ಮತ್ತಾಯ 20:26 - ಕೊಡವ ಬೈಬಲ್

²⁶ ಆಚೇಂಗಿ ನಿಂಗಡ ಒಳ್‍ಲ್ ಅನ್ನನೆ ಇಪ್ಪಕ್ಕಾಗ. ನಿಂಗಡಲ್ಲಿ ದಾರ್‌ಕ್ ಬಲ್ಯಂವೊನಾಯಿತ್ ಇಪ್ಪಕ್ ಕುಶಿಯುಂಡೋ ಅಂವೊ ಎಲ್ಲಾರ್‌ಕು ಅಡಿಯಾಳಾಯಿತ್ ಸೇವೆ ಮಾಡ್‌ವನೆಕೆ ಇಕ್ಕಂಡು.

ಮತ್ತಾಯ 20:26 ပူးပေါင်းရင်းမြစ်များ

ಮತ್ತಾಯ 20:27

ಪಿಂಞ ನಿಂಗಡಲ್ಲಿ ದಾರ್‌ಕ್ ಮಿಂಞತ್ ಇಪ್ಪಕ್ ಕುಶಿ ಉಂಡೋ, ಅಯಿಂಗ ನಿಂಗಕ್ ಆಳಾಯಿತ್ ಇಕ್ಕಂಡು.

ಮತ್ತಾಯ 25:44

ಅಕ್ಕ ಅಯಿಂಗ: ಒಡೆಯನೇ, ನೀನ್ ಎಕ್ಕ ಕೆಲ ಪಯಿಚಂವೊನಾಯಿತ್, ಬಾಯಾರಿಕೆ ಉಳ್ಳಂವೊನಾಯಿತ್, ಪರಿಚಯ ಇಲ್ಲತಂವೊನಾಯಿತ್, ಬಟ್ಟೆ ಇಲ್ಲತಂವೊನಾಯಿತ್, ಕಾಯಿಲಸ್ತನಾಯಿತ್, ಜೈಲ್‍ಲ್ ಇಂಜಂವೊನಾಯಿತ್ ಕಂಡಿತ್ ನಂಗ ನೀಕ್ ಸಹಾಯ ಮಾಡಿತ್‌ಲ್ಲೇಂದ್ ಕ್‍ೕಪ.

ಮತ್ತಾಯ 27:55

ಯೇಸು ಗಲಿಲಾಯತ್‍ಲ್ ಇಪ್ಪಕಾಪಕ, ಅಂವೊಂಗ್ ಸಹಾಯ ಮಾಡಿತ್, ಅಂವೊಂಡ ಕೂಡೆ ಬಂದ ದುಂಬ ಪೊಣ್ಣಾಳುವ ದೂರತ್ಂಜ ನೋಟಿಯಂಡಿಂಜತ್.

ಮಾರ್ಕ 10:43

ನಿಂಗಡ ಒಳ್‍ಲ್ ಅನ್ನನೆ ಇಪ್ಪಕ್ಕಾಗ. ನಿಂಗಡಲ್ಲಿ ದಾರ್‌ಕ್ ಬಲ್ಯಂವೊನಾಯಿತ್ ಇಪ್ಪಕ್ ಕುಶಿಯುಂಡೋ ಅಂವೊ ಎಲ್ಲಾರ್‌ಕು ಅಡಿಯಾಳಾಯಿತ್ ಸೇವೆ ಮಾಡ್‌ವನೆಕೆ ಇಕ್ಕಂಡು.

ಮಾರ್ಕ 10:45

ಅನ್ನನೆ, ಮನುಷ್ಯಕುಮಾರ ಸಹ ಬೋರೆಯಿಂಗಡಿಂಜ ಸೇವೆ ಮಾಡ್‌ಚಿಟ್ಟ್‌ವಕಾಯಿತ್ ಬಂದಿತ್‌ಲ್ಲೆ. ಆಚೇಂಗಿ ಸೇವೆ ಮಾಡ್‌ವಕಾಯಿತು, ದುಂಬ ಜನಳ ಬುಡ್‍ಗಡೆ ಮಾಡ್‌ವಕ್ ತಾಂಡ ಜೀವತ್‍ನ ಕೊಡ್‍ಪಕಾಯಿತು ಬಾತ್ೕದ್ ಎಣ್ಣ್‌ಚಿ.

ಮಾರ್ಕ 9:35

ಯೇಸು ಒರ್ ಜಾಗತ್‍ಲ್ ಅಳ್‌ಪಂಜಿ ಅಂವೊಂಡ ಪನ್ನೆರಂಡ್ ಶಿಷ್ಯಂಗಳ ಕಾಕುವಂಜಿ, ದಾರ್‌ಕ್ ಆದ್ಯಂವೊನಯಿತ್ ಇಪ್ಪಕ್ ಕುಶಿ ಉಂಡೋ, ಅಂವೊ ಮಿಂಞ ಕಡೆಯಾಯಿತ್ ಬಂದಿತ್ ಎಲ್ಲಾರ್‌ಕು ಸೇವೆ ಮಾಡಂಡು.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:14

ಫರಿಸಾಯ ಅಲ್ಲ, ಕಂದಾಯ ಎಡ್‍ಪಂವೊನೇ ದೇವಡಯಿಂಜ ಪಾಪ ಕ್ಷೆಮೆ ಕ್‍ಟ್ಟಿತ್ ನೀತಿವಂತಂವೊನಾಯಿತ್ ಅಂವೊಂಡ ಮನೆಕ್ ಪೋಪಾಂದ್ ನಾನ್ ನಿಂಗಕ್ ಎಣ್ಣ್‌ವಿ. ಎನ್ನಂಗೆಣ್ಣ್‌ಚೇಂಗಿ ನಿಂಗ ನಿಂಗಳ ಬೋರೆಯಿಂಗಕಿಂಜ ಬಲ್ಯದಾಯಿತ್ ಇರಂಡೂಂದ್ ನೋಟ್‍ಚೇಂಗಿ ನಿಂಗ ಅಡಿಕ್ ಬಪ್ಪಿರ, ಆಚೇಂಗಿ ನಿಂಗ ಬಗ್ಗಿತ್ ನಡ್ಂದತೇಂಗಿ ನಿಂಗಳ ದೇವ ಮಿಂಞಕ್ ಕೊಂಡ್ ಬಪ್ಪಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:26

ನಿಂಗಡಲ್ಲಿ ಅನ್ನನೆ ಇಪ್ಪಕ್ಕಾಗ; ನಿಂಗಡಲ್ಲಿ ಬಲ್ಯಂವೊ ಚೆರಿಯಂವೊನಾಯಿತು, ಅದಿಕಾರ ಉಳ್ಳಂವೊ ಪಣಿಕಾರನಾಯಿತು ಇರಂಡು.

ಯೋಹಾನ 18:36

ಯೇಸು ಅಂವೊಂಗ್: ನಾಡ ರಾಜ್ಯ ಈ ಲೋಕತ್‍ರದಲ್ಲ, ನಾಡ ರಾಜ್ಯ ಈ ಲೋಕತ್‍ರದಾಯಿತ್ ಇಂಜತೇಂಗಿ, ನಾಡ ಶಿಷ್ಯಂಗ ನನ್ನ ಯೆಹೂದ್ಯ ಅದಿಕಾರಿಯಂಗಕ್ ಪುಡ್‍ಚಿ ಕೊಡ್‍ಕತನೆಕೆ ತಡ್‍ಪಕ್ ಇಂಜತ್; ಆನಗುಂಡ್ ನಾಡ ರಾಜ್ಯ ಈ ಲೋಕತ್‍ರದಲ್ಲಾಂದ್ ಎಣ್ಣ್‌ಚಿ.

ಅಪೊಸ್ತಲ 13:5

ಅಯಿಂಗ ಸಲಮಿಸ್ ಪಟ್ಟಣಕ್ ಬಂದಿತ್, ಅಲ್ಲಿ ಇಂಜ ಯೆಹೂದ್ಯಂಗಡ ಸಬಾಮಂದಿರತ್‍ಲ್ ದೇವಡ ವಾಕ್ಯತ್‍ನ ಬೋದನೆ ಮಾಡ್‍ಚಿ. ಅಯಿಂಗಡ ಸೇವೇಲ್ ಸಹಾಯ ಮಾಡ್‌ವಕ್ ಯೋಹಾನ ಎಣ್ಣುವ ಮಾರ್ಕ ಅಯಿಂಗಡ ಕೂಡೆ ಇಂಜತ್.

2 ಕೊರಿಂಥ 1:24

ನಿಂಗಡ ನಂಬಿಕೇಕ್ ನಂಗ ಅದಿಕಾರ ಉಳ್ಳಯಿಂಗಳಾಯಿತ್ ಇಕ್ಕತೆ, ನಿಂಗಡ ಕುಶೀಕ್ ಸಹಾಯ ಮಾಡ್‌ವಯಿಂಗಳಾಯಿತುಂಡ್; ನಂಬಿಕೇರಗುಂಡ್ ನಿಂಗ ನಿಂದಂಡುಳ್ಳಿರಲ್ಲ.

2 ತಿಮೊಥೆಯ 1:18

ಯೇಸು ಕ್ರಿಸ್ತ ಪುನಃ ಬಪ್ಪ ದಿವಸತ್‍ಲ್, ಅಂವೊಂಡ ಮೇಲೆ ದೇವಡ ವಿಶೇಷ ಕರುಣೆ ಇರಡ್! ಅಂವೊ, ಎಫೆಸತ್‍ಲ್ ನಾಕ್ ಎಚ್ಚಕೋ ಸಹಾಯ ಮಾಡಿತುಂಡ್‍ೕಂದ್ ನೀಕ್ ಚಾಯಿತೆ ಗೊತ್ತುಂಡ್.

ಫಿಲೆಮೋನ 1:13

ಕ್ರಿಸ್ತಂಡ ನಲ್ಲ ಸುದ್ದಿರಗುಂಡ್ ಕೈದಿಯಾಯಿತುಳ್ಳ ನಾಕ್ ಸೇವೆ ಮಾಡ್‌ವಕಾಯಿತ್ ನೀಕ್ ಬದ್‍ಲಾಯಿತ್ ಅಂವೊನ ನಾಡ ಪಕ್ಕ ಬೆಕ್ಕಂಡೂಂದ್ ನಾಡ ಆಸೆ.

ಇಬ್ರಿಯ 1:14

ಆನಗುಂಡ್, ರಕ್ಷಣೆ ಕ್‍ಟ್ಟ್‌ವಯಿಂಗಕ್ ಸೇವೆ ಮಾಡ್‌ವಕಾಯಿತ್ ದೇವದೂತಂಗ ಎಲ್ಲಾರು, ದೇವ ಅಯಿಚ ಸೇವೇರ ಆತ್ಮವಾಯಿತುಂಡಲ್ಲಾ?

1 ಪೇತ್ರ 4:11

ಒಬ್ಬ ಬೋದನೆ ಮಾಡ್‌ವದಾಚೇಂಗಿ, ಅಂವೊ ಚಾಯಿತೆ ದೇವಡ ವಾಕ್ಯತ್‍ರ ಪ್ರಕಾರ ಬೋದನೆ ಮಾಡಂಡು. ಒಬ್ಬ ಸೇವೆ ಮಾಡ್‌ವದಾಚೇಂಗಿ ದೇವ ಅಂವೊಂಗ್ ಕೊಡ್‍ತಿತುಳ್ಳ ಶಕ್ತಿರನೆಕೆ ಮಾಡಂಡು, ಅಕ್ಕ ನಿಂಗ ಎಂತ ಮಾಡ್‍ಚೇಂಗಿಯು, ಯೇಸು ಕ್ರಿಸ್ತಂಡ ಮೂಲಕ ದೇವಕ್ ಮಹಿಮೆ ಕ್‍ಟ್ಟುವನೆಕೆ ಮಾಡ್‌ವಕಾಪ. ಅಂವೊಂಗ್ ಎಕ್ಕಾಲು ಮಹಿಮೆ, ಶಕ್ತಿ ಬರಡ್. ಆಮೆನ್.

1 ಪೇತ್ರ 5:3

ನಿಂಗಡ ಕೈಕ್ ಒಪ್ಪ್‌ಚಿಟ್ಟಿತುಳ್ಳಯಿಂಗಳ ಬಾರವಾಯಿತ್ ಆಳುವನೆಕೆ ಅಲ್ಲ, ದೇವಡ ಮಕ್ಕಕ್ ಉದಾರಣೆಯಾಯಿತ್ ಇರಿ.

ಪ್ರಕಟನೆ 17:6

ಆ ಪೊಣ್ಣಾಳ್ ದೇವಡ ಮಕ್ಕಡ ಚೋರೆನ, ಯೇಸುಕ್ ಸಾಕ್ಷಿ ಕೊಡ್‍ತ ಮಕ್ಕಡ ಚೋರೆನ ಕುಡಿಚ ಬೋಗತ್‍ಲ್ ಇಪ್ಪದ್‍ನ ಕಂಡಿಯೆ. ಅವಳ ಕಾಂಬಕ ನಾಕ್ ದುಂಬ ಆಶ್ಚರ್ಯ ಆಚಿ.