ಮತ್ತಾಯ 20:21 - ಕೊಡವ ಬೈಬಲ್

²¹ ಅಕ್ಕ ಯೇಸು ಅವಳ ನೋಟಿತ್: ನೀಡ ಬೋಡಿಕೆ ಎಂತ್‍ೕಂದ್ ಕ್‍ೕಟತ್. ಅಕ್ಕ ಅವ: ನಾಡ ಈ ದಂಡ್ ಮಕ್ಕಳ, ನೀನ್ ನೀಡ ರಾಜ್ಯತ್‍ಲ್ ಇಪ್ಪಕ, ಒಬ್ಬನ ನೀಡ ಬಲ್‌ತೆ ಬರಿಲ್ ಇಂಞೊಬ್ಬನ ನೀಡ ಎಡ್‍ತೆ ಬರಿಲ್ ಅಳ್‍ಪನೆಕೆ ಮಾಡ್‍ೕಂದ್ ಎಣ್ಣ್‌ಚಿ.

ಮತ್ತಾಯ 20:21 ပူးပေါင်းရင်းမြစ်များ

ಎಸ್ತೆರ್‌ 5:3

ಅಕ್ಕ ರಾಜ ಅವಳ ನೋಟಿತ್: ಎಸ್ತೇರ್‌ ರಾಣಿಯೇ, ನೀಕ್‌ ಎಂತ ಬೋಂಡೂ? ನೀಡ ಬೋಡಿಕೆ ಎಂತ? ನೀನ್‌ ಈ ರಾಜ್ಯತ್‌ರ ಪಾದಿ ಬಾಗತ್‌ನ ಕ್‍ೕಟತೇಂಗಯು, ಅದ್‌ ನೀಕ್‌ ಕ್‌ಟ್ಟ್‌ವಾಂದ್‌ ಎಣ್ಣ್‌ಚಿ.

ಮತ್ತಾಯ 18:1

ಅದೇ ಸಮಯತ್‍ಲ್ ಯೇಸುರ ಶಿಷ್ಯಂಗ ಯೇಸುರ ಪಕ್ಕ ಬಂದಿತ್: ಪರಲೋಕ ರಾಜ್ಯತ್‍ಲ್ ದಾರ್ ದುಂಬ ಬಲ್ಯಂವೊ ಎಣ್ಣಿಯಂಡ್ ಕ್‍ೕಟತ್?

ಮತ್ತಾಯ 19:28

ಅದ್ಂಗ್ ಯೇಸು: ಮನುಷ್ಯಕುಮಾರ ಪುದಿಯ ಲೋಕತ್‍ನ ಮಾಡಿತ್ ತಾಂಡ ಮಹಿಮೇರ ಸಿಂಹಾಸನತ್‍ಲ್ ಅಳ್‌ಪಕಾಪಕ, ನಾಡ ಬೋದನೆನ ಕ್‍ೕಟಿತ್ ನಾಡ ಬಯ್ಯ ಬಂದ ನಿಂಗ ಇಸ್ರಾಯೇಲ್‍ರ ಪನ್ನೆರಂಡ್ ಕುಲತ್‍ನ ನ್ಯಾಯತೀರ್ಪ್ ಕೊಡ್‍ಪಕ್ ಪನ್ನೆರಂಡ್ ಸಿಂಹಾಸನತ್‍ರ ಮೇಲೆ ಅಳ್‌ಪಿರಾಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಮತ್ತಾಯ 20:22

ಅದ್ಂಗ್ ಯೇಸು: ನೀನ್ ಎಂತಾನ ಕ್‍ೕಟಂಡುಳ್ಳಿಯಾಂದ್ ನೀಕ್ ಗೊತ್ತ್‌ಲ್ಲೆ. ನಾನ್ ಕುಡಿಪಕುಳ್ಳ ಕಷ್ಟತ್‍ರ ಪಾತ್ರತ್‍ನ ನೀನ್ ಕುಡಿಪಕಯ್ಯುವಾಂದ್ ಕ್‍ೕಟತ್. ಅಕ್ಕು, ನಂಗಕ್ ಕಯ್ಯೂಂದ್ ಎಣ್ಣ್‌ಚಿ.

ಮತ್ತಾಯ 20:32

ಯೇಸು ನಿಪ್ಪಂಜಿ ಅಯಿಂಗಳ ಕಾಕಿತ್: ನಿಂಗಕ್ ನನ್ನಗುಂಡ್ ಎಂತಾಂಡೂಂದ್ ಕ್‍ೕಟತ್.

ಮಾರ್ಕ 10:51

ಯೇಸು ಅಂವೊನ ನೋಟಿತ್: ನಾನ್ ನೀಕ್ ಎಂತ ಮಾಡಂಡೂಂದ್ ಕ್‍ೕಟತ್? ಅದ್ಂಗ್ ಅಂವೊ: ನಲ್ಲ ಉಪಾದ್ಯನೇ ನಾಕ್ ಕಣ್ಣ್ ಕಾಂಬನೆಕೆ ಮಾಡ್‍ೕಂದ್ ಎಣ್ಣ್‌ಚಿ.

ಮಾರ್ಕ 16:19

ಇದ್‍ನೆಲ್ಲಾ ಒಡೆಯನಾನ ಯೇಸು ತಕ್ಕ್ ಪರ್ಂದಿತ್ ಆನ ಪಿಂಞ ಅಂವೊನ ಪರಲೋಕಕ್ ಎಡ್‍ತಂಡ್ ಪೋಚಿ, ಅಂವೊ ದೇವಡ ಬಲ್‌ತೆ ಬರಿಲ್ ಅಳ್‌ತತ್.

ಮಾರ್ಕ 6:22

ಉಂಡಿತ್ ಆನದು ಹೆರೋದ್ಯಡ ಮೋವ ಒಳ್‍ಕ್ ಬಂದಿತ್ ಅಯಿಂಗಡ ಎಲ್ಲಾಡ ಮಿಂಞತ್‍ಲ್ ಆಡ್‌ಚಿ. ಈ ಆಟತ್‌ನ ನೋಟ್‍ನಗುಂಡ್ ರಾಜನಾನ ಹೆರೋದಂಗೂ ಅಲ್ಲಿ ಇಂಜ ಎಲ್ಲಾರ್‌ಕು ಕುಶಿ ಆಯಿಪೋಚಿ. ಅಕ್ಕ ಹೆರೋದ ರಾಜ ಆ ಮೂಡಿನ ಕಾಕಿತ್, ನೀಕ್ ನನ್ನಗುಂಡ್ ಎಂತ ಆಂಡು, ಎಂತ ಬೋಂಡು? ನೀಕ್ ಎಂತ ಬೋಂಡ್‍ಚೇಂಗಿಯು ನಾನ್ ತಪ್ಪೀಂದ್ ಎಲ್ಲಾಡ ಮಿಂಞತ್‍ಲ್ ಸತ್ಯ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:41

ಅಕ್ಕ ಯೇಸು: ನಾನ್ ನೀಕ್ ಎಂತ ಮಾಡಂಡೂಂದ್ ಕ್‍ೕಟತ್. ಅದ್ಂಗ್ ಆ ಕುರ್‌ಡ: ಒಡೆಯನೇ, ನಾಕ್ ಕಣ್ಣ್ ಕಾಂಬನೆಕೆ ಮಾಡ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:11

ಜನ ಇದ್‍ನೆಲ್ಲ ಕ್‍ೕಟಂಡ್ ಇಪ್ಪಕ, ಯೇಸು ಯೆರೂಸಲೇಮ್‍ರ ಪಕ್ಕಪಕ್ಕ ಬಾತ್. ಆನಗುಂಡ್, ದೇವಡ ರಾಜ್ಯ ಅಕ್ಕಲೆ ಬಪ್ಪಾಂದ್ ಜನಯೆಲ್ಲ ಗೇನ ಮಾಡಿಯಂಡಿಂಜತ್. ಅಕ್ಕ ಯೇಸು, ಒರ್ ಕಥೇರ ರೂಪತ್‍ನ ಎಣ್ಣಿ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:24

ಇದ್‍ಲ್ಲತೆ ದಾರ್ ನಂಗಡ ಕೂಟ್‌ಲ್ ಬಲ್ಯಂವೋಂದ್ ಚರ್ಚೆ ಮಾಡ್‌ವಕ್ ಸುರು ಮಾಡ್‍ಚಿ.

ಯೋಹಾನ 15:7

ನಿಂಗ ನಾಡಲ್ಲಿಯು, ನಾಡ ವಾಕ್ಯ ನಿಂಗಡಲ್ಲಿಯು ಸ್ತಿರವಾಯಿತ್ಂಜತೇಂಗಿ, ನಿಂಗ ಎಂತ ಬೋಡ್‍ವಿರ, ಅದ್ ನಿಂಗಕ್ ಕ್‍ಟ್ಟ್‌ವ.

ಅಪೊಸ್ತಲ 1:6

ಪಿಂಞ ಅಲ್ಲಿಕ್ ಬಂದಯಿಂಗ ಯೇಸುನ ನೋಟಿತ್; ಒಡೆಯನೇ, ಇಸ್ರಾಯೇಲ್ ದೇಶತ್‍ನ ಅಯಿಂಗಡ ವಿರೋದಿಯಂಗಡ ಕೈಯಿಂಜ ಬುಡ್‍ಗಡೆ ಮಾಡಿತ್, ಇಸ್ರಾಯೇಲ್ ಜನಕ್ ಪುನಃ ಕೊಡ್‍ಪ ಕಾಲ ಬಾತಾಂದ್ ಕ್‍ೕಟತ್.

ರೋಮ್ 12:10

ಅಣ್ಣತಮ್ಮಣಂಗ ಒಬ್ಬೊಬ್ಬಂಡ ಕೂಡೆ ಚಾಯಿ ಪ್ರೀತಿಲ್ ಇರಿ; ಗನ ಪಡ್‌ತ್‍ವದ್‍ಲ್ ಎಲ್ಲಾರ್ಕಿಂಜ ಮಿಂಞ ನಿಂಗಳೇ ಮಾಡ್‌ವಯಿಂಗಳಾಯಿತಿರಿ.

ರೋಮ್ 8:34

ಅಕ್ಕ, ತೀರ್ಪ್ ಮಾಡ್‌ವಯಿಂಗ ದಾರ್? ಕ್ರಿಸ್ತನೇ ನಂಗಕಾಯಿತ್ ಚತ್ತಂವೊ. ಅಲ್ಲತೆ, ಅಂವೊನೇ ನಂಗಕಾಯಿತ್ ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬಂದಂವೊ. ಅಂವೊನೇ ದೇವಡ ಬಲ್‌ತೆ ಬರಿಲ್ ಅಳ್‌ತಂಡಿಪ್ಪಂವೊ, ನಂಗಕಾಯಿತ್ ದೇವಡ ಪಕ್ಕ ಬೋಡುವಂವೊನು ಅಂವೊನೇ.

ಕೊಲೊಸ್ಸೆ 3:1

ಆನಗುಂಡ್, ಕ್ರಿಸ್ತಂಡ ಕೂಡೆ ಆತ್ಮೀಯವಾಯಿತ್ ಜೀವತ್‍ಲ್ ಎದ್ದಿತ್ ಉಂಡೇಂಗಿ, ಕ್ರಿಸ್ತ, ದೇವಡ ಬಲ್‌ತೆ ಬರಿಲ್ ಅಳ್‌ತಂಡುಳ್ಳ ಜಾಗತ್‍ಲ್ ಉಳ್ಳ ಪರಲೋಕತ್‍ರ ವಿಷಯತ್‍ನ ತ್‍ೕಡಂಡು.