ಮತ್ತಾಯ 19:23 - ಕೊಡವ ಬೈಬಲ್

²³ ಅಕ್ಕ ಯೇಸು: ಪರಲೋಕ ರಾಜ್ಯತ್‍ಲ್ ಪೋಪಕ್ ಪಣಕಾರಂಗಕ್ ದುಂಬ ಕಷ್ಟ ಆಪಾಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಅಂವೊಂಡ ಶಿಷ್ಯಂಗಕ್ ಎಣ್ಣ್‌ಚಿ.

ಮತ್ತಾಯ 19:23 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 11:28

ತಾಂಡ ಐಶ್ವರ್ಯತ್‌ನ ನಂಬ್‌ವಂವೊ ಬುದ್ದ್ ಪೋಪ. ಆಚೇಂಗಿ ನೀತಿವಂತಂವೊ ಚಿಗ್‌ರೆಲೆರನೆಕೆ ಬೊಳೆಯುವ.

ಮತ್ತಾಯ 13:22

ಮುಳ್ಳ್‌ರ ಪೊದೆಲ್ ಬುದ್ದ ಕುರು ಎನ್ನನೇಂದ್ ಎಣ್ಣ್‌ಚೇಂಗಿ, ಅಯಿಂಗ ದೇವಡ ವಾಕ್ಯತ್‍ನ ಕ್‍ೕಪ. ಆಚೇಂಗಿ ಈ ಬದ್‍ಕ್‍ರ ವಿಷಯತ್ ಬೇಜಾರ್ ಮಾಡಿಯಂಡ್, ಪಣತ್‍ರ ಮೇಲೆ ಉಳ್ಳ ಆಸೆರಗುಂಡ್, ಇದೆಲ್ಲ, ಅಯಿಂಗ ಕ್‍ೕಟ ದೇವಡ ವಾಕ್ಯತ್‍ನ ನೆರ್‌ಕಿತ್, ಅಯಿಂಗ ಫಲ ಕೊಡ್‍ಕತೆ ಪೋಪ.

ಮತ್ತಾಯ 18:3

ನಾನ್ ನಿಂಗಕ್ ನೇರಾಯಿತು ಎಣ್ಣ್‌ವಿ: ನಿಂಗಡ ಮನಸ್ಸ್ ಬದ್‍ಲಾಯಿತ್ ಈ ಕುಂಞಿರನೆಕೆ ಆಕತಪೋನಕ ನಿಂಗ ಪರಲೋಕ ರಾಜ್ಯಕ್ ಪೋಪಕ್ ಕಯ್ಯುಲೆ.

ಮತ್ತಾಯ 19:22

ಅಂವೊ ಇದ್‍ನ ಕ್‍ೕಟಿತ್ ಬೇಜಾರತ್‍ಲ್ ಪೋಯಿರ್‌ತ್. ಎನ್ನಂಗೆಣ್ಣ್‌ಚೇಂಗಿ ಅಂವೊ ದುಂಬ ಆಸ್ತಿ ಉಳ್ಳಂವೊನಾಯಿತ್ ಇಂಜತ್.

ಮತ್ತಾಯ 21:31

ಈಂಗ ದಂಡಾಳ್‌ರ ಕೂಟ್‌ಲ್ ಅಪ್ಪಂಡ ಆಸೆ ಪ್ರಕಾರ ನಡ್ಂದಂವೊ ದಾರ್‍ೕಂದ್ ಕ್‍ೕಟತ್; ಅದ್ಂಗ್ ಅಯಿಂಗ: ಪೆರಿಯ ಮೋಂವೊನೇಂದ್ ಎಣ್ಣ್‌ಚಿ. ಪಿಂಞ ಯೇಸು, ಅನ್ನನೆ ಕಂದಾಯ ಎಡ್‌ಪಯಿಂಗಳು, ವೇಶಿಯಳು ನಿಂಗಕಿಂಜ ಮಿಂಞ ದೇವಡ ರಾಜ್ಯಕ್ ಪೋಪಾಂದ್ ನೇರಾಯಿತು ಎಣ್ಣುವೀಂದ್ ಎಣ್ಣ್‌ಚಿ.

ಮತ್ತಾಯ 5:20

ನಾನ್ ನಿಂಗಕ್ ಎಣ್ಣ್‌ವಿ: ನಿಂಗಡ ನೀತಿ ಫರಿಸಾಯಂಗಡ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಡ ನೀತಿಗಿಂಜ ಬಲ್ಯದಾಯಿತ್ ಇಲ್ಲತೆಪೋಚೇಂಗಿ ನೇರಾಯಿತು ನಿಂಗ ಪರಲೋಕ ರಾಜ್ಯತ್‍ಲ್ ಪ್ರವೇಶ ಮಾಡುಲೆ.

ಮಾರ್ಕ 10:23

ಯೇಸು ಸುತ್ತ್‌ಮುತ್ತ್ ನೋಟುವಂಜಿ, ತಾಂಡ ಶಿಷ್ಯಂಗಳ ನೋಟಿತ್, ಪಣಕಾರಂಗ ದೇವಡ ರಾಜ್ಯತ್‍ಲ್ ಎತ್ತ್‌ವಕ್ ಎಚ್ಚಕ್ ಕಷ್ಟ ಉಂಡ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:24

ಅಂವೊ ದುಂಬ ದುಃಖ ಆನದ್‍ನ ಯೇಸು ನೋಟಿತ್, ಪಣಕಾರಂಗ ದೇವಡ ರಾಜ್ಯತ್‍ಲ್ ಎತ್ತ್‌ವಕ್ ಎಚ್ಚಕ್ ಕಷ್ಟ ಉಂಡ್.

ಯೋಹಾನ 3:3

ಅಂವೊಂಗ್ ಯೇಸು: ಒಬ್ಬ ಪುನಃ ಪುಟ್ಟತೆ ಪೋನಕ ಅಂವೊ ದೇವಡ ರಾಜ್ಯತ್‍ನ ಕಾಂಬಕ್ ಕಯ್ಯುಲೇಂದ್ ನೇರಾಯಿತು ನೇರಾಯಿತು ನಾನ್ ನೀಕ್ ಎಣ್ಣುವೀಂದ್ ಉತ್ತರ ಕೊಡ್‍ತತ್.

ಯೋಹಾನ 3:5

ಯೇಸು ಅಂವೊಂಗ್: ಒಬ್ಬ, ನೀರ್ಂಜಲು ಪವಿತ್ರಾತ್ಮತ್‌ಂಜಲು ಪುಟ್ಟತೆ ಪೋಚೇಂಗಿ ದೇವಡ ರಾಜ್ಯಕ್ ಪೋಪಕ್ ಕಯ್ಯುಲೇಂದ್ ನಿಂಗಕ್ ನೇರಾಯಿತು ನೇರಾಯಿತು ಎಣ್ಣುವೀಂದ್ ಎಣ್ಣ್‌ಚಿ.

ಅಪೊಸ್ತಲ 14:22

ಯೇಸುನ ನಂಬ್‍ನಯಿಂಗಡ ಮನಸ್ಸ್‌ನ ಗಟ್ಟಿ ಮಾಡಿತ್, ನೇರಾನ ನಂಬಿಕೇಲ್ ಸ್ತಿರವಾಯಿತ್ ನಿಕ್ಕಂಡೂಂದ್ ಬುದ್ದಿ ತಕ್ಕ್ ಎಣ್ಣಿತ್, ನಂಗ ದುಂಬ ಕಷ್ಟತ್‍ನ ಅನುಬವಿಚಿಟ್ಟಿತ್ ದೇವಡ ರಾಜ್ಯತ್‍ರ ಒಳ್‍ಕ್ ಕೂಡಂಡೂಂದ್ ಎಚ್ಚರ ಮಾಡಿತ್ ಅಯಿಂಗಳ ದೈರ್ಯಪಡ್‍ತ್‍ಚಿ.

1 ಕೊರಿಂಥ 1:26

ನೋಟಿ, ನಾಡ ಅಣ್ಣತಮ್ಮಣಂಗಳೇ, ದೇವ ನಿಂಗಳ ಕಾಕ್‍ವಕ ನಿಂಗ ಎನ್ನನೆ ಇಂಜಿರಾಂದ್ ಚೆನ್ನ ಗೇನ ಮಾಡಿಯೊಳಿ. ಮನುಷ್ಯಂಡ ದೃಷ್ಟಿಲ್ ನಿಂಗಡಲ್ಲಿ ದುಂಬ ಜ್ಞಾನಿಯ ಇಂಜಿತ್ತ್‌ಲ್ಲೆ, ಬಲ್ಯಯಿಂಗ ದುಂಬ ಇಂಜಿತ್ತ್‌ಲ್ಲೆ, ಮುಕ್ಯಪಟ್ಟ ಜನ ದುಂಬ ಇಂಜಿತ್ತ್‌ಲ್ಲೆ.

ಯಾಕೋಬ 2:6

ಆಚೇಂಗಿ ನಿಂಗ ಬಡವಯಿಂಗಳ ಅಲ್ಲಗೆಳದಿತುಳ್ಳಿರ. ಐಶ್ವರ್ಯವಂತಯಿಂಗತಾನೆ ನಿಂಗಳ ಮೋಸ ಮಾಡ್‌ವಯಿಂಗ? ಅಯಿಂಗತಾನೆ ನಿಂಗಳ ನ್ಯಾಯ ತೀರ್ಪ್‌ರ ಜಾಗಕ್ ಬಲ್‍ಚಂಡ್ ಪೋಪ?