ಮತ್ತಾಯ 17:2 - ಕೊಡವ ಬೈಬಲ್

² ಅಲ್ಲಿ ಅಯಿಂಗಡ ಮಿಂಞತ್‍ಲೇ, ಯೇಸುರ ರೂಪ ಬದ್‍ಲಾಚಿ; ಅಂವೊಂಡ ಮೂಡ್ ಸೂರ್ಯಂಡನೆಕೆ ಬೊಳಿಯುವಕ್ ಸುರ್ ಆಚಿ; ಅಂವೊಂಡ ಬಟ್ಟೆ ಬಲ್ಯ ಬೊಳಿರನೆಕೆ ಬೊಳ್‍ಂದಂಡಿಂಜತ್

ಮತ್ತಾಯ 17:2 ပူးပေါင်းရင်းမြစ်များ

ಮತ್ತಾಯ 17:1

ಆರ್ ದಿವಸ ಆನ ಪಿಂಞ, ಯೇಸು ತಾಂಡ ಶಿಷ್ಯಂಗಳಾನ ಪೇತ್ರ, ಯಾಕೋಬ ಪಿಂಞ ಅಂವೊಂಡ ತಮ್ಮಣನಾನ ಯೋಹಾನನ ಕಾಕಿಯಂಡ್ ಅಯಿಂಗ ಮಾತ್ರ ಇಪ್ಪಕಾಯಿತ್ ಒರ್ ಉದ್ದವಾನ ಕುಂದ್‌ರ ಕೊಡಿಕ್ ಪೋಚಿ.

ಮತ್ತಾಯ 17:3

ಅಚ್ಚಕ್ ಬೆರಿಯ ಮೋಶೆ ಪಿಂಞ ಎಲೀಯ ಯೇಸುರ ಕೂಡೆ ತಕ್ಕ್ ಪರಿಯುವಂಗಳಾಯಿತ್ ಅಯಿಂಗ ಕಂಡತ್

ಮತ್ತಾಯ 28:3

ಅಂವೊಂಡ ರೂಪ, ಮಿಂಚ್‍ರನೆಕೆಯು, ಅಂವೊಂಡ ಬಟ್ಟೆ ಮಂಜ್‍ರನೆಕೆಯು ಬೊಳ್‌ತಿತೆ ಇಂಜತ್.

ಮಾರ್ಕ 9:3

ಬೂಲೋಕತ್‍ಲ್ ಏದ್ ಮಡಿವಾಳಂಗೂ ಅಚ್ಚಕ್ ಬೊಳ್‌ತಿತೆ ಒಲಿಪಕ್ ಕಯ್ಯತಚ್ಚಕ್ ಯೇಸುರ ಬಟ್ಟೆ ಬೊಳ್‌ತಿತ್, ಮಿನ್ನ್‌ವಕ್ ಸುರ್ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:29

ಯೇಸು ಪ್ರಾರ್ಥನೆ ಮಾಡಿಯಂಡ್ ಇಪ್ಪಕ ಅಂವೊಂಡ ಮೂಡ್‌ರ ರೂಪ ಬದ್‍ಲಾಚಿ, ಅಂವೊ ಇಟ್ಟ ಬಟ್ಟೆ ಬೊಳ್‌ತಿತ್ ಮಿನ್ನುವಕ್ ಸುರು ಆಚಿ.

ಯೋಹಾನ 1:14

ಈ ತಕ್ಕಾಯಿತ್‌ಂಜಂವೊ ಮನುಷ್ಯಂಡ ರೂಪತ್‌ಲ್ ಬಂದಿತ್, ಕೃಪೆಯಿಂಜಲು, ಸತ್ಯತ್ಂಜಲು ದುಂಬ್‍ನಂವೊನಾಯಿತ್ ನಂಗಡ ಮದ್ಯತ್‍ಲ್ ವಾಸ ಮಾಡಿಯಂಡ್ ಇಂಜತ್. ಅಪ್ಪನಾನ ದೇವಡ ಒರೇ ಮೋಂವೊಂಡ ಮಹಿಮೇಕ್ ತಕ್ಕಂತ ಮಹಿಮೇರೆನೆಕೆ ನಂಗ ಅಂವೊಂಡ ಮಹಿಮೆನ ಕಂಡತ್.

ಯೋಹಾನ 17:24

ಅಪ್ಪಾ! ಲೋಕತ್‍ನ ಸೃಷ್ಟಿ ಮಾಡ್‌ವಕ್ ಮಿಂಞಲೇ ನೀನ್ ನಾಡಲ್ಲಿ ಪ್ರೀತಿಯಾಯಿತ್ ಇಂಜಗುಂಡ್, ನೀನ್ ನಾಕ್ ತಂದ ನಾಡ ಮಹಿಮೆನ, ನೀನ್ ನಾಕ್ ಕೊಡ್‍ತಯಿಂಗ ಕಾಂಬನೆಕೆ, ನಾನ್ ಎಲ್ಲಿ ಇಪ್ಪಿ, ಅಲ್ಲಿ ಅಯಿಂಗಳು ಇಪ್ಪಕ್ ನಾನ್ ಕುಶೀಲ್ ಉಳ್ಳ.

ರೋಮ್ 12:2

ಇಂಞು ಮಿಂಞಕ್ ಈ ಲೋಕತ್‍ರ ರೀತಿಕ್ ಒತ್ತಂಡ್ ಪೋಕತಿ. ನಲ್ಲದಾಯಿತು, ಯೋಗ್ಯವಾಯಿತು, ಪೂರ್ತಿಯಾಯಿತುಳ್ಳ ದೇವಡ ಚಿತ್ತ ಎಂತ್‍ೕಂದ್ ಗೊತ್ತಾಪಕಾಯಿತ್, ನಿಂಗಡ ಮನಸ್ಸ್‌ನ ಪುದಿಯದ್ ಮಾಡಿಯಂಡ್ ಬದ್‍ಲಾಯಂಡಿರಿ.

ಪ್ರಕಟನೆ 10:1

ಪಿಂಞ, ಇಂಞೊರ್ ಶಕ್ತಿವಂತ ದೇವದೂತ ಬಾನತ್ಂಜ ಇಳ್ಂಜಿ ಬಪ್ಪಾನ ನಾನ್ ಕಂಡಿಯೆ; ಮೋಡ ಅಂವೊನ ಮುಚ್ಚಿತ್ಂಜತ್. ಅಂವೊಂಡ ಮಂಡೆರ ಮೇಲೆ ಮಳೆಬಿಲ್ಲ್ ಇಂಜತ್. ಅಂವೊಂಡ ಮೂಡ್ ಸೂರ್ಯಂಡನೆಕೆ ಇಂಜತ್, ಅಂವೊಂಡ ಕಾಲ್ ತಿತ್ತ್‌ರ ಕಂಬತ್‍ರನೆಕೆ ಇಂಜತ್.

ಪ್ರಕಟನೆ 20:11

ಅಲ್ಲಿಂಜ, ನಾನ್ ಬೊಳ್‍ತ ಸಿಂಹಾಸನತ್‍ನ, ಅದ್ಂಡಮೇಲೆ ಅಳ್‌ತಿತ್ ಉಳ್ಳಂವೊನ ಕಂಡಿಯೆ; ಅಂವೊಂಡ ಸನ್ನಿದಾನತ್ಂಜ ಬೂಮಿಯು ಬಾನವು ಕಾಂಗತೆ ಆಯಿಪೋಚಿ. ಅದ್ ಇಂಜ ಜಾಗ ಸಹ ಇಲ್ಲತೆ ಆಚಿ.