ಮತ್ತಾಯ 18:31 - ಕೊಡವ ಬೈಬಲ್

³¹ ರಾಜಂಡ ಬೋರೆ ಆಳ್‍ವ ಇಂವೊ ಮಾಡ್‌ನಾನ ಕಾಂಬಕ, ಅಯಿಂಗಕ್ ಬೇಜಾರ್ ಆಚಿ. ಅಯಿಂಗ ಪೋಯಿತ್ ರಾಜಂಗ್ ಎಣ್ಣ್‌ಚಿ.

ಮತ್ತಾಯ 18:31 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 37:2

ಯಾಕೋಬಂಡ ವಂಶಾವಳಿ. ಯೋಸೇಫ ತಾಂಡ ಪದಿನ್‍ೕಳನೆ ವಯಸ್ಸ್‌ಲ್‌ ತಾಂಡ ಅಣ್ಣತಮ್ಮಣಂಗಡ ಕೂಡೆ ಆಡ್‌ಕೊರಿಯಳ ಮೇಯಿಚಿಟ್ಟಂಡ್‌ ಇಂಜತ್. ಅಂವೊ ತಾಂಡ ಅಪ್ಪಂಡ ಪಣಿಕಾರ್ತಿಯ ಪೊಣ್ಣಾಳಾನ ಬಿಲ್ಹಾ ಪಿಂಞ ಜಿಲ್ಪಾಳಂಡ ಮಕ್ಕಡ ಕೂಡೆ ಇಂಜಂಡ್, ಅಯಿಂಗ ಮಾಡಿಯಂಡಿಂಜ ಕೆಟ್ಟ ಕೆಲಸತ್‌ರ ವಿಷಯತ್‌ನ ಅಪ್ಪಂಗ್‌ ದನ ಎಣ್ಣ್‌ಚಿ.

ಮತ್ತಾಯ 14:9

ರಾಜಂಗ್ ಇದ್‍ನ ಕ್‍ೕಪಕ ದುಂಬ ಬೇಜಾರ್ ಆಚಿ. ಆಚೇಂಗಿಯು ಎಲ್ಲಾಡ ಮಿಂಞತ್ ಆಣೆ ಮಾಡ್‍ನಗುಂಡ್, ಅನ್ನನೆ ಮಾಡ್‌ವಕ್ ಆಜ್ಞೆ ಮಾಡ್‍ಚಿ.

ಮತ್ತಾಯ 18:28

ಆ ಮನುಷ್ಯ ಪೊರಮೆ ಪೋಚಿ. ಆ ರಾಜಂಡ ಬೋರೆ ಒರ್ ಆಳ್, ಇಂವೊಂಡ ಪಕ್ಕ ನೂರ್ ಬೊಳ್ಳಿರ ಸಾಲ ಮಾಡಿತ್ಂಜತ್. ಈ ಮನುಷ್ಯ ಅಂವೊನ ಪುಡ್‌ಚಿತ್ ಬಲಿಪಂಜಿ, ಅಂವೊಂಗ್ ಪೊಜ್ಜಿತ್, ಅಂವೊಂಡ ತೊಂಡೆನ ಪುಡ್‍ಚತ್. ನೀನ್ ನಾಕ್ ತಪ್ಪಕುಳ್ಳ ದುಡ್ಡ್‌ನ ಇಕ್ಕಲೆ ತಾಂದ್ ಕ್‍ೕಟತ್.

ಮತ್ತಾಯ 18:30

ಅಂವೊ ಅಂವೊಂಡ ತಕ್ಕ್‌ನ ಕ್‍ೕಕತೆ, ಅಂವೊಂಡ ದುಡ್ಡ್ ಕೊಡ್‌ಪಕತ್ತನೆ ಜೈಲ್‌ಕ್ ಇಟ್ಟತ್.

ಮತ್ತಾಯ 18:32

ಅಕ್ಕ ರಾಜ ಆ ಆಳ್‌ನ ಕಾಕುವಂಜಿ: ಎಚ್ಚಕ್ ಮೋಸವಾನ ಆಳ್ ನೀನ್. ನೀನ್ ನಾಡ ಕಾಲ್ ಪುಡಿಪಕ, ನಾಕ್ ತಪ್ಪಕುಳ್ಳ ದುಡ್ಡ್‌ನ, ತಪ್ಪದ್ ಬೋಂಡಾಂದ್ ಮನ್ನಿಚಿಟ್ಟಿಯೆ, ನೀನ್ ಕ್‍ೕಟಾಂಗ್ ನಾನ್ ಅನ್ನನೆ ಮಾಡಿಯೆ.

ಮಾರ್ಕ 3:5

ಸುತ್ತ್‌ಮುತ್ತ್ ನೋಟಿತ್ ಯೇಸುಕ್ ಚೆಡಿ ಬಾತ್, ಅದೇ ಸಮಯತ್‍ಲ್ ಅಯಿಂಗಡ ಕಠಿಣ ಹೃದಯತ್‍ನ ಕಂಡಿತ್ ಯೇಸುಕ್ ಬೇಜಾರ್ ಆಚಿ. ಯೇಸು ಆ ಮನುಷ್ಯಂಗ್, ನೀಡ ಕೈಯಿನ ನೀಟ್‍ೕಂದ್ ಎಣ್ಣ್‌ಚಿ, ಅಂವೊ ಕೈ ನೀಟ್‌ಚಿ, ಅಂವೊಂಡ ಕೈ ಪೂರ್ತಿ ವಾಸಿಯಾಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:21

ಆ ಆಳ್ ಬಂದಿತ್ ಇದ್‍ನೆಲ್ಲ ತಾಂಡ ಎಜಮಾನಂಗ್ ವಿವರಿಚಿಟ್ಟತ್. ಅಕ್ಕ ಆ ಮನೆರ ಎಜಮಾನಂಗ್ ದುಂಬ ಚೆಡಿ ಬಂದಿತ್, ಆ ಆಳ್‍ಕ್, ನೀನ್ ಪಟ್ಟಣತ್‍ರ ಎಲ್ಲಾ ಬೀದಿಕ್, ಓಣಿಕ್ ಎಚ್ಚಕ್ ಬೆರಿಯ ಕಯ್ಯುವ ಅಚ್ಚಕ್ ಬೆರಿಯ ಪೋಯಿತ್, ಗರೀಬಳ, ಕುಂಟಂಗಳ, ಕುರ್‌ಡಂಗಳ, ಊನ ಉಳ್ಳಯಿಂಗಳ ಕಾಕಿಯಂಡ್ ಬಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:41

ಪಟ್ಟಣತ್‍ರ ಪಕ್ಕ ಬಪ್ಪಕ, ಯೆರೂಸಲೇಮ್‍ನ ನೋಟ್‌ವಕಾಪಕ, ಅದ್ಂಗಾಯಿತ್ ಯೇಸು ಮೊರಟತ್.

ರೋಮ್ 12:15

ಕುಶೀಲ್ ಉಳ್ಳಯಿಂಗಡ ಕೂಡೆ ಕುಶೀಲ್ ಇರಿ, ಮೊರಟಂಡುಳ್ಳಯಿಂಗಡ ಕೂಡೆ ಮೊರಡಿ.

2 ಕೊರಿಂಥ 11:21

ನಂಗ ಬಲ ಇಲ್ಲತಯಿಂಗಳಾನನೆಕೆ, ನಂಗಕ್ ಕ್‍ಟ್ಟ್‌ನ ಅವಮಾನತ್‍ನ ಎಣ್ಣಿಯಂಡುಳ್ಳ; ಒಬ್ಬ ಏದ್ ವಿಷಯತ್‍ಲ್ ದೈರ್ಯವಾಯಿತುಂಡೋ ಅದ್‍ಲ್ ನಾನ್ ಸಹ ದೈರ್ಯವಾಯಿತುಂಡ್; ಇನ್ನನೆ ಬುದ್ದಿ ಇಲ್ಲತಂವೊಂಡನೆಕೆ ತಕ್ಕ್ ಪರ್ಂದಂಡುಳ್ಳ.

ಇಬ್ರಿಯ 13:17

ನಿಂಗಳ ನಡ್‌ತುವಯಿಂಗಡ ಅದಿಕಾರಕ್ ತಗ್ಗಿತ್ ನಡ್‌ಂದಿತ್, ಅಯಿಂಗಡ ಪಕ್ಕ ಅಡಕತ್‍ಲ್ ನಡ್‌ಕಂಡು. ಅಯಿಂಗ ನಿಂಗಡ ಆತ್ಮಕಾಯಿತ್ ದೇವಡ ಪಕ್ಕ ಲೆಕ್ಕ ಕೊಡ್‍ಪಕುಳ್ಳ ಜವಾಬ್ದಾರಿಲ್ ಜಾಗ್ರತೆಯಾಯಿತುಂಡ್. ಅಯಿಂಗ ಅದ್‍ನ ವ್ಯಸನತ್‍ಲ್ ಮಾಡತೆ, ಕುಶೀಲ್ ಮಾಡಡ್. ಅಯಿಂಗ ಅದ್‍ನ ವ್ಯಸನತ್‍ಲ್ ಮಾಡ್‍ಚೇಂಗಿ ಅದ್ ಪ್ರಯೋಜನವಾಯಿತ್‌ಪ್ಪುಲೆ.

ಇಬ್ರಿಯ 13:3

ಕ್ರಿಸ್ತಂಗಾಯಿತ್ ಕೈದಿಯಾಯಿತ್ ಇಪ್ಪಯಿಂಗಡ ಕೂಡೆ ನಿಂಗಳು ಕೈದಿಯಾಯಿತ್ ಇಪ್ಪನೆಕೆ ಗೇನ ಮಾಡಿಯೊಳಿ; ಅವಮಾನತ್‍ನ ಸಹಿಸಿಯಂಡ್ ಇಪ್ಪಯಿಂಗಳ ಗೇನ ಮಾಡಿತ್ ನಿಂಗಕು ಅನ್ನನೆ ಆನನೆಕೆ ಗೇನ ಮಾಡಿಯೊಳಿ.