ಮತ್ತಾಯ 17:27 - ಕೊಡವ ಬೈಬಲ್

²⁷ ಆಚೇಂಗಿಯು, ನಂಗಡ ವಿಷಯತ್‍ಲ್ ಅಯಿಂಗ ಬೇಜಾರ್ ಮಾಡಂಡ. ನೀನ್ ಸಮುದ್ರಕ್ ಪೋಯಿತ್ ಮೀನ್‌ಕ್ ಗಾಣ ಇಡ್, ಅಕ್ಕ ಒರ್ ಮೀನ್ ಕ್‍ಟ್ಟುವ. ಅದ್ಂಡ ಬಾಯಿರ ಒಳ್‍ಲ್ ಒರ್ ಬೊಳ್ಳಿ ಉರುಪಿಯ ಕ್‍ಟ್ಟುವ; ಅದ್‍ನ ನಾಕಾಯಿತ್, ನೀಕಾಯಿತ್, ಈ ದೇವಾಲಯತ್‍ರ ಕಂದಾಯ ಎಡ್‌ಪಯಿಂಗಡ ಪಕ್ಕ ಕೊಡ್‍ೕಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 17:27 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 1:28

ಪಿಂಞ ದೇವ ಅಯಿಂಗಕ್: ನಿಂಗ ಬೂಮಿಲ್‌ ಫಲ ಕೊಡ್‌ತಿತ್, ಅಬಿವೃದ್ದಿ ಪೊಂದಿತ್‌ ಬೂಮಿನ ದುಂಬಿತ್‌ ಅದನ ಆಳ್‌ವಿಕೆ ಮಾಡಿ. ಕಡಲ್‌ಲ್‌ ಉಳ್ಳ ಎಲ್ಲಾ ಮೀನ್‌ರ ಮೇಲೆಯು, ಬಾನತ್‌ರ ಪಕ್ಷಿಯಡ ಮೇಲೆಯು ಪಿಂಞ ಬೂಮಿಲ್‌ ನಡ್‌ಪ ಎಲ್ಲಾ ಪ್ರಾಣಿಯಡ ಮೇಲೆಯು ಆಳ್‌ವಿಕೆ ಮಾಡೀಂದ್‌ ಎಣ್ಣಿತ್‌ ಆಶೀರ್ವಾದ ಮಾಡ್‌ಚಿ.

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 1:17

ಯೆಹೋವ, ಯೋನನ ನುಂಗುವಕಾಯಿತ್‌ ಒರ್‌ ಬಲ್ಯ ಮೀನ್ನ ತಯಾರ್‌ ಮಾಡಿತ್‌ ಅಯಿಚತ್. ಯೋನ, ಮೂಂದ್‌ ದಿನ ಪೊಲಾಕ ಬಯಿಟ್ ಆ ಮೀನ್‌ರ ಪೊಟ್ಟೆರ ಒಳ್‌ಲ್‌ ಇಂಜತ್.

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 2:10

ಪಿಂಞ, ಯೆಹೋವ ಮೀನ್‌ಕ್‌ ಆಜ್ಞೆ ಕೊಡ್‌ತತ್, ಅದ್‌ ಯೋನನ ಒಣ ಬೂಮಿಕ್‌ ಕಕ್ಕ್‌ಚಿ.

ಮತ್ತಾಯ 17:26

ಅದ್ಂಗ್ ಪೇತ್ರ: ಬೋರೆಯಿಂಗಡ ಕೈಯಿಂಜ ಎಡ್‍ತವಾಂದ್ ಎಣ್ಣ್‌ಚಿ. ಅಕ್ಕ ಯೇಸು: ಅನ್ನನೆ ಆಚೇಂಗಿ ಅಯಿಂಗಡ ಮಕ್ಕ ಕಂದಾಯ ಕೊಡ್‍ಪದ್ ಬೋಂಡಲ್ಲಾಂದ್ ಎಣ್ಣ್‌ಚಿ.

ಮತ್ತಾಯ 18:6

ಆಚೇಂಗಿ ನಾಡ ಮೇಲೆ ನಂಬಿಕೆಯುಳ್ಳ ಈ ಚೆರಿಯಯಿಂಗಳ ದಾರ್ ನಾಡ ಮೇಲೆ ನಂಬಿಕೆ ಇಲ್ಲತ್ತನೆಕೆ ಮಾಡ್‌ವ, ಅಯಿಂಗಡ ಬೋಳೆಕ್ ಬಲ್ಯೊರ್ ಬೀಜುವ ಕಲ್ಲ್‌ನ ಕೆಟ್ಟಿತ್ ಸಮುದ್ರತ್‍ರ ಆಳತ್‍ಲ್ ಅಂವೊನ ಮುಳ್‍ಕ್‍ವದ್ ಅಂವೊಂಗ್ ನಲ್ಲದಾಯಿತ್‌ಪ್ಪ.

ಮತ್ತಾಯ 18:8

ನೀಡ ಕೈ ಅಥವ ಕಾಲ್ ಪಾಪ ಮಾಡ್‌ವಕ್ ಕಾರಣವಾಯಿತ್ ಇಂಜತೇಂಗಿ, ಅದ್‍ನ ಕೆತ್ತಿತ್ ಚಾಡಿರ್. ದಂಡ್ ಕೈ ದಂಡ್ ಕಾಲ್ ಉಳ್ಳಂವೊನಾಯಿತ್ ನಿನ್ನ ನಿತ್ಯ ತಿತ್ತ್‌ಕ್ ತಳ್ಳ್‌ವಕಿಂಜ, ಒರ್ ಕೈ ಒರ್ ಕಾಲ್ ಉಳ್ಳಂವೊನಾಯಿತ್ ನಿತ್ಯ ಜೀವಕ್ ಪ್ರವೇಶ ಮಾಡ್‍ವದ್ ನಲ್ಲದ್.

ಮತ್ತಾಯ 5:29

ನೀಡ ಬಲ್‌ತೆ ಕಣ್ಣ್ ಪಾಪ ಮಾಡ್‌ವಕ್ ಕಾರಣವಾಚೇಂಗಿ, ಅದ್‍ನ ಬಲ್‍ಚಿತ್ ಕನ್‍ಚಿರ್. ನೀಡ ಪೂರ್ತಿ ತಡೀನ ನರಕತ್‍ಲ್ ತಳ್ಳ್‌ವಕಿಂಜ, ನೀಡ ತಡೀರ ಒರ್ ಬಾಗ ಇಲ್ಲತಿಪ್ಪದ್ ನಲ್ಲದ್.

ಮತ್ತಾಯ 5:30

ನೀಡ ಬಲ್‌ತೆ ಕೈ ಪಾಪ ಮಾಡ್‌ವಕ್ ಕಾರಣವಾಚೇಂಗಿ, ಅದ್‍ನ ಕೆತ್ತಿತ್ ಆ ಕೈಯಿನ ಚಾಡಿರ್. ನೀಡ ಪೂರ್ತಿ ತಡೀನ ನರಕತ್‍ಲ್ ತಳ್ಳ್‌ವಕಿಂಜ, ನೀಡ ತಡೀರ ಒರ್ ಬಾಗ ಇಲ್ಲತಿಪ್ಪದ್ ನಲ್ಲದ್.

ಮಾರ್ಕ 9:42

ನಾಡ ಮೇಲೆ ನಂಬಿಕೆಯುಳ್ಳ ಈ ಚೆರಿಯಯಿಂಗಳ ದಾರ್ ನಾಡ ಮೇಲೆ ನಂಬಿಕೆ ಇಲ್ಲತ್ತನೆಕೆ ಮಾಡ್‌ವ, ಅಯಿಂಗಡ ಬೋಳೆಕ್ ಬಲ್ಯೊರ್ ಬೀಜುವ ಕಲ್ಲ್‌ನ ಕೆಟ್ಟಿತ್ ಸಮುದ್ರತ್‍ಲ್ ಚಾಡ್‌ಚೇಂಗಿ ಅಂವೊಂಗ್ ನಲ್ಲದ್.

ಮಾರ್ಕ 9:43

ಅನ್ನನೆ ನಿಂಗಡ ಕೈ ಪಾಪ ಮಾಡ್‌ವಕ್ ಕಾರಣವಾಚೇಂಗಿ ಆ ಕೈಯಿನ ಕೆತ್ತಿತ್ ಚಾಡಿರ್. ದಂಡ್ ಕೈಯಿನ ಬೆಚ್ಚಂಡ್ ಎಕ್ಕಾಲು ಕೆಡತ ತಿತ್ತ್ ಇಪ್ಪ ನರಕಕ್ ಪೋಪಗಿಂಜ ಒರ್ ಕೈ ಉಳ್ಳಂವೊನಾಯಿತ್ ಪರಲೋಕಕ್ ಪೋಪದ್ ನಲ್ಲದ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:2

ನಾಡ ಮೇಲೆ ನಂಬಿಕೆಯುಳ್ಳ ಈ ಚೆರಿಯಯಿಂಗಳ ದಾರ್ ನಾಡ ಮೇಲೆ ನಂಬಿಕೆ ಇಲ್ಲತ್ತನೆಕೆ ಮಾಡ್‌ವ, ಅಯಿಂಗಡ ಬೋಳೆಕ್ ಬಲ್ಯೊರ್ ಬೀಜುವ ಕಲ್ಲ್‌ನ ಕೆಟ್ಟಿತ್ ಸಮುದ್ರತ್‍ಲ್ ಚಾಡ್‌ಚೇಂಗಿ ಅಂವೊಂಗ್ ನಲ್ಲದ್.

ಯೋಹಾನ 6:61

ತಾಂಡ ಶಿಷ್ಯಂಗ ಈ ವಿಷಯತ್‍ಲ್ ಗೊಣಗಿಯಂಡುಂಡ್‍ೕಂದ್ ಯೇಸುಕ್ ಗೊತ್ತಾಯಿತ್, ಅಯಿಂಗಳ ನೋಟಿತ್: ಇದ್ ನಿಂಗಳ ನೊಂಬಲ ಮಾಡಿಯಂಡುಂಡಾಂದ್ ಕ್‍ೕಟತ್.

ರೋಮ್ 14:21

ಯರ್ಚಿ ತಿಂಬದು, ಕುಡಿಪದು, ಬೋರೆ ಎಂತಾಚು ಮಾಡ್‌ವದು, ಯೇಸುನ ನಂಬ್‍ನಯಿಂಗ ಪಾಪತ್‍ಲ್ ಬುದ್ದ್ ಪೂಪನೆಕೆ ಬಟ್ಟೆ ಕೊಡ್‍ತತೇಂಗಿ, ಅದ್‍ಲ್ ಒರ್ ವಿಷಯತ್‍ನು ಮಾಡತೆ ಇಪ್ಪದ್ ನಲ್ಲದ್.

1 ಕೊರಿಂಥ 8:13

ಆನಗುಂಡ್, ಯೇಸುನ ನಂಬ್‍ನ ಅಣ್ಣತಮ್ಮಣಂಗ ಪಾಪ ಮಾಡ್‌ವಕ್ ನಾನ್ ಆಹಾರ ತಿಂಬದ್ ಕಾರಣವಾಯಿತ್ ಇಂಜತೇಂಗಿ, ಅಯಿಂಗ ಕ್ರಿಸ್ತಂಡ ಮೇಲೆ ನಂಬಿಕೆ ಇಡ್‌ವಕ್ ನಾನ್ ತಡೆಯಾಯಿತ್ ಇಕ್ಕತನೆಕೆ ನಾನ್ ಎಕ್ಕಾಲು ಯರ್ಚಿ ತಿಂಬದೇ ಇಲ್ಲೆ.

1 ಕೊರಿಂಥ 8:9

ನಿಂಗಕ್ ಎಂತ ಬೋಂಡ್‍ಚೇಂಗಿಯು ತಿಂಬಕ್ ಕಯ್ಯೂಂದ್ ಉಳ್ಳ ಸ್ವಾತಂತ್ರ ದೇವ ತಂದಿತುಂಡ್. ಆಚೇಂಗಿ ಆ ಸ್ವಾತಂತ್ರ, ದೇವಡ ಮೇಲೆ ಉಳ್ಳ ನಂಬಿಕೇಲ್ ಬಲಹೀನವಾಯಿತುಳ್ಳಯಿಂಗ ಬೊಳಿಯುವಕ್ ತಡೆಯಾಯಿತ್ ಇಪ್ಪಕ್ಕಾಗ.

2 ಕೊರಿಂಥ 6:3

ಈ ಸೇವೇನ ದಾರೂ ಕುತ್ತ ಪರಿಯತನೆಕೆ, ನಂಗಡಗುಂಡ್ ಒಬ್ಬನು ಬೂವತನೆಕೆ ಎಲ್ಲಾ ವಿಷಯತ್‍ಲು ದೇವಡ ಸೇವಕಂಗಳಾಯಿತ್ ಬದ್‍ಕಿಯಂಡುಂಡ್.

2 ಕೊರಿಂಥ 8:9

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆ ನಿಂಗಕ್ ಗೊತ್ತುಂಡ್; ಅಂವೊ ಐಶ್ವರ್ಯವಂತಂವೊನಾಯಿತ್ ಇಂಜತೇಂಗಿಯು, ಅಂವೊಂಡ ಗರೀಬತನತ್‍ರಗುಂಡ್ ನಿಂಗ ಐಶ್ವರ್ಯವಂತಯಿಂಗಳಾಯಿತ್ ಆಪನೆಕೆ ಅಂವೊ ನಿಂಗಕಾಯಿತ್ ಗರೀಬನಾಚಿ.

1 ಥೆಸಲೊನೀಕ 5:22

ಕೆಟ್ಟದ್‍ನೆಲ್ಲಾ ಬುಟ್ಟಿತ್ ಪೋಯಿ.

ಯಾಕೋಬ 2:5

ನಾಡ ಪ್ರೀತಿರ ಅಣ್ಣತಮ್ಮಣಂಗಳೇ, ಕ್‍ೕಳಿ; ದೇವ ಈ ಲೋಕತ್‍ರ ಬಡವಂಗಳ, ನಂಬಿಕೇಲ್ ಐಶ್ವರ್ಯ ಉಳ್ಳಯಿಂಗಳಾಯಿತ್, ಅಂವೊನ ಪ್ರೀತಿ ಮಾಡ್‌ವಯಿಂಗಕ್ ಅಂವೊ ವಾಗ್ದಾನ ಮಾಡ್‍ನ ರಾಜ್ಯತ್‍ನ ಆಳುವಯಿಂಗಳಾಯಿತ್ ಗೊತ್ತ್ ಮಾಡಿತಲ್ಲ?