ಮತ್ತಾಯ 18:14 - ಕೊಡವ ಬೈಬಲ್

¹⁴ ಅನ್ನನೆ, ಈ ಚೆರಿಯಯಿಂಗಡಡೆಲ್ ಒಬ್ಬ ಕೂಡೆ ಬಟ್ಟೆ ತಪ್ಪಿ ಪೋಪದ್ ಪರಲೋಕತ್‍ಲ್ ಉಳ್ಳ ನಿಂಗಡ ಅಪ್ಪಂಡ ಚಿತ್ತ ಅಲ್ಲ.

ಮತ್ತಾಯ 18:14 ပူးပေါင်းရင်းမြစ်များ

ಮತ್ತಾಯ 18:13

ಅದ್‍ನ ಅಂವೊ ಕಂಡ್‌ಪುಡ್‌ಚತೇಂಗಿ, ಅಂವೊಂಡ ಪಕ್ಕ ಉಳ್ಳ ಬೋರೆ ತೊಂಬತೊಯಿಂಬದ್ ಕೊರಿಕಿಂಜ, ಕ್‍ಟ್ಟಿಪೋನ ಕೊರಿಕಾಯಿತ್ ದುಂಬ ಕುಶಿಪಡ್‌ವಾಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.

ಮತ್ತಾಯ 18:15

ನೀಡ ಅಣ್ಣತಮ್ಮಣಂಡಡೆಲ್ ದಾರೇಂಗಿ ತಪ್ಪ್ ಮಾಡ್‍ಚೇಂಗಿ ನೀನ್ ಅಂವೊಂಡ ಪಕ್ಕ ಪೋಯಿತ್, ನಿಂಗ ದಂಡಾಳ್ ಮಾತ್ರ ಇಪ್ಪಕಾಪಕ ಅಂವೊಂಡ ತಪ್ಪ್‌ನ ಎಣ್ಣಿ ಕೊಡ್, ಅಕ್ಕ ಅಂವೊ ಅಂವೊಂಡ ತಪ್ಪ್‌ನ ಒತ್ತತೇಂಗಿ, ನೀನ್ ಅಂವೊನ ನೀಡ ಬಟ್ಟೇಕ್ ಕೊಂಡ್ ಬಂದಿಯ.

ಮತ್ತಾಯ 5:16

ಆನಗುಂಡ್ ನಿಂಗಡಲ್ಲಿ ಉಳ್ಳ ಬೊಳಿ, ಜನಡ ಮಿಂಞತ್ ಪ್ರಕಾಶವಾಯಿತ್ ಕಾಂಗಡ್, ನಿಂಗ ಮಾಡ್‌ವ ನಲ್ಲ ಕೆಲಸತ್‍ನ ಕಂಡಿತ್ ಪರಲೋಕತ್‍ಲ್ ಉಳ್ಳ ನಿಂಗಡ ಅಪ್ಪನ ತುದಿಪಕ್ ಕಾರಣ ಆಪ.

ಮತ್ತಾಯ 6:32

ದೇವಡ ಮೇಲೆ ನಂಬಿಕೆ ಇಲ್ಲತಯಿಂಗ ಇದ್‍ನೆಲ್ಲ ಗೇನ ಮಾಡಿಯಂಡ್, ಬೇಜಾರ್ ಮಾಡಿಯಂಡಿಪ್ಪ. ಇದೆಲ್ಲ ನಿಂಗಕ್ ಬೋಂಡೂಂದ್ ನಿಂಗಡ ಪರಲೋಕತ್‍ರ ಅಪ್ಪಂಗ್ ಗೊತ್ತುಂಡ್.

ಮತ್ತಾಯ 6:9

ಆನಗುಂಡ್, ನಿಂಗ ಇನ್ನನೆ ಪ್ರಾರ್ಥನೆ ಮಾಡಂಡು: ಪರಲೋಕತ್‍ಲ್ ಉಳ್ಳ ನಂಗಡ ಅಪ್ಪನೇ, ನೀಡ ಪೆದ ಎಕ್ಕಾಲು ಪವಿತ್ರವಾಯಿತಿರಡ್;

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:32

ನಾಡ ಶಿಷ್ಯಂಗಳೇ, ನಿಂಗ ಒಂದು ಇಲ್ಲತ ನಾಡ ಒರ್ ಚೆರಿಯ ಗುಂಪಾಯಿತ್ ಉಂಡೇಂಗಿಯು, ಬೊತ್ತತಿ, ಎನ್ನಂಗೆಣ್ಣ್‌ಚೇಂಗಿ ಅಪ್ಪನಾನ ದೇವ ಅಂವೊ ಆಳುವ ರಾಜ್ಯತ್‍ಲ್ ನಿಂಗ ಬದ್‍ಕ್‍ವಕಾಯಿತ್ ನಿಂಗಳ ಕುಶೀಲ್ ಗೊತ್ತ್ ಮಾಡಿತುಂಡ್.

ಯೋಹಾನ 17:12

ನಾನ್ ಈಂಗಡ ಕೂಡೆ ಇಪ್ಪಕಾಪಕ, ನೀನ್ ನಾಕ್ ತಂದಿತುಳ್ಳ ನೀಡ ಪೆದತ್‍ರ ಅದಿಕಾರತ್‍ಲ್ ಈಂಗಳ ಕಪಾಡಿಯಂಡ್ ಬಂದಿಯೆ; ನೀನ್ ನಾಕ್ ತಂದಯಿಂಗಳ ನಾನ್ ಕಾಪಾಡಿಯಂಡ್ ಬಂದಿಯೆ. ದೇವಡ ವಾಕ್ಯತ್‍ಲ್ ಎಣ್ಣ್‌ನದ್ ಪೂರ್ತಿ ಆಪನೆಕೆ ನಾಶ ಆಪಕ್ ಗುರಿ ಬೆಚ್ಚಿತ್ಂಜ ಒಬ್ಬನ ಬುಟ್ಟಿತ್ ಈಂಗಡ ಕೂಟ್‌ಲ್ ದಾರೂ ನಾಶ ಆಯಿತ್‌ಲ್ಲೆ.

ಯೋಹಾನ 21:15

ಅಯಿಂಗೆಲ್ಲಾ ಉಂಡಿತಾನ ಪಿಂಞ ಯೇಸು ಸೀಮೋನ ಪೇತ್ರನ ನೋಟಿತ್: ಯೋಹಾನಂಡ ಮೋಂವೊನಾನ ಸೀಮೋನನೇ, ಈಂಗ ಎಲ್ಲಾಕಿಂಜ ನೀನ್ ನಾಡ ಮೇಲೆ ದುಂಬ ಪ್ರೀತಿ ಬೆಚ್ಚಿತುಳ್ಳಿಯಾಂದ್ ಕ್‍ೕಟತ್. ಅಂವೊಂಗ್ ಪೇತ್ರ: ಅಕ್ಕು ಒಡೆಯನೇ, ನಾನ್ ಪ್ರೀತಿಚಿಡ್‌ವೀಂದ್ ನೀಕ್ ಗೊತ್ತುಂಡ್‍ೕಂದ್ ಎಣ್ಣ್‌ಚಿ. ಯೇಸು ಅಂವೊಂಗ್: ನೀನ್ ನಾಡ ಕೊರಿಕುಟ್ಟಿಯಳ ಮೇಯಿಸೂಂದ್ ಎಣ್ಣ್‌ಚಿ.

2 ತಿಮೊಥೆಯ 2:10

ಆಂಗಾಯಿತ್ ಗೊತ್ತ್ ಮಾಡಿತುಳ್ಳಯಿಂಗಕ್ ಯೇಸು ಕ್ರಿಸ್ತಂಡಿಂಜ ಕ್‍ಟ್ಟ್‌ವ ರಕ್ಷಣೆ ನಿತ್ಯ ಮಹಿಮೆಲ್ ಅಯಿಂಗಕ್ ಸಹ ಕ್‍ಟ್ಟ್‌ವನೆಕೆ ನಾನ್ ಎಲ್ಲಾನ ಅಯಿಂಗಕಾಯಿತ್ ಸಹಿಸಿಯಂಡುಂಡ್.

ಇಬ್ರಿಯ 12:13

ನಡ್‍ಪಕಾಯಿತ್ ಬಟ್ಟೇನ ಚಾಯಿ ತಯಾರ್ ಮಾಡಿಯೊಳಿ, ಅಕ್ಕ ಬಲ ಇಲ್ಲತಯಿಂಗ ಪಿಂಞ ಕುಂಟಂಗ ನಡ್‍ಪಕ ಬುದ್ದ್‌ಪೋಕತೆ, ಅಯಿಂಗ ವಾಸಿಯಾಪ.

2 ಪೇತ್ರ 3:9

ಚೆನ್ನ ಜನ ಎಣ್ಣ್‌ವನೆಕೆ, ಒಡೆಯ ತಾಂಡ ವಾಗ್ದಾನತ್‍ನ ನೆರೆವೇರಿಚಿಡುವ ವಿಷಯತ್‍ಲ್ ತಡೆ ಮಾಡಿಯಂಡಿಲ್ಲೆ. ಒಬ್ಬ ಸಹ ನಾಶ ಆಕತೆ ಎಲ್ಲಾರು ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ಬರಂಡೂಂದ್ ಕುಶಿಪಟ್ಟಿತ್ ನಿಂಗಳ ಗೇನಮಾಡಿಯಂಡೇ, ದುಂಬ ತಾಳ್ಮೇಳ್ ಉಳ್ಳಂವೊನಾಯಿತುಂಡ್.