ಮತ್ತಾಯ 20:24 - ಕೊಡವ ಬೈಬಲ್

²⁴ ಯಾಕೋಬ ಪಿಂಞ ಯೋಹಾನ ಎಣ್ಣ್‌ನದ್‍ನ ಕ್‍ೕಟಿತ್ ಬೋರೆ ಪತ್ತ್ ಶಿಷ್ಯಂಗಕ್ ಚೆಡಿ ಬಾತ್.

ಮತ್ತಾಯ 20:24 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 13:10

ಆಂಗಾರ ಮಾತ್‌ರ ಜಗಳಕ್‌ ಕಾರಣ ಆಪ. ಆಲೋಚನೆಕ್‌ ಕೆಮಿ ಕೊಡ್‌ಪಂವೊಂಡ ಪಕ್ಕ ಜ್ಞಾನ ಇಪ್ಪ.

ಮತ್ತಾಯ 20:23

ಅಯಿಂಗಕ್ ಯೇಸು: ನಿಂಗ ನೇರಾಯಿತು ನಾನ್ ಕುಡಿಪ ಕಷ್ಟತ್‍ರ ಪಾತ್ರತ್‍ನ ಕುಡಿಪಿರ. ಆಚೇಂಗಿ ನಾಡ ಬಲ್‌ತೆ ಬರಿಲ್ ಪಿಂಞ ಎಡ್‍ತೆ ಬರಿಲ್ ದಾರ್ ಅಳ್‍ಕಂಡೂಂದ್ ಎಣ್ಣ್‌ವಕ್ ನಾಕ್ ಅದಿಕಾರ ಇಲ್ಲೆ. ಆ ಜಾಗತ್‍ನ ದಾರ್‌ಕ್ ನಾಡ ಅಪ್ಪ ಆಯ್ಕೆ ಮಾಡಿತುಂಡೋ ಅಯಿಂಗಕಾಯಿತ್ ಬೆಚ್ಚಿತುಂಡ್‍ೕಂದ್ ಎಣ್ಣ್‌ಚಿ.

ಮತ್ತಾಯ 20:25

ಯೇಸು ಅಯಿಂಗಳೆಲ್ಲ ತಾಂಡ ಪಕ್ಕ ಕಾಕುವಂಜಿ, ಈ ಲೋಕತ್‍ನ ಆಳುವಯಿಂಗ ಅಯಿಂಗಯಿಂಗಡ ಜನಳ ಆಂಗಾರತ್‍ಲ್ ಆಳುವ, ಪಿಂಞ ಅಯಿಂಗಡ ಅದಿಕಾರಿಯಂಗ ಅಯಿಂಗಡ ಮೇಲೆ ಬಲತ್ಕಾರತ್‌ಲ್ ಅದಿಕಾರ ಮಾಡ್‍ವದ್ ನಿಂಗಕ್ ಗೊತ್ತುಂಡ್.

ಮಾರ್ಕ 10:14

ಯೇಸುಕ್ ಅದ್‍ನ ಕಂಡಿತ್ ಚೆಡಿ ಬಾತ್. ಚೆರಿಯ ಮಕ್ಕ ನಾಡ ಪಕ್ಕ ಬರಡ್ ಅಯಿಂಗಳ ತಡೆ ಮಾಡ್‌ವಕ್ಕಾಗ. ದೇವಡ ರಾಜ್ಯ ಈಂಗಡನೆಕೆ ಉಳ್ಳಯಿಂಗಕೇಂದ್ ಎಣ್ಣ್‌ಚಿ

ಮಾರ್ಕ 10:41

ಬಾಕಿ ಪತ್ತ್ ಶಿಷ್ಯಂಗಕ್ ಇದ್‍ನ ಕ್‍ೕಟದು ಯಾಕೋಬ ಪಿಂಞ ಯೋಹಾನಂಡ ಮೇಲೆ ಚೆಡಿ ಬಾತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:14

ಯೇಸು ಸಬ್ಬತ್ ದಿವಸತ್‍ಲ್ ವಾಸಿಮಾಡ್‍ನಗೊಂಡ್ ಸಬಾಮಂದಿತ್‍ರ ಅದಿಕಾರಿಕ್ ಚೆಡಿ ಬಾತ್. ಆ ಅದಿಕಾರಿ ಅಲ್ಲಿ ಇಂಜ ಜನಕ್, ನಂಗ ಒರ್ ವಾರತ್‍ಲ್ ಆರ್ ದಿವಸ ಕೆಲಸ ಮಾಡ್‌ವಲ್ಲ, ಆ ದಿವಸತ್‍ಲ್ ಬಂತ್ ವಾಸಿ ಮಾಡಿಯೊಳಿ, ಸಬ್ಬತ್ ದಿವಸತ್‍ಲ್ ಅನ್ನನೆ ಮಾಡ್‌ವಕ್ಕಾಗಾಂದ್ ಎಣ್ಣ್‌ಚಿ.

1 ಕೊರಿಂಥ 13:4

ಪ್ರೀತಿ ತಾಳ್ಮೆಯು ದಯೆಯು ಉಳ್ಳದ್; ಪ್ರೀತಿಕ್ ಒಟ್ಟೆಕಿಚ್ಚ್ ಇಲ್ಲೆ, ಪ್ರೀತಿ ಹೊಗ್‍ಳ್‍ಚಿಡುಲೆ, ಆಂಗಾರ ಪಡುಲೆ.

ಫಿಲಿಪ್ಪಿ 2:3

ನಿಂಗ ಮಾತ್ರ ಬಲ್ಯಯಿಂಗಾಂದ್ ಗೇನ ಮಾಡತಿ, ನಿಂಗಳ ತಗ್ಗ್‌ಚಿಟ್ಟಂಡ್ ಬೋರೆಯಿಂಗ ನಿಂಗಕಿಂಜ ಬಲ್ಯಯಿಂಗಾಂದ್ ಗೇನ ಮಾಡಿ.

ಯಾಕೋಬ 3:14

ಆಚೇಂಗಿ ನಿಂಗಡ ಹೃದಯತ್‍ಲ್ ನಿಂಗ ಕೆಟ್ಟದ್ ಮಾಡಂಡೂಂದ್ ಗೇನ ಮಾಡಿಯಂಡ್ ಒಟ್ಟೆಕಿಚ್ಚ್‌ಪಟ್ಟಂಡ್, ನಿಂಗ ಬುದ್ದಿವಂತಂಗಾಂದ್ ಕಳಿಕತಿ, ಅದ್ ಎಲ್ಲಾಕಿಂಜಿ ಬಲ್ಯ ಪೊಟ್ಟ್.

1 ಪೇತ್ರ 5:5

ಅನ್ನನೆ, ಬಾಲೆಕಾರಂಗಳೇ, ಪೆರಿಯಯಿಂಗಡ ತಕ್ಕ್‌ಕ್ ತಗ್ಗಿತ್ ನಡ್‌ಂದಂಡಿರಿ. ನಿಂಗ ಎಲ್ಲಾರು ಒಬ್ಬೊಬ್ಬಂಗ್ ಪೊರುಮೆನ ಬಟ್ಟೇರನೆಕೆ ಇಟ್ಟೊಳಿ. ಎನ್ನಂಗೆಣ್ಣ್‌ಚೇಂಗಿ, ಆಂಗಾರ ಉಳ್ಳಯಿಂಗಕ್ ದೇವ ಎದ್‍ರ್ ನಿಪ್ಪ, ಅಡಕ ಉಳ್ಳಯಿಂಗಕ್ ದೇವ ಕರುಣೆ ಕಾಟ್‍ವ.