ಮತ್ತಾಯ 19:13 - ಕೊಡವ ಬೈಬಲ್

¹³ ಚೆನ್ನ ಜನ ಚೆರಿಯ ಮಕ್ಕಳ ಕಾಕಿಯಂಡ್ ಬಂದಿತ್, ಯೇಸು ಅಯಿಂಗಡ ಮೇಲೆ ಕೈ ಬೆಚ್ಚಿತ್ ಪ್ರಾರ್ಥನೆ ಮಾಡಡ್‍ೕಂದ್ ಬಾತ್. ಆಚೇಂಗಿ ಶಿಷ್ಯಂಗ ಅನ್ನನೆ ಬಂದಯಿಂಗಕ್ ಜೋರ್ ಮಾಡ್‍ಚಿ.

ಮತ್ತಾಯ 19:13 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 48:1

ಇದಾಯಿತ್‌ ಚೆನ್ನ ಸಮಯ ಆನ ಪಿಂಞ, ಅಂವೊಂಡ ಅಪ್ಪ ದುಂಬ ತಳಂದ್‌ ಪೋಯಂಡುಂಡ್‌ ಎಣ್ಣಿಯಂಡ್‌ ಯೋಸೇಫಂಗ್‌ ಸುದ್ದಿ ಬಾತ್. ಅಕ್ಕ ಯೋಸೇಫ ತಾಂಡ ದಂಡ್‌ ಕ್‌ಣ್ಣ ಮಕ್ಕಳಾನ ಮನಸ್ಸೆ ಪಿಂಞ ಎಫ್ರಾಯಿಮನ ಕಾಕಿಯಂಡ್‌ ಪೊರ್‌ಟತ್.

ಮತ್ತಾಯ 16:22

ಅಕ್ಕ ಪೇತ್ರ ಯೇಸುನ ಆಬರಿಕ್ ಕಾಕುವಂಜಿ, ಒಡೆಯನೇ, ಇನ್ನನೆ ನೀಕ್ ಆಪಕ್ಕಾಗ, ಇನ್ನನೆ ನೀಕ್ ಆಪಕ್ ದೇವ ಬುಡ್‍ಲೇಂದ್ ಅಂವೊನ ಬೈಯುವಕ್ ಸುರು ಮಾಡ್‍ಚಿ.

ಮತ್ತಾಯ 19:12

ಮಂಗಲ ಕಯಿಕತೆ ಇಪ್ಪಕ್ ದುಂಬ ಕಾರಣ ಉಂಡ್. ಚೆನ್ನ ಜನ ಮಂಗಲ ಕಯಿಪಕ್ ಕಯ್ಯತನೆಕೆ ಪುಟ್ಟಿತ್‌ಪ್ಪ, ಚೆನ್ನ ಜನತ್‍ನ ಮಂಗಲ ಕಯಿಕತನೆಕೆ ಬೋರೆ ಜನ ಮಾಡಿತ್‌ಪ್ಪ, ಚೆನ್ನ ಜನ ಪರಲೋಕ ರಾಜ್ಯತ್‍ರ ಸುದ್ದಿನ ಎಣ್ಣ್‌ವಕಾಯಿತ್ ಮಂಗಲ ಕಯಿಕತೆ ಇಪ್ಪ. ಈ ಬೋದನೆನ ಸ್ವೀಕಾರ ಮಾಡ್‌ವಂವೊ ಮಾಡಡ್‍ೕಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 20:31

ಜನಡ ಗುಂಪ್, ಅಯಿಂಗಕ್ ಮುಂಡತೆ ಇರೀಂದ್ ಜೋರ್ ಮಾಡ್‍ಚಿ. ಆಚೇಂಗಿ ಅಯಿಂಗ ಇಂಞು ಜೋರಾಯಿತ್ ಒಡೆಯನಾನ ದಾವೀದಂಡ ಮೋಂವೊನೇ ನಾಡ ಮೇಲೆ ದಯಕಾಟ್‍ೕಂದ್ ಕೂತ್ ಕೊಡ್‍ಪಕ್ ಸರುಮಾಡ್‌ಚಿ.

ಅಪೊಸ್ತಲ 2:39

ಈ ದೇವಡ ವಾಗ್ದಾನ, ನಿಂಗಕು, ನಿಂಗಡ ಮಕ್ಕಕು, ನಂಗಡ ಒಡೆಯನಾನ ದೇವ ಕಾಕುವ ದೂರತ್‍ಲ್ ಉಳ್ಳ ಎಲ್ಲಾ ಜನಕು ಉಂಡ್‍ೕಂದ್ ಎಣ್ಣ್‌ಚಿ.

1 ಕೊರಿಂಥ 7:14

ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತನ ನಂಬತ ವಡಿಯನ ಅಂವೊಂಡ ಪೊಣ್ಣ್‌ರಗುಂಡ್ ದೇವ ಅಂವೊನ ಪವಿತ್ರವಾನಂವೊನಾಯಿತ್ ಮಾಡ್‌ವ. ಕ್ರಿಸ್ತನ ನಂಬತ ಪೊಣ್ಣ್‌ನ ಅವಡ ವಡಿಯನಗುಂಡ್ ದೇವ ಅವಳ ಶುದ್ದ ಮಾಡ್‌ವ. ಅನ್ನನೆ ಇಲ್ಲತೆಪೋಚೇಂಗಿ, ಅಯಿಂಗಡ ಮಕ್ಕ ಎನ್ನನೆ ಶುದ್ದವಾಯಿತ್ ಇಪ್ಪ? ಇಕ್ಕ ನೋಟಿ, ಅಯಿಂಗಡ ಮಕ್ಕಳ ದೇವ ಶುದ್ದ ಮಾಡಿತ್‌ಲ್ಲೆಯಾ?