ಮತ್ತಾಯ 2:4 - ಕೊಡವ ಬೈಬಲ್

⁴ ರಾಜ ಮುಕ್ಯ ಯಾಜಕಂಗಳ, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳ ಒಕ್ಕಚೆ ಕೂಟಿತ್: ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತ ಎಲ್ಲಿ ಪುಟ್ಟ್‌ವಾಂದ್ ಕ್‍ೕಟತ್.

ಮತ್ತಾಯ 2:4 ပူးပေါင်းရင်းမြစ်များ

ಮಲಾಕಿ 2:7

ಸತ್ಯತ್‌ನ ಬೋದನೆ ಮಾಡ್‌ವದ್‌ ಯಾಜಕಂಗಡ ಕರ್ತವ್ಯ. ದೇವ ಎಂತ ಎಣ್ಣಿಯಂಡುಂಡ್‍ೕಂದ್‌ ಕ್‍ೕಪಕಾಯಿತ್‌ ಜನ ನಿಂಗಡ ಪಕ್ಕ ಬರಂಡು. ಎನ್ನಂಗೆಣ್ಣ್‌ಚೇಂಗಿ, ಯಾಜಕಂಗಳೇ ದೇವಡ ದೂತಂಗಾಂದ್‌ ಒಡೆಯನಾನ ಸೇನೇನ ಒಡಯನಾನ ಯೆಹೋವ ಎಣ್ಣಿಯಂಡುಂಡ್.

ಮತ್ತಾಯ 13:52

ಅಕ್ಕ ಅಂವೊ ಅಯಿಂಗಳ ನೋಟಿತ್: ಇದ್ಂಡ ಅರ್ಥ ನ್ಯಾಯಪ್ರಮಾಣತ್‌ರ ಉಪಾದ್ಯಂಗ, ಪರಲೋಕ ರಾಜ್ಯತ್‍ರ ಶಿಷ್ಯಂಗಳಾಯಿತ್ ಬಪ್ಪಕ, ಅಯಿಂಗ ಮನೆರ ಎಜಮಾನಂಡನೆಕೆ, ಮನೆರ ಪತ್ತಾಯ ಕೋಂಬರೆಯಿಂಜ ಪುದಿಯ ಪಿಂಞ ಪಳೆಯ ನಿದಿನ ಎಡ್‌ತ ಬಂದನೆಕೆ ಇಪ್ಪಾಂದ್‌ ಎಣ್ಣ್‌ಚಿ.

ಮತ್ತಾಯ 2:3

ಹೆರೋದ ರಾಜ ಈ ಸುದ್ದಿನ ಕ್‍ೕಪಕ, ಅಂವೊಂಡ ಮನಸ್ಸ್‌ಕ್ ಗಾಬರಿ ಆಚಿ. ಅಂವೊಂಗ್ ಮಾತ್ರ ಅಲ್ಲ ಯೆರೂಸಲೇಮ್‍ಲ್ ಉಳ್ಳಯಿಂಗಕೆಲ್ಲಾ ಗಾಬರಿ ಆಚಿ.

ಮತ್ತಾಯ 2:5

ಅಯಿಂಗ ರಾಜಂಗ್, ಯೂದಾಯತ್‍ರ ಬೇತ್ಲೆಹೇಮ್‌ಲ್ ಪುಟ್ಟ್‌ವಾಂದ್ ಎಣ್ಣ್‌ಚಿ. ಎನ್ನಂಗೆಣ್ಣ್‌ಚೇಂಗಿ:

ಮತ್ತಾಯ 21:15

ಮುಕ್ಯ ಯಾಜಕಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಈ ಬಲ್ಯ ಅದ್ಬುತ ಕಾರ್ಯತ್‍ನ ಪಿಂಞ ಚೆರಿಯ ಮಕ್ಕ ದಾವೀದಂಡ ಮೋಂವೊಂಗ್ ಹೊಸನ್ನಾಂದ್ ಕೂತ್ ಕೊಡ್‍ಪದ್‍ನ ದೇವಾಲಯತ್‍ರ ಜಾಗತ್‍ಲ್ ಕಂಡತ್. ಕಂಡಿತ್ ಅಯಿಂಗಕ್ ದುಂಬ ಚೆಡಿ ಬಂತ್,

ಮತ್ತಾಯ 21:23

ಯೇಸು ದೇವಾಲಯಕ್ ಬಂದಿತ್, ಅಲ್ಲಿ ಬೋದನೆ ಮಾಡ್‌ವಕ್ ಸುರ್ ಮಾಡ್‍ಚಿ. ಮುಕ್ಯ ಯಾಜಕಂಗಳು ಪೆರಿಯಯಿಂಗಳು ಯೇಸುರ ಪಕ್ಕ ಬಂದಿತ್: ಇದ್‍ನೆಲ್ಲ ನೀನ್ ಏದ್ ಅದಿಕಾರತ್‍ಲ್ ಮಾಡಿಯಂಡುಳ್ಳಿಯಾ? ದಾರ್ ನೀಕ್ ಅದಿಕಾರತ್‍ನ ಕೊಡ್‌ತತ್‍ೕಂದ್ ಕ್‍ೕಟತ್.

ಮತ್ತಾಯ 26:3

ಅದೇ ಸಮಯತ್‍ಲ್ ಮುಕ್ಯ ಯಾಜಕಂಗಳು, ಜನಡ ಪೆರಿಯಯಿಂಗಳು ಕಾಯಫ ಎಣ್ಣುವ ಮಹಾ ಯಾಜಕಂಡ ಅರಮನೇಲ್

ಮತ್ತಾಯ 26:47

ಯೇಸು ಇದ್‍ನ ಎಣ್ಣಿಯಂಡಿಪ್ಪಕಲೇ, ಪನ್ನೆರಂಡ್ ಶಿಷ್ಯಂಗಡ ಕೂಟ್‌ಲ್ ಒಬ್ಬನಾನ ಯೂದ ಬಾತ್. ಅಂವೊಂಡ ಕೂಡೆ ಮುಕ್ಯ ಯಾಜಕಂಗ ಪಿಂಞ ಜನಡ ಪೆರಿಯಯಿಂಗ ಅಯಿಚ ಬಲ್ಯ ಜನಡ ಗುಂಪ್ ಕತ್ತಿ ದೊಣ್ಣೆನೆಲ್ಲ ಎಡ್‍ತಂಡ್ ಬಂದಿತ್ಂಜತ್.

ಮತ್ತಾಯ 27:1

ಪೊಲಿಂಜಿತಾಪಕ, ಎಲ್ಲಾ ಮುಕ್ಯ ಯಾಜಕಂಗಳು, ಜನಡ ಪೆರಿಯಯಿಂಗಳು ಕೂಡಿತ್, ಯೇಸುನ ಕೊಲ್ಲ್‌ವಕ್ ತೀರ್ಮಾನ ಮಾಡಿತ್,

ಮತ್ತಾಯ 7:29

ಎನ್ನಂಗೆಣ್ಣ್‌ಚೇಂಗಿ ಯೇಸು, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಡನೆಕೆ ಬೋದನೆ ಮಾಡತೆ, ಅದಿಕಾರ ಉಳ್ಳಂವೊನನೆಕೆ ಬೋದನೆ ಮಾಡ್‍ಚಿ.

ಮಾರ್ಕ 8:31

ಅಲ್ಲತೆ, ಮನುಷ್ಯಕುಮಾರ ದುಂಬ ಕಷ್ಟಪಟ್ಟಿತ್, ಪೆರಿಯಯಿಂಗಡ, ಮುಕ್ಯ ಯಾಜಕಂಗಡ, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಡ ಮಿಂಞತ್‍ಲ್ ತ್‍ಕ್ಕಾರ ಆಕಂಡು. ಎಲ್ಲಾರು ಕೂಡಿತ್ ಅಂವೊನ ಕೊಂದ್‌ರ್‌ವ, ಆಚೇಂಗಿ ಮೂಂದ್ ದಿವಸ ಆನ ಪಿಂಞ ಚಾವ್‍ಯಿಂಜ ಅಂವೊ ಜೀವವಾಯಿತ್ ಏವಾಂದ್ ಅಯಿಂಗಕ್ ಉಪದೇಶ ಮಾಡ್‌ವಕ್ ಸುರು ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:19

ಯೇಸು ಎಣ್ಣ್‌ನ ಕಥೇರ ರೂಪತ್‌ಲ್ ಅಯಿಂಗಡ ವಿಷಯತ್‍ನ ಎಣ್ಣ್‌ಚೀಂದ್ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಪಿಂಞ ಮುಕ್ಯ ಯಾಜಕಂಗಕ್ ಗೊತ್ತಾಯಿತ್, ಯೇಸುನ ಪುಡಿಪಕ್ ಒರ್ ಸಮಯ ನೋಟಿಯಂಡಿಂಜತ್. ಆಚೇಂಗಿ ಈ ಬಲ್ಯ ಜನಡ ಕೂಟತ್‌ನ ಕಂಡಿತ್ ಅಯಿಂಗಕ್ ಪೋಡಿ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:10

ಕಡೇಕ್ ಹೆರೋದ ಪಿಂಞ ಅಂವೊಂಡ ಸಿಪಾಯಿಯ ಯೇಸುನ ಪರಿಹಾಸ ಮಾಡಿತ್ ಕಮ್ಮಿ ತರತ್‍ಲ್ ನಡ್‍ತ್‍ಚಿ. ಯೇಸುಕ್ ಚಾಯುಳ್ಳ ಮಿನ್ನುವ ಬಟ್ಟೇನ ಇಟ್ಟಿತ್ ಪಿಲಾತಂಡ ಪಕ್ಕ ಅಯಿಚತ್.

ಯೋಹಾನ 18:3

ಆ ಸಮಯತ್‍ಲ್, ಯೂದ ರೋಮ್ ರಾಜ್ಯತ್‍ರ ಸಿಪಾಯಿಯಂಗಳ, ಮುಕ್ಯ ಯಾಜಕಂಗ ಪಿಂಞ ಫರಿಸಾಯಂಗ ಅಯಿಚಿತ್ಂಜ ದೇವಾಲಯತ್‍ರ ಸಿಪಾಯಿಯಂಗಳ ಕಾಕಿಯಂಡ್ ಅಲ್ಲಿಕ್ ಬಾತ್. ಅಯಿಂಗಡ ಕೈಯಿಲ್ ಬೊಳ್‍ಚ, ತೂಡ್ ಪಿಂಞ ಆಯುದತ್‍ನ ಎಡ್‍ತಂಡ್ ಬಾತ್.

ಯೋಹಾನ 3:10

ನೀನ್ ಇಸ್ರಾಯೇಲ್‍ರ ಒರ್ ಉಪಾದ್ಯನಾಯಿತ್ಂಜತೇಂಗಿಯು ಈ ವಿಷಯವೆಲ್ಲ ನೀಕ್ ಗೊತ್ತ್‌ಲ್ಲೆಯಾಂದ್ ಯೇಸು ಅಂವೊಂಗ್ ಜವಾಬ್ ಕೊಡ್‍ತತ್.

ಯೋಹಾನ 7:32

ಜನ ಯೇಸುರ ವಿಷಯತ್ ಇನ್ನನೆ ಗೊಣಗಿಯಂಡ್ ಇಪ್ಪದ್‍ನ ಫರಿಸಾಯಂಗ ಕ್‍ೕಟತ್. ಅಕ್ಕ, ಯೇಸುನ ಪುಡ್‌ಚಿತ್ ಬಪ್ಪಕಾಯಿತ್, ಮುಕ್ಯ ಯಾಜಕಂಗಳು, ಫರಿಸಾಯಂಗಳು ದೇವಾಲಯತ್‍ರ ಸಿಪಾಯಿಯಳ ಅಯಿಚತ್.

ಯೋಹಾನ 8:3

ಆ ಸಮಯತ್‍ಲ್ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳು, ಫರಿಸಾಯಂಗಳು ವ್ಯಬಿಚಾರತ್‍ಲ್ ಚಿಕ್ಕಿತ್ಂಜ ಒರ್ ಪೊಣ್ಣಾಳ್‍ನ ಕಾಕಿಯಂಡ್ ಬಂತ್, ಎಲ್ಲಾಡ ಮದ್ಯತ್ ಅವಳ ನಿಪ್ಪ್‌ಚಿಟ್ಟತ್.

ಅಪೊಸ್ತಲ 23:9

ಅಕ್ಕ, ಅಲ್ಲಿ ಬಲ್ಯ ಗಲಾಟೆ ಆಚಿ. ಫರಿಸಾಯಂಗಡ ಪಕ್ಷಕಾರಳಾನ ಚೆನ್ನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಎದ್ದಿತ್: ಈ ಮನುಷ್ಯಂಡ ಮೇಲೆ ನಂಗ ಒರ್ ತಪ್ಪು ಕಾಂಬುಲೆ; ಒರ್ ಆತ್ಮ ಅಥವ ಒರ್ ದೇವದೂತ ಅಂವೊಂಡ ಕೂಡೆ ತಕ್ಕ್ ಪರ್ಂದಿತಿಕ್ಕೂಂದ್ ಆವೇಶತ್ ತರ್ಕ ಮಾಡ್‍ಚಿ.

ಅಪೊಸ್ತಲ 4:5

ಪಿತ್ಯಾಂದ್ ಯೆಹೂದ್ಯಂಗಡ ಅದಿಕಾರಿಯ, ಪೆರಿಯಯಿಂಗ, ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಎಲ್ಲಾರು ಯೆರೂಸಲೇಮ್‍ಲ್ ಒಟ್ಟ್ ಕೂಡ್‍ಚಿ.

ಅಪೊಸ್ತಲ 6:12

ಇಂಞು ಜನಕ್, ಪೆರಿಯಯಿಂಗಕ್, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಕ್ ಚೆಡಿ ಬಪ್ಪನೆಕೆ ಮಾಡಿತ್, ಅಂವೊನ ಪುಡ್‌ಚಿತ್, ಯೆಹೂದ್ಯಂಗಡ ಆಲೋಚನೆ ಸಬೆರ ಮಿಂಞತ್ ನಿಪ್ಪ್‌ಚಿಟ್ಟತ್.