ಮತ್ತಾಯ 20:1 - ಕೊಡವ ಬೈಬಲ್

¹ ಪರಲೋಕ ರಾಜ್ಯ ಎನ್ನನೆ ಎಣ್ಣ್‌ಚೇಂಗಿ, ಒರ್ ಮನೆರ ಎಜಮಾನ, ಅಂವೊಂಡ ತೋಟತ್‍ಲ್ ಪಣಿಕ್ ಆಳ್‍ವಳ ಕಾಕಿಯಂಡ್ ಬಪ್ಪಕ್ ಪೊಲಾಕಲೆ ಪೋಚಿ.

ಮತ್ತಾಯ 20:1 ပူးပေါင်းရင်းမြစ်များ

ಮತ್ತಾಯ 13:24

ಇಂಞೊರ್ ಕಥೇರ ರೂಪತ್‍ನ ಯೇಸು ಅಯಿಂಗಕ್ ಎಣ್ಣ್‌ಚಿ: ಪರಲೋಕ ರಾಜ್ಯತ್‍ನ ಇನ್ನನೆ ಎಣ್ಣ್‌ವಕ್ ಕಯ್ಯು: ಒರ್ ಮನುಷ್ಯ, ನಲ್ಲ ಗೋದಿ ಕಾಳ್‌ನ ಬೇಲ್‌ಲ್ ಬಿತ್ತುವ.

ಮತ್ತಾಯ 13:31

ಯೇಸು ಇಂಞೊರ್ ಕಥೇರ ರೂಪತ್‍ನ ಎಣ್ಣ್‌ಚಿ. ಪರಲೋಕ ರಾಜ್ಯ ಒರ್ ಕಡು ಕುರುರನೆಕೆ. ಒರ್ ಮನುಷ್ಯ ಆ ಕಡು ಕುರುನ ತಾಂಡ ಬೇಲ್‌ಲ್ ಬಿತ್ತುವ.

ಮತ್ತಾಯ 13:33

ಯೇಸು ಇಂಞೊರ್ ಕಥೇರ ರೂಪತ್‍ನ ಎಣ್ಣ್‌ಚಿ. ಪರಲೋಕ ರಾಜ್ಯ ಎನ್ನನೆ ಎಣ್ಣ್‌ಚೇಂಗಿ, ಒರ್ ಪೊಣ್ಣಾಳ್, ಮೂಂದ್ ಸೇರ್ ಪೊಡಿಕ್, ಚೆನ್ನ ಈಸ್ಟ್‌ನ ದುಂಬ ಮುದ್ದೆಕ್ ಕಲ್‍ಕ್‍ನನೆಕೆ. ಕಡೇಕ್ ಎಲ್ಲಾ ಮುದ್ದೆಯು ಪುಳಿಯಾಪ.

ಮತ್ತಾಯ 13:47

ಪರಲೋಕ ರಾಜ್ಯ ಎಣ್ಣ್‌ವದ್, ಸಮುದ್ರತ್‍ಲ್ ಚಾಡಿತ್, ನಾನಾ ತರತ್‍ರ ಮೀನ್‌ನ ಒಟ್ಟ್ ಕೂಟ್‌ವ ಬಲೇಕ್ ಸಮವಾಯಿತುಂಡ್.

ಮತ್ತಾಯ 20:2

ಅಂವೊ ಅಯಿಂಗಕ್ ಒರ್ ದಿವಸತ್‍ರ ಕೂಲಿಯಾಯಿತ್ ಒರ್ ಬೊಳ್ಳಿರ ನಾಣ್ಯತ್‍ನ ತಪ್ಪೀಂದ್ ಎಣ್ಣಿತ್ ಕೆಲಸಕ್ ಕಾಕಿಯಂಡ್ ಬಾತ್.

ಮತ್ತಾಯ 21:28

ಇಕ್ಕ ಎಂತ ಎಣ್ಣುವಿರ? ಒರ್ ಮನುಷ್ಯಂಗ್ ದಂಡ್ ಕ್‍ಣ್ಣ ಮಕ್ಕ ಇಂಜತ್. ಅಂವೊ, ಪೆರಿಯ ಮೋಂವೊಂಡ ಪಕ್ಕ ಪೋಪಂಜಿ: ಇಂದ್ ನೀನ್ ದ್ರಾಕ್ಷಿ ತೋಟತ್‍ರ ಪಣಿಕ್ ಪೋಂದ್ ಎಣ್ಣ್‌ಚಿ.

ಮತ್ತಾಯ 22:2

ಪರಲೋಕ ರಾಜ್ಯ ಎನ್ನನೆ ಎಣ್ಣ್‌ಚೇಂಗಿ, ಒರ್ ರಾಜ ತಾಂಡ ಮೋಂವೊಂಡ ಮಂಗಲಕ್ ಗದ್ದಾಳ ತಯಾರ್ ಮಾಡ್‍ನನೆಕೆ.

ಮತ್ತಾಯ 23:37

ಓ ಯೆರೂಸಲೇಮೇ, ಯೆರೂಸಲೇಮೇ, ಪ್ರವಾದಿಯಂಗಳ ಕೊಂದಿತ್ ದೇವ ಅಯಿಚ ಜನಳ ಕಲ್ಲ್ ಕನ್‍ಚಿತ್ ಕೊಲ್ಲುವ ಜನಳೇ, ಕೋಳಿ ತಾಂಡ ಕುಂಞಿಯಳ ರೆಕ್ಕೆರ ಒಳ್‍ಕ್ ಕೂಟಿಯಂಡ್ ಇಪ್ಪನೆಕೆ, ನೀಡ ಮಕ್ಕಳ ನಾನ್ ಸಹ ಕೂಟಿತ್ ರಕ್ಷಣೆ ಮಾಡ್‌ವಕ್ ಎಚ್ಚಕೋ ಕುರಿ ನಾಕ್ ಮನಸ್ಸ್ ಇಂಜತ್, ಆಚೇಂಗಿ ನಿಂಗಕ್ ನಾನ್ ಅನ್ನನೆ ಮಾಡ್‍ವದ್ ಕುಶಿಯಿಲ್ಲೆ.

ಮತ್ತಾಯ 25:1

ಅಕ್ಕ ಪರಲೋಕ ರಾಜ್ಯ, ತಂಗಡ ಬೊಳ್‌ಚತ್‍ನ ಎಡ್‍ತಂಡ್ ಮಂಗಲಕಾರನ ಕಾಂಬಕ್ ಪೊರಟ ಪತ್ತ್ ಕನ್ನಿ ಮೂಡಿಯಂಗಡನೆಕೆ ಇಪ್ಪ.

ಮತ್ತಾಯ 25:14

ಇಂಞು ಪರಲೋಕ ರಾಜ್ಯ, ದೂರ ದೇಶಕ್ ಪೋಪ ಒರ್ ಎಜಮಾನ ಅಂವೊಂಡ ಆಳ್‍ವಳ ಕಾಕುವಂಜಿ ತಾಂಡ ಆಸ್ತಿನ ನೋಟ್‍ವಕ್ ಪಾಲ್ ಮಾಡಿತ್ ಒಪ್ಪ್‌ಚಿಡುವನೆಕೆ ಉಂಡ್.

ಮತ್ತಾಯ 3:2

ನಿಂಗ ನಿಂಗಡ ಪಾಪಕಾಯಿತ್ ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ಬಾರಿ, ಎನ್ನಂಗೆಣ್ಣ್‌ಚೇಂಗಿ ಪರಲೋಕ ರಾಜ್ಯ ಬೆರಿಯ ಬಪ್ಪಾಂದ್ ಬೋದನೆ ಮಾಡ್‌ವಕ್ ಸುರ್ ಮಾಡ್‍ಚಿ.

ಮಾರ್ಕ 13:34

ಒರ್ ಮನುಷ್ಯ ಅಂವೊಂಡ ಮನೆನ ಬುಟ್ಟಿತ್ ದೂರ ದೇಶಕ್ ಪೋಪಕ, ಅಂವೊಂಡ ಆಳ್ಂಗಕ್ ಅದಿಕಾರ ಕೊಡ್‌ತಿತ್, ಅಯಿಂಗಯಿಂಗಕ್ ಕೆಲಸತ್‍ನ ಪಾಲ್ ಮಾಡಿ ಕೊಡ್‌ತಿತ್, ಎಚ್ಚರತ್‍ಲ್ ಇರ್‍ೕಂದ್ ಮನೆನ ಕಾಪಂವೊಂಗ್ ಎಣ್ಣಿತ್ ಪೋಪ.

ಯೋಹಾನ 15:1

ನಾನೇ ನೇರಾನ ದ್ರಾಕ್ಷಿ ಬಳ್ಳಿ, ನಾಡ ಅಪ್ಪ ತೋಟಕಾರ.

1 ಕೊರಿಂಥ 15:58

ಆನಗುಂಡ್, ನಾಡ ಪ್ರೀತಿರ ಜನಳೇ, ನಿಂಗ ನಿಂಗಡ ನಂಬಿಕೇಲ್ ದೃಡವಾಯಿತ್ ಇರಂಡು, ಏದ್ ಒರ್ ವಿಷಯವು ನಿಂಗಡ ನಂಬಿಕೇನೆ ಅನುಮಾನ ಪಡ್‍ತ್‍ವಕ್ಕಾಗ. ಒಡೆಯ ನಿಂಗಕ್ ಒಪ್ಪ್‌ಚಿಟ್ಟ ಕೆಲಸತ್‍ಲ್ ಮಿಂಞಕ್ ಪೋಪಯಿಂಗಳಾಯಿತ್ ಮಾಡಿಯಂಡಿರಿ. ನಿಂಗ ಮಾಡ್‌ವ ಒಡೆಯಂಡ ಕೆಲಸಕ್ ಫಲ ಇಲ್ಲತೆ ಪೋಪುಲೇಂದ್ ನಿಂಗಕ್ ಗೊತ್ತುಂಡುಲ್ಲ?

ಇಬ್ರಿಯ 13:21

ಯೇಸುರ ಮೂಲಕ ತಾಂಡ ಮಿಂಞತ್ ಕುಶಿಯುಳ್ಳದ್‍ನ, ನಿಂಗಡ ಮದ್ಯತ್‍ಲ್ ಮಾಡಿತ್, ನಿಂಗ ಅಂವೊಂಡ ಚಿತ್ತತ್‍ರನೆಕೆ ಮಾಡ್‌ವಕ್, ನಿಂಗಳ ಎಲ್ಲಾ ತರತ್‍ರ ನಲ್ಲ ಕ್ರಿಯೇರಗುಂಡ್ ಪೂರ್ತಿ ಮಾಡಿತ್ ಬಲಪಡ್‍ತಡ್; ಅಂವೊಂಗ್ ಎಕ್ಕಾಲು ಮಹಿಮೆ ಬರಡ್. ಆಮೆನ್.