ಮತ್ತಾಯ 18:23 - ಕೊಡವ ಬೈಬಲ್

²³ ಎನ್ನನೆ ಎಣ್ಣ್‌ಚೇಂಗಿ, ಪರಲೋಕ ರಾಜ್ಯತ್‍ರ ವಿಷಯ ಇನ್ನನೆ ಉಂಡ್. ಒರ್ ರಾಜ ತಾಂಡ ಆಳ್‍ವಳ ಕಾಕಿತ್ ಅಯಿಂಗಡ ಲೆಕ್ಕಚಾರ ನೋಟ್‍ವಕ್ ಸುರು ಮಾಡ್‍ಚಿ.

ಮತ್ತಾಯ 18:23 ပူးပေါင်းရင်းမြစ်များ

ಮತ್ತಾಯ 13:24

ಇಂಞೊರ್ ಕಥೇರ ರೂಪತ್‍ನ ಯೇಸು ಅಯಿಂಗಕ್ ಎಣ್ಣ್‌ಚಿ: ಪರಲೋಕ ರಾಜ್ಯತ್‍ನ ಇನ್ನನೆ ಎಣ್ಣ್‌ವಕ್ ಕಯ್ಯು: ಒರ್ ಮನುಷ್ಯ, ನಲ್ಲ ಗೋದಿ ಕಾಳ್‌ನ ಬೇಲ್‌ಲ್ ಬಿತ್ತುವ.

ಮತ್ತಾಯ 13:31

ಯೇಸು ಇಂಞೊರ್ ಕಥೇರ ರೂಪತ್‍ನ ಎಣ್ಣ್‌ಚಿ. ಪರಲೋಕ ರಾಜ್ಯ ಒರ್ ಕಡು ಕುರುರನೆಕೆ. ಒರ್ ಮನುಷ್ಯ ಆ ಕಡು ಕುರುನ ತಾಂಡ ಬೇಲ್‌ಲ್ ಬಿತ್ತುವ.

ಮತ್ತಾಯ 13:33

ಯೇಸು ಇಂಞೊರ್ ಕಥೇರ ರೂಪತ್‍ನ ಎಣ್ಣ್‌ಚಿ. ಪರಲೋಕ ರಾಜ್ಯ ಎನ್ನನೆ ಎಣ್ಣ್‌ಚೇಂಗಿ, ಒರ್ ಪೊಣ್ಣಾಳ್, ಮೂಂದ್ ಸೇರ್ ಪೊಡಿಕ್, ಚೆನ್ನ ಈಸ್ಟ್‌ನ ದುಂಬ ಮುದ್ದೆಕ್ ಕಲ್‍ಕ್‍ನನೆಕೆ. ಕಡೇಕ್ ಎಲ್ಲಾ ಮುದ್ದೆಯು ಪುಳಿಯಾಪ.

ಮತ್ತಾಯ 13:47

ಪರಲೋಕ ರಾಜ್ಯ ಎಣ್ಣ್‌ವದ್, ಸಮುದ್ರತ್‍ಲ್ ಚಾಡಿತ್, ನಾನಾ ತರತ್‍ರ ಮೀನ್‌ನ ಒಟ್ಟ್ ಕೂಟ್‌ವ ಬಲೇಕ್ ಸಮವಾಯಿತುಂಡ್.

ಮತ್ತಾಯ 13:52

ಅಕ್ಕ ಅಂವೊ ಅಯಿಂಗಳ ನೋಟಿತ್: ಇದ್ಂಡ ಅರ್ಥ ನ್ಯಾಯಪ್ರಮಾಣತ್‌ರ ಉಪಾದ್ಯಂಗ, ಪರಲೋಕ ರಾಜ್ಯತ್‍ರ ಶಿಷ್ಯಂಗಳಾಯಿತ್ ಬಪ್ಪಕ, ಅಯಿಂಗ ಮನೆರ ಎಜಮಾನಂಡನೆಕೆ, ಮನೆರ ಪತ್ತಾಯ ಕೋಂಬರೆಯಿಂಜ ಪುದಿಯ ಪಿಂಞ ಪಳೆಯ ನಿದಿನ ಎಡ್‌ತ ಬಂದನೆಕೆ ಇಪ್ಪಾಂದ್‌ ಎಣ್ಣ್‌ಚಿ.

ಮತ್ತಾಯ 18:24

ಒಬ್ಬ ಪತ್ತಾಯಿರ ಬೊಳ್ಳಿ ನಾಣ್ಯ ಸಾಲ ಮಾಡ್‌ನಂವೊನ ಕಾಕಿಯಂಡ್ ಬಾತ್.

ಮತ್ತಾಯ 25:1

ಅಕ್ಕ ಪರಲೋಕ ರಾಜ್ಯ, ತಂಗಡ ಬೊಳ್‌ಚತ್‍ನ ಎಡ್‍ತಂಡ್ ಮಂಗಲಕಾರನ ಕಾಂಬಕ್ ಪೊರಟ ಪತ್ತ್ ಕನ್ನಿ ಮೂಡಿಯಂಗಡನೆಕೆ ಇಪ್ಪ.

ಮತ್ತಾಯ 25:14

ಇಂಞು ಪರಲೋಕ ರಾಜ್ಯ, ದೂರ ದೇಶಕ್ ಪೋಪ ಒರ್ ಎಜಮಾನ ಅಂವೊಂಡ ಆಳ್‍ವಳ ಕಾಕುವಂಜಿ ತಾಂಡ ಆಸ್ತಿನ ನೋಟ್‍ವಕ್ ಪಾಲ್ ಮಾಡಿತ್ ಒಪ್ಪ್‌ಚಿಡುವನೆಕೆ ಉಂಡ್.

ಮತ್ತಾಯ 3:2

ನಿಂಗ ನಿಂಗಡ ಪಾಪಕಾಯಿತ್ ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ಬಾರಿ, ಎನ್ನಂಗೆಣ್ಣ್‌ಚೇಂಗಿ ಪರಲೋಕ ರಾಜ್ಯ ಬೆರಿಯ ಬಪ್ಪಾಂದ್ ಬೋದನೆ ಮಾಡ್‌ವಕ್ ಸುರ್ ಮಾಡ್‍ಚಿ.

ಮತ್ತಾಯ 7:24

ನಾಡ ಬೋದನೆನ ಚಾಯಿತೆ ಕ್‍ೕಟಿತ್, ಅದ್ಂಡ ಪ್ರಕಾರ ನಡ್‍ಪಯಿಂಗ ಬಂಡೆ ಕಲ್ಲ್‌ರ ಮೇಲೆ ಮನೆ ಕೆಟ್ಟ್‌ನ ಬುದ್ದಿವಂತ ಮನುಷ್ಯಂಡನೆಕೆ.

ರೋಮ್ 14:12

ಆನಗುಂಡ್ ನಂಗ ಒಬ್ಬೊಬ್ಬನು ದೇವಡ ಮಿಂಞತ್ ನಂಗಡ ವಿಷಯತ್ ಲೆಕ್ಕ ಕೊಡ್‍ಕಂಡು.

1 ಕೊರಿಂಥ 4:5

ಈ ಕಾರಣಕಾಯಿತ್, ಸರಿಯಾನ ಸಮಯ ಬಪ್ಪಕ್ ಮಿಂಞ ನಿಂಗ ದಾರ್‌ಕು ತೀರ್ಪ್ ಮಾಡಂಡ. ಒಡೆಯ ಬಪ್ಪಕತ್ತನೆ ಪಾರಕಾತಂಡಿರಿ. ಅಂವೊ ಇರ್‌ಟ್‌ಲ್ ಉಳ್ಳ ಒಳಗುಟ್ಟ್‌ನೆಲ್ಲ ಬೊಳಿಕ್ ಕೊಂಡ್ ಬಂದಿತ್, ಹೃದಯತ್‍ರ ಗೇನತ್‍ನ ಪೊರಮೆ ಕಾಂಬ್‌ಚಿಡುವ. ಅಕ್ಕ ಒಬ್ಬೊಬ್ಬಂಗಕ್ ತಕ್ಕ ಹೊಗಳಿಕೆ ದೇವಡಯಿಂಜ ಅಯಿಂಗಕ್ ಕ್‍ಟ್ಟ್‌ವ.