ಮತ್ತಾಯ 18:32 - ಕೊಡವ ಬೈಬಲ್

³² ಅಕ್ಕ ರಾಜ ಆ ಆಳ್‌ನ ಕಾಕುವಂಜಿ: ಎಚ್ಚಕ್ ಮೋಸವಾನ ಆಳ್ ನೀನ್. ನೀನ್ ನಾಡ ಕಾಲ್ ಪುಡಿಪಕ, ನಾಕ್ ತಪ್ಪಕುಳ್ಳ ದುಡ್ಡ್‌ನ, ತಪ್ಪದ್ ಬೋಂಡಾಂದ್ ಮನ್ನಿಚಿಟ್ಟಿಯೆ, ನೀನ್ ಕ್‍ೕಟಾಂಗ್ ನಾನ್ ಅನ್ನನೆ ಮಾಡಿಯೆ.

ಮತ್ತಾಯ 18:32 ပူးပေါင်းရင်းမြစ်များ

ಮತ್ತಾಯ 18:27

ಅಕ್ಕ ಎಜಮಾನಂಗ್ ಅಂವೊಂಡ ಮೇಲೆ ಕನಿಕರ ಆಯಿತ್ ಅಂವೊ ಮಾಡ್‍ನ ಸಾಲತನೆಲ್ಲ ತಪ್ಪದ್ ಬೋಂಡಾಂದ್ ಎಣ್ಣಿತ್, ಮನ್ನಿಚಿಟ್ಟ್‌ರ್‌ತ್.

ಮತ್ತಾಯ 18:31

ರಾಜಂಡ ಬೋರೆ ಆಳ್‍ವ ಇಂವೊ ಮಾಡ್‌ನಾನ ಕಾಂಬಕ, ಅಯಿಂಗಕ್ ಬೇಜಾರ್ ಆಚಿ. ಅಯಿಂಗ ಪೋಯಿತ್ ರಾಜಂಗ್ ಎಣ್ಣ್‌ಚಿ.

ಮತ್ತಾಯ 18:33

ನಾನ್ ನೀಕ್ ಕನಿಕರ ಕಾಟ್‍ನನೆಕೆ, ನೀನ್ ಅಂವೊಂಡ ಮೇಲೆ ಕನಿಕರ ಕಾಟ್‍ವಕಿಂಜತಲ್ಲ.

ಮತ್ತಾಯ 25:26

ಅಕ್ಕ ಅಂವೊಂಡ ಎಜಮಾನ: ಒಂದಂಗೂ ಪ್ರಯೋಜನ ಇಲ್ಲತ ಮೋಸಕಾರನು ಸೋಮಾರಿಯು ಆನ ಆಳ್ ನೀನ್! ನಾನ್ ಬಿತ್ತ್ ಇಡತ ಜಾಗತ್‍ಲ್ ಕೊಯ್ಯುವೀಂದು, ಬಿತ್ತ್ ಚದ್‍ರತ ಜಾಗತ್‍ಲ್ ಕೂಟ್‍ವೀಂದು ನೀಕ್ ಗೊತ್ತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:22

ಅದ್ಂಗ್ ರಾಜ: ನೀನ್ ಒಂದಂಗೂ ಪ್ರಯೋಜನ ಇಲ್ಲತ ಆಳ್, ನಾಡದಲ್ಲತ್‍ದ್‍ನ ನಾನ್ ಎಡ್‍ಪೀಂದು, ನಾನ್ ಬಿತ್ತತ್‍ದ್‍ನ ಕೊಯ್ಯುವೀಂದು ನೀಕ್ ಗೊತ್ತ್ಂಜತಲ್ಲ? ಪಿಂಞ ಎನ್ನಂಗ್ ನೀನ್ ನಾಡ ಪಣತ್‍ನ ಬಡ್ಡಿಕ್ ಕೊಡ್‍ತಿತ್‌ಲ್ಲೆ?

ರೋಮ್ 3:19

ದೇವಡ ನ್ಯಾಯಪ್ರಮಾಣತ್‍ಲ್ ಎಣ್ಣುವ ವಿಷಯವೆಲ್ಲ, ನ್ಯಾಯಪ್ರಮಾಣಕ್ ಒಳಪಟ್ಟಯಿಂಗಕ್ ಎಣ್ಣಿಯಂಡುಂಡ್‍ೕಂದ್ ನಂಗಕ್ ಇಕ್ಕ ಗೊತ್ತುಂಡ್. ಅನ್ನನೆ ದಾರೂ ನಂಗ ಪಾಪಿ ಅಲ್ಲಾಂದ್ ಎಣ್ಣುವಕ್ ಕಯ್ಯತನೆಕೆ, ಈ ಲೋಕತ್‍ಲ್ ಉಳ್ಳ ಎಲ್ಲಾರು ಅಂವೊಂಗ್ ಲೆಕ್ಕ ಕೊಡ್‍ಪನೆಕೆ ಆಚಿ.

ಯಾಕೋಬ 2:13

ಈ ಲೋಕತ್‍ಲ್ ಜನಕ್ ಕರುಣೆ ಕಾಟತಯಿಂಗಕ್, ದೇವ ತೀರ್ಪ್ ತಪ್ಪ ದಿವಸತ್‍ಲ್, ಅಂವೊ ಕರುಣೆ ಕಾಟುಲೆ; ಆಚೇಂಗಿ, ನಿಂಗ ಕರುಣೆಯುಳ್ಳಯಿಂಗಳಾಯಿತ್ ಇಂಜತೇಂಗಿ, ದೇವ ನಿಂಗಳ ತೀರ್ಪ್ ಮಾಡ್‌ವ ದಿವಸತ್‍ಲ್ ನಿಂಗಕ್ ಕರುಣೆಯುಳ್ಳಂವೊನಾಯಿತಿಪ್ಪಾಂದ್ ನಿಂಗಕ್ ಗೊತ್ತಿರಂಡು.