ಮತ್ತಾಯ 2:1 - ಕೊಡವ ಬೈಬಲ್

¹ ರಾಜನಾನ ಹೆರೋದಂಡ ದಿವಸತ್‍ಲ್ ಯೂದಾಯ ಪ್ರಾಂತ್ಯತ್‍ಲ್ ಬೇತ್ಲೆಹೇಮ್ ಎಣ್ಣುವ ಊರ್‌ಲ್ ಯೇಸು ಪುಟ್ಟ್‌ಚಿ. ಅಕ್ಕ ಕ್‍ೕಕ್ ದಿಕ್ಕಿಂಜ ಬಂದ ಚೆನ್ನ ಜ್ಞಾನಿಯಂಗ ಯೆರೂಸಲೇಮ್‌ಕ್ ಬಂತ್:

ಮತ್ತಾಯ 2:1 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 10:30

ಅಯಿಂಗ ವಾಸ ಮಾಡಿಯಂಡ್‌ ಇಂಜ ಜಾಗ ಮೇಶಾ ಸೀಮೆಯಂಜ ಪುಡಿಚಿತ್‌ ಸೆಫಾರ್‌ ಎಣ್ಣುವ ಕುಂದ್‌ ಜಾಗಕ್ಕತ್ತನೆಕ್‌ ಇಂಜತ್.

ಆದ್ಯತ್‌ರ ಪುಸ್ತಕ 25:6

ಅಬ್ರಹಾಮ ಬದ್‌ಕಿಯಂಡಿಪ್ಪ ಕಾಲತ್‌ಲೇ, ತಾಂಡ ಉಪ ಪೊಣ್ಣ್‌ಕ್ ಪುಟ್ಟ್‌ನ ಕ್‌ಣ್ಣ್‌ ಮಕ್ಕಕ್‌ ಇನಾಮ್‌ನ ಕೊಡ್‌ತಿತ್‌ ತಾಂಡ ಮೋಂವೊ ಇಸಾಕಡಿಂಜ ಕ್‍ೕಕ್‌ ದಿಕ್ಕ್‌ಲ್‌ ಕ್‍ೕಕ್‌ ದೇಶಕ್‌ ಅಯಿಚತ್.

ಆದ್ಯತ್‌ರ ಪುಸ್ತಕ 41:8

ಪೊಲಾಕ ಇದ್‌ನ್ನೇ ಗೇನಮಾಡಿತ್‌ ಅಂವೊಂಡ ಮನಸ್ಸೆ ಬಾರಿ ಬೇಜಾರತ್‌ಲ್‌ ಇಂಜತ್. ಅಂವೊಂಗ್‌ ಸ್ವಪ್ನತ್‌ರ ಅರ್ಥ ಗೊತ್ತಾಂಡೂಂದ್‌ ಐಗುಪ್ತ ದೇಶತ್‌ರ ಮಂತ್‌ರವಾದಿಯಳ ಪಿಂಞ ಜ್ಞಾನಿಯಳ ಕಾಕ್‌ಚಿಟ್ಟಿತ್‌ ಅಂವೊಂಡ ಸ್ವಪ್ನತ್‌ನ ಅಯಿಂಗಕ್‌ ಎಣ್ಣ್‌ಚಿ. ಆಚೇಂಗಿ ದಾರ್‌ಕು ಅದ್‌ಂಡ ಅರ್ಥತ್‌ನ ಎಣ್ಣ್‌ವಕ್‌ ಕಯಿಂಜಿತ್‌ಲ್ಲೆ.

ಆದ್ಯತ್‌ರ ಪುಸ್ತಕ 49:10

ಸಮಾದಾನತ್‌ರ ಆಳುವಿಕೆ ತಪ್ಪಂವೊ ಬಪ್ಪಕತ್ತನೆ, ರಾಜ ಅದಿಕಾರ ಯೆಹೂದನ ಬುಟ್ಟಿತ್‌ ಪೋಪದು ಇಲ್ಲೆ, ಆಳ್‌ವಿಕೆರೆ ಕೋಲ್‌ ಅಂವೊಂಡ ಕಾಲ್‌ನ ಬುಟ್ಟಿತ್‌ ಪೋಪದು ಇಲ್ಲೆ. ದುಂಬ ಜನಾಂಗ ಅಂವೊಂಗ್‌ ಬಗ್ಗಿತ್‌ ನಡ್‌ಪ.

ಮತ್ತಾಯ 1:25

ಆಚೇಂಗಿ, ಮರಿಯ ಕ್‍ಣ್ಣ ಕುಂಞಿನ ಪೆರ್‌ವಕತ್ತನೆ ಅಂವೊ ಅವಡ ಕೂಡೆ ಬುದ್ದವಕಿಂಜಿಲೆ. ಕುಂಞಿ ಪುಟ್ಟ್‌ನ ಪಿಂಞ ಯೋಸೇಫ ಕುಂಞಿಕ್ ಯೇಸೂಂದ್ ಪೆದ ಇಟ್ಟತ್.

ಮತ್ತಾಯ 2:16

ಜ್ಞಾನಿಯ ಅಂವೊಂಗ್ ಮೋಸ ಮಾಡಿತ್ ಬೋರೆ ಬಟ್ಟೇಕಾಲೆ ಪೋಯಿರ್‌ತ್‍ೕಂದ್ ಗೊತ್ತಾನ ಪಿಂಞ, ಹೆರೋದ ರಾಜಂಗ್ ದುಂಬ ಚೆಡಿ ಬಾತ್. ತಾಂಡ ಜನತ್‍ನ ಅಯಿಚಿತ್, ಜ್ಞಾನಿಯಡ ಪಕ್ಕ ವಿಚಾರ ಮಾಡ್‍ನ ಕಾಲಕ್ ಸರಿಯಾಯಿತ್ ಬೆತ್ಲಹೇಮ್ ಪಿಂಞ ಅದ್ಂಡ ಸುತ್ತ್‌ಮುತ್ತ್‌ಲ್ ಉಳ್ಳ ದಂಡ್ ವಯಸ್‍ಕ್ ಒಳ್‍ಲ್ ಉಳ್ಳ ಎಲ್ಲಾ ಕ್‍ಣ್ಣ ಕುಂಞಿಯಳ ಕೊಲ್ಲಂಡೂಂದ್ ಹುಕುಮ್ ಕೊಡ್‍ತತ್.

ಮತ್ತಾಯ 2:19

ಹೆರೋದ ರಾಜ ಚತ್ತ್‌ಪೋನ ಪಿಂಞ ಐಗುಪ್ತತ್‍ಲ್, ಒಡೆಯಂಡ ದೂತ ಯೋಸೇಫಂಗ್ ಸ್ವಪ್ನತ್‌ಲ್ ಕಾಂಬ್‌ಚಿಟ್ಟಂಡ್:

ಮತ್ತಾಯ 2:3

ಹೆರೋದ ರಾಜ ಈ ಸುದ್ದಿನ ಕ್‍ೕಪಕ, ಅಂವೊಂಡ ಮನಸ್ಸ್‌ಕ್ ಗಾಬರಿ ಆಚಿ. ಅಂವೊಂಗ್ ಮಾತ್ರ ಅಲ್ಲ ಯೆರೂಸಲೇಮ್‍ಲ್ ಉಳ್ಳಯಿಂಗಕೆಲ್ಲಾ ಗಾಬರಿ ಆಚಿ.

ಮತ್ತಾಯ 2:5

ಅಯಿಂಗ ರಾಜಂಗ್, ಯೂದಾಯತ್‍ರ ಬೇತ್ಲೆಹೇಮ್‌ಲ್ ಪುಟ್ಟ್‌ವಾಂದ್ ಎಣ್ಣ್‌ಚಿ. ಎನ್ನಂಗೆಣ್ಣ್‌ಚೇಂಗಿ:

ಮತ್ತಾಯ 2:7

ಅಕ್ಕ ಹೆರೋದ ರಾಜ ಅಲ್ಲಿಕ್ ಬಂದ ಜ್ಞಾನಿಯಳ ಗುಟ್ಟಾಯಿತ್ ಕಾಕಿತ್: ಅಯಿಂಗ ಏದ್ ಸಮಯತ್‍ಲ್ ನಕ್ಷತ್ರತ್‍ನ ಕಂಡತ್‍ೕಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:5

ಯೂದಾಯ ದೇಶತ್‍ಲ್ ಹೆರೋದ ರಾಜಂಡ ಕಾಲತ್‍ಲ್ ಅಬೀಯ ಎಣ್ಣುವ ಯಾಜಕ ಒಕ್ಕತ್ಂಜ ಬಂದ ಜಕರಿಯ ಎಣ್ಣುವ ಯಾಜಕ ಇಂಜತ್. ಅಂವೊಂಡ ಪೊಣ್ಣ್ ಆರೋನಂಡ ಒಕ್ಕಕ್ ಕೂಡ್‌ನವ. ಅವಡ ಪೆದ ಎಲಿಸಬೇತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:11

ಇಂದ್ ದೇವ ಗೊತ್ತ್ ಮಾಡಿತ್ ಅಯಿಚ ಒಡೆಯನಾನ ಕ್ರಿಸ್ತ ಎಣ್ಣುವ ರಕ್ಷಕ ನಿಂಗಕಾಯಿತ್ ದಾವೀದಂಡ ಊರ್‌ಲ್ ಪುಟ್ಟಿತುಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:15

ಇನ್ನನೆ ಎಣ್ಣಿತ್ ದೇವದೂತಂಗ ಪರಲೋಕಕ್ ಪೋನ ಪಿಂಞ ಕೊರಿ ಕಾಪಯಿಂಗ ಅಯಿಂಗಯಿಂಗಳ ನೋಟಿತ್: ನಂಗ ಬೆತ್ಲೆಹೇಮ್‍ಕ್ ಪೋಯಿತ್ ದೇವ ನಂಗಕ್ ಅರಿಚಿಟ್ಟದ್‍ನ ನೋಟಿತ್ ಬಕ್ಕನಾ ಎಣ್ಣಿಯಂಡ್ ತಕ್ಕ್ ಪರ್ಂದತ್.

ಯೋಹಾನ 7:42

ಕ್ರಿಸ್ತ, ದಾವೀದ ರಾಜಂಡ ಸಂತಾನತ್ಂಜಲೂ, ದಾವೀದಂಡ ಊರಾನ ಬೇತ್ಲೆಹೇಮಿಂಜಲೂ ಬಪ್ಪಾಂದ್ ದೇವಡ ವಾಕ್ಯತ್‍ಲ್ ಉಂಡಲ್ಲಾಂದ್ ಎಣ್ಣ್‌ಚಿ.