ಮತ್ತಾಯ 19:7 - ಕೊಡವ ಬೈಬಲ್

⁷ ಅದ್ಂಗ್ ಅಯಿಂಗ: ಪಿಂಞ ಎನ್ನಂಗ್ ಮೋಶೆ ಪೊಣ್ಣ್‌ನ ಬೋಂಡಾಂದ್ ಬುಡ್‍ವಂವೊ ಒರ್ ಕಾಗದತ್‍ಲ್ ಒಳ್‍ದಿ ಕೊಡ್‍ತತೇಂಗಿ ಅವಳ ಬುಡಲೂಂದ್ ಆಜ್ಞೆ ಕೊಡ್‌ತತ್‍ೕಂದ್ ಕ್‍ೕಪಕ,

ಮತ್ತಾಯ 19:7 ပူးပေါင်းရင်းမြစ်များ

ಮಲಾಕಿ 2:16

ಒರ್‌ ವಡಿಯ ತಾಂಡ ಪೊಣ್ಣ್‌ನ ಬೋಂಡಾಂದ್‌ ಬುಟ್ಟಿತ್‌ ಪೋಪದ್‌ನ ನಾನ್‌ ದ್ವೇಶ ಮಾಡುವೀಂದ್‌ ಇಸ್ರಾಯೇಲ್‌ಂಡ ದೇವನಾನ ಯೆಹೋವ ಎಣ್ಣಿಯಂಡುಂಡ್. ಅಂತ ಕಠಿಣ ಕಾರ್ಯ ಮಾಡುವದ್‌ನ ನಾನ್‌ ದ್ವೇಶ ಮಾಡುವಿ. ನಿಂಗಡ ಪೊಣ್ಣ್‌ರ ಕೂಡೆ ಮಾಡ್‌ನ ಒಪ್ಪಂದಕ್‌ ನಂಬಿಕಸ್ತನಾಯಿತ್‌ ಇಪ್ಪಕ್‌ ಎಚ್ಚರ ಎಡ್‌ತೊಳಿಂದ್‌ ಒಡಯನಾನ ಸೇನೇನ ಯೆಹೋವ ಎಣ್ಣಿಯಂಡುಂಡ್.

ಮತ್ತಾಯ 1:19

ಯೋಸೇಫ ನೀತಿವಂತಂವೊನಾಯಿತ್ಂಜಗುಂಡ್, ಊರ್‌ರ ಜನಡ ಮಿಂಞತ್ ಮರಿಯಳ ಅವಮಾನ ಮಾಡ್‌ವಕ್ ಮನಸ್ಸಿಲ್ಲತೆ, ಅವಡ ಸಂಬಂದತ್‍ನ ಗುಟ್ಟಾಯಿತ್ ಬುಡ್‌ವಕ್ ತೀರ್ಮಾನ ಮಾಡಿತ್ಂಜತ್.

ಮತ್ತಾಯ 19:6

ದೇವ ಇನ್ನನೆ ಮಾಡ್‍ನಗುಂಡ್, ಅಯಿಂಗ ದಂಡಾಳು ದಂಡಾಳಾಯಿತ್ ಇಲ್ಲತೆ ಒರೇ ತಡಿಯಾಯಿತ್ ಇಪ್ಪ. ಆನಗುಂಡ್ ದೇವ ಒಂದ್ ಮಾಡ್‍ನಯಿಂಗಳ, ಮನುಷ್ಯ ಬೋರೆ ಬೋರೆ ಮಾಡ್‌ವಕ್ ಆಗಾಂದ್ ಎಣ್ಣ್‌ಚಿ.

ಮತ್ತಾಯ 19:8

ಯೇಸು: ನಿಂಗ ಎಚ್ಚಕ್ ಬೋದನೆ ಕ್‍ೕಟತೇಂಗಿಯು ನಿಂಗಡ ಕಠಿಣ ಹೃದಯತ್‍ರಗುಂಡ್ ಕೆಮಿ ಕೊಡ್‍ಪ್‍ಲೇಂದ್ ಮೋಶೇಕ್ ಗೊತ್ತ್ಂಜಗುಂಡ್ ಅಂವೊ ಇನ್ನನೆ ಎಣ್ಣ್‌ಚಿ. ಆಚೇಂಗಿ ದೇವ, ಲೋಕತ್‍ನ ಸೃಷ್ಟಿ ಮಾಡ್‌ವಕ ಇನ್ನನೆ ಮಾಡಿತ್‌ಲ್ಲೆ.

ಮತ್ತಾಯ 5:31

ಒಬ್ಬ, ತಾಂಡ ಪೊಣ್ಣ್‌ನ ತ್‍ಕ್ಕಾರ ಮಾಡಿತ್ ಬುಟ್ಟಿತ್ ಪೋಂಡೂಂದ್ ಗೇನ ಮಾಡ್‍ಚೇಂಗಿ, ಒರ್ ಕಾಗದತ್‍ಲ್ ಅಂವೊ ಅವಳ ಬುಟ್ಟಂಡುಳ್ಳ್‌ಂದ್ ಒಳ್‍ದಿತ್ ಕೊಡ್‍ಕಂಡೂಂದ್ ಉಳ್ಳ ದೇವಡ ಆಜ್ಞೆನ ಕ್‍ೕಟಿತ್ತುಳ್ಳಿರ.

ಮಾರ್ಕ 10:4

ಅದ್ಂಗ್ ಅಯಿಂಗ: ವಡಿಯ ತಾಂಡ ಪೊಣ್ಣ್‌ನ ಬುಡುವದಾಚೇಂಗಿ ಬುಡುವಕುಳ್ಳ ಪತ್ರತ್‍ನ ಒಳ್‍ದಿ ಕೊಡ್‌ತಿತ್ ಅಯಿಕಲೂಂದ್ ಮೋಶೆ ಎಣ್ಣಿತುಂಡ್‍ೕಂದ್ ಎಣ್ಣ್‌ಚಿ.