ಮತ್ತಾಯ 19:9 - ಕೊಡವ ಬೈಬಲ್

⁹ ಒರ್ ಪೊಣ್ಣ್ ತಾಂಡ ವಡಿಯನ ಬುಟ್ಟಿತ್ ವ್ಯಬಿಚಾರ ಮಾಡ್‍ಚೇಂಗಿ, ಅವಡ ವಡಿಯ ಅವಳ ಬೋಂಡಾಂದ್ ಬುಡ್‌ವಕ್ ಕಯ್ಯು, ಅನ್ನನೆ ವ್ಯಬಿಚಾರ ಮಾಡ್‍ನ ಕಾರಣಕ್ ಅಲ್ಲತೆ ಬೋರೆ ಏದ್ ಕಾರಣಕಾಯಿತು ಒಬ್ಬ ತಾಂಡ ಪೊಣ್ಣ್‌ನ ಬುಟ್ಟ್‌ರ್‍ತೇಂಗಿ, ಅವ ವ್ಯಬಿಚಾರ ಮಾಡ್‌ವಕ್ ಇಂವೊ ಕಾರಣ ಆಪ. ಅನ್ನನೆ ಬೋಂಡಾಂದ್ ಮಾಡ್‍ನವಳ ಮಂಗಲ ಕಯಿಪಂವೊನು ವ್ಯಬಿಚಾರ ಮಾಡ್‍ವಂವೊನಾಯಿತ್‌ಪ್ಪ.

ಮತ್ತಾಯ 19:9 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 20:3

ಆಚೇಂಗಿ ಬಯಿಟ್ ದೇವ ಅಬೀಮೆಲೆಕಂಡ ಸ್ವಪ್ನತ್‌ಲ್‌ ಬಂದಿತ್: ಆ ಪೊಣ್ಣಾಳ್‌ನಗುಂಡ್‌ ನೀನ್‌ ಚಾವಿಯ. ಅವ ಬೋರೆ ಒಬ್ಬಂಡ ಪೊಣ್ಣಾಯಿತ್‌ ಉಂಡಲ್ಲಾಂದ್‌ ಎಣ್ಣ್‌ಚಿ.

ಮತ್ತಾಯ 19:10

ಅದ್ಂಗ್: ಒರ್ ವಡಿಯಂಗ್ ಪೊಣ್ಣ್‌ರ ವಿಷಯತ್‍ಲ್ ನ್ಯಾಯಪ್ರಮಾಣ ಇನ್ನನೆ ಉಂಡೇಂಗಿ ಮಂಗಲ ಆಕತೆ ಇಪ್ಪದೇ ನಲ್ಲದ್‍ೕಂದ್ ಅಂವೊಂಡ ಶಿಷ್ಯಂಗ ಎಣ್ಣ್‌ಚಿ.

ಮತ್ತಾಯ 19:8

ಯೇಸು: ನಿಂಗ ಎಚ್ಚಕ್ ಬೋದನೆ ಕ್‍ೕಟತೇಂಗಿಯು ನಿಂಗಡ ಕಠಿಣ ಹೃದಯತ್‍ರಗುಂಡ್ ಕೆಮಿ ಕೊಡ್‍ಪ್‍ಲೇಂದ್ ಮೋಶೇಕ್ ಗೊತ್ತ್ಂಜಗುಂಡ್ ಅಂವೊ ಇನ್ನನೆ ಎಣ್ಣ್‌ಚಿ. ಆಚೇಂಗಿ ದೇವ, ಲೋಕತ್‍ನ ಸೃಷ್ಟಿ ಮಾಡ್‌ವಕ ಇನ್ನನೆ ಮಾಡಿತ್‌ಲ್ಲೆ.

ಮತ್ತಾಯ 5:32

ಆಚೇಂಗಿ ಇಕ್ಕ ನಾನ್ ನಿಂಗಕ್ ಎಣ್ಣ್‌ವಿ: ವ್ಯಬಿಚಾರ ಮಾಡ್‍ನ ಕಾರಣಕ್ ಅಲ್ಲತೆ ಬೋರೆ ಏದ್ ಕಾರಣಕಾಯಿತು ಒಬ್ಬ ತಾಂಡ ಪೊಣ್ಣ್‌ನ ಬುಟ್ಟ್‌ರ್‍ತೇಂಗಿ, ಅವ ವ್ಯಬಿಚಾರ ಮಾಡ್‌ವಕ್ ಇಂವೊ ಕಾರಣ ಆಪ. ಅನ್ನನೆ ಬೋಂಡಾಂದ್ ಬುಟ್ಟ ಪೊಣ್ಣಾಳ್‍ನ ಮಂಗಲ ಕಯಿಪಂವೊನು ವ್ಯಬಿಚಾರ ಮಾಡ್‍ವಂವೊನಾಯಿತ್‌ಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:18

ತಾಂಡ ಪೊಣ್ಣ್‌ನ ಬುಟ್ಟಿತ್ ಬೋರೆ ಪೊಣ್ಣಾಳ್‍ನ ಮಂಗಲ ಕಯಿಚತೇಂಗಿ, ಅಂವೊ ವ್ಯಬಿಚಾರ ಮಾಡ್‍ನನೆಕೆ, ಪಿಂಞ ವಡಿಯನ ಬುಟ್ಟಿತುಳ್ಳವಳ ಮಂಗಲ ಕಯಿಪಂವೊನು ವ್ಯಬಿಚಾರ ಮಾಡ್‍ನನೆಕೆ.

1 ಕೊರಿಂಥ 5:1

ನಿಂಗಡ ಮದ್ಯತ್‍ಲ್ ವ್ಯಬಿಚಾರ ಕಾರ್ಯ ಆಯಂಡುಂಡ್‍ೕಂದ್ ನೇರಾಯಿತು ಜನ ಪುಕಾರ್ ಮಾಡಿಯಂಡುಂಡ್. ಒಬ್ಬ ಅಂವೊಂಡ, ಚಿಕ್ಕವ್ವಡ ಕೂಡೆ ಬುದ್ದಂಡ್ ಉಂಡ್‍ೕಂದ್ ನಾಕ್ ಸುದ್ದಿ ಬಾತ್. ಈ ತರ ಕಾರ್ಯ ದೇವನ ಗೊತ್ತಿಲ್ಲತ ಜನ ಕೂಡೆ ಮಾಡ್‌ಲೆಲ್ಲಾ?

1 ಕೊರಿಂಥ 7:39

ಒರ್ ಪೊಣ್ಣ್‌ರ ವಡಿಯ ಬದ್‌ಕಿತ್ ಇಪ್ಪಕತ್ತನೆ, ಮಂಗಲತ್‍ರ ಪ್ರಮಾಣಕ್ ಅವ ಒಳಪಟ್ಟಿತುಂಡ್. ಆಚೇಂಗಿ ಅವಡ ವಡಿಯ ಚತ್ತ್ ಪೋಪಕ, ಅವಕ್ ಪುನಃ ಮಂಗಲ ಕಯಿಪಕ್ ಕುಶಿ ಇಂಜತೇಂಗಿ ಮಂಗಲ ಕಯಿಕಡ್. ಅನ್ನನೆ ಮಾಡ್‌ವದಾಚೇಂಗಿ, ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚಿತುಳ್ಳ ಒಬ್ಬನ ಮಾಡಂಡು.

1 ಕೊರಿಂಥ 7:4

ಒರ್ ಪೊಣ್ಣ್, ಅವಡ ತಡಿಕ್ ಹಕ್ಕ್‌ದಾರಿ ಅಲ್ಲ, ಅವಡ ವಡಿಯನೇ ಅವಡ ತಡಿಕ್ ಹಕ್ಕ್‌ದಾರ. ಅನ್ನನೆ ವಡಿಯ ಅಂವೊಂಡ ತಡಿಕ್ ಹಕ್ಕ್‌ದಾರನಲ್ಲ, ಅಂವೊಂಡ ಪೊಣ್ಣ್ ಅಂವೊಂಡ ತಡಿಕ್ ಹಕ್ಕ್‌ದಾರಿ.