ಮತ್ತಾಯ 20:19 - ಕೊಡವ ಬೈಬಲ್

¹⁹ ಅಯಿಂಗ ಕೊಲ್ಲ್‌ವಕ್ ಒಪ್ಪ್‌ಚಿಡ್‌ವ. ಅಯಿಂಗ ಅಂವೊನ ನಾನಾತರ ಬೈಗಳ ಬೈಯುವ, ಚಾಟಿಲ್ ಪೊಯ್ಯುವ, ಪಿಂಞ ಶಿಲುಬೇಕ್ ಇಡ್‌ವಕಾಯಿತ್ ಯೆಹೂದ್ಯಂಗಲ್ಲತಯಿಂಗಡ ಕೈಯಿಕ್ ಒಪ್ಪ್‌ಚಿಡ್‌ವ. ಆಚೇಂಗಿ ಮೂಂದನೆ ದಿನ ಚಾವ್‍ಯಿಂಜ ಜೀವವಾಯಿತ್ ಅಂವೊ ಏವಾಂದ್ ಎಣ್ಣ್‌ಚಿ.

ಮತ್ತಾಯ 20:19 ပူးပေါင်းရင်းမြစ်များ

ಮತ್ತಾಯ 12:40

ಯೋನ ಪ್ರವಾದಿ ಮೂಂದ್ ಬಯಿಟ್ ಮೂಂದ್ ಪೋಲ್ ಬಲ್ಯ ಮೀನ್‌ರ ಕೆಲತ್‌ಲ್ ಇಂಜನೆಕೆ, ಮನುಷ್ಯಕುಮಾರನು ಮೂಂದ್ ಬಯಿಟ್ ಮೂಂದ್ ಪೋಲ್ ಬೂಮಿರ ಅಡಿಲ್ ಇಪ್ಪ.

ಮತ್ತಾಯ 16:21

ಅಕ್ಕಯಿಂಜ ಯೇಸು ಅಯಿಂಗಕ್: ನಾನ್ ಯೆರೂಸಲೇಮ್‌ಕ್ ಪೋಪಕ ಅಲ್ಲಿಯತ್ ಪೆರಿಯಯಿಂಗ, ಮುಕ್ಯ ಯಾಜಕಂಗ, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಡಗುಂಡ್ ಕಷ್ಟಪಡಂಡೂಂದ್ ಎಣ್ಣ್‌ವಕ್‌ ಸುರು ಮಾಡ್‍ಚಿ. ಅಲ್ಲಿ ಪೋಪಕ ನನ್ನ ಕೊಂದ್‌ರ್‌ವ, ಆಚೇಂಗಿಯು ಮೂಂದನೆ ದಿವಸತ್‍ಲ್ ಚಾವ್‍ಯಿಂಜ ಜೀವವಾಯಿತ್ ಏವೀಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 17:23

ಮನುಷ್ಯಕುಮಾರನ ಜನಡ ಕೈಯಿಕ್ ಪುಡ್‍ಚಿ ಕೊಡ್‍ಪ ಸಮಯ ಬಾತ್, ಅಯಿಂಗ ಮನುಷ್ಯಕುಮಾರನ ಕೊಲ್ಲುವ. ಆಚೇಂಗಿಯು, ಅಂವೊ ಮೂಂದ್ ದಿವಸ ಆನ ಪಿಂಞ ಚಾವ್‍ಯಿಂಜ ಜೀವವಾಯಿತ್ ಏವಾಂದ್ ಎಣ್ಣ್‌ಚಿ. ಅದ್‍ನ ಕ್‍ೕಪಕ ಶಿಷ್ಯಂಗಕೆಲ್ಲ ದುಂಬ ಬೇಜಾರ್ ಆಚಿ.

ಮತ್ತಾಯ 27:26

ಅಕ್ಕ ಅಂವೊ ಬರಬ್ಬನ ಅಯಿಂಗಕ್ ಬುಟ್ಟ್ ಕೊಡ್‌ತಿತ್, ಯೇಸುನ ಕೊರಡ್‍ಲ್ ಪೊಜ್ಜಿತ್ ಶಿಲುಬೇಕ್ ಇಡ್‌ವಕ್ ಒಪ್ಪ್‌ಚಿಟ್ಟತ್.

ಮತ್ತಾಯ 27:63

ಅಂವೊಂಗ್: ಎಜಮಾನನೇ, ಆ ಮೋಸಗಾರ ಬದ್‌ಕಿತ್ ಇಪ್ಪಕಾಪಕ, ನಾನ್ ಮೂಂದ್ ದಿವಸ ಆನ ಪಿಂಞ ಚಾವ್‍ಯಿಂಜ ಎದ್ದ್ ಬಪ್ಪೀಂದ್ ಎಣ್ಣಿಯಂಡ್ ಇಂಜದ್ ನಂಗಕ್ ಗೇನ ಉಂಡ್.

ಮಾರ್ಕ 14:65

ಚೆನ್ನ ಜನ ಯೇಸುರ ಮೂಡ್‍ಕ್ ತುಪ್ಪ್‌ವಕ್ ಸುರು ಮಾಡ್‍ಚಿ. ಅಂವೊಂಡ ಮೂಡ್ ಕೆಟ್ಟುವಂಜಿ ಗುದ್ದಿರ್‌ವಂಜ ನೀಕ್ ದಾರ್ ಗುದ್ದಿಯೇಂದ್ ಪ್ರವಾದೆನ ಎಣ್ಣೀಂದ್ ಎಣ್ಣಿಯಂಡಿಂಜತ್. ಪಿಂಞ ಪಡೆಯಾಳಿಯಂಗ ಅಂವೊನ ಪೊಜ್ಜತ್.

ಮಾರ್ಕ 15:1

ಪೊಲಾಕ ನೇರತೆ ಅವಸರ ಅವಸರತ್‌ಲ್ ಮುಕ್ಯ ಯಾಜಕಂಗಳು ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳು ಪೆರಿಯಯಿಂಗಳು ಕೂಟ್ ಕೂಡ್‍ಚಿ. ಅಲ್ಲಿಯತ್‍ರ ಯೆಹೂದ್ಯಂಗಡ ಆಲೋಚನೆ ಸಬೇಕಾರ ಕೂಡಿಯಂಡ್ ಯೇಸುನ ಎಂತ ಮಾಡಂಡು ಎಣ್ಣಿಯಂಡ್ ಯೋಚನೆ ಮಾಡಿಯಂಡ್, ಯೇಸುನ ಸರ್ಪಣಿಲ್ ಕೆಟ್ಟಿತ್, ಪೊರಮೆ ಕಾಕುವಂಜಿ ಪಿಲಾತ ರಾಜಂಡ ಪಕ್ಕ ಒಪ್ಪ್‌ಚಿಟ್ಟತ್.

ಮಾರ್ಕ 15:15

ಅಕ್ಕ ಪಿಲಾತ: ಜನಳ ಕುಶಿಪಡುತ್‌ವಕಾಯಿತ್, ಬರಬ್ಬನ ಅಯಿಂಗಕ್ ಬುಡ್‌ತಿತ್, ಯೇಸುನ ಕೊರಡ್‍ಲ್ ಪೊಜ್ಜಿತ್ ಶಿಲುಬೇಲ್ ಇಡ್‌ವಕ್ ಒಪ್ಪ್‌ಚಿಟ್ಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:32

ಎನ್ನನೆ ಎಣ್ಣ್‌ಚೇಂಗಿ, ಈ ಮನುಷ್ಯಕುಮಾರನ ಪರದೇಶಿಯಂಗಳಾನ ರೋಮ್ ರಾಜ್ಯತ್‍ರ ಜನಡ ಕೈಕ್ ಕೊಡ್‌ಪಂಜಿ, ಅಂವೊನ ಪರಿಹಾಸ ಮಾಡ್‌ವ, ತಿರಸ್ಕಾರ ಮಾಡ್‌ವ ಪಿಂಞ ಅಂವೊಂಡ ಮೇಲೆ ತುಪ್ಪ್‌ವ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:46

ಯೇಸು ಅಯಿಂಗಕ್: ದೇವ ಗೊತ್ತ್ ಮಾಡಿತ್ ಅಯಿಚ ರಾಜನಾನ ಕ್ರಿಸ್ತ ಕಷ್ಟಪಡಂಡು, ಚತ್ತಿತ್ ಮೂಂದ್ ದಿವಸ ಆನ ಪಿಂಞ ಏವಂಡೂಂದ್ ದೇವಡ ವಾಕ್ಯತ್‍ಲ್ ಉಂಡ್.

ಅಪೊಸ್ತಲ 2:23

ಆಚೇಂಗಿಯು, ದೇವ ತೀರ್ಮಾನ ಮಾಡ್‍ನ ಆಲೋಚನೆರನೆಕೆ ಪಿಂಞ ಮಿಂಞಕ್ ಎಂತಾಪಾಂದ್ ಗೊತ್ತುಳ್ಳ ಅಂವೊಂಡ ಗುಣತ್‍ರನೆಕೆ, ಅಂವೊನ ನಿಂಗಡ ಕೈಲ್ ದೇವ ಒಪ್ಪ್‌ಚಿಡ್‌ವಕ, ನಿಂಗ ಅಂವೊನ ಯೆಹೂದ್ಯ ಅಲ್ಲತಯಿಂಗಡ ಕೈಕ್ ಕೊಡ್‌ತಿರ. ಅಯಿಂಗ ಅಂವೊನ ಶಿಲುಬೇಕ್ ಇಟ್ಟಿತ್ ಕೊಂದತ್.

ಅಪೊಸ್ತಲ 21:11

ಅಂವೊ ನಂಗಡ ಪಕ್ಕ ಬಂದಿತ್, ಪೌಲಂಡ ಅರೆಪಟ್ಟಿನ ಎಡ್‍ತಿತ್ ಅಂವೊಂಡ ಕಾಲ್‌ಕೈಯಿನ ಆ ಪಟ್ಟಿಲ್ ಕೆಟ್ಟಿಯಂಡತ್. ಅಂವೊ ನಂಗಳ ನೋಟಿತ್: ಈ ಅರೆ ಪಟ್ಟಿ ದಾಡದೋ, ಅಂವೊನ ಯೆರೂಸಲೇಮ್‍ರ ಯೆಹೂದ್ಯಂಗ ಇನ್ನನೆ ಕೆಟ್ಟಿತ್ ಅಲ್ಲಿಯತ್‍ರ ಯೆಹೂದ್ಯ ಅಲ್ಲತಯಿಂಗಡ ಕೈಕ್ ಒಪ್ಪ್‌ಚಿಡುವಾಂದ್ ಪವಿತ್ರಾತ್ಮ ಎಣ್ಣಿಯಂಡ್ ಉಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 4:27

ನೇರಾಯಿತು, ಹೆರೋದ, ಪೊಂತ್ಯ ಪಿಲಾತ, ಯೆಹೂದ್ಯಂಗ ಅಲ್ಲತ ಜನ ಪಿಂಞ ಇಸ್ರಾಯೇಲ್‍ರ ಜನ ಎಲ್ಲಾರು ಈ ಪಟ್ಟಣತ್‍ಲ್ ಕೂಡಿತ್, ನೀನ್ ಅಬಿಷೇಕ ಮಾಡ್‍ನ ನೀಡ ಪವಿತ್ರವಾನ ಸೇವಕನಾನ ಯೇಸುಕ್ ವಿರೋದವಾಯಿತ್ ಕೆಟ್ಟ ಆಲೋಚನೆ ಮಾಡಿತ್ ಬಾತ್.