ಮತ್ತಾಯ 18:7 - ಕೊಡವ ಬೈಬಲ್

⁷ ನಾಡ ಮೇಲೆ ನಂಬಿಕೆ ಬೆಕ್ಕತನೆಕೆ ಮಾಡ್‌ವಯಿಂಗಕ್ ಅಯ್ಯೋ! ಅನ್ನನೆ ಬಪ್ಪ ಸೋದನೆನ ದಾರೂ ತಡ್‍ಪಕ್ ಕಯ್ಯುಲೆ. ಆಚೇಂಗಿ ಅನ್ನನೆ ಮಾಡ್‌ವಯಿಂಗಕ್ ಅಯ್ಯೋ!

ಮತ್ತಾಯ 18:7 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 13:7

ಇದ್‌ನಗುಂಡ್‌ ಅಮ್ರಾಮಂಡ ಎತ್ತ್‌ ಕಾಪಯಿಂಗಕು ಲೋಟಂಡ ಎತ್ತ್‌ ಕಾಪಾಯಿಂಗಕು ತಕರಾರ್‌ ಸುರು ಆಚಿ. ಇದ್‌ಲ್ಲತೆ ಆ ಕಾಲತ್‌ಲ್‌ ಕಾನಾನ್ಯರ ಜನ ಪಿಂಞ ಪರಿಜೀಯರಯಿಂಗ ಆ ದೇಶತ್‌ಲ್‌ ವಾಸಮಾಡಿಯಂಡಿಂಜತ್.

ಮತ್ತಾಯ 16:23

ಆಚೇಂಗಿ, ಯೇಸು ಅಂವೊಂಡ ಪಕ್ಕ ತಿರಿತ್, ನಾಡ ಬಯ್ಯಕ್ ಪೋ ಸೈತಾನೇ, ನಾನ್ ದೇವಡ ಚಿತ್ತತ್‍ನ ಮಾಡ್‌ವಕ್ ನೀನ್ ತಡೆ ಮಾಡ್‌ವಿಯ, ಇಕ್ಕ, ನೀನ್ ದೇವಡ ಚಿತ್ತತ್‍ರನೆಕೆ ಗೇನ ಮಾಡತೆ, ಮನುಷ್ಯಂಗಡ ಚಿತ್ತತ್‍ರನೆಕೆ ಗೇನ ಮಾಡ್‌ವಿಯಾಂದ್ ಎಣ್ಣ್‌ಚಿ.

ಮತ್ತಾಯ 26:24

ದೇವಡ ವಾಕ್ಯತ್‍ಲ್ ಒಳ್‌ದ್‌ನನೆಕೆ ಮನುಷ್ಯಕುಮಾರ ಚಾವ. ಆಚೇಂಗಿ ಮನುಷ್ಯಕುಮಾರನ, ಏದ್ ಮನುಷ್ಯ ಪುಡ್‍ಚಿ ಕೊಡ್‍ಪ ಅಂವೊಂಗ್ ಅಯ್ಯೋ! ಆ ಮನುಷ್ಯ ಪುಟ್ಟತೆ ಇಂಜತೇಂಗಿ ಅಂವೊಂಗ್ ನಲ್ಲದಾಯಿತ್ಂಜತ್‍ೕಂದ್ ಎಣ್ಣ್‌ಚಿ.

ಮಾರ್ಕ 13:7

ಯುದ್ದತ್‍ನ ಪಿಂಞ ಯುದ್ದತ್‍ರ ಸುದ್ದಿನ ಕ್‍ೕಪಕ ಗಾಬರಿ ಆಕತಿ. ಎಲ್ಲಾ ನಡ್‌ಕಂಡು, ಆಚೇಂಗಿಯು ಅದ್ ಅಂತ್ಯ ಕಾಲವಾಯಿತ್‌ಪ್ಪುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:1

ಪಿಂಞ ಯೇಸು ಅಂವೊಂಡ ಶಿಷ್ಯಂಗಳ ನೋಟಿತ್, ಈ ಲೋಕತ್‍ಲ್ ಪಾಪ ಮಾಡ್‌ವಕ್ ಸೋದನೆ ಎಕ್ಕಾಲು ಬಪ್ಪ. ಆಚೇಂಗಿ ಬೋರೆಯಿಂಗಳ ಪಾಪ ಮಾಡ್‌ವನೆಕೆ ನಡ್‍ತ್‍ವ ಜನಕ್ ಅಯ್ಯೋ.

ಯೋಹಾನ 17:12

ನಾನ್ ಈಂಗಡ ಕೂಡೆ ಇಪ್ಪಕಾಪಕ, ನೀನ್ ನಾಕ್ ತಂದಿತುಳ್ಳ ನೀಡ ಪೆದತ್‍ರ ಅದಿಕಾರತ್‍ಲ್ ಈಂಗಳ ಕಪಾಡಿಯಂಡ್ ಬಂದಿಯೆ; ನೀನ್ ನಾಕ್ ತಂದಯಿಂಗಳ ನಾನ್ ಕಾಪಾಡಿಯಂಡ್ ಬಂದಿಯೆ. ದೇವಡ ವಾಕ್ಯತ್‍ಲ್ ಎಣ್ಣ್‌ನದ್ ಪೂರ್ತಿ ಆಪನೆಕೆ ನಾಶ ಆಪಕ್ ಗುರಿ ಬೆಚ್ಚಿತ್ಂಜ ಒಬ್ಬನ ಬುಟ್ಟಿತ್ ಈಂಗಡ ಕೂಟ್‌ಲ್ ದಾರೂ ನಾಶ ಆಯಿತ್‌ಲ್ಲೆ.

ಅಪೊಸ್ತಲ 1:16

ನಾಡ ಅಣ್ಣತಮ್ಮಣಂಗಳೇ, ಯೇಸುನ ಪುಡ್‌ಚಿತ್ ಪೋಪಯಿಂಗಕ್ ಬಟ್ಟೆ ಕಾಟಿ ಕೊಡ್‍ತ ಯೂದಂಡ ವಿಷಯತ್‍ನ ದಾವೀದಂಡ ಮೂಲಕ ಪವಿತ್ರಾತ್ಮ ಮಿಂಞಲೇ ಎಣ್ಣ್‌ನ ದೇವಡ ವಾಕ್ಯ ಒಳ್‍ದಿತುಳ್ಳದ್ ನೆರೆವೇರಂಡೂಂದ್ ಇಂಜತ್.

1 ಕೊರಿಂಥ 11:19

ನಿಂಗಡಲ್ಲಿ ಬೋರೆ ಬೋರೆ ಅಬಿಪ್ರಾಯ ಬೋಂಡು, ಅನ್ನನೆ ಇಂಜತೇಂಗಿ ದಾರ್ ದೇವಡ ವಿಷಯತ್‍ಲ್ ನೇರಾನಯಿಂಗಾಂದ್ ಜನಕ್ ಗೊತ್ತಾಪ.

1 ತಿಮೊಥೆಯ 6:1

ದೇವಡ ಪೆದಕ್ ಪಿಂಞ ನಂಗ ಕೊಡ್‍ತ ಬೋದನೆಕ್, ದೂಷಣೆ ಬರತನೆಕೆ, ಅಡಿಯಾಳಂಗಳಾಯಿತ್ ಉಳ್ಳ ಎಲ್ಲಾರು ಅಯಿಂಗಡ ಎಜಮಾನಂಗಕ್ ಪೂರ್ತಿ ಮರ್ಯಾದೆ ಕೊಡ್‍ಕಂಡು.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:5

ಎಲ್ಲಾ ಬಾಲೆಕಾರ್ತಿಯಳು, ತನ್ನಡಕ್ಕ ಉಳ್ಳಯಿಂಗಳಾಯಿತ್, ವಡಿಯಂಗ್ ನೇರಾನಯಿಂಗಳಾಯಿತ್, ಅಯಿಂಗಡ ಮನೆನ ಚಾಯಿ ನೋಟ್‍ವಯಿಂಗಳಾಯಿತ್, ಅಯಿಂಗಡ ವಡಿಯಂಗಕ್ ತಗ್ಗಿತ್ ನಡ್‍ಪಯಿಂಗಳಾಯಿತ್, ಪ್ರೀತಿಯುಳ್ಳಯಿಂಗಳಾಯಿತ್, ಇರಂಡೂಂದ್ ಬುದ್ದಿ ಎಣ್ಣಿ ಕೊಡ್. ಅಕ್ಕ ದೇವಡ ವಾಕ್ಯಕ್ ಅಯಿಂಗ ದೂಷಣೆ ಕೊಂಡ್ ಬಪ್ಪುಲೆ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:8

ದೇವಡ ಸೇವೇನ ವಿರೋದ ಮಾಡ್‌ವಯಿಂಗ, ನಿನ್ನ ಕುತ್ತಪರಿವಕ್ ಒಂದು ಇಲ್ಲತೆ, ಅಯಿಂಗ ಞಾಣ ಪಡ್‌ವನೆಕೆ, ನೀಡ ಬೋದನೆ ಸತ್ಯವಾಯಿತ್ ಇರಂಡು.

ಯೂದ ಒಳ್‍ದ್‍ನ ಕಾಗದ 1:4

ಎನ್ನಂಗೆಣ್ಣ್‌ಚೇಂಗಿ, ದೇವಡ ಮೇಲೆ ದಂಗೆ ಮಾಡ್‌ವ ಚೆನ್ನ ಜನ ನಿಂಗಕ್ ಗೊತ್ತಿಲ್ಲತೆ ನಿಂಗಡ ಸಬೇಲ್ ನುಗ್ಗಿತ್, ದೇವಡ ಕೃಪೆ ನಂಗಳ ಕಾಮಾಬಿಲಾಷೆ ಪಾಪ ಮಾಡ್‌ವಕ್ ಅನುಮತಿ ಕೊಡ್‍ತಿತುಂಡ್‍ೕಂದ್ ಎಣ್ಣಿಯಂಡ್, ಯೇಸು ಕ್ರಿಸ್ತ ಒಬ್ಬನೇ ನಂಗಡ ಮೇಲೆ ಎಲ್ಲಾ ಅದಿಕಾರ ಉಳ್ಳ ಒಡೆಯಾಂದ್ ಉಳ್ಳಾನ ಒತ್ತಂಡಿಲ್ಲೆ. ಅಯಿಂಗಡ ತೀರ್ಪ್‌ನ ಪಂಡೇ ದೇವ ಒಳ್‍ದಿ ಬೆಚ್ಚಿತುಂಡ್.