ಮತ್ತಾಯ 18:3 - ಕೊಡವ ಬೈಬಲ್

³ ನಾನ್ ನಿಂಗಕ್ ನೇರಾಯಿತು ಎಣ್ಣ್‌ವಿ: ನಿಂಗಡ ಮನಸ್ಸ್ ಬದ್‍ಲಾಯಿತ್ ಈ ಕುಂಞಿರನೆಕೆ ಆಕತಪೋನಕ ನಿಂಗ ಪರಲೋಕ ರಾಜ್ಯಕ್ ಪೋಪಕ್ ಕಯ್ಯುಲೆ.

ಮತ್ತಾಯ 18:3 ပူးပေါင်းရင်းမြစ်များ

ಮತ್ತಾಯ 13:15

ಈ ಜನ ಕಣ್ಣಿಂಜ ಕಾಂಗತೆಯು, ಕೆಮಿಯಿಂಜ ಕ್‍ೕಕತೆಯು, ಹೃದಯತ್ಂಜ ಅರ್ಥ ಆಕತೆ ಅಯಿಂಗಡ ಮನಸ್ಸ್ ಬದ್‍ಲಾಕತೆ, ನಾನ್ ಅಯಿಂಗಳ ವಾಸಿ ಮಾಡತೆ ಇಪ್ಪನೆಕೆ ಅಯಿಂಗಡ ಹೃದಯ ಕಠಿಣವಾಯಿತು, ಕೆಮಿ ಕ್‍ೕಪಾನ ನಿಪ್ಪ್‌ಚಿಟ್ಟಿತು, ಕಣ್ಣ್‌ನ ಮುಚ್ಚಿತ್ ಉಂಡ್.

ಮತ್ತಾಯ 18:2

ಯೇಸು ಒರ್ ಚೆರಿಯ ಕುಂಞಿನ ಕಾಕುವಂಜಿ ಅಯಿಂಗಡ ಮಿಂಞತ್‍ ನಿಪ್ಪ್‌ಚಿಟ್ಟತ್.

ಮತ್ತಾಯ 18:4

ಆನಗುಂಡ್ ಒರ್ ಚೆರಿಯ ಕುಂಞಿರನೆಕೆ ದಾರ್ ಒಬ್ಬ ಅಂವೊನ ತಗ್ಗ್‌ಚಿಡ್‌ವ, ಅಂವೊನೇ ಪರಲೋಕ ರಾಜ್ಯತ್‍ಲ್ ಎಲ್ಲಾಕಿಂಜ ಬಲ್ಯಂವೋಂದ್ ಎಣ್ಣ್‌ಚಿ.

ಮತ್ತಾಯ 19:14

ಅಕ್ಕ ಯೇಸು: ಚೆರಿಯ ಮಕ್ಕ ನಾಡ ಪಕ್ಕ ಬರಡ್ ಅಯಿಂಗಳ ತಡೆ ಮಾಡ್‌ವಕ್ಕಾಗ. ಪರಲೋಕ ರಾಜ್ಯ ಚೆರಿಯ ಮಕ್ಕಡನೆಕೆ ಉಳ್ಳಯಿಂಗಡದ್‍ೕಂದ್ ಎಣ್ಣಿಯಂಡ್,

ಮತ್ತಾಯ 19:23

ಅಕ್ಕ ಯೇಸು: ಪರಲೋಕ ರಾಜ್ಯತ್‍ಲ್ ಪೋಪಕ್ ಪಣಕಾರಂಗಕ್ ದುಂಬ ಕಷ್ಟ ಆಪಾಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಅಂವೊಂಡ ಶಿಷ್ಯಂಗಕ್ ಎಣ್ಣ್‌ಚಿ.

ಮತ್ತಾಯ 5:18

ನಿಂಗಕ್ ನೇರಾಯಿತು ಎಣ್ಣ್‌ವಿ: ಬಾನವು ಬೂಮಿಯು ಮಾಯ ಆಚೇಂಗಿಯು, ನ್ಯಾಯಪ್ರಮಾಣತ್‍ರ ಒಳ್‍ತ್‍ರ ಒರ್ ಚೆರಿಯ ಬಾಗ ಕೂಡೆ ಪಾಳಾಕತೆ, ಅದ್ಂಡ ಉದ್ದೇಶ ನೆರೆವೇರುವಕತ್ತನೆ ಅನ್ನನೆ ಇಪ್ಪ.

ಮತ್ತಾಯ 5:20

ನಾನ್ ನಿಂಗಕ್ ಎಣ್ಣ್‌ವಿ: ನಿಂಗಡ ನೀತಿ ಫರಿಸಾಯಂಗಡ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಡ ನೀತಿಗಿಂಜ ಬಲ್ಯದಾಯಿತ್ ಇಲ್ಲತೆಪೋಚೇಂಗಿ ನೇರಾಯಿತು ನಿಂಗ ಪರಲೋಕ ರಾಜ್ಯತ್‍ಲ್ ಪ್ರವೇಶ ಮಾಡುಲೆ.

ಮತ್ತಾಯ 6:16

ನಿಂಗ ಪಟ್ಟಣಿ ನಿಂದಕ, ಕಪಟಿಯರನೆಕೆ ಮೂಡ್‍ನ ಬಾಡ್‌ಚಿಡತಿ. ಅಯಿಂಗ ಪಟ್ಟಣಿ ನಿಪ್ಪದ್‌ನ ಜನ ಕಾಂಗಂಡೂಂದ್ ತಂಗಡ ಮೂಡ್‍ನ ಚಪ್ಪೆಯಾಯಿತ್ ಬೆಚ್ಚವ. ಅಯಿಂಗಕ್ ತಂಗಡ ಫಲ ಪೂರ್ತಿಯಾಯಿತ್ ಕ್‍ಟ್ಟ್‌ಚೀಂದ್ ನಿಂಗಕ್ ನೇರಾಯಿತು ಎಣ್ಣ್‌ವಿ.

ಮತ್ತಾಯ 6:2

ಆನಗುಂಡ್ ನಿಂಗ ದರ್ಮ ಕಾರ್ಯ ಮಾಡ್‌ವಕ, ಕಪಟಿಯಂಗ ಮಾಡ್‌ವನೆಕೆ ಸಬಾಮಂದಿರತ್‍ಲ್ ಪಿಂಞ ರಸ್ತೆಲ್ ಪೋಪಯಿಂಗಕ್, ಅಯಿಂಗ ಮಾಡ್‌ವ ದರ್ಮ ಕಾರ್ಯ ಗೊತ್ತಾಡ್‍ೕಂದು ಅಯಿಂಗ ನಿಂಗಳ ಕೊಂಡಾಡಂಡೂಂದು ಕೊಂಬ್ ಊದ್‍ವನೆಕೆ ನಿಂಗ ಮಾಡಂಡ. ಅಯಿಂಗಕ್ ಕ್‍ಟ್ಟ್‌ವಕುಳ್ಳ ಎಲ್ಲಾ ಫಲವು ಕ್‍ಟ್ಟ್‌ಚೀಂದ್ ನಾನ್ ನೇರಾಯಿತು ನಿಂಗಕ್ ಎಣ್ಣ್‌ವಿ.

ಮತ್ತಾಯ 6:5

ನಿಂಗ ಪ್ರಾರ್ಥನೆ ಮಾಡ್‌ವಕಾಪಕ ಕಪಟಿಯರನೆಕೆ ಮಾಡಂಡ. ಎಲ್ಲಾರು ಕಾಂಗಂಡೂಂದ್ ಎದ್ದ್ ನಿಂದಿತ್ ಸಬಾಮಂದಿರತ್‍ಲ್, ಬೀದಿ ಮೂಲೆಲ್ ಪ್ರಾರ್ಥನೆ ಮಾಡ್‌ವಕ್ ಅಯಿಂಗ ಕುಶಿ ಪಡ್‍ವ. ಪೂರ್ತಿಯಾಯಿತ್ ಅಯಿಂಗಕ್ ಫಲ ಕ್‍ಟ್ಟ್‌ಚೀಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ

ಮಾರ್ಕ 4:12

ಅಯಿಂಗ ನೋಟುವ, ಆಚೇಂಗಿ ಒಂದು ಕಾಂಬುಲೆ, ಅಯಿಂಗ ಕ್‍ೕಪ, ಆಚೇಂಗಿ ಒಂದು ಅರ್ಥ ಆಪುಲೆ, ಅನ್ನನೆ ಅರ್ಥ ಆಚೇಂಗಿ ಅಯಿಂಗ ದೇವಡ ಪಕ್ಕ ಬಂತ್, ಅಯಿಂಗಡ ಪಾಪಕ್ ಮನ್ನಿಪ್ ಕ್‍ಟ್ಟುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:24

ಅದ್ಂಗ್ ಯೇಸು: ಪರಲೋಕಕ್ ಪೋಪ ಪಡಿ ದುಂಬ ಇರ್ಂಗ್‍ನದ್. ನಿಂಗ ಇರ್ಂಗ್‍ನ ಬಾಯಿಕಂಡಿಲ್ ಪೋಪಕ್ ಕಷ್ಟಪಡಿ. ದುಂಬ ಜನ ಇಕ್ಕಟಾನ ಪಡಿರ ಮೂಲಕ ಒಳ್‍ಕ್ ಪೋಪಕ್ ನೋಟ್‍ವ, ಆಚೇಂಗಿ ಅಯಿಂಗಕ್ ಕಯ್ಯುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:32

ಆಚೇಂಗಿ ನೀಕ್ ನಾಡ ಮೇಲೆ ಉಳ್ಳ ನಂಬಿಕೆ ಪಾಳಾಯಿ ಪೋಕತನೆಕೆ ನಾನ್ ನೀಕಾಯಿತ್ ಪ್ರಾರ್ಥನೆ ಮಾಡಿಯೆ. ನೀನ್ ಪಶ್ಚಾತಾಪ ಪಟ್ಟಿತ್ ಪುನಃ ನಾಡ ಪಕ್ಕ ಬಪ್ಪಕ ನೀಡ ಅಣ್ಣತಮ್ಮಣಂಗಳ ಸ್ತಿರಪಡ್‍ತ್‍ೕಂದ್ ಎಣ್ಣ್‌ಚಿ.

ಯೋಹಾನ 1:51

ಪರಲೋಕ ತೊರಂದಿತ್ ದೇವದೂತಂಗ ಮನುಷ್ಯಕುಮಾರಂಡಿಂಜ ಪೋಪದ್‌ನ ಪಿಂಞ ಇಳಿಂಜ್ ಬಪ್ಪದ್‍ನ ಇಕ್ಕಯಿಂಜ ನಿಂಗ ಎಲ್ಲಾರು ಕಾಂಬಿರಾಂದ್ ನಾನ್ ನಿಂಗಕ್ ನೇರಾಯಿತು ನೇರಾಯಿತು ಎಣ್ಣುವೀಂದ್ ಎಣ್ಣ್‌ಚಿ.

ಯೋಹಾನ 3:3

ಅಂವೊಂಗ್ ಯೇಸು: ಒಬ್ಬ ಪುನಃ ಪುಟ್ಟತೆ ಪೋನಕ ಅಂವೊ ದೇವಡ ರಾಜ್ಯತ್‍ನ ಕಾಂಬಕ್ ಕಯ್ಯುಲೇಂದ್ ನೇರಾಯಿತು ನೇರಾಯಿತು ನಾನ್ ನೀಕ್ ಎಣ್ಣುವೀಂದ್ ಉತ್ತರ ಕೊಡ್‍ತತ್.

ಯೋಹಾನ 3:5

ಯೇಸು ಅಂವೊಂಗ್: ಒಬ್ಬ, ನೀರ್ಂಜಲು ಪವಿತ್ರಾತ್ಮತ್‌ಂಜಲು ಪುಟ್ಟತೆ ಪೋಚೇಂಗಿ ದೇವಡ ರಾಜ್ಯಕ್ ಪೋಪಕ್ ಕಯ್ಯುಲೇಂದ್ ನಿಂಗಕ್ ನೇರಾಯಿತು ನೇರಾಯಿತು ಎಣ್ಣುವೀಂದ್ ಎಣ್ಣ್‌ಚಿ.

ಅಪೊಸ್ತಲ 14:22

ಯೇಸುನ ನಂಬ್‍ನಯಿಂಗಡ ಮನಸ್ಸ್‌ನ ಗಟ್ಟಿ ಮಾಡಿತ್, ನೇರಾನ ನಂಬಿಕೇಲ್ ಸ್ತಿರವಾಯಿತ್ ನಿಕ್ಕಂಡೂಂದ್ ಬುದ್ದಿ ತಕ್ಕ್ ಎಣ್ಣಿತ್, ನಂಗ ದುಂಬ ಕಷ್ಟತ್‍ನ ಅನುಬವಿಚಿಟ್ಟಿತ್ ದೇವಡ ರಾಜ್ಯತ್‍ರ ಒಳ್‍ಕ್ ಕೂಡಂಡೂಂದ್ ಎಚ್ಚರ ಮಾಡಿತ್ ಅಯಿಂಗಳ ದೈರ್ಯಪಡ್‍ತ್‍ಚಿ.

ಅಪೊಸ್ತಲ 28:27

ಈ ಜನ ಕಣ್ಣಿಂಜ ಕಾಂಗತೆಯು, ಕೆಮಿಯಿಂಜ ಕ್‍ೕಕತೆಯು, ಹೃದಯತ್ಂಜ ಅರ್ಥ ಆಕತೆ ಅಯಿಂಗಡ ಮನಸ್ಸ್ ಬದ್‍ಲಾಕತೆ, ನಾನ್ ಅಯಿಂಗಳ ವಾಸಿ ಮಾಡತೆ ಇಪ್ಪನೆಕೆ ಅಯಿಂಗಡ ಹೃದಯ ಕಠಿಣವಾಯಿತು, ಕೆಮಿ ಕ್‍ೕಪಾನ ನಿಪ್ಪ್‌ಚಿಟ್ಟಿತು, ಕಣ್ಣ್‌ನ ಮುಚ್ಚಿತು ಉಂಡ್.

ಅಪೊಸ್ತಲ 3:19

ಆನಗುಂಡ್, ನಿಂಗಡ ಪಾಪವೆಲ್ಲ ಅಳಸಿ ಪೋಪಕಾಯಿತ್ ಪಶ್ಚಾತಾಪ ಪಟ್ಟಿತ್, ನಿಂಗ ದೇವಡ ಪಕ್ಕ ತಿರಿಗಿ. ಪಿಂಞ ಒಡೆಯಂಡಿಂಜ, ನಿಂಗಕ್ ಆರಾಮ್‍ರ ಕಾಲ ಕ್‍ಟ್ಟ್‌ವನೆಕೆ ಮಾಡ್‌ವ.

1 ಕೊರಿಂಥ 14:20

ನಾಡ, ಅಣ್ಣತಮ್ಮಣಂಗಳೇ, ದೇವಡ ಆತ್ಮ ತಪ್ಪ ವರತ್‍ರ ವಿಷಯತ್‍ಲ್ ಚೆರಿಯ ಮಕ್ಕಡನೆಕೆ ನಿಂಗ ಗೇನ ಮಾಡತಿ, ಕೆಟ್ಟ ವಿಷಯತ್‍ಲ್ ನಿಂಗ ಚೆರಿಯ ಮಕ್ಕಡನೆಕೆ ಗೇನ ಮಾಡಂಡು, ಆಚೇಂಗಿ ಈ ವಿಷಯತ್‍ಲ್ ಬಲ್ಯಂಗಡನೆಕೆ ನಿಂಗ ಗೇನ ಮಾಡಂಡು.

1 ಪೇತ್ರ 2:2

ಒರ್ ಪುಟ್ಟ್‌ನ ಕುಂಞಿರನೆಕೆ, ರಕ್ಷಣೆಲ್ ಬೊಳಿಯುವಕ್, ಆತ್ಮೀಯ ಪಾಲಾಯಿತ್ ಉಳ್ಳ ಶುದ್ದವಾನ ದೇವಡ ವಾಕ್ಯತ್‍ನ ಕುಡಿಪಕ್ ಕುಶಿಪಡಿ.

2 ಪೇತ್ರ 1:11

ಇನ್ನನೆ ನಂಗಡ ಒಡೆಯನು ರಕ್ಷಕನುವಾಯಿತುಳ್ಳ ಯೇಸು ಕ್ರಿಸ್ತಂಡ ನಿತ್ಯ ರಾಜ್ಯತ್‍ರ ಒಳ್‍ಕ್ ಪೋಪಕುಳ್ಳ ಪೂರ್ತಿ ಸತ್ಕಾರ ನಿಂಗಕ್ ಕ್‍ಟ್ಟುವ.