ್ ಪೊರಡ್‍ವಕ, ತಿಮಾಯ ಎಣ್ಣುವವಡ ಮೋಂವೊನಾಯಿತ್ಂಜ ಕುರ್‌ಡನಾನ ಬಾರ್ತಿಮಾಯ ಬಟ್ಟೇರ ಬರಿಲ್ ಅಳ್‌ತಂಡ್ ಬೋಡಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:18

ಅಂವೊ ಅದ್‍ನ ತೊರ್‌ಪಕ: ದೇವಡ ಆತ್ಮ ನಾಡ ಮೇಲೆ ಉಂಡ್; ಗರೀಬಂಗಕ್ ದೇವಡ ನಲ್ಲ ಸುದ್ದಿ ಪ್ರಚಾರ ಮಾಡ್‌ವಕು ನನ್ನ ಗೊತ್ತ್ ಮಾಡಿಯತ್. ದೇವ, ಕೈದಿಯಂಗಕ್ ಬುಡುಗಡೆ ಎಣ್ಣುವಕು, ಕುರ್‌ಡಂಗಕ್ ಕಣ್ಣ್ ಕಾಂಬನೆಕೆ ಮಾಡ್‌ವಕು, ಅಡಿಯಾಳಂಗಳ ಅಯಿಂಗಡ ಕಷ್ಟತ್ಂಜ ಬುಡುಗಡೆ ಮಾಡ್‌ವಕು, ದೇವಡ ದಯೇರ ಕಾಲತ್‍ನ ಪ್ರಚಾರ ಮಾಡ್‌ವಕು ನನ್ನ ಅಯಿಚತ್‍ೕಂದ್ ಪುಸ್ತಕತ್‍ಲ್ ಒಳ್‍ದಿತುಳ್ಳ ಜಾಗತ್‍ನ ಕಂಡ್ ಅದ್‍ನ ಓದ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:21

ಆ ಸಮಯತ್‍ಲ್ ಯೇಸು ದುಂಬ ಕಾಯಿಲೆಸ್ತಂಗಳ, ರೋಗಿಯಳ, ಕೂಳಿ ಪುಡ್‌ಚಯಿಂಗಳ ವಾಸಿ ಮಾಡಿತ್, ದುಂಬ ಕುರ್‌ಡಂಗಕ್ ಕಣ್ಣ್ ಕಾಂಬನೆಕೆ ಮಾಡಿಯಂಡಿಂಜತ್.

ಅಪೊಸ್ತಲ 2:30

ಆಚೇಂಗಿ ಅಂವೊ ಪ್ರವಾದಿಯಾಯಿತ್ಂಜತ್. ಆನಗುಂಡ್, ತಾಂಡ ಸಂತಾನತ್‍ಲ್ ಒಬ್ಬನ ಎಪ್ಪಿತ್, ತಾಂಡ ಸಿಂಹಾಸನತ್‍ಲ್ ಅಳ್‍ಪ್‍ಚಿಚುವಾಂದ್ ದೇವ ಅಂವೊಂಗ್ ವಾಗ್ದಾನವಾಯಿತ್ ಪರ್ಂದ ಸತ್ಯ ತಕ್ಕ್ ಅಂವೊಂಗ್ ಗೊತ್ತ್ಂಜತ್: