ಮತ್ತಾಯ 19:6 - ಕೊಡವ ಬೈಬಲ್

⁶ ದೇವ ಇನ್ನನೆ ಮಾಡ್‍ನಗುಂಡ್, ಅಯಿಂಗ ದಂಡಾಳು ದಂಡಾಳಾಯಿತ್ ಇಲ್ಲತೆ ಒರೇ ತಡಿಯಾಯಿತ್ ಇಪ್ಪ. ಆನಗುಂಡ್ ದೇವ ಒಂದ್ ಮಾಡ್‍ನಯಿಂಗಳ, ಮನುಷ್ಯ ಬೋರೆ ಬೋರೆ ಮಾಡ್‌ವಕ್ ಆಗಾಂದ್ ಎಣ್ಣ್‌ಚಿ.

ಮತ್ತಾಯ 19:6 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 2:17

ನೊಣೆ ತಕ್ಕ್‌ ಪರ್‌ಂದಿತ್‌ ತಾಂಡ ಬಲೇಕ್‌ ಬೂವನೆಕೆ ಮಾಡುವ. ವ್ಯಬಿಚಾರಿಯಾನ ಇವಡ ಕೈಯಿಂಜ ಜ್ಞಾನ ನಿನ್ನ ಕಾಪಾಡುವ.

ಮಲಾಕಿ 2:14

ಇದ್‌ಂಗ್‌ ಎಂತ ಕಾರಾಣಾಂದ್‌ ಕ್‍ೕಪಿರ? ಒಡೆಯನಾನ ಯೆಹೋವ ನೀಕು, ನೀಡ ಪ್ರಾಯತ್‌ರ ಪೊಣ್ಣ್‌ಕೂ ಸಾಕ್ಷಿಯಾಯಿತುಂಡ್. ನೀಡ ಚಂಙಾದಿಯು, ನೀಡ ಪೊಣ್ಣು ಆನ ಅವಕ್‌ ನೀನ್‌ ದ್ರೋಹ ಮಾಡಿಯಲ್ಲಾ.

ಮಲಾಕಿ 2:16

ಒರ್‌ ವಡಿಯ ತಾಂಡ ಪೊಣ್ಣ್‌ನ ಬೋಂಡಾಂದ್‌ ಬುಟ್ಟಿತ್‌ ಪೋಪದ್‌ನ ನಾನ್‌ ದ್ವೇಶ ಮಾಡುವೀಂದ್‌ ಇಸ್ರಾಯೇಲ್‌ಂಡ ದೇವನಾನ ಯೆಹೋವ ಎಣ್ಣಿಯಂಡುಂಡ್. ಅಂತ ಕಠಿಣ ಕಾರ್ಯ ಮಾಡುವದ್‌ನ ನಾನ್‌ ದ್ವೇಶ ಮಾಡುವಿ. ನಿಂಗಡ ಪೊಣ್ಣ್‌ರ ಕೂಡೆ ಮಾಡ್‌ನ ಒಪ್ಪಂದಕ್‌ ನಂಬಿಕಸ್ತನಾಯಿತ್‌ ಇಪ್ಪಕ್‌ ಎಚ್ಚರ ಎಡ್‌ತೊಳಿಂದ್‌ ಒಡಯನಾನ ಸೇನೇನ ಯೆಹೋವ ಎಣ್ಣಿಯಂಡುಂಡ್.

ಮತ್ತಾಯ 19:5

ಇದ್ಂಗಾಯಿತ್ ವಡಿಯ ಅಂವೊಂಡ ಅಪ್ಪವ್ವನ ಬುಟ್ಟಿತ್ ತಾಂಡ ಪೊಣ್ಣ್‌ರ ಕೂಡೆ ಒಂದಾಯಿತ್ ಇಪ್ಪ, ಅಯಿಂಗ ದಂಡಾಳು ಒರೇ ತಡಿಯಾಯಿತ್‌ಪ್ಪಾಂದ್ ಎಣ್ಣ್‌ನ ವಿಷಯತ್‍ನ ನಿಂಗ ಓದಿತ್‌ಲ್ಲೆಯಾಂದ್ ಕ್‍ೕಟತ್.

ಮತ್ತಾಯ 19:7

ಅದ್ಂಗ್ ಅಯಿಂಗ: ಪಿಂಞ ಎನ್ನಂಗ್ ಮೋಶೆ ಪೊಣ್ಣ್‌ನ ಬೋಂಡಾಂದ್ ಬುಡ್‍ವಂವೊ ಒರ್ ಕಾಗದತ್‍ಲ್ ಒಳ್‍ದಿ ಕೊಡ್‍ತತೇಂಗಿ ಅವಳ ಬುಡಲೂಂದ್ ಆಜ್ಞೆ ಕೊಡ್‌ತತ್‍ೕಂದ್ ಕ್‍ೕಪಕ,

ಮಾರ್ಕ 10:9

ಆನಗುಂಡ್ ದೇವ ಒಂದ್ ಮಾಡ್‍ನಯಿಂಗಳ, ಮನುಷ್ಯ ಬೋರೆ ಬೋರೆ ಮಾಡ್‌ವಕ್ ಆಗಾಂದ್ ಎಣ್ಣ್‌ಚಿ.

ರೋಮ್ 7:2

ವಡಿಯ ಉಳ್ಳ ಒರ್ ಪೊಣ್ಣಾಳ್, ಅಂವೊ ಬದ್‍ಕಿಯಂಡಿಪ್ಪಕತ್ತನೆ, ನ್ಯಾಯಪ್ರಮಾಣತ್‍ರ ಪ್ರಕಾರ ಅಂವೊಂಡ ಪೊಣ್ಣಾಯಿತ್ ಮಾತ್ರ ಇಪ್ಪ. ಆಚೇಂಗಿ, ಅವಡ ವಡಿಯ ಚತ್ತ್‌ಪೋನ ಪಿಂಞ, ಅಂವೊಂಡ ಕೂಡೆ ಮಾಡ್‍ನ ಮಂಗಲತ್‍ರ ಪ್ರಮಾಣತ್ಂಜ ಬುಡುಗಡೆ ಆಯಿರುವ.

ಎಫೆಸ 5:28

ಅನ್ನನೆ ವಡಿಯಂಗಳು, ನಿಂಗಡ ಸ್ವಂತ ತಡೀನ ಪ್ರೀತಿ ಮಾಡ್‌ವನೆಕೆ, ನಿಂಗಡ ಪೊಣ್ಣಾಳುವಳ ಪ್ರೀತಿ ಮಾಡಂಡು; ತಾಂಡ ಪೊಣ್ಣ್‌ನ ಪ್ರೀತಿ ಮಾಡ್‌ವಂವೊ ಅಂವೊನ ಅಂವೊನೇ ಪ್ರೀತಿ ಮಾಡಿಯಂಡುಂಡ್.

ಇಬ್ರಿಯ 13:4

ಮಂಗಲತ್‍ನ ಎಲ್ಲಾರು ಗನಪಡ್‌ತಂಡು, ಮಂಗಲ ಕಯಿಚಯಿಂಗ ಅಯಿಂಗಯಿಂಗಡ ವಡಿಯ ಪೊಣ್ಣ್‌ಕ್ ನಂಬಿಕಸ್ತಯಿಂಗಳಾಯಿತ್ ಇಕ್ಕಂಡು; ವೇಶಿಯಳ ಪಿಂಞ ವ್ಯಬಿಚಾರ ಮಾಡ್‌ವಯಿಂಗಳ ದೇವ ನ್ಯಾಯತೀರ್ಪ.