ಮತ್ತಾಯ 2:13 - ಕೊಡವ ಬೈಬಲ್

¹³ ಅಯಿಂಗ ಅಲ್ಲಿಂಜ ಪೋನ ಪಿಂಞ ಒಡೆಯಂಡ ದೂತ ಯೋಸೇಫಂಗ್ ಸ್ವಪ್ನತ್‌ಲ್ ಕಾಂಬ್‌ಚಿಟ್ಟಂಡ್: ಹೆರೋದ ರಾಜ, ಕುಂಞಿನ ಕೊಲ್ಲುವಕ್ ನೋಟುವ. ನೀನ್ ನೀಡ ಕುಂಞಿನ ಪಿಂಞ ಕುಂಞಿರ ಅವ್ವನ ಕಾಕಿಯಂಡ್ ಐಗುಪ್ತ ದೇಶಕ್ ಪೋಯಿತ್ ಬಚಾವ್ ಆಯಿರ್. ನಾನ್ ಎಣ್ಣ್‌ವಕತ್ತನೆ ಅಲ್ಲಿ ಇರ್‍ೕಂದ್ ಎಣ್ಣ್‌ಚಿ.

ಮತ್ತಾಯ 2:13 ပူးပေါင်းရင်းမြစ်များ

ಮತ್ತಾಯ 1:20

ಯೋಸೇಫ ಇನ್ನನೆ ಗೇನ ಮಾಡಿಯಂಡಿಪ್ಪಕ, ಒರ್ ಒಡೆಯಂಡ ದೂತ ಅಂವೊಂಗ್ ಸ್ವಪ್ನತ್‌ಲ್ ಕಾಂಬ್‌ಚಿಟ್ಟಿತ್: ದಾವೀದಂಡ ಸಂತಾನಕಾರನಾನ ಯೋಸೇಫನೇ, ಮರಿಯಳ ನೀಡ ಪೊಣ್ಣಾಯಿತ್ ಕೂಟಿಯೊಕ್ ನೀಕ್ ಪೋಡಿ ಬೋಂಡ. ಅವ ಪವಿತ್ರಾತ್ಮತ್‍ರ ಮೂಲಕ ಕೆಲಕರ್ತಿ ಆಚಿ.

ಮತ್ತಾಯ 10:23

ಒರ್ ಊರ್‌ಲ್ ನಿಂಗಕ್ ಹಿಂಸೆ ತಂದಕ ಬೋರೆ ಊರ್‌ಕ್ ಓಡಿ ಪೋಯಿ. ಎನ್ನಂಗೆಣ್ಣ್‌ಚೇಂಗಿ ಮನುಷ್ಯಕುಮಾರ ಬಪ್ಪಕ್ ಮಿಂಞ ಇಸ್ರಾಯೇಲ್‌ಲ್ ಉಳ್ಳ ಪಟ್ಟಣಕೆಲ್ಲ ನಿಂಗಕ್ ಪೋಪಕ್ ಕಯ್ಯುಲೇಂದ್ ನಾನ್ ನಿಂಗಕ್ ನೇರಾಯಿತು ಎಣ್ಣ್‌ವಿ.

ಮತ್ತಾಯ 2:12

ಪಿಂಞ ದೇವ ಅಯಿಂಗಕ್ ಸ್ವಪ್ನತ್‌ಲ್: ನಿಂಗ ಹೆರೋದ ರಾಜಂಡ ಪಕ್ಕ ಪೋಂಡಾಂದ್ ಎಚ್ಚರ ಮಾಡ್‍ನಗುಂಡ್ ಅಯಿಂಗ ಅಲ್ಲಿಂಜ ಬೋರೆ ಬಟ್ಟೇಕಾಲೆ ಅಯಿಂಗಡ ಊರ್‌ಕ್ ಪೋಚಿ.

ಮತ್ತಾಯ 2:14

ಯೋಸೇಫ ವರ್‌ಕ್ಂಜ ಎದ್ದಿತ್ ಕುಂಞಿನ ಪಿಂಞ ಅವ್ವನ ಕಾಕಿಯಂಡ್ ಬಯಿಟೇ ಐಗುಪ್ತ ದೇಶಕ್ ಪೋಯಿತ್,

ಮತ್ತಾಯ 2:16

ಜ್ಞಾನಿಯ ಅಂವೊಂಗ್ ಮೋಸ ಮಾಡಿತ್ ಬೋರೆ ಬಟ್ಟೇಕಾಲೆ ಪೋಯಿರ್‌ತ್‍ೕಂದ್ ಗೊತ್ತಾನ ಪಿಂಞ, ಹೆರೋದ ರಾಜಂಗ್ ದುಂಬ ಚೆಡಿ ಬಾತ್. ತಾಂಡ ಜನತ್‍ನ ಅಯಿಚಿತ್, ಜ್ಞಾನಿಯಡ ಪಕ್ಕ ವಿಚಾರ ಮಾಡ್‍ನ ಕಾಲಕ್ ಸರಿಯಾಯಿತ್ ಬೆತ್ಲಹೇಮ್ ಪಿಂಞ ಅದ್ಂಡ ಸುತ್ತ್‌ಮುತ್ತ್‌ಲ್ ಉಳ್ಳ ದಂಡ್ ವಯಸ್‍ಕ್ ಒಳ್‍ಲ್ ಉಳ್ಳ ಎಲ್ಲಾ ಕ್‍ಣ್ಣ ಕುಂಞಿಯಳ ಕೊಲ್ಲಂಡೂಂದ್ ಹುಕುಮ್ ಕೊಡ್‍ತತ್.

ಮತ್ತಾಯ 2:22

ಆಚೇಂಗಿ ಅಲ್ಲಿ ಪೋಯಿತ್, ಹೆರೋದ ರಾಜಂಡ ಮೋಂವೊ ಅರ್ಖೆಲಾಯ ಎಣ್ಣ್‌ವಂವೊ ಯೆಹೂದ್ಯ ಪ್ರಾಂತ್ಯತ್‍ರ ರಾಜನಾಯಿತ್ ಉಂಡ್‍ೕಂದ್ ಗೊತ್ತಾನ ಪಿಂಞ ಯೋಸೇಫಂಗ್ ದುಂಬ ಪೋಡಿ ಆಚಿ. ಪುನಃ ಯೋಸೇಫಂಗ್ ಸ್ವಪ್ನತ್‌ಲ್ ಎಂತ ಮಾಡಂಡೂಂದ್ ಎಚ್ಚರ ಕ್‍ಟ್ಟ್‌ಚಿ.

ಅಪೊಸ್ತಲ 10:22

ಅದ್ಂಗ್ ಅಯಿಂಗ: ಕೊರ್ನೇಲ್ಯ ಎಣ್ಣಿತ್ ನೂರ್ ಸಿಪಾಯಿಯಂಗಕ್ ಅದಿಪತಿಯಾನ ಒಬ್ಬ ಉಂಡ್. ಅಂವೊ ನೀತಿವಂತವೊನು ದೇವಡ ಬಕ್ತಿ ಉಳ್ಳಂವೊನು ಯೆಹೂದ್ಯ ಜನಾಂಗಡಡೆಲ್ ನಲ್ಲರಿಕೆ ಪಡ್ಂದಂವೊನು ಆಯಿತುಂಡ್. ನಿನ್ನ ಅಂವೊಂಡ ಮನೆಕ್ ಕಾಕಿತ್, ನೀನ್ ಎಣ್ಣುವ ಬೋದನೆನ ಅಂವೊ ಕ್‍ೕಕಂಡೂಂದ್ ಒರ್ ದೇವದೂತಡಿಂಜ ಅಂವೊ ಅಪ್ಪಣೆ ಪಡ್ಂದತ್.

ಅಪೊಸ್ತಲ 10:7

ಕೊರ್ನೇಲ್ಯ ತಾಂಡಕೂಡೆ ತಕ್ಕ್ ಪರ್ಂದ ದೇವದೂತ ಪೋನ ಪಿಂಞ ತಾಂಡ ಮನೆಲ್ ಕೆಲಸ ಮಾಡ್‌ವ ದಂಡ್ ಆಳ್‍ವಳ ಪಿಂಞ ತಾಂಡ ಪಕ್ಕ ಸೇವೆ ಮಾಡ್‌ವ ದೇವಡ ಬಕ್ತಿಯುಳ್ಳ ಒರ್ ಸಿಪಾಯಿನ ಕಾಕಿತ್,

ಅಪೊಸ್ತಲ 12:11

ಅಕ್ಕ ಪೇತ್ರಂಗ್ ಎಚ್ಚರ ಆಚಿ. ಅಕ್ಕು ಹೆರೋದಂಡ ಕೈಯಿಂಜಲೂ ಯೆಹೂದ್ಯಂಗ ಪಾರಕಾತಂಡಿಂಜ ಎಲ್ಲಾ ಕಾರ್ಯತ್ಂಜ ನನ್ನ ಬುಡ್‌ತ್‌ವಕ್ ಒಡೆಯ ತಾಂಡ ದೂತನ ಅಯಿಚತ್‍ೕಂದ್, ನಾಕ್ ಇಕ್ಕ ನೇರಾಯಿತು ಗೊತ್ತಾಚೀಂದ್ ಎಣ್ಣ್‌ಚಿ.

ಅಪೊಸ್ತಲ 12:7

ಒಮ್ಮಕೆ, ಒಡೆಯಂಡ ದೂತ ಪೇತ್ರಂಡ ಪಕ್ಕ ನಿಂದತ್. ಅಂವೊ ಇಂಜ ಕೋಂಬರೆಲ್ ಬೊಳಿ ಮಿನ್ನ್‌ಚಿ. ದೂತ, ಪೇತ್ರಂಡ ನಿಪ್ಪ್‌ನ ತಟ್ಟಿತ್ ಎಪ್ಪಿತ್: ಬೆರಿಯ ಏಳ್‍ೕಂದ್ ಎಣ್ಣ್‌ಚಿ. ಒಡನೆ ಅಂವೊಂಡ ಕೈಕ್ ಕೆಟ್ಟಿತ್ಂಜ ಸರ್ಪಣಿ ಅಡಿಕ್‌ ಬುದ್ದತ್.

ಅಪೊಸ್ತಲ 16:36

ಜೈಲ್‍ರ ಅದಿಕಾರಿ ಪೌಲಂಗ್ ಇನ್ನನೆ ಅರಿಚಿಟ್ಟತ್. ಅದಿಕಾರಿಯಂಗ ನಿಂಗಳ ಜೈಲಿಂಜ ಬುಡುಗಡೆ ಮಾಡಂಡೂಂದ್ ಆಜ್ಞೆ ಮಾಡಿತ್ ಸಿಪಾಯಿಯಳ ಅಯಿಚಿತುಂಡ್. ಆನಗುಂಡ್ ಇಕ್ಕ ನಿಂಗ ಸಮಾದಾನತ್‍ಲ್ ಪೊರಟ್ ಪೋಯೀಂದ್ ಎಣ್ಣ್‌ಚಿ.

ಅಪೊಸ್ತಲ 5:19

ಆಚೇಂಗಿ ಒಡೆಯಂಡ ದೂತ, ಬಯಿಟ್ ಸೆರೆಮನೇರ ಪಡಿನ ತೊರಂದಿತ್ ಅಯಿಂಗಳ ಪೊರಮೆ ಕಾಕಿಯಂಡ್ ಬಾತ್.

ಅಪೊಸ್ತಲ 7:19

ಈ ರಾಜ ನಂಗಡ ಜನಳ ವಂಚನೆಯಿಂಜ ನಡ್‍ತಿತ್, ನಂಗಡ ಮುತ್ತಜ್ಜಂಗಕ್ ಪುಟ್ಟ್‌ವ ಕುಂಞಿಯಳ ಜೀವವಾಯಿತ್ ಇಕ್ಕತನೆಕೆ, ಅಯಿಂಗ ಕುಂಞಿಯಳ ಚಾಡ್‌ವನೆಕೆ ಮಾಡಿತ್ ಅಯಿಂಗಳ ಕ್ರೂರವಾಯಿತ್ ನಡ್‍ತ್‍ಚಿ.

ಪ್ರಕಟನೆ 12:14

ಅಕ್ಕ ಆ ಪೊಣ್ಣಾಳ್ ತಾಂಡ ಮಣಬೂಮಿರ ಜಾಗಕ್ ಪಾರಿತ್ ಪೋಪಕಾಯಿತ್ ಗರುಡಪಕ್ಷಿರ ದಂಡ್ ಬಲ್ಯ ರೆಕ್ಕೆ ಅವಕ್ ಕ್‍ಟ್ಟ್‌ಚಿ. ಅಲ್ಲಿ ಅವ ಆ ಪಾಂಬ್‍ಕ್ ಕಾಂಗತನೆಕೆ ಒರ್ ಕಾಲ, ದಂಡ್ ಕಾಲ, ಅರೆಕಾಲ, ಬದ್‍ಕಿಯಂಡ್ ಇಪ್ಪಕ್ ಮಾಡಿತ್ಂಜತ್.

ಪ್ರಕಟನೆ 12:4

ಆಂಡ ಬಾಲ್ ಬಾನತ್‍ಲ್ ಉಳ್ಳ ನಕ್ಷತ್ರತ್‌ಲ್ ಮೂಂದ್‍ಲ್ ಒರ್ ಬಾಗತ್‍ನ ಬಲ್‍ಚಿತ್ ಬೂಮಿಕ್ ಇಟ್ಟತ್; ಪೆರುವಕ್ ಉಳ್ಳ ಆ ಪೊಣ್ಣಾಳ್, ಪೆರುವ ಆ ಗಳಿಗೆಲೇ ಆ ಕುಂಞಿನ ಮುಗ್ಗ್‌ವಕ್ ಈ ಘಟಸರ್ಪ ಪೊಣ್ಣಾಳ್‍ರ ಮಿಂಞತ್ ನಿಂದಂಡಿಂಜತ್.

ಪ್ರಕಟನೆ 12:6

ಆ ಪೊಣ್ಣಾಳ್ ಮಣಬೂಮಿಕ್ ಓಡಿ ಪೋಚಿ; ಅಲ್ಲಿ ಅವಕ್ 1,260 ದಿವಸಕತ್ತನೆ ಚಾಯಿತೆ ಬದ್‌ಕುವನೆಕೆ ದೇವ ಆ ಜಾಗತ್‍ನ ತಯಾರ್ ಮಾಡಿತ್ ಬೆಚ್ಚಿತ್ಂಜತ್.