ಮತ್ತಾಯ 20:22 - ಕೊಡವ ಬೈಬಲ್

²² ಅದ್ಂಗ್ ಯೇಸು: ನೀನ್ ಎಂತಾನ ಕ್‍ೕಟಂಡುಳ್ಳಿಯಾಂದ್ ನೀಕ್ ಗೊತ್ತ್‌ಲ್ಲೆ. ನಾನ್ ಕುಡಿಪಕುಳ್ಳ ಕಷ್ಟತ್‍ರ ಪಾತ್ರತ್‍ನ ನೀನ್ ಕುಡಿಪಕಯ್ಯುವಾಂದ್ ಕ್‍ೕಟತ್. ಅಕ್ಕು, ನಂಗಕ್ ಕಯ್ಯೂಂದ್ ಎಣ್ಣ್‌ಚಿ.

ಮತ್ತಾಯ 20:22 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 16:18

ನಾಶಕ್‌ ಮಿಂತ ಆಂಗಾರ ಬಪ್ಪ, ಬುದ್ದ್‌ಪೋಪಕ್‌ ಮಿಂಞ ಪೆರುಮೆ ಬಪ್ಪ.

ಮತ್ತಾಯ 26:35

ಅದ್ಂಗ್ ಪೇತ್ರ: ನಾನ್ ನೀಡ ಕೂಡೆ ಚತ್ತ್ ಪೋಂಡೂಂದ್ ಇಂಜತೇಂಗಿಯು, ನಾನ್ ಅನ್ನನೆ ಎಣ್ಣುಲೇಂದ್ ಎಣ್ಣ್‌ಚಿ. ಅನ್ನನೆ ಎಲ್ಲಾ ಶಿಷ್ಯಂಗಳು ಅಂವೊ ಎಣ್ಣ್‌ನನೆಕೆ ಎಣ್ಣ್‌ಚಿ.

ಮತ್ತಾಯ 26:39

ಚೆನ್ನ ದೂರ ಪೋಪಂಜಿ, ಅಂವೊಂಡ ಮೂಡ್‍ನ ಅಡಿಕ್ ಮಾಡಿತ್ ಮೊಣಕಾಲ್ ಇಟ್ಟಂಡ್: ಓ ನಾಡ ಅಪ್ಪನೇ, ನೀಕ್ ಕಯ್ಯುವೇಂಗಿ ಈ ಕಷ್ಟತ್‍ರ ಪಾತ್ರ ನನ್ನ ಬುಟ್ಟಿತ್ ಪೋಪಕ್ ಮಾಡ್; ಆಚೇಂಗಿಯು ನಾಡ ಚಿತ್ತ ಅಲ್ಲ, ನೀಡ ಚಿತ್ತವೇ ಆಡ್‍ೕಂದ್ ಪ್ರಾರ್ಥನೆ ಮಾಡ್‍ಚಿ.

ಮತ್ತಾಯ 26:42

ಇಂಞೊಮ್ಮ ದಂಡನೆ ಕುರಿ ಅಂವೊ ಅಯಿಂಗಳ ಬುಟ್ಟಿತ್ ಪೋಯಿತ್: ನಾಡ ಅಪ್ಪನೇ! ಈ ಕಷ್ಟತ್‍ರ ಪಾತ್ರತ್‍ನ ನಾನ್ ಕುಡಿಚತೇಂಗಿ ಮಾತ್ರ, ಈ ಕಷ್ಟತ್‍ನ ನನ್ನಿಂಜ ಎಡ್‍ಪಕ್ ಕಯ್ಯೂಂದ್ ಇಂಜತೇಂಗಿ, ನೀಡ ಚಿತ್ತತ್‍ರನೆಕೆ ಆಡ್‍ೕಂದ್ ಪ್ರಾರ್ಥನೆ ಮಾಡ್‍ಚಿ.

ಮತ್ತಾಯ 26:56

ಆಚೇಂಗಿಯು ಪ್ರವಾದಿಯಂಗ ಒಳ್‌ದಿತುಳ್ಳದೆಲ್ಲಾ ನೆರವೇರಿಚಿಡುವನೆಕೆ ಇದೆಲ್ಲ ಆಚೀಂದ್ ಯೇಸು ಎಣ್ಣ್‌ಚಿ. ಅಕ್ಕ ಅಂವೊಂಡ ಎಲ್ಲಾ ಶಿಷ್ಯಂಗ ಅಂವೊನ ಬುಟ್ಟಿತ್ ಓಡಿ ಪೋಯಿರ್‌ತ್.

ಮಾರ್ಕ 14:36

ನಾಡ ಅಪ್ಪ, ನೀಕ್ ಎಲ್ಲಾ ಮಾಡ್‌ವಕ್ ಕಯ್ಯು. ಈ ಪಾತ್ರತ್‍ನ ನಾಡ ಪಕ್ಕತ್ಂಜ ನೀಕಿರ್, ಆಚೇಂಗಿಯು ನಾಡ ಚಿತ್ತ ಅಲ್ಲ ನೀಡ ಚಿತ್ತವೇ ಆಡ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:50

ದುಂಬ ಕಷ್ಟತ್‍ರ ಸೋದನೆಲ್ ನಾನ್ ಬೆರಿಯ ಪೋಕಂಡು. ಅದ್ ಪೂರ್ತಿ ಆಪಕತ್ತನೆ ನಾನ್ ದುಂಬ ನೊಂಬಲ ಅನುಬವಿಚಿಡಂಡು.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:42

ಅಪ್ಪ, ನೀಕ್ ಚಿತ್ತ ಉಂಡೇಂಗಿ ಈ ಕಷ್ಟತ್‍ರ ಪಾತ್ರ ನನ್ನ ಬುಟ್ಟಿತ್ ಪೋಪಕ್ ಮಾಡ್; ಆಚೇಂಗಿಯು ನಾಡ ಚಿತ್ತ ಅಲ್ಲ ನೀಡ ಚಿತ್ತವೇ ಆಡ್‍ೕಂದ್ ಪ್ರಾರ್ಥನೆ ಮಾಡ್‍ಚಿ.

ಯೋಹಾನ 18:11

ಅಕ್ಕ, ಯೇಸು ಪೇತ್ರಂಗ್: ನೀಡ ಬಾಳ್‍ನ ಅದ್ಂಡ ಕೊತ್ತೆಲ್ ಇಡ್; ನಾಡ ಅಪ್ಪ ನಾಕ್ ತಂದ ಕಷ್ಟತ್‍ರ ಪಾತ್ರತ್‍ಲ್ ನಾನ್ ಕುಡಿಪಕ್ ಆಪುಲೆಯಾಂದ್ ಎಣ್ಣ್‌ಚಿ.

ರೋಮ್ 8:26

ಅನ್ನನೆ, ನಂಗ ತಳ್ಂದ್ ಪೋಯಿತಿಪ್ಪಕ, ಪವಿತ್ರಾತ್ಮ ನಂಗಕ್ ಸಹಾಯ ಮಾಡ್‌ವ. ನಂಗಕ್ ಏದ್ ರೀತಿಲ್ ಪ್ರಾರ್ಥನೆ ಮಾಡಂಡೂಂದ್ ಗೊತ್ತಿಲ್ಲತಗುಂಡ್, ಪವಿತ್ರಾತ್ಮ ನಂಗಕಾಯಿತ್ ಬಾಕ್‍ಲ್ ಎಣ್ಣುವಕ್ ಕಯ್ಯತನೆಕೆ ನೆರ್ಂಗಿಯಂಡ್ ಬೋಡಿಯಂಡುಂಡ್.

ಯಾಕೋಬ 4:3

ನಿಂಗ ಕ್‍ೕಪಿರ, ಆಚೇಂಗಿ ಕ್‌ಟ್ಟಿಯಂಡಿಲ್ಲೆ. ಎನ್ನಂಗೆಣ್ಣ್‌ಚೇಂಗಿ ನಿಂಗಕ್ ಕ್‌ಟ್ಟ್‌ವದ್‌ನ ನಿಂಗಡ ಸ್ವಂತ ಇಚ್ಛೆರ ಪ್ರಕಾರ ಉಪಯೋಗಿಚಿಡ್‌ವಕಾಯಿತ್ ತಪ್ಪಾನ ಉದ್ದೇಶತ್ಂಜ ಕ್‍ೕಪಿರ.