ಮತ್ತಾಯ 2:2 - ಕೊಡವ ಬೈಬಲ್

² ಯೆಹೂದ್ಯಂಗಡ ರಾಜನಾಯಿತ್ ಪುಟ್ಟ್‌ನ ಕುಂಞಿ ಎಲ್ಲಿ? ಕ್‍ೕಕ್ ದಿಕ್ಕ್‌ಲ್ ಅಂವೊಂಡ ನಕ್ಷತ್ರತ್‍ನ ಕಂಡಿತ್, ಅಂವೊನ ಆರಾದನೆ ಮಾಡ್‌ವಕ್ ನಂಗ ಬಂದಿಯೇಂದ್ ಎಣ್ಣ್‌ಚಿ.

ಮತ್ತಾಯ 2:2 ပူးပေါင်းရင်းမြစ်များ

ಮತ್ತಾಯ 2:3

ಹೆರೋದ ರಾಜ ಈ ಸುದ್ದಿನ ಕ್‍ೕಪಕ, ಅಂವೊಂಡ ಮನಸ್ಸ್‌ಕ್ ಗಾಬರಿ ಆಚಿ. ಅಂವೊಂಗ್ ಮಾತ್ರ ಅಲ್ಲ ಯೆರೂಸಲೇಮ್‍ಲ್ ಉಳ್ಳಯಿಂಗಕೆಲ್ಲಾ ಗಾಬರಿ ಆಚಿ.

ಮತ್ತಾಯ 21:5

ಚೀಯೋನ್‍ರ ಮಕ್ಕಕ್ ಎಣ್ಣಿ, ನೋಟಿ ನಿಂಗಡ ರಾಜ ನಿಂಗಡ ಪಕ್ಕ ಬಂದಂಡ್ ಉಂಡ್, ಅಂವೊ ಶಾಂತ ಗುಣ ಉಳ್ಳಂವೊನಾಯಿತು ಕತ್ತೆರ ಮೇಲೆ, ಅಕ್ಕು ಕತ್ತೆ ಕುಟ್ಟಿರ ಮೇಲೆ ಬಪ್ಪಾಂದ್ ಎಣ್ಣ್‌ವದೇ.

ಮತ್ತಾಯ 27:11

ಯೇಸು ಅದಿಪತಿಕ್ ಎದಿಕೆ ನಿಂದಿತ್ಂಜತ್. ಅದಿಪತಿ ಅಂವೊನ ನೋಟಿತ್: ನೀನ್ ಯೆಹೂದ್ಯ ಜನಡ ರಾಜನಾಂದ್ ಕ್‍ೕಟತ್. ಅಕ್ಕು, ನೀನ್ ಎಣ್ಣ್‌ನನೆಕೇಂದ್ ಯೇಸು ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:38

ಒಡೆಯನಾನ ದೇವಡ ಪೆದತ್‍ಲ್ ಬಂದಂಡುಳ್ಳ ರಾಜ ಆಶೀರ್ವಾದ ಪಡ್ಂದಂವೊ, ಪರಲೋಕತ್‍ಲ್ ಸಮಾದಾನ ಇಕ್ಕಡ್, ಪರಲೋಕತ್‍ಲ್ ದೇವಕ್ ಮಹಿಮೆ ಕ್‍ಟ್ಟಡ್‍ೕಂದ್ ತುದಿಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:11

ಇಂದ್ ದೇವ ಗೊತ್ತ್ ಮಾಡಿತ್ ಅಯಿಚ ಒಡೆಯನಾನ ಕ್ರಿಸ್ತ ಎಣ್ಣುವ ರಕ್ಷಕ ನಿಂಗಕಾಯಿತ್ ದಾವೀದಂಡ ಊರ್‌ಲ್ ಪುಟ್ಟಿತುಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:3

ಆನಗುಂಡ್ ಪಿಲಾತ: ನೀನ್ ಯೆಹೂದ್ಯಂಗಡ ರಾಜನಾಂದ್ ಕ್‍ೕಟತ್. ಅಂವೊಂಗ್ ಯೇಸು: ನೀನ್ ಎಣ್ಣ್‌ನನೆಕೆ, ಅಕ್ಕೂಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:38

ಇಂವೊ ಯೆಹೂದ್ಯಂಗಡ ರಾಜ ಎಣ್ಣಿಯಂಡ್ ಒಳ್‍ದಿತ್, ಶಿಲುಬೇರ ಮೇಲೆ ಕೆಟ್ಟಿ ಬೆಚ್ಚತ್.

ಯೋಹಾನ 1:49

ಅಕ್ಕ ನತಾನಯೇಲ: ಉಪಾದ್ಯ, ನೀನ್ ದೇವಡ ಮೋಂವೊ, ಇಸ್ರಾಯೇಲ್ ಜನತ್‍ರ ರಾಜಾಂದ್ ಎಣ್ಣ್‌ಚಿ.

ಯೋಹಾನ 12:13

ಆನಗುಂಡ್, ಅಯಿಂಗ ಎಲ್ಲಾರು ಖರ್ಜೂರ ಪಣ್ಣ್ ಮರತ್‍ರ ಕೊಂಬ್‍ನ ಎಡ್‍ತಂಡ್ ಯೇಸುನ ಕಾಂಬಕಾಯಿತ್ ಪಟ್ಟಣತ್‍ರ ಪೊರಮೆ ಪೋಚಿ. ಪಿಂಞ ಅಯಿಂಗ: ಹೊಸನ್ನ! ಒಡೆಯನಾನ ದೇವಡ ಪೆದತ್‍ಲ್ ಬಂದಂಡುಳ್ಳ ರಾಜ ಆಶೀರ್ವಾದ ಪಡ್ಂದಂವೊ. ಇಸ್ರಾಯೇಲ್ ಜನತ್‍ರ ರಾಜ ಆಶೀರ್ವಾದ ಪಡ್ಂದವೋಂದ್ ಜನಯೆಲ್ಲಾ ಜೋರಾಯಿತ್ ಕೂತ್ ಕೊಡ್‍ತಂಡಿಂಜತ್.

ಯೋಹಾನ 18:37

ಅಕ್ಕ ಪಿಲಾತ: ಅಕ್ಕ ನೀನ್ ರಾಜನಾಂದ್ ಕ್‍ೕಟತ್. ನಾನ್ ರಾಜನೇಂದ್ ನೀನ್ ಸರಿಯಾಯಿತ್ ಎಣ್ಣಿಯ. ಸತ್ಯತ್‍ರ ವಿಷಯತ್‍ನ ಜನಕ್ ಸಾಕ್ಷಿ ಕೊಡ್‍ಪಕಾಯಿತ್ ನಾನ್ ಈ ಲೋಕತ್‍ಲ್ ಪುಟ್ಟಿಯೆ, ಅದ್ಂಗಾಯಿತೇ ಈ ಬೂಲೋಕಕ್ ಬಂದಿಯೆ, ಸತ್ಯತ್‍ನ ಕ್‍ೕಪಕ್ ಕುಶಿ ಉಳ್ಳಯಿಂಗ ನಾಡ ಬೋದನೆನ ಕ್‍ೕಪಾಂದ್ ಯೇಸು ಅಂವೊಂಗ್ ಎಣ್ಣ್‌ಚಿ.

ಯೋಹಾನ 19:19

ಪಿಲಾತ ಜ್ಞಾಪನೇನ ಶಿಲುಬೇರ ಮೇಲೆ ಇಟ್ಟತ್. ಅದ್‍ಲ್ ನಜರೇತ್‍ರ ಯೇಸು ಯೆಹೂದ್ಯಂಗಡ ರಾಜ ಎಣ್ಣಿಯಂಡ್ ಒಳ್‍ದಿತ್ಂಜತ್.

ಯೋಹಾನ 20:28

ಅಕ್ಕ ತೋಮ: ನಾಡ ಒಡೆಯನೇ ನಾಡ ದೇವನೇಂದ್ ಎಣ್ಣ್‌ಚಿ.

ಯೋಹಾನ 5:23

ಮೋಂವೊನ ಗನ ಪಡ್‍ತತಯಿಂಗ, ಅಂವೊನ ಅಯಿಚ ಅಪ್ಪನ ಸಹ ಗನ ಪಡ್‍ತತಯಿಂಗಳಾಯಿತುಂಡ್.

ಯೋಹಾನ 9:38

ಅಕ್ಕಲೆ ಅಂವೊ: ಒಡೆಯನೇ, ನಾನ್ ನಂಬ್‍ವೀಂದ್ ಎಣ್ಣಿತ್, ಅಂವೊನ ಆರಾದನೆ ಮಾಡ್‍ಚಿ.

ಇಬ್ರಿಯ 1:6

ಇಂಞು, ದೇವ ತಾಂಡ ಆದ್ಯ ಮೋಂವೊನ ಈ ಲೋಕತ್‍ಲ್ ಅಯಿಪಕ, ದೇವದೂತಂಗ ಎಲ್ಲಾರು ಅಂವೊನ ಆರಾದನೆ ಮಾಡಂಡೂಂದ್ ಎಣ್ಣ್‌ಚಿ.

ಪ್ರಕಟನೆ 22:16

ಯೇಸುವಾನ ನಾನ್, ಸಬೇಕಾಯಿತ್, ನಿಂಗಡ ಕೂಡೆ ಇದ್‍ನೆಲ್ಲಾ ಸಾಕ್ಷಿಯಾಯಿತ್ ಎಣ್ಣುವಕ್, ನಾಡ ದೂತನ ಅಯಿಚಿಯೆ. ನಾನ್ ದಾವೀದಂಡ ಬೇರಾಯಿತು, ಅಂವೊಂಡ ಸಂತಾಕಾರನಾಯಿತು, ಪೊಲಾಕ ಕಾಂಬ ಪ್ರಕಾಶವಾನ ಬಾನತ್‍ರ ಮೀನಾಯಿ‍ತು ಉಳ್ಳ್‌ಂದ್ ಎಣ್ಣ್‌ಚಿ.