ಮತ್ತಾಯ 17:20 - ಕೊಡವ ಬೈಬಲ್

²⁰ ಅದ್ಂಗ್ ಯೇಸು: ನಿಂಗಕ್ ನಾಡ ಮೇಲೆ ಬೋಂಡಿಯಾನ ನಂಬಿಕೆ ಇಲ್ಲೆ; ನಿಂಗಕ್ ನಾಡ ಮೇಲೆ ಕಡು ಕುರುರಚ್ಚಕ್ ನಂಬಿಕೆ ಉಂಡೇಂಗಿ, ನಿಂಗ ಈ ಕುಂದ್‌ಕ್ ನೀನ್ ಇಲ್ಲಿಂಜ ಪೋಯಿತ್ ಅಲ್ಲಿ ಇರ್‍ೕಂದ್ ಎಣ್ಣ್‌ಚೇಂಗಿ ಆ ಕುಂದ್ ಅಲ್ಲಿಕ್ ಪೋಪ; ನಿಂಗಕ್ ಮಾಡ್‌ವಕ್ ಕಯ್ಯತದ್‍ೕಂದ್ ಒಂದು ಇಲ್ಲೇಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಮತ್ತಾಯ 17:20 ပူးပေါင်းရင်းမြစ်များ

ಮತ್ತಾಯ 13:31

ಯೇಸು ಇಂಞೊರ್ ಕಥೇರ ರೂಪತ್‍ನ ಎಣ್ಣ್‌ಚಿ. ಪರಲೋಕ ರಾಜ್ಯ ಒರ್ ಕಡು ಕುರುರನೆಕೆ. ಒರ್ ಮನುಷ್ಯ ಆ ಕಡು ಕುರುನ ತಾಂಡ ಬೇಲ್‌ಲ್ ಬಿತ್ತುವ.

ಮತ್ತಾಯ 14:29

ಯೇಸು ಬಾಂದ್ ಎಣ್ಣ್‌ಚಿ. ಅಕ್ಕ, ಪೇತ್ರ ಯೇಸುರ ಪಕ್ಕ ಪೋಪಕ್ ದೋಣಿಯಿಂಜ ಇಳಿಂಜಿತ್, ನೀರ್‌ರ ಮೇಲೆ ನಡ್ಂದತ್.

ಮತ್ತಾಯ 17:17

ಯೇಸು ಅಲ್ಲಿ ಕೂಡಿತ್ಂಜ ಜನಳ ನೋಟಿತ್: ನಂಬಿಕೆ ಇಲ್ಲತ ಮೋಸವಾನ ಸಂತಾನಕಾರಳೇ, ನಿಂಗಡ ಕೂಡೆ ಎಚ್ಚಕ್ ಕಾಲ ನಾನ್ ತಾಳ್ಮೆಯಾಯಿತ್ ಇಪ್ಪಕ್ ಕಯ್ಯು? ನೀಡ ಮೋಂವೊನ ಇಲ್ಲಿ ಕಾಕಿಯಂಡ್ ಬಾಂದ್ ಆ ಕ್‍ಣ್ಣಂಡ ಅಪ್ಪಂಗ್ ಎಣ್ಣ್‌ಚಿ.

ಮತ್ತಾಯ 17:19

ಯೇಸುರ ಶಿಷ್ಯಂಗ ಯೇಸುರ ಪಕ್ಕ ಗುಟ್ಟಾಯಿತ್ ಬಂದಿತ್: ನಂಗಕ್ ಎನ್ನಂಗ್ ಈ ಕೂಳಿನ ಬುಡ್‌ತ್‌ವಕ್ ಕಯಿಂಜಿತ್ತಿಲ್ಲೇಂದ್ ಕ್‍ೕಟತ್.

ಮತ್ತಾಯ 17:9

ಅಯಿಂಗ ಕುಂದಿಂಜ ಅಡಿಕ್ ಇಳ್ಂಜಿತ್ ಬಂದಂಡ್ ಇಪ್ಪಕ ಯೇಸು ಅಯಿಂಗಳ ನೋಟಿತ್: ಮನುಷ್ಯಕುಮಾರ ಚಾವ್‍ಯಿಂಜ ಪುನಃ ಜೀವವಾಯಿತ್ ಬಪ್ಪಕತ್ತನೆ ಅಯಿಂಗ ಕಂಡದ್‍ನ ದಾರ್‌ಕು ಎಣ್ಣ್‌ವಕ್ಕಾಗಾಂದ್ ಆಜ್ಞೆ ಕೊಡ್‍ತತ್.

ಮತ್ತಾಯ 21:21

ಅದ್ಂಗ್ ಯೇಸು: ನಾನ್ ನಿಂಗಕ್ ನೇರಾಯಿತ್ ಎಣ್ಣ್‌ವಿ, ನಿಂಗಕ್ ಅನುಮಾನ ಇಲ್ಲತ ನಂಬಿಕೆ ಉಂಡೇಂಗಿ, ನಾನ್ ಈ ಅತ್ತಿ ಮರಕ್ ಮಾಡ್‌ನಾನ ನಿಂಗಳು ಮಾಡ್‌ವಕ್ ಕಯ್ಯು. ಅಚ್ಚಕೇ ಅಲ್ಲ, ಈ ಕುಂದ್‌ಕ್ ಏಳ್, ನೀನ್ ಆ ಸಮುದ್ರಕ್ ಬುದ್ದ್‌ಪೋಂದ್ ಒರ್ ಅನುಮಾನುವು ಇಲ್ಲತೆ ನಂಬಿಕೇಲ್ ಎಣ್ಣ್‌ಚೇಂಗಿಯು, ಅನ್ನನೆ ಆಪ.

ಮತ್ತಾಯ 8:26

ಅದ್ಂಗ್ ಯೇಸು: ಅಲ್ಪ ನಂಬಿಕೆ ಉಳ್ಳಯಿಂಗಳೇ, ಎನ್ನಂಗ್ ನಿಂಗಕ್ ಅಚ್ಚಕ್ ಪೋಡಿ ಆಚೀಂದ್ ಕ್‍ೕಟಿತ್, ಏವಂಜಿ, ಗಾಳಿಕೂ ಅಲೆಕೂ ಮುಂಡತ್‌ಪ್ಪಕ್ ಆಜ್ಞೆ ಮಾಡ್‍ಚಿ. ಬಯ್ಯ ದುಂಬ ಶಾಂತವಾಚಿ.

ಮಾರ್ಕ 11:22

ಅದ್ಂಗ್ ಯೇಸು: ದೇವಡ ಮೇಲೆ ನಂಬಿಕೆ ಬೆಚ್ಚೊಳಿ,

ಮಾರ್ಕ 11:23

ದಾರಾಚೇಂಗಿಯು ಈ ಕುಂದ್‌ಕ್ ಏಳ್, ನೀನ್ ಆ ಸಮುದ್ರಕ್ ಬುದ್ದ್‌ಪೋಂದ್ ಎಣ್ಣಿತ್, ಅಂವೊಂಡ ಮನಸ್ಸ್‌ಲ್ ಅಂವೊ ಎಣ್ಣ್‌ನ ಪ್ರಕಾರ ನಡ್‌ಪಾಂದ್ ಅನುಮಾನ ಇಲ್ಲತೆ ನಂಬ್‍ಚೇಂಗಿ ಅದ್ ಅನ್ನನೆ ಆಪಾಂದ್ ನಾನ್ ನಿಂಗಕ್ ನೇರಾಯಿತು ಎಣ್ಣ್‌ವಿ.

ಮಾರ್ಕ 4:31

ಅದ್ ಕಡು ಕುರುರನೆಕೆ. ಅದ್ ಬೂಲೋಕತ್‍ಲ್ ಎಲ್ಲಾ ಕುರುಕಿಂಜ ಚೆರಿಯ ಕುರುವಾಯಿತುಂಡ್.

ಮಾರ್ಕ 9:23

ಯೇಸು ಅಂವೊಂಗ್: ನೀಕ್ ನಂಬಿಕೆ ಉಂಡೇಂಗಿ ಆಪ, ನಂಬಿಕೆ ಉಳ್ಳಂವೊಂಗ್ ಎಲ್ಲಾ ಆಪಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:37

ದೇವಕ್ ಮಾಡ್‌ವಕ್ ಕಯ್ಯತದ್‍ೕಂದ್, ಒಂದು ಇಲ್ಲೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:6

ಅದ್ಂಗ್ ಯೇಸು: ನಿಂಗಕ್ ನಾಡ ಮೇಲೆ ಕಡು ಕುರುರಚ್ಚಕ್ ನಂಬಿಕೆ ಉಂಡೇಂಗಿ, ಒರ್ ಅತ್ತಿ ಮರಕ್: ನೀನ್ ಬೇರೋಡೆ ಸಮುದ್ರಕ್ ಬೂಳ್‍ೕಂದ್ ಎಣ್ಣ್‌ಚೇಂಗಿ, ಆ ಮರ ನಿಂಗಡ ತಕ್ಕ್ ಕ್‍ೕಟಿತ್ ಬುದ್ದ್‌ಪೋಪಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:27

ಅದ್ಂಗ್ ಯೇಸು: ಇದ್ ಮನುಷ್ಯಂಗಕ್ ಕಯ್ಯುಲೆ ಆಚೇಂಗಿ ದೇವಕ್ ಇದ್ ಕಯ್ಯೂಂದ್ ಎಣ್ಣ್‌ಚಿ.

ಯೋಹಾನ 11:40

ಅಕ್ಕ ಯೇಸು ಅವಳ ನೋಟಿತ್: ನೀಕ್ ನಾಡ ಮೇಲೆ ನಂಬಿಕೆ ಇಂಜತೇಂಗಿ ದೇವಡ ಮಹಿಮೆನ ಕಾಂಬಿಯಾಂದ್ ನಾನ್ ನೀಕ್ ಎಣ್ಣಿತಿಲ್ಲೆಯಾಂದ್ ಎಣ್ಣ್‌ಚಿ.

1 ಕೊರಿಂಥ 12:9

ಬೋರೆ ಒಬ್ಬಂಗ್ ಅದೇ ಪವಿತ್ರಾತ್ಮನಗುಂಡ್ ದೇವಡ ದೃಡವಾನ ನಂಬಿಕೆ, ಇಂಞೊಬ್ಬಂಗ್ ಅದೇ ಪವಿತ್ರಾತ್ಮನಗುಂಡ್ ಕಾಯಿಲೆನೆ ವಾಸಿ ಮಾಡ್‌ವ ವರ,

1 ಕೊರಿಂಥ 13:2

ನಾನ್ ಪ್ರವಾದನೆ ಮಾಡ್‌ವ ವರತ್‍ನ ಪಡ್ಂದಂವೊನಾಯಿತ್, ಎಲ್ಲಾ ಗುಟ್ಟ್‌ನ ಪಿಂಞ ಬುದ್ದಿನ ಅರ್ಥಮಾಡ್‍ಂವೊನಾಯಿತ್ ಇಂಜತೇಂಗಿಯು, ಕುಂದ್‍ನ ತಳ್ಳ್‌ವಕುಳ್ಳ ಎಲ್ಲಾ ನಂಬಿಕೆ ಉಳ್ಳಂವೊನಾಯಿತ್ ಇಂಜತೇಂಗಿಯು, ನಾಕ್ ಪ್ರೀತಿ ಇಲ್ಲತೆಪೋಚೇಂಗಿ, ನಾನ್ ಒಂದು ಇಲ್ಲೆ.

ಇಬ್ರಿಯ 3:19

ಆನಗುಂಡ್, ಅಪನಂಬಿಕೇರಗುಂಡೇ ನಂಗಡ ಮುತ್ತಜ್ಜಂಗ ಆರಾಮ್‍ರ ಜಾಗತ್‍ನ ಎತ್ತ್‌ವಕ್ ಕಯ್ಯತೆ ಆಚೀಂದ್ ನಂಗಕ್ ಗೊತ್ತಾಯಂಡುಂಡ್.