ಮತ್ತಾಯ 20:23 - ಕೊಡವ ಬೈಬಲ್

²³ ಅಯಿಂಗಕ್ ಯೇಸು: ನಿಂಗ ನೇರಾಯಿತು ನಾನ್ ಕುಡಿಪ ಕಷ್ಟತ್‍ರ ಪಾತ್ರತ್‍ನ ಕುಡಿಪಿರ. ಆಚೇಂಗಿ ನಾಡ ಬಲ್‌ತೆ ಬರಿಲ್ ಪಿಂಞ ಎಡ್‍ತೆ ಬರಿಲ್ ದಾರ್ ಅಳ್‍ಕಂಡೂಂದ್ ಎಣ್ಣ್‌ವಕ್ ನಾಕ್ ಅದಿಕಾರ ಇಲ್ಲೆ. ಆ ಜಾಗತ್‍ನ ದಾರ್‌ಕ್ ನಾಡ ಅಪ್ಪ ಆಯ್ಕೆ ಮಾಡಿತುಂಡೋ ಅಯಿಂಗಕಾಯಿತ್ ಬೆಚ್ಚಿತುಂಡ್‍ೕಂದ್ ಎಣ್ಣ್‌ಚಿ.

ಮತ್ತಾಯ 20:23 ပူးပေါင်းရင်းမြစ်များ

ಮತ್ತಾಯ 13:11

ಅಯಿಂಗಕ್ ಅಂವೊ: ಪರಲೋಕ ರಾಜ್ಯತ್‍ರ ಗುಟ್ಟ್ ನಿಂಗಕ್ ಗೊತ್ತಾಪನೆಕೆ ಮಾಡಿತುಂಡ್. ಆಚೇಂಗಿ ಪೊರಮೆ ಉಳ್ಳಯಿಂಗಕ್ ಈ ಬಾಗ್ಯ ಕ್‍ಟ್ಟಿತ್‌ಲ್ಲೆ.

ಮತ್ತಾಯ 20:24

ಯಾಕೋಬ ಪಿಂಞ ಯೋಹಾನ ಎಣ್ಣ್‌ನದ್‍ನ ಕ್‍ೕಟಿತ್ ಬೋರೆ ಪತ್ತ್ ಶಿಷ್ಯಂಗಕ್ ಚೆಡಿ ಬಾತ್.

ಮತ್ತಾಯ 25:34

ಅಕ್ಕ ರಾಜ ತಾಂಡ ಬಲ್‌ತೆ ಬರಿಲ್ ಉಳ್ಳ ಜನಳ ನೋಟಿತ್: ನಾಡ ಅಪ್ಪಂಡ ಆಶೀರ್ವಾದ ಪಡ್ಂದಯಿಂಗಳೇ ಬಾರಿ, ಈ ಲೋಕ ಸೃಷ್ಟಿ ಆಪಕ್ ಮಿಂಞ ತಯಾರ್ ಮಾಡ್‍ನ ನಿಂಗಡ ರಾಜ್ಯತ್‍ನ ಎಡ್‌ತೊಳಿ.

ಮಾರ್ಕ 10:40

ಆಚೇಂಗಿ ದಾರ್ ನಾಡ ಬಲ್‌ತೆ ಬರಿಲ್ ಪಿಂಞ ಎಡ್‍ತೆ ಬರಿಲ್ ಅಳ್‌ಪಾಂದ್ ಎಣ್ಣ್‌ವಕ್ ನಾಕ್ ಹಕ್ಕ್ ಇಲ್ಲೆ. ದಾರ್ ಎಲ್ಲಿ ಅಳ್‌ಪಾಂದ್ ದೇವ ತಯಾರ್ ಮಾಡಿತುಂಡೋ ಅಯಿಂಗಕ್ ದೇವನೇ ಅದ್‍ನ ಕೊಡ್‍ಪ.

ಅಪೊಸ್ತಲ 12:2

ಅಂವೊ ಯೋಹಾನಂಡ ಅಣ್ಣನಾನ ಯಾಕೋಬನ ಕತ್ತಿಯಿಂಜ ಕೊಲೆ ಮಾಡ್‍ಚಿ.

ರೋಮ್ 8:17

ಇಕ್ಕ, ನಂಗ ಮಕ್ಕಾಳಾಯಿತ್ಂಜತೇಂಗಿ ಬಾದ್ಯೆತೆಕಾರಂಗಳಾಯಿತ್ ಉಂಡ್, ದೇವಡ ಹಕ್ಕ್‌ದಾರಂಗಳು, ಕ್ರಿಸ್ತಂಡ ಕೂಡೆ ಹಕ್ಕ್‌ದಾರಂಗಳಾಯಿತುಂಡ್, ಕ್ರಿಸ್ತಂಡ ಕೂಡೆ ಕಷ್ಟಪಟ್ಟತೇಂಗಿ, ಅಂವೊಂಡ ಕೂಡೆ ನಂಗಳು ಸಹ ಮಹಿಮೆನ ಪಡೆಯುವ.

1 ಕೊರಿಂಥ 2:9

ದೇವಡ ವಾಕ್ಯತ್‍ಲ್ ಒಳ್‍ದ್‍ನ ಪ್ರಕಾರ: ದೇವ, ಅಂವೊಂಡ ಮೇಲೆ ಪ್ರೀತಿ ಉಳ್ಳಯಿಂಗಕ್ ತಯಾರ್ ಮಾಡಿತುಳ್ಳದ್‍ನ, ಒರ್ ಕಣ್ಣ್ ಕಂಡಿತು ಇಲ್ಲೆ, ಕೆಮಿ ಕ್‍ೕಟಿತು ಇಲ್ಲೆ, ಅದ್ಂಡ ಗೇನ ಮನುಷ್ಯಂಡ ಹೃದಯತ್‍ಲ್ ಪುಟ್ಟಿತು ಇಲ್ಲೆ.

2 ಕೊರಿಂಥ 1:7

ನಿಂಗ ಸಹ ನಂಗಡ ಕೂಡೆ ಕಷ್ಟ ಅನುಬವಿಚಿಡುವಗುಂಡ್, ನಂಗಡ ಕೂಡೆ ನಿಂಗಕ್ ಸುಕ ಕ್‍ಟ್ಟಿಯಂಡುಂಡ್‍ೕಂದ್ ನಂಗಕ್ ಗೊತ್ತಾಯಿತ್, ನಿಂಗಡ ವಿಷಯತ್‍ಲ್ ನಂಗಕ್ ದೃಡವಾನ ನಿರೀಕ್ಷೆ ಉಂಡ್.

ಕೊಲೊಸ್ಸೆ 1:24

ಇಕ್ಕ ನಿಂಗಡಗುಂಡ್ ನಾನ್ ಅನುಬವಿಚಿಟ್ಟಂಡುಳ್ಳ ಕಷ್ಟತ್‍ಲ್ ಕುಶಿಪಟ್ಟಿತ್, ಕ್ರಿಸ್ತಂಡ ಕಷ್ಟತ್‍ಲ್ ಇಂಞು ಮಾಡ್‌ವಕುಳ್ಳದ್‍ನ ಅಂವೊಂಡ ತಡಿಯಾನ ಸಬೇಕಾಯಿತ್ ನಾಡ ತಡೀಲ್ ಪೂರ್ತಿ ಮಾಡಿಯಂಡುಳ್ಳ.

ಇಬ್ರಿಯ 11:16

ಆಚೇಂಗಿ, ಅಯಿಂಗ ಬುಟ್ಟಿತ್ ಬಂದ ದೇಶಕಿಂಜ ವಿಶೇಷವಾಯಿತುಳ್ಳ ಪರಲೋಕತ್‍ರ ದೇಶತ್‍ನ ಕುಶಿಪಟ್ಟತ್; ಆನಗುಂಡ್ ದೇವ, ಅಯಿಂಗಡ ದೇವಾಂದ್ ಕಾಕುವಕ್ ಞಾಣ ಪಡುಲೆ; ಅಯಿಂಗಕಾಯಿತ್ ಒರ್ ಪಟ್ಟಣತ್‍ನ ತಯಾರ್ ಮಾಡ್‍ಚಿ.

ಪ್ರಕಟನೆ 1:9

ನಿಂಗಡ ಅಣ್ಣನು, ಯೇಸುಕಾಯಿತ್ ಬಪ್ಪ ಹಿಂಸೆಕು, ಅಂವೊಂಡ ರಾಜ್ಯಕು, ಅಂವೊಂಡ ಪೊರುಮೆಕು ನಿಂಗಡ ಕೂಡೆ ಪಾಲ್‍ದಾರನಾಯಿತುಳ್ಳ ಯೋಹಾನನಾನ ನಾನ್ ದೇವಡ ವಾಕ್ಯಕಾಯಿತು, ಯೇಸುರ ವಿಷಯತ್ ಸಾಕ್ಷಿಕಾಯಿತು ಪತ್ಮೊಸ್ ಎಣ್ಣುವ ದ್ವೀಪತ್‍ಲ್ ಇಂಜ.