ಮತ್ತಾಯ 20:2 - ಕೊಡವ ಬೈಬಲ್

² ಅಂವೊ ಅಯಿಂಗಕ್ ಒರ್ ದಿವಸತ್‍ರ ಕೂಲಿಯಾಯಿತ್ ಒರ್ ಬೊಳ್ಳಿರ ನಾಣ್ಯತ್‍ನ ತಪ್ಪೀಂದ್ ಎಣ್ಣಿತ್ ಕೆಲಸಕ್ ಕಾಕಿಯಂಡ್ ಬಾತ್.

ಮತ್ತಾಯ 20:2 ပူးပေါင်းရင်းမြစ်များ

ಮತ್ತಾಯ 18:28

ಆ ಮನುಷ್ಯ ಪೊರಮೆ ಪೋಚಿ. ಆ ರಾಜಂಡ ಬೋರೆ ಒರ್ ಆಳ್, ಇಂವೊಂಡ ಪಕ್ಕ ನೂರ್ ಬೊಳ್ಳಿರ ಸಾಲ ಮಾಡಿತ್ಂಜತ್. ಈ ಮನುಷ್ಯ ಅಂವೊನ ಪುಡ್‌ಚಿತ್ ಬಲಿಪಂಜಿ, ಅಂವೊಂಗ್ ಪೊಜ್ಜಿತ್, ಅಂವೊಂಡ ತೊಂಡೆನ ಪುಡ್‍ಚತ್. ನೀನ್ ನಾಕ್ ತಪ್ಪಕುಳ್ಳ ದುಡ್ಡ್‌ನ ಇಕ್ಕಲೆ ತಾಂದ್ ಕ್‍ೕಟತ್.

ಮತ್ತಾಯ 20:1

ಪರಲೋಕ ರಾಜ್ಯ ಎನ್ನನೆ ಎಣ್ಣ್‌ಚೇಂಗಿ, ಒರ್ ಮನೆರ ಎಜಮಾನ, ಅಂವೊಂಡ ತೋಟತ್‍ಲ್ ಪಣಿಕ್ ಆಳ್‍ವಳ ಕಾಕಿಯಂಡ್ ಬಪ್ಪಕ್ ಪೊಲಾಕಲೆ ಪೋಚಿ.

ಮತ್ತಾಯ 20:13

ಅಕ್ಕ ಎಜಮಾನ, ಅಯಿಂಗಡಲ್ಲಿ ಇಂಜ ಒಬ್ಬಂಗ್: ಸ್ನೇಹಿತನೇ, ನಾನ್ ನೀಕ್ ಮೋಸ ಮಾಡಿತ್‌ಲ್ಲೆ. ನೀನ್ ನಾಡ ಪಕ್ಕ ಒರ್ ಬೊಳ್ಳಿರ ನಾಣ್ಯಕ್ ಒತ್ತಂಡಿಯಲ್ಲಾ?

ಮತ್ತಾಯ 20:3

ಒಯಿಂಬದ್ ಗಂಟೆಕ್ ಅಂವೊ ಪೊರಮೆ ಪೋಪಕ ಚತ್ತೆಲ್ ಚೆನ್ನ ಆಳ್‌ವ ಮುಂಡತೆ ನಿಂದಂಡಿಪ್ಪದ್‌ನ ಕಂಡಿತ್,

ಮತ್ತಾಯ 20:9

ಅಂಜ್ ಗಂಟೆಕ್ ಕೆಲಸಕ್ ಬಂದಯಿಂಗಕ್ ಒರ್ ದಿವಸತ್‍ರ ಕೂಲಿಯಾಯಿತ್ ಒರ್ ಬೊಳ್ಳಿರ ನಾಣ್ಯ ಕ್‍ಟ್ಟ್‌ಚಿ.

ಮತ್ತಾಯ 22:19

ಕಂದಾಯ ಕೊಡ್‍ಪ ನಾಣ್ಯತ್‍ನ ಕಾಟೀಂದ್ ಎಣ್ಣ್‌ಚಿ. ಅಯಿಂಗ ಎಡ್‌ತ ಬಂದಿತ್ ಕೊಡ್‍ತತ್.

ಮತ್ತಾಯ 9:37

ಅಕ್ಕ ಯೇಸು ಅಂವೊಂಡ ಶಿಷ್ಯಂಗಳ ಕಾಕ್‍ವಂಜಿ, ಬೇಲ್‌ಲ್ ಬೊಳೆ ದುಂಬ ಉಂಡ್, ಆಚೇಂಗಿ ಕೊಯಿಪಣಿಕ್ ಆಳ್‍ಕಾರ ದುಂಬ ಕಮ್ಮಿ ಉಂಡ್‍ೕಂದ್ ಎಣ್ಣ್‌ಚಿ.

ಮಾರ್ಕ 12:15

ಆಚೇಂಗಿ ಅಯಿಂಗಡ ಕಪಟ ಕಳಿ ಯೇಸುಕ್ ಗೊತ್ತಾಚಿ. ಅಕ್ಕ ಅಂವೊ: ನಿಂಗ ಎನ್ನಂಗ್ ನನ್ನ ಕೆಣಿಪಕ್ ನೋಟ್‍ವಿರ? ಒರ್ ಬೊಳ್ಳಿರ ನಾಣ್ಯತ್‍ನ ಕೊಂಡ್‌ಬಾರಿ ಅದ್‍ನ ನಾನ್ ನೋಟ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:15

ಅಂವೊ ದೇವಡ ದೃಷ್ಟಿಲ್ ಬಲ್ಯ ಮನುಷ್ಯನಾಯಿತ್‌ಪ್ಪ. ಅಂವೊ ದ್ರಾಕ್ಷಿರಸ ಪಿಂಞ ಕಳ್ಳ್ ಕುಡಿಪಕ್ಕಾಗ. ಅಂವೊ ತಾಂಡ ಅವ್ವಂಡ ಕೆಲತ್‌ಲ್ ಇಪ್ಪಕಲೆ ಪವಿತ್ರಾತ್ಮತ್‍ಲ್ ದುಂಬಿತ್‌ಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:35

ಪಿತ್ಯಾಂದ್ ಅಂವೊ ಪೋಪಕಾಪಕ, ದಂಡ್ ಬೊಳ್ಳಿರ ಉರುಪಿಯತ್‌ನ ಚತ್ರಕಾರಂಗ್ ಕೊಡ್‌ಪಂಜಿ: ಇಂವೊನ ಚಾಯಿತೆ ನೋಟಿಯೊಳಿ, ಇಂವೊಂಗ್ ಇಂಞು ಖರ್ಚಿ ಆಚೇಂಗಿ ನಾನ್ ಈಲೆ ವಾಪಸ್ ಬಪ್ಪಕ ನಿಂಗಕ್ ತಪ್ಪೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:24

ಒರ್ ಬೊಳ್ಳಿರ ನಾಣ್ಯತ್‌ನ ನಾಕ್ ಕಾಟಿ. ಇದ್‍ಲ್ ದಾಡ ಮೂಡ್ ಪಿಂಞ ದಾಡ ಪೆದ ಉಂಡ್ ಎಣ್ಣೀಂದ್ ಯೇಸು ಕ್‍ೕಟತ್. ಅದ್ಂಗ್ ಅಯಿಂಗ: ಇದ್‍ಲ್ ಕೈಸರಂಡ ಮೂಡ್ ಪಿಂಞ ಅಂವೊಂಡ ಪೆದ ಉಂಡ್‍ೕಂದ್ ಎಣ್ಣ್‌ಚಿ.

2 ತಿಮೊಥೆಯ 3:15

ಯೇಸು ಕ್ರಿಸ್ತನ ನಂಬುವ ಮೂಲಕ ಕ್‍ಟ್ಟ್‌ವ ರಕ್ಷಣೆನ ನೀನ್ ಪಡೆಯುವಕ್, ನೀನ್ ಬಾಲ್ಯ ವಯಸಿಂಜ ಪಡಿಚ ಪವಿತ್ರವಾನ ದೇವಡ ವಾಕ್ಯ ನೀಕ್ ಜ್ಞಾನ ತಂದಿತುಂಡ್‍ೕಂದ್ ನೀಕ್ ಗೊತ್ತುಂಡ್.

ಪ್ರಕಟನೆ 6:6

ಅಕ್ಕ, ನಾಲ್ ಜೀವಿ ಪ್ರಾಣಿಯಡ ಮದ್ಯತ್ಂಜ, ಒರ್ ದಿವಸತ್‍ರ ಕೂಲಿರ ಪಣಕ್ ಒರ್ ಕಿಲೊ ಗೋದಿ, ಒರ್ ದಿವಸತ್‍ರ ಕೂಲಿರ ಪಣಕ್ ಮೂಂದ್ ಕಿಲೊ ಬಾರ್ಲಿ, ಎಣ್ಣೆ ಪಿಂಞ ದ್ರಾಕ್ಷಿರಸತ್‍ನ ನೀನ್ ಪಾಳ್ ಮಾಡತೇಂದ್ ನಾಕ್ ಒರ್ ವಾಣಿ ಕ್‍ೕಟತ್.