ಮತ್ತಾಯ 18:12 - ಕೊಡವ ಬೈಬಲ್

¹² ಒರ್ ಮನುಷ್ಯಂಗ್ ನೂರ್ ಕೊರಿಯ ಇಪ್ಪಕ, ಅದ್‍ಲ್ ಒರ್ ಕೊರಿ ತಪ್ಪ್‌ಚಿಟ್ಟಂಡ್ ಪೋಚೇಂಗಿ, ಅಕ್ಕ ಅಂವೊ ಬಾಕಿ ತೊಂಬತೊಯಿಂಬದ್ ಕೊರಿಯಳ ಕುಂದ್‌ರ ಪಕ್ಕ ಬುಟ್ಟಿತ್, ತಪ್ಪ್‌ಚಿಟ್ಟ್ ಪೋನ ಒರ್ ಕೊರಿನ ತ್‍ೕಡ್‌ವಕ್ ಪೋಪ್‍ಲೆಯಾ? ನಿಂಗ ಎಂತ ಗೇನ ಮಾಡ್‌ವಿರ?

ಮತ್ತಾಯ 18:12 ပူးပေါင်းရင်းမြစ်များ

ಮತ್ತಾಯ 12:11

ಅದ್ಂಗ್ ಅಂವೊ: ನಿಂಗಡಲ್ಲಿ ಒಬ್ಬಂಗ್ ಒರ್ ಕೊರಿ ಇಪ್ಪಕ, ಅದ್ ಸಬ್ಬತ್ ದಿನತ್‌ಲ್ ಕುಂಡ್‌ಕ್ ಬುದ್ದ್‌ಪೋಚೇಂಗಿ, ಅದ್‍ನ ಅಲ್ಲಿಂಜ ಕೊಡಿಕ್ ನೇತುವಿರಲ್ಲ?

ಮತ್ತಾಯ 18:13

ಅದ್‍ನ ಅಂವೊ ಕಂಡ್‌ಪುಡ್‌ಚತೇಂಗಿ, ಅಂವೊಂಡ ಪಕ್ಕ ಉಳ್ಳ ಬೋರೆ ತೊಂಬತೊಯಿಂಬದ್ ಕೊರಿಕಿಂಜ, ಕ್‍ಟ್ಟಿಪೋನ ಕೊರಿಕಾಯಿತ್ ದುಂಬ ಕುಶಿಪಡ್‌ವಾಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.

ಮತ್ತಾಯ 21:28

ಇಕ್ಕ ಎಂತ ಎಣ್ಣುವಿರ? ಒರ್ ಮನುಷ್ಯಂಗ್ ದಂಡ್ ಕ್‍ಣ್ಣ ಮಕ್ಕ ಇಂಜತ್. ಅಂವೊ, ಪೆರಿಯ ಮೋಂವೊಂಡ ಪಕ್ಕ ಪೋಪಂಜಿ: ಇಂದ್ ನೀನ್ ದ್ರಾಕ್ಷಿ ತೋಟತ್‍ರ ಪಣಿಕ್ ಪೋಂದ್ ಎಣ್ಣ್‌ಚಿ.

1 ಕೊರಿಂಥ 10:15

ನಿಂಗ ಬುದ್ದಿವಂತಯಿಂಗಾಂದ್ ನಾನ್ ಗೇನ ಮಾಡಿತ್ ನಿಂಗಡ ಕೂಡೆ ಎಣ್ಣಿಯಂಡುಂಡ್; ಆನಗುಂಡ್ ನಾನ್ ಎಂತ ಎಣ್ಣಿಯಂಡುಂಡ್‍ೕಂದ್ ನಿಂಗಳೇ ತೀರ್ಪ್ ಮಾಡಿ.

1 ಪೇತ್ರ 2:25

ಚದ್‌ರಿ ಪೋಯಿತ್ಂಜ ಕೊರಿರನೆಕೆ ಇಂಜಿರ; ಆಚೇಂಗಿ ಇಕ್ಕ ಕೊರಿ ಕಾಪಂವೊನೆಕೆ ನಿಂಗಡ ಆತ್ಮತ್‌ನ ನಡ್‍ತಿಯಂಡ್ ಪೋಪಂವೊಂಡ ಪಕ್ಕ, ಪಿಂಞ ನಿಂಗಳ ನೋಟುವ ಪೆರಿಯಂವೊಂಡ ಪಕ್ಕವು ಬಂದಿತುಳ್ಳಿರ.