ಮತ್ತಾಯ 17:9 - ಕೊಡವ ಬೈಬಲ್

⁹ ಅಯಿಂಗ ಕುಂದಿಂಜ ಅಡಿಕ್ ಇಳ್ಂಜಿತ್ ಬಂದಂಡ್ ಇಪ್ಪಕ ಯೇಸು ಅಯಿಂಗಳ ನೋಟಿತ್: ಮನುಷ್ಯಕುಮಾರ ಚಾವ್‍ಯಿಂಜ ಪುನಃ ಜೀವವಾಯಿತ್ ಬಪ್ಪಕತ್ತನೆ ಅಯಿಂಗ ಕಂಡದ್‍ನ ದಾರ್‌ಕು ಎಣ್ಣ್‌ವಕ್ಕಾಗಾಂದ್ ಆಜ್ಞೆ ಕೊಡ್‍ತತ್.

ಮತ್ತಾಯ 17:9 ပူးပေါင်းရင်းမြစ်များ

ಮತ್ತಾಯ 12:16

ನಾಡ ವಿಷಯತ್‍ನ ದಾರ್‌ಕು ಎಣ್ಣತೀಂದ್ ಅಯಿಂಗಕ್ ಆಜ್ಞೆ ಕೊಡ್‍ತತ್.

ಮತ್ತಾಯ 17:12

ಆಚೇಂಗಿಯು ಎಲೀಯ ಮಿಂಞಲೇ ಬಂದಿತಾಚೀಂದ್ ನಾನ್ ನಿಂಗಕ್ ಎಣ್ಣ್‌ವಿ; ಆಚೇಂಗಿ ಜನಕ್ ಅಂವೊನ ಗೊತ್ತಾಯಿತ್‌ಲ್ಲೆ, ಜನ ತಾಂಡ ಮನಸ್ಸ್‌ಕ್ ಬಂದನೆಕೆ ಅಂವೊಂಗ್ ಮಾಡ್‍ಚಿ; ಅನ್ನನೆ ಮನುಷ್ಯಕುಮಾರನ ಸಹ ಜನ ಕಷ್ಟಪಡ್‌ತ್‍ವಾಂದ್ ಎಣ್ಣ್‌ಚಿ.

ಮತ್ತಾಯ 17:20

ಅದ್ಂಗ್ ಯೇಸು: ನಿಂಗಕ್ ನಾಡ ಮೇಲೆ ಬೋಂಡಿಯಾನ ನಂಬಿಕೆ ಇಲ್ಲೆ; ನಿಂಗಕ್ ನಾಡ ಮೇಲೆ ಕಡು ಕುರುರಚ್ಚಕ್ ನಂಬಿಕೆ ಉಂಡೇಂಗಿ, ನಿಂಗ ಈ ಕುಂದ್‌ಕ್ ನೀನ್ ಇಲ್ಲಿಂಜ ಪೋಯಿತ್ ಅಲ್ಲಿ ಇರ್‍ೕಂದ್ ಎಣ್ಣ್‌ಚೇಂಗಿ ಆ ಕುಂದ್ ಅಲ್ಲಿಕ್ ಪೋಪ; ನಿಂಗಕ್ ಮಾಡ್‌ವಕ್ ಕಯ್ಯತದ್‍ೕಂದ್ ಒಂದು ಇಲ್ಲೇಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಮತ್ತಾಯ 17:22

ಯೇಸು ಪಿಂಞ ಅಂವೊಂಡ ಶಿಷ್ಯಂಗ ಗಲಿಲಾಯಕ್ ಒಟ್ಟಾಯಿತ್ ಬಪ್ಪಕ, ಯೇಸು ಅಯಿಂಗಕ್:

ಮತ್ತಾಯ 17:23

ಮನುಷ್ಯಕುಮಾರನ ಜನಡ ಕೈಯಿಕ್ ಪುಡ್‍ಚಿ ಕೊಡ್‍ಪ ಸಮಯ ಬಾತ್, ಅಯಿಂಗ ಮನುಷ್ಯಕುಮಾರನ ಕೊಲ್ಲುವ. ಆಚೇಂಗಿಯು, ಅಂವೊ ಮೂಂದ್ ದಿವಸ ಆನ ಪಿಂಞ ಚಾವ್‍ಯಿಂಜ ಜೀವವಾಯಿತ್ ಏವಾಂದ್ ಎಣ್ಣ್‌ಚಿ. ಅದ್‍ನ ಕ್‍ೕಪಕ ಶಿಷ್ಯಂಗಕೆಲ್ಲ ದುಂಬ ಬೇಜಾರ್ ಆಚಿ.

ಮತ್ತಾಯ 17:8

ಅದ್ ಆನ ಪಿಂಞ ಅಯಿಂಗ ಕಣ್ಣ್ ಎಡ್‍ತಿತ್ ನೋಟ್‍ವಕ ಯೇಸುನ ಬುಟ್ಟಿತ್ ಬೋರೆ ದಾರೂ ಅಲ್ಲಿ ಇಂಜಿತ್‌ಲ್ಲೆ.

ಮತ್ತಾಯ 8:20

ಅದ್ಂಗ್ ಯೇಸು: ಕುರ್‌ಕಂಗ ವಾಸ ಮಾಡ್‌ವಕ್ ತೂತ ಉಂಡ್, ಬಾನತ್‍ರ ಪಕ್ಷಿಯಕ್ ಗೂಡ್ ಉಂಡ್, ಆಚೇಂಗಿ ಮನುಷ್ಯಕುಮಾರಂಗ್ ಮಂಡೆ ಬೆಪ್ಪಕ್ ಜಾಗ ಇಲ್ಲೇಂದ್ ಎಣ್ಣ್‌ಚಿ.

ಮತ್ತಾಯ 8:4

ಅಕ್ಕ ಯೇಸು ಅಂವೊಂಗ್: ಈ ವಿಷಯತ್‍ನ ದಾರ್‌ಕು ಎಣ್ಣತೆ, ನೀನ್ ಯಾಜಕಂಡ ಪಕ್ಕ ಪೋಯಿತ್ ನಿನ್ನ ಕಾಂಬ್‍ಚಿಡ್, ಅಂವೊ ನಿನ್ನ ಪರೀಕ್ಷೆ ಮಾಡಡ್; ಪಿಂಞ ನೀನ್ ವಾಸಿ ಆಯಿತುಳ್ಳಾಂಗ್ ಎಲ್ಲಾರ್‌ಕು ಸಾಕ್ಷಿಯಾಯಿತ್ ನ್ಯಾಯಪ್ರಮಾಣತ್‍ಲ್ ಎಣ್ಣಿತ್ತುಳ್ಳ ಕಾಣಿಕೆನ ಕೊಡ್‍ೕಂದ್ ಎಣ್ಣ್‌ಚಿ.

ಮಾರ್ಕ 8:30

ಅಕ್ಕ ಯೇಸು ಅಯಿಂಗಕ್, ನಾನ್ ದಾರ್‍ಂದ್ ದಾರ್‌ಕು ನಿಂಗ ಎಣ್ಣತೀಂದ್ ಅಯಿಂಗಕ್ ಆಜ್ಞೆ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:56

ಕುಂಞಿರ ಅಪ್ಪವ್ವಂಗಕ್ ಆಶ್ಚರ್ಯ ಆಚಿ. ಯೇಸು ಅಯಿಂಗಕ್ ಈ ವಿಷಯತ್‍ನ ದಾರ್‌ಕು ಎಣ್ಣ್‌ವಕ್ಕಾಗಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:36

ಆ ವಾಣಿ ಕ್‍ೕಟ ಪಿಂಞ, ಪೇತ್ರ, ಯೋಹಾನ ಪಿಂಞ ಯಾಕೋಬ ಯೇಸು ಒಬ್ಬನೇ ಅಲ್ಲಿ ಇಂಜಾನ ಕಂಡತ್. ಯೇಸುರ ಶಿಷ್ಯಂಗ ಅಯಿಂಗ ಎಂತ ಕಂಡಿಯೆ ಎಂತ ಕ್‍ೕಟಿಯೇಂದ್ ದಾರ್‌ಕು ಒಂದು ಎಣ್ಣತೆ ಮುಂಡತೆ ಇಂಜತ್.